|
رد : أخواني لدي مشكله مع زوجتي
في شخص يعزني ليس من أهل الزوجه من ازملاء في العمل
وعمره فوق 45 قال لي روح وحاول تحل المشكله مع زوجتك اهلها مالهم دخل فيها حاول تجلس معها لحالكم وتبتسم ولا تشوف في وجهك الغضب والعصبيه وتكلمها كلام حلو تهدي النفوس بينكم وهي تبي تشوف نفسها وتسوي ثقيله وانت لا تشيل في خاطرك قول لها والله البيت ماله داعي بدونك وانا الفترى الطويله ماشوف الفرحه الا بك والله ومدري كيف انا صابر وتحمل علشانك ولا حب اتصل عشان اشوف غالي عندك ومن هذا الكلام الحلو وانتي الحين ايش الا مو عاجبك فيه ان شاء الله الامور تنحل بينا ومايحتاج ازعل هذا كله ترى انتي غاليه عندي ولا مو عارف معزتك ... الخ ويقول جيب معك هديه عشان تهدي النفوس وتصير بينكم المحبه موجوده حتى لو عطر وذا قالت 1 / 2 / 3 / 4 انت بس قول طيب طيب ولا تقول لا لا لا انتبه عشان تكسب قلبها وترجع وبعدين انتبه بعد ماترجع لا تخلي المشاكل بينكم تزيد ولا تشد الا عند اخطاء وبعد الامر ماتحتاج شد وتعصب لا طريقه بيسطه تفهم الخطاء وذا قالت طلقني لا تعصب منها وتقول مدري ايش ...الخ انتبه قول لها ما فيه مشكله مالها حل وراح تشوف الامر ان شاء الله من صالحك يعني اكسب قلب زوجتك ايش رايكم في هذا الكلام والله اني متحير في فكري لاحول ولاقوة الابالله وحسبي الله ونعم الوكيل |
رد : أخواني لدي مشكله مع زوجتي
كلامه صح انت ابدى بالزىينه واذا مانفع الجا لحل ثانيﻻ
|
رد : أخواني لدي مشكله مع زوجتي
مب جنه رمسته نفس رمستي تقريبا يعني
كلامه صحيح.... كل شي بالتفاهم يصير و بالعناد ما تنحل الامور.... و ممنووووع تروح الزوجه زعلانه لبيت اهلها لان وقتها شياطين الجن و الانس يلعبون لعبتهم في الزوج و الزوجه... كلامه صحييييح مليوووووون في الميه |
رد : أخواني لدي مشكله مع زوجتي
اخوي نصيحه صاحبك تنفع مع اللي عايشتها وعاشرتك واخطيت بقلبها لكن هذي معنده بالمره وشايفه نفسها عليك!!!
والله ماودي احلف لاشفتك تخضع باسلوبك الذي نصحت به من قبل الرجل بتدوس عليك اكثر الثقل زين وانا اختك والاسلوب الرسمي معه افضل وبعيد عن التهديد وكلمه اعطها هديه اصلا ع ايش اصلا لعطيتها هديه ع كل اتهاماتها وحكيها يعني يتبادر الى الذهن انها صح وفعلها كذالك صح وتكافئها وتتلاعب باعصابك انت عارف وش تبي بدون هالمقدمات اللي هي تقفلت ضوء الغرفه !!!وعنادها لك بامور تخص الدين من لبس !!! وعدم حسن تبعلها ف طبخ وغيره!!! ياخوي هي مغتره شوي بصغر السن وان اللي اوجدك اوجد غيرك او كنت انت ضعيف شخصيه ومعطيها امور تعتبر نقطه ضعف مثلا هناك من يقول لزوجته الديون محاصرتني من الجهتين فتحاول تضرب عليه من هالجهه وتكلف عليه بلا داعي او تدور عليه المشاكل حتى يطفش او تدخله باتهامات حتي يطلقها وهو خسران وهي ماخذه مقلب بنفسها بتتزوج ثاني مره وامها اكبر مثال لها الشي يعني مو شي صعب وهي ماحطت ببالها يمكن الله يعطيها رجل لكن لن يكون بتلك المواصفات اللي تملكها لو انت زوج لااحد الفتيات ان تضعك ع كفوف الراحه انت وهي تنقصكم الخبره والقراءه الثقافيه بكيفيه التعامل مع الطرفين مشكلتك يااخوي تفقد كثير لاطلاع ع عالم الانثى ومشكلتك اكبر مشاورتك اي شخص وفق احكام ام كبر سن الطرف الاخر او صديق او غيره يعني موضوع الكريم لو انك ماخذ استشاره طبيب وغير كذا لو انك وقفتها عند حدها من البدايه لكانت افضل والشي اللي مافيه توافق بينكم هو انها ماتحفظ سرك وتعرف انها نقطه ضعفك وهذا مافعلته عندما كشفت اسرارك رغم انه شريكت حياه وهل يااخوي الرجال بعايلتها كاملين !!مافيهم عيوب ممكن اشد منك!!! اخوي نصيحه اختك لا تكسر نفسك اكثر اتركها ببيت اهلها الين تدري وش قدرها واختفي بالمكالمات وغيره لمده شهر وخلالها حاول تقرء وتتثقف اكثر بالحياه الزوجيه بالاضافه لااستغفار والدعاء والاستخاره والصدقه وادع ربك والح ..............ولاتحكم ع عمر 45 سنه اللي شاورته صح راييه لو كان صاحب الراي سديد لربما مع غير زوجك وهذا عايش ع زمن اول المراءه اللي لو قلت يافلان مشينا قالت ان شاء الله مو جيل الجديد بدون تعميم لو قلتها قالت بشاور امي او ابوي او علت صوتها وتبلت عليك احيانا تشك هل لك حق او لا !!!! الاهم لا تمسك ضدك ولا تثبت موضوع يكون سبب للخلع يعني مهما كان قوه الموقف لا تخضع لوسوسه الشيطان والانس اخوي حدد لنا المشكله الاساسيه هي ترغب بطريقه ارجاعها الان او ترغب ان نوجهك هل تصرفها صحيح او ترغب بابدء اراءنا كيف تسير حياتك ؟؟؟؟ بالاضافه عندك هالاخ اللي ادعي له بتفريج همه كان واضع مشكلته قبل 4 سنوات والى الان لم يجد لها حل نظرا الطيبه وهذا وجدناه متلامس فيك http://www.66n.com/forums/showthread...=239107http:// رايي بنصيحه صاحبك لن اوافقها اطلاقا انت بس اللي اطلبه منك وش مميزاتها وش سلبياتها وانت كذالك لا تتلون قدامنا وترجح كفه شي ع شي كل اللي نبيه منك جاوبني قبل تخطو خطوه الزياره موفق وننتظر تجاوبك |
رد : أخواني لدي مشكله مع زوجتي
اقتباس:
ماشاء الله عليك والله لايحرمك الاجر يـارب راح افيدكم بكل ماحصل وان شاء الله يوكن هناك تواصل بكل شيء لكي تحل الامور بعد هذا الرد الطويل وحسن الرد المقنع ولاهان الجميع الله لايحرمكم الاجـر يـارب ________________ بصراحه انا في أول زوجنا تقريبن كان هناك قصور ولكن مع احترامها لي لا زلت امزح واحاول الضحكها معي في البدايه كانت تضحك وبعدها قالت لي لاتمزح معي وبعدها حصل في أكثر الامور قصور لدرجه اني قلت لها انتي الحين مو خايفه اني افكر أو اتزوج عليك والله ابي احسسها ان هناك مسوؤليه وابيها تهتم في الحياة الزوجيه لانها مررررررره مقصر فيهاا والله ثم والله ثم والله ان تقريبآ بعد 3 شهر لا سمعت كلام حلو ولا شيء وانا لحد الان وانا دئمآ معها بكلام الحلو وكم مره أقول حياتي مافي كلام حلو معي . لدرجه كان ودي اسمع يوم من الايام منها كلام حلو عشان احس بحياه الزوجيه وانها لحد الان تحبني وقالت ماراح اقول شيء مارح اقول اني احبك لاني معطيها كلام حلو دئمآ ولاني مو مقصر ويوم قصرت معها تسوي ثقيله حتى والله يوم اكون زعلان سمعها اسم الدلع / وحياتي انتبه / عمري انتي اشبك اليوم من هذا الكلام اااااااااهاااااااااااااااااااااا بس بعدها يوم اقول اي شيء تشوف نفسها على يوم اجلس عندها ماتحب اجلس أبدآ معها مثل اضمها اعطيها بوسه امسك يديها تقول انت اشبك مضيق المكان عليك ماحب كذا يوم تعرف ان في وقت الجماع ترفض والا تبي تريها يمشي مافيه ونت كل يوم كذا انا ماحب يوم كذا وبأختصار ماحب الجماع أبـــد اكره ماعندي هذا الشيء وبعدها اجامع يوم اجامع ماتحب اطول معها وكانت تقول لي تزوج والله اني راح وخطب لك أقولها أكيد من القهر وتفاجه تقول ايه أكيـــد بس فكني من الجماع واكره شيء عندي الجماع في الزواج . امر الزواج وصلته انا عند امها عشان تنصح بنتها لكي تحافظ على البيت وزوجها مو عشات تخبر ويوم وصل الخبر وتاكد انه موصل البنت تعدلت يومين كانت مررررره ممتازه قلت الحمد الله انها عقلت وبعد اليومين رجعت اخص من اول بكثير وامها زعلت مني كلامتها قالت ليش انت تبي تتزوج قلت لها البنت انتي عارفه التقصير الي منها وانا بصراحه صبرت ولحد هنا خلاااااااص مالراح تعقل الحين لي أكثر من 5اشهر لا تعدلت ولا شيء وانا اعطيكي الاخبار من أول شهر وهذا مانفع معها اي شيء البنت تعبتني وتعبتك وانتي امها ابي الام تقول لي لا ان شاء الله تعقل وانا كلامتها لكن تعرف اني في عقلي الزواج وان الرجل مارح يفكر الى وهو شايف تقصر من زوجته هذا الامور قبل المشكله الاولى وبعدها رجعت وكل شيء في زوجتي صار العكس والان المشكله الثانيه عند اهلها لحد يقول المشكله الاساس الزواج لان امها كانت تقول اصبر عليها اصبر عليها وانا طيب ولا يهمك راح اصبر اني وربي اني احبها وبعد المشكله الاولي قلت لامها اني خبر زواجي عشان تخاف وتتعدل معي والان المشكله الثانيه ماصار شيء الان البنت لفرت راس امها بكذب في كل شيء حتى لو الشيء بيسط لا تكبره على طول بدون تفكر الا تفكر دمار بيتها |
رد : أخواني لدي مشكله مع زوجتي
أخي الكريم
كل هذا صار بسبع شهور !!!وين الصبر من جانبك و جانبها ما أمداكم تحكموا على بعض وزوجتك في بدء الموضوع ظهر لي أنها متهورة متسرعة ,,,و تحب تجمع الكل ليكون بصفها حتى لو على حساب فضح أسراركما و في الرد أعلاه أخي الكريم أرجو منك بصدق توضح ما هو القصور الذي كان منك وما هو المزح الذي لم يعجبها؟؟ لنقدر ردة فعلها ,,,وماهي الأمور الأساسية التي هي فيها مخطئة تماما وهل يتطلب منك الوضع استخدام الصرامة أو اللين ,,في الصلح.. أخي الكريم كره الزوجة للجماع يعني أنها ل تستلذ به,,أنا أسفة لهذه الصراحة و لكن قد قرأت عن حالات كثر .يتطلب الموضوع وقتا أطول و تصالح بين الزوجين ليصلا لمرحلة كليهما يكونا فيها راضيين,, |
رد : أخواني لدي مشكله مع زوجتي
اقتباس:
هلابك يالغالي والله المزح انه بسيط مايحتاج انها تقول مابيك تمزح معي مثلآ ابي اروح عند اهلي طيب ليش اهلك يجو عندنا قول انا ابي اروح طيب خلاص امزح معك انتي ماينمزح معك دبااا خخخخ بلاه هذا مزح وهل يزعل ولا يعصب ويوم قالت لي ماحب المزح على طول وقفت المزح قلت لا يجي يوم ونا امزح اقول كلام وتزعل وتشيل بخاطرها مني وبعدها لا مزح ولا شيء مثلآ اخر جوالك كيف ممتاز تقول امممم يعني وقول اشبك تفكري اممممممممممممممممممممم خخخخ هل هذا المزح أو اضحك يزعل انا معك اذا كثرت منه لكن لا مزح ولا شيء الان ورتحت وريحت بااالي |
رد : أخواني لدي مشكله مع زوجتي
نعم مزحك لا شيء فيه بصراحة
ولماذا توصفه بالقصور منك!!! الله يهديها لك و تلقى مخرج مرضي للصلح |
رد : أخواني لدي مشكله مع زوجتي
اقتباس:
جزاك الله خير وبارك الله فيك يالغالي 1 / الكلام الحلو لا يوجد من 3 شهر من زواجان هل هذا يعقل 2 / الجماع لايوجد الا بدون نفس والنور طفي وكلام بعد الاحيان يسد النفس في الجماع مثال ايش تبي الحين/ وايش مني / وانت ايش جايبك / مو اليوم جاي والحين بعد 3 / انا صغيرهـ وكل واحد يتمناني اذا انا شديد شوي امسك نفس ولا اقول اعوذ بالله من الشيطان الرجيم 4 / الطبخ بكل اختصار المفروض تعرف لو الشيء البسيط ولازم انا اتكلم وين العشاء حياتي لو ماتكلمت تقول ليش انت ماتكلمت ذا انت تبي عشاء حتى لو المح ماينفع أبـــــد لازم اتكلم ولازم ارفع الصوت بعد عشان تسمع لان بعض الايام تقول ماسمعت سبحان الله 5 / العناد 6 / تشوف نفسها دئمآ هي الصح وانا الغلط يوم اعدي اي شيء ولا ادقق فيه 7 / تهتم بنفسها ولا مهما زوجها في يوم كنا في السوق ولا كان عندي المبلغ الكافي واحنا في السوق خفت تكثر ولا اقدر اطلع ملابسي من الخياط حقت العيد المهم يوم شفتها راحت تغضي والمبلغ نقص قلت خلني اكلامنها عشان تنتبه ويوم قلت حياتي ترى والله بعدين ماقدر اطلع ملابس الا عند الخياط تفاجاة تقول عادي وانا ايش دخلني مانا مزمان ماشلت شيء يعني ماهمها الا نفسها وانا عادي أو اخر شيء تفكر فيه مع اني موديها السوق بدون مناسبه ماخذه براحتها قلت لها خلاص قال ايه الحين من زمان ماخذات شيء الله يصلحها بس 8 / اسرار البيت عند اهلها يوم بيوم ماشاء ماتخلي شيء . في ايش كثير ان شاء الله يكون هذا كافي بانتظر اهل الخبره والله يكتب الصلاح |
رد : أخواني لدي مشكله مع زوجتي
الحمدلله الله يكون بعونك اول مره اشوف وحده متزوجة كذا ولا بالعاده الحريم ركض وراء ارجالهم والعشا وكل شي منفذ ولا يتكلم مافي شي يكتمل في هالحياه
|
| الساعة الآن 11:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©