|
رد : خطيبي مو حلو !
^
يعطيكم العافية يارب .. لكني أرجع و أقول هو مش قبيح ولا دميم الخلقة..بس أقل من عادي مقارنة مع إخواني و أبوي و الرجال بعايلتنا و ممكن بنت ثانية ما تفكر كثير في الموضوع .. بالنسبة لطوله انا مو طويلة أصلا يعني يمكن هو طولي أو أطول بشوي و بعدين ما تحسين له هيبة و هو نحيف بعد يعني أشكالنا بتطلع كأننا بزارين : ( الشوفة الشرعية لما أدخل عند حريم استحي كيف هذا أول رجال غريب يشوفني كيف أطالعه و أتكلم معاه؟ بعد هو مرة محافظ يعني لو تكلمت معاه وش بتكون فكرته عني؟ أنا استخرت و أملي بالله كبير .. أخوي الصغير يقول ما عندي مانع أروح اجلس بسيارتي ولا جاء للمسجد صورته لك فيديو وش رايكم؟ أحس لو شفته بأحسم أمري .. بس أخاف يشوف الرجال الكاميرا عاد أخوي هذا فضيحة والله إن يجلدنا أبوي :p |
رد : خطيبي مو حلو !
اختي زبدة كلام الاخوه الاعضاء
انك ماتقبلين الا بعد اقتناع وهذي اهم نقطه القناعه تاتي بعد تامل شكله فاما ان ترفضيه او توافقين فيه عدة طرق منها ان احد اخوانك يطلبه صوره او يصوره مافيها شي بنات كثير يسوونها او تاخذونها من امه او اخوك يصوره وماراح يدري ابوك |
رد : خطيبي مو حلو !
اقتباس:
بالعكس خليه يصوره لك أيش فيها:d أهم شيء الأستخاره وبالتوفيق أن شاء الله |
رد : خطيبي مو حلو !
استخيري مره ومرتين وعشر
واذا ماحسيتي بإرتياح لاتوافقين والله يكتب اللي فيه الخير |
رد : خطيبي مو حلو !
شوفي خليني اقولك شي وانتي احكمي
انا دايما اقول انا ابغى اتزوج شخص مو لازم يكون وسيم وحلو بس اهم شي يكون احلى واحد في العالم بعيني انا حتى لو ما عجب الناس ( اتكلم شكليا ) والكل انتقدني وقالي الله يكفيكي شر نفسك ما حتلاقي الي تبغي لانهم سالوني عن مقياس القبول والجمال عندي ما كان ماعندي مقياس احكم في قبل الزواج غير مواصفات تبين مع الوقت والاغلب قالي حتحبي وتشوفي احلى واحد بعد الملكة مع العشرة والتعود حتنكشف الشخصيات وهنا حتبدا القصة وانا اقتنعت يعني عادي اتزوج واحد مقبول شكليا ومع الوقت صدقيني حتشوفي احلى واحد بس اذا ما كتني مقتنعة بعد الاستخارة لا توافقي و صدقيني ترى ناس كتييير اعرفعم ازواجهم عادين واقل من عادين بس اخلاقهم ما شاء الله تبارك الله ورجال ينحطوا على الجرح يبرى وبالتوفيق اختي |
رد : خطيبي مو حلو !
انا متزوجة واقولك بيأثر
يابشر لمتى المثالية ترى هي بني ادم لحم ودم واحساس ياحلوتي ببساطة هذا رجال بتمردغين بحضنة , وتوقعي كل شيء منه هل انتي متقبله هالاشياء من شخص بهالملامح , فكري وركزي وتخيلي ههههه ـــــ<< تنصح من قلب الشيء الثاني احتمال كثير عيالك يصيرون عليه ويالله عاد حليها اذا صاروا بنات هههه الله يوفقك لما فيه الخير |
رد : خطيبي مو حلو !
لا تسمعي لكلام احد من اهلك ولا من الناس ... كنت مثلك مو عاجبني واخذته لانه مو مهم الشكل والمهم الاخلاق ... ما انكر طيب القلب جدا ورائع جدا ... لكن تبقى في القلب حسرة .... افعلي ما يريح قلبك .......... قلبك فقط .... امك اختك جارتك رفيقتك كلهم ما الهم دخل .... انتي انتي فقط من سيغلق عليكي باب معه ... عندما يغلق الباب انتي وهوه فقط معا .... اهلك واهله وصديقاتك والناس هنا بالمنتدى كلهم بحياتهم مشغولين وستبقين انتي فقط ..... اتمنى فهمتي قصدي ... لا تغلطي غلطتي ... لا تتزوجي الا وفرحتك فرحه كامله .............. وإلا بلاها من زيجه .........
|
رد : خطيبي مو حلو !
انا استعجب صراحة من البعض !!
لو كان رجال الا كتب موضوع وقال في الشوفه الشرعيه البنت ماعجبني شكلها الكل يقوله اتركها وربي يعوضك وهذي عشرة عمر ولازم تكون حلوه واساسا اغلب الشباب لا يرضون بقليلة الجمال ,, اما لما جات بنت سألت تقولولها بيصير حلو في عيونك واهم شي الاخلاق وحب الوطن !! لا يا أختي انتي مو مضطره تستحملي من حقك تعيشي مع واحد مملوح او ع الأقـل فيه صفه واحده من اللي انتي تفضليها مثلا لو كان أسمر ولكن فيه طول وجسم رجولي ماعندك مشكله او لو كان وسيم الملامح ضئيل الجسم كمان توافقي عليه ,, يعني ممكن تتغاضي عن بعض الأشياء لكن مو كل شي !! لكن إنتي ماشاء الله مو ناقصك شي من حقك ترتبطي في واحد متوســط ( مو شرط وسيم ) خلي اهله يرسلولكم صورته هذا من حقك وبعدها أستخيري وقرري ,, وربي يوفقك ان شا الله |
رد : خطيبي مو حلو !
بصراحة أنا كنت مثلك ما أتنازل عن الوسامة في الشكل
لكن عاد وش نسوي أنا مطلقة و طليقي كان وسيم احلى مني تصدقين مرات كانو البنات يغازلونه بالمولات .. بس شوفي الوسامة ردت شي ..؟؟ أبدا ما حركت ساكن و ما بقت له معزة .. المختصر يا وخيتي الشكل مهم لكن فيه اهم منه .. التعامل و طيبة القلب هاذي ما تنوزن يا شيخة شوفيه يمكن ترتاحين له اذكر وحدة من صديقاتي زوجها اول ما شفته حمدت ربي على العافية مرة مرة مو مقبول لكن شوفيها كيف ميتة على دباديبه لا و تقول لي صح انه اسمر بس رسومه حلوة .. قلت بختك به بس هذا لا قالو لك القرد بعين امه :) الله ييسر لك يا نورا و يتمم أمورك ع خير يارب* |
رد : خطيبي مو حلو !
مثل مآ الشآب يحط من ضمن شروطه آن البنتَ تكون جميله
يحق للبنتَ آنهآ تشرط القبولَ فـ الشكل بالنسبة لـ الشآب =) بس الى آلان مجتمعنآ مآوصل آنه ينظر لـ هالشي بالنسبة للبنت آنه من حقهآ:( ويشوف آنه لـ الشآب آكثر .. بصرآحه آكثر < من نآحية الشكل : يعني لو البنت رفضتَ هـ الولد لآنه مآجآز لهآ يآعيبآه ! والولد لو رفض هـ البنت لآنهآ مآجآزت له مسيكين ويحق له يرتبط بوحده مزيونه َ! يعني مثل مآ للولد حق يصبّح بوجه مثل القمر .. يحق للبنت تصبّح بخشه مقبوله عَ آلآقل:25: |
| الساعة الآن 01:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©