|
بصراحه الموضوع مايسوى انك تزعل منه وتتضايق
الحريم يحبووون الكلمة الحلوووه الله يهديك روح راضيها توكم على الزعل بالتوفيق |
المشكلات ملح الحيـــآ’ة ^_^
|
اقتباس:
الهرجه هذي صارت قبل يومين . ما فتحت الموضوع الى البارح اتصلت وقالت شلون اختك تشوف الرسائل وا وا انا والله ما تكلمت سكت الين خلصت وبعدها قلت لها المعذره وحقك علي الخ... وقلت لها هذي اختي وعادي شوي هي قالت باي !! قلت باي ونا قللت المكالمات والزياراه احسن لي ولها الزواج مطول شوي اخوي فـ/ كذا احسن :22: وارسلت لها هالمسج انه اختي عادي يفداها التلفون بالي فيه يعني مافيها شي ياخوي بالنهيايه هذي اختي وكلها رسائل ببي يعني رسائل الببي معروفه وش بتكون ياخوي . انا عندي جوال ثاني مليان رسائل منها مستحيل احد ياخذه لاكن الببي عادي ياخوي مافيه رسائل صح كلام وغزل لاكن انا ماخذها بالحلال يعني الكل يدري اني احبها . انا مابي منها اعتذار بس ابيها تحس بقيمتي شوي وهي بجد طبعها بااارد لدرجه ما تتوقعها |
اقتباس:
والله اني اعطيها كلام على اللببي يلين الحديد وقسم مدح واعتذار الخ... وبعدها سكرة الببي يسلمو على المرور |
اقتباس:
يسلمو على المرور هي ملح الحياه بس توتر بعد الاوقات هه |
طمنا هل من جديد ؟؟؟؟
|
يا أخي انصحك ان تكون ذا هيبة
فلا تدع بنت ال18 تنتقص من هيبتك فلو انتقصت قبل الزواج ستذهب كلها بعده . رعاك الله ياأخي وحفظك واعلى همتك لكن انصحك مهما كبُر حبك للفتاة فلا تشعرها بذلك الا شيئا قليلا حتى لا تشعر بضعفك فتشربك كاسا من العلقم . انا لا اقول لك كن جاهلا في حقها لا بل العكس كن لها عمودا تتكئ عليه لكن هناك دائما حدود و لن تتجاوزيها انت ولا غيرك أرها من الرجل ومن بيده العصمة التي اعطاه اياها الله في القرآن . أخي انا هنا لن ارضى ان تغلق في وجهك الهاتف انصحك ان لا تعتذر منها لغير خطأ لأنها ستقول هذا الرجل يفضلني على امه و اخواته وعندها تقع الكارثة. فتح الله عليك واصلح لك اهلك وجمع بينكما في الخير. |
عدنا لكم من جديد ^_^ شكرن كل من مر من هنا
ابشركم الموضوع خير ان شالله ,,, قبل 3 ايام اتصلت امها على جوالي وقالت لي ابيك بموضوع . قلت لها تفضلي امها انسانه متفاهمه جدا جدا ماشالله عليها المهم كلمة امها وقالت لي شوف انا اكلمك من دون ما تدري فلانه.. الي هي زوجتي . قلت لها امري عسى خير ,,..؟؟ هذا الكلام العصر الساعه 5 ونص .. قالت البارح بالليل دخلت غرفة زوجتك لقيتها تبكي !! ودموعها على خدودها .. قلت لها افا ما يهون علي .. ليش وش صاير ؟؟ قالت تقول انك انت زعلان منها وا وا وا انا عندها عرفت انه البنت ندمانه وقتها ... قلت لي امها لا عادي الموضوع ما يستاهل وهذا شي بسيط والمشاكل ملح الحياه ومن ها الكلام .. وعاد امها نفختني جيت بنفجر مدحت فيني لين وجي صار لونه احمر وازرق واخضر وقالت لي انه البنت لسى ما تفهم ومراهقه والكلمه الطيبه تجيب راسها .. المهم .. انا ارسلت للبنت رساله وكتبت فيها زوجتي العزيزه انا ما تهون دموعك علي انها تنزل .. الموضوع بسيط وحصل خير وان شالله ما عد يتكرر وانتي غلاك عندي وعارفين عاد كلام ابو ريالين ههه البنت انبسطت وربي حتى اتصلت علي وكلمتني وهي مبين عليها انها كانت تبكي .. واليوم الثاني .. امها طلبت مني ان اجي بيتهم تريدني بموضوع .. جيت عندهم وكانت المدام في استقبالي . وقالت خذ زوجتك وادخلو داخل واتفاهمو .. المهم الحمد لله المياره جعت لمجاريها ان شالله والبلاك بيري انا قررة اني ابيعه وبعته والحمد لله ... لي انه بصراحه ما يجيب غير المشاكل , والملل من بعض يقلل الشوق ,,, وبعت البلاك بيري ولحين الامور ماشيه .. هل ترون ما صار في حديثي معها جميل ؟؟ ام لا ودي واحترامي لكم جميعا وشكرا لكل من وقف معي ونبهني |
هههههههه
واضح اخي الكريم انه امها رزينه يعني يابتك تراضي بنتها ولاكلفت على بنتها تقولها راضي زووجج مااقول غير الله يرحمج ياامايه ويرحم ايامج يالغاليه .. الله يوفجك على العموم ولو اني اجوف اللي صار موب مقنع لانك بعت بيبي مالك وهي الحبيبه مكيفه على البي بي يالله الله يوفجكم بحياتكم مااقدر ازيد |
روضة بو ظبي .... اوافقك الراي.
الله يوفقك أخوي لكن أهم شي وضحت لخطيبتك الشي اللي زعلك عشان تستفيد من الموقف . |
| الساعة الآن 09:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©