اقصد ظلم اني احمل شي مالي يد فيه ..

انا ماراح اخدع نفسي واقول راضية
الله عالم باللي بنفسي مهما ادعيت الرضا و الإحتساب ..
اذا بيكفلهم براحته لكن بدون زواج ..
لا يمكن اتحمل اعيش معاه وهو متزوج مستحييل ..

لا اختي الموضوع يبدولي خااالص ..
و بيضغط علي و يحطني قدام الامر الواقع ..

شلون ساكت!!الله يهديه لك
يعني تسأليه و هو يطنش و إلا انت ما جلست معاه جلسة مصارحة و فضفضتي انك لا تتحملين ذلك
وهل هو خطبها فعلا؟و ما ادراك انها تريده ؟

تصدقين..
اول ما شفت العنوان قلت: بس هذي ام الزوج الراقية..
اكيد مسويه العجب عشان تبسط ولدها وزوجته..
بغيت اغبطك.. بس احسن وانا ما غبطتك..

الاحساس ومفاجأة التوقيت .. هي اللي متعبتك
تحز في القلب امور مثل كذا بالذات لو كنتي متفانية
ولكن هل زوجه لكفالة الايتام ام للبحث عن امر لم يجده لديك؟؟
فلو كان لكفالة الايتام وامهم فزوجك شخص كريم له فضائل
وهذا انسان مانه خوف.. وسيقدر حبك ويحطك فوق فوق راسه
لانك ساعدتيه على الخير..

اما لو كان للبحث لدى غيرك عن مالم توفريه له حتى لو مع ارملة وايتام
فهنا هو استخدم حقوقه .. لانه لم يرها لديك.. وانتي ابخس بنفسك..!!
ولتعلمي ان الرجل منا لا يتدين ويتبهذل الين يتزوج وبعدين يعذب بنت
الناس ويتدين ثاني مرة ويتزوج عليها بدون سبب..!!

فيه خصلة في بعض الازواج وهي محاولة اصلاح مابينه وبين زوجته
فان لم يجد استجابة سريعه انطلق لممارسة حقوقه وتركها..

كل شئ مكتوب فلا تبتأسي..

توقعتهم عاملين لك حفلة .. : (
الله يفرج عليك يارب

الأخت الغالية ورد ساهر أسأل الله أن يرد لك زوجك ردا جميلا ويصلحه ويتراجع عن هاذا القرار

شوفي يالغالية أول شئ أنت الآن في حالة صدمة وذهول من خطبته وزواجه بهاذا الشكل المفاجئ وبدون سابق إنذار

وأنا أشوف إنك تستهديين بالله وتحكمين عقلك بعيدا عن العواطف

وتحتزمين بالصبر وتتأني في إتخاذ أي قرار واتركي عنك العجلة واتركي عنك كلام الأهل والصديقات مهما قالوا لك ومهما عاتبوك ومهما نصحوك بنصايح تأدي إلى خراب بيتك شوفي الحين أنتي ماتقدري تفكري ولا تتخذي أي قرار فارجوك لاتضيعي نفسك وتضيعي مستقبل بنتك الصغيرة وتتخذي قرار تندمي عليه طول عمرك

أنتي تحبين زوجك بجنون صح أصبري عليه مادمتي تحبينه
وعامليه بما يرضي الله وأحتوييه وتذكري إنك أنت زوجته الأولى وأم بنته وإنك مازلتي شابة وفي ريعان الشباب وأنتي تحظين بمميزات افضل من إللي أختارها

وصدقيني زوجك مهما صار إنه رايح يرجعلك وأمه البنت هاذي إللي تشلشل بها واختارتها له في يوم من الأيام رايحة تشبع فيها

واحتمال كبير إن مافتحوا عيون زوجك على بنت عمه إلا إنه سمع من أهله كلام ترغيب فيها ومدح وثناء واحتمال يكونوا ضاغطين عليه أهله إنه يتزوجها
وما شافوا إلا زوجك من عيالهم حطوه كبش فداء ولا فيه أهل ولدهم متزو ج ومرتاح وتوه بأول مشوار حياته الزوجيه يخربوا عليه عيشته ويبهذلوه بزواج ثاني ويحطوه بمشاكل

أنتي أصبري واحتسبي أجرك على الله وتصبري وارضي بالمكتوب وتذكري إنك في نعمه مدام إن زوجك تزوج بالحلال وبشرع الله
احسن من إللي يخون مع وحدة وثنتين وثلاث واربع وماتقدري تحصي عددهم

ويروح ويجي تعرفين وين رايح ووين جاي ومن يكلم لاكنه احسن بمليون مرة من إللي يتغافلك ويطعنك من الخلف مع نساء ساقطات ماتعرفينهم

خليك هادية ولا تخربي بيتك بيدك أصبري وتفاهمي مع زوجك على حقوقك
وحاولي إنك تكسبينه مادامك تحبينه رغم الجراح تنزف لاكن بإذن الله مع الزمن رايحه تطيب وتاكدي إنه إحتمال يكون الزواج هاذا مو بيده

ترى بعض العوائل عندهم عادات وتقاليد عجيبة غريبة الواحد لو ما تزوج من داخل العائلة يصير كأنه أجنبي عنهم لازم يتزوج من العائلة علشان يحضى بعلامة الجودة والأصالة

طيب ليش مازوجوه من العائلة من زمان قبل ماياخذك وليش ماتزوجته بنت عمه من قبل الحين صار الظفر مايطلع من اللحم

ياليت ابو زوجك يعرس على ام زوجك حتى تعرف وش كثر تحرق الزوجه الثانيه وتعرف وش كثر تنجرح الزوجة الأولى


لاكن أصبري ولا تستعجلي في اتخاذ أي قرار بكرة تندمين عليه أنتبهي القهر والشيطان لايعمي بصيرتك عن رؤيةالحق ولا تتسرعي ولا تاخذك العاطفة لبعيد خليك عاقلة وحكيمة وإدعي رب العباد أن يرده إليك ردا جميلا وفي هاذي الفترة أصرفي نفسك لطاعة الله ولذكر الله حتى ماتتعبي وتحزني ويجد الشيطان عليك مدخل وتتخذي قرار ليس من صالحك تعلقي بالله وأدعيه بصدق وإخلاص حتى ربنا ينور بصيرتك ويرزقك الصبر والمعونة

الله يصبرك ويريح بالك ويفرج همك وغمك وحزنك وربنا يثبتك ويرشدك وينور بصيرتك لما فيه الخير والصلاح لنفسك واسرتك

معليش عندي سؤال خارج عن الموضوع البنت هاذي إللي بياخذها زوجك ماوراها إرث أو أملاك أهل زوجك عينهم عليها ومايبغوها ترو ح للغريب
يمكن الزواج لمصلحة مادية والله أعلم يعني وارثة من ابوها او زوجها مثلا .

وانتي يا بنت الحكمي دايـما تفكيرك مـادي بحـت :(

الرجل يبغى يستر على بنت عمه وعيالها بالطرق المشروعة