|
اللهم امين والله محتاج الدعوات لين الله يفرجها وهالاسبوع نشوف ويش بيصير يا اننا نبدا حياه جديده ي افكها وخلاص
|
بصراحة انا متعاطفه معاها جدا واحس ان الامر خارج ارادتها
|
اللي ماكلـف نفسه الا براي الطـلاق ..!!!
هذا اللي قدرت عليـه .. .. ياليت ترحمونا من ذا الردود .. .. أخوي صاحب الموضوع .. زوجتـك مافيه شي .. كل مافي الحكـايه طلـع رجولتـك وأحزم الأمـر .. .. بالنسبه لعدم تدبيرها للمنزل بشكل جيد.. تفاهم معاها ووضح لها عدم رضاك عن الوضع .. ان لم ينفع التفاهم .. خلك حـازم معها.. في بعض البنات تحتاج للحزم القوي عشان تمشي صـح .. .. |
اي والله
الزواج ميثاق غليض والطلاق ابغض الحلال وانا بجد متعاطفه معاها سعات تكون نفسيه وفي افكار سودا ومعلومات غلط في راسها تخليها تتصرف كذا ومتخيلة ان الألم فوق طاقتها وربي مرينا بظروف مماثله لها وبعدين تحسفنا طلعت معلومات غلط من كثر ما يهولون الناس بس النفسية كانت المانع الوحيد لأن الألم مسيطر عليها من حكاوي الناس و تهويلهم للأمور وفي النهاية طلعت سهله وكنا فاهمين غلط |
:* إذا كلامها صحيح وحيضها مستمر فأنتبه لاتظلمها يمكن فيها شيء غير طبيعي أما سبب مرضي وهذا يحدث عند بعض النساء يجيها نزيف ويستمر وينقطع ويرجع أو بسبب سحر أو مس ودها طبيبة نسائية وأدخل معها وأستمع لكلام الطبيبة وقول لها أن الحيض عندها شبه مستمر وقليل ينقطع وبكذا تقطع الشك باليقين بعد الكشف وأعرضها على شيخ يشوف وش فيها ويقرأ عليها والطلاق لايجي ببالك خله آخر الحلول نهائياً لأن الظلم ظلمات يوم القيامة وكثير بنات بسبب الإحراج والخوف يتمنعون وربما صغر سنها يلعب دور بجهلها أنت أعمل بالأسباب وبعدين أتخذ قراراك لأني شايفتك ما أوجدت الحلول بس صبرت وسكت تحرك معها وشوفو لو ضعكم علاج وحل وتعاونوا إذا فيه شيء صاير بينكم تحلونه وخلك جريء وأكسر حاجز الخوف عندها وعندك :* |
سوسو وعيوني تحكيني وسكون الليل وسيدة الموقف اشكركم على انكم هديتوني شوي
اقهرتني الدنيا والله انا تفكيري زي تفكيرك بس راح اكون معاها هالمره واظح وبشوف شنو بيصير وبكره راح اروح للدكتوره واشوف شنو يصير وبالنسبه للشيخ عندي ماء زمزم مقري عليه وانا دايم اشرب منه بس هي تتهاون الله يعين ويستر ان شاء الله وبكرا راح اكون ان شاء الله هنا وارد لكم شنو بيصير معاي لانو اصلا قالت لي هاليومين بتوقف الدورة مع اني ما اتوقع وشكرا للجميع عن جد انا اشكركم جميعا |
لا تلومها
صغيرونة البنت .. |
اعوذ بالله من بعض الردود ...
البنت بزر مزوجها ابوها وهي مو عافة السالفة .. و الله اني احزززززززن على البنات الي مثلها .. مو كل وحده فاهمة ... وانت بعد قليل خيرة وعلم .. الموضوع بسيييييط كله خوف و بس .. حتى امراضها كلها من الخوف .. ما فيه بنت بتسلم نفسها بسهولة لازم تتدخل لطيف منك و بعض المقدمات و شوية حيلة وينتهي الموضوع وين امها ؟! و لا يكون تقول سر خاص و ما تقوله لأمها مثل البعض .. وبعدين يبغالها سنين عشان تتعود على الحياة و البيت و الزوج ... مو بين ليلة وضحاها تبغى تقلبها بريموت كنترول .. |
أخوي المتفائل بالله ..
أنا لم أقصد الأسـاءه لك ولا لغيرك .. لكن كل مافي الموضوع صعب تشيـرون بالأنفصال قبل وضع أحتمالات تحل المشكلـه .. .. أخوي أبو عبدالله .. ضوروري بكـره تاخذها لأخصائية نساء وولادة وضـروري جـدا حضورك مع زوجتك عند الأخصائيه .. وأشرح لها كل شي .. .. يسـر الله أمركم .. |
اسمع يا أبا عبدالله: *اسأل الله أن يربط أن يفرّج همك.. ولا ألومك على ما تشعر به. *أريد منك أن تذهب الآن وتفعل الآتي: أ- تتوضأ وتصلي ركعتين. ب- تنادي زوجتك.. تجلس بجانبها.. تمسح على شعرها.. تُسمعها كلاماً ليّناً رقيقاً. ج-ثم تقول لها.. يا ابنة العم: لن يحصل إلا ما يُرضيك ويسرّك لكن أجيبي بصدق وأمانة وذمة.. هل بداخلك شيء؟ هل أنا جرحتك بشيء؟ هل هناك سبب لنفورك مني؟ هل ترغبين مثلاً أن نقوم بالفحص الطبي علينا؟ هل ترغبين أن نذهب لأخصائية نفسية معاً؟ هل ترغبين أن نبدأ برقية أنفسنا بالرقية الشرعية؟ د-ثم قل: أريد أن أسمع إجابتك الآن، ولا تخجلي مني أبداً. هـ-اسمع منها بإنصات شديد.. حلل إجاباتها بذكاء وفهم. و-إن رأيتَ الجواب مقنعاً ولديها أدلة إثباته فلا بأس.. ثم أخبرني. ز-إن رأيتَ أنّ إجاباتها غير مقنعة أبداً.. فقل لها بكل هدوء وحزم: يا زوجتي المصون.. أريد أن يأتي يوم الخميس علينا ونحن قد تزوجنا.. ثم انظر في وجهها وقل: أظن رسالتي وصلت، وهذا آخر ما لديّ من كلام.. ثم قم من عندها. ح-أرجوك عد هنا وأخبرني ماذا حصل بعد حوارك معها. ط- لا تقلق.. الأمر بسيط إن شاء الله. ::: هذا ما أراه، والله أعلم. أخوك في الله/ حاتم بن أحمد-الرياض |
| الساعة الآن 11:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©