|
اقتباس:
انتي مثل غيرك من ملاااااين النساء اللي تغالط الواقع و تنكر التكوين البشري .. و تستسلم لمشاعر الغيرة المفرطة .. و تحاول ان تفرض على الرجل ان يكون انثى حتى بمشاعره و تكوينه ..! و ما قلت التعدد بسبب الدين ، بل بسبب الحاااااااااجة ..! |
بل صورتي الرجال كنه مخلوق يفكر بشهوته بس,,مافيه شي في الدنيا ثاني يشغله غير كيف يعبي
الخانات الاربعة المسموحة و كأن كل رجل مفطور على العدل(ترى يتصير قاعدة قريبا يا نساء و قولو ما قلت) بس المرأة تخرب عليه عادي قولوها تعودنا ان النساء شياطين إلا من رحم ربي ,, و اذا قال الزوج احبك .خراط صح.!! يعني اغسل يدي من زوجي لو قال لي احبك ايييه الله لنا برب بدور عروس لرجلي ترى هو ما يبغى بس أكيد خراط غصب عنه بخليه يتزوج ,,غصب موفقة |
اختي شوجي
لا تطرح هذه المواضيع من قبل امراه وتكون مشجعه لها الا لمراه تقدمت عن سن الزواج وتخشى على نفسها من العنوسه لكن ما ان تحصل على زوج الا وتنقلب مواضيع التاييد الى هجوم نعم هو شرع الله ولكن لا تنسي ان الرسول صلى الله عليه وسلك كره ان يتزوج علي على ابنته لذالك لا تلام المراه لكره التعدد |
اقتباس:
اقتباس:
طيب عزيزتي لو يتقدم لك رجل معدد اشوفك توافقين علي التعدد وإن شاءالله ربي يحقق لك أمنيتك وتتزوجين الرجال المعدد إلي يعزك ويكرمك حلو في بنات كذا بصراحه إلي مثل أفكارك أشجع الرجل يتزوج عليها وبكذا نكون منصفين مافيه وحده تنهبل ولا تنجن ولاشي والله يبعد عني وعن خواتي بصراحه أنا إنسانه لا أطيق هالشي والله يرحم ضعفي |
انا لفت انتباهي جملتك
( فالرجل مفطور على تعدد النسا و مستحيل نجد رجل ما يتمني اكثر من زوجة .. و اذا قال كذا كذاب ..) اذا كان فعلاً تقصدين ما تقولين فانا اول الكذابين اللي تقولين عنهم ومع ذلك رح اعدد ... واترك حياتي الاولى لكي انتقل لحياتي الثانية اذا جلست 10 سنوات اصلح حياتي مع زوجتي ويادوووب 40٪ من الوضع المطلوب تحقق فما عندي استعداد امضي بقية حياتي اراكض ورى 60٪ الباقية عشان كذا اما ان تبقى ام للاولاد.. وتعيش معاهم لاجلهم لاني خلاص صرت خارج حدودها او اذا تبي الطلاق فسيغني الله كل من سعته اما اخلي بحياتي زوجتين او ثلا زوجات فلا..!! لاني اعرف نفسي مارح اعدل.. لان الله خلق لي قلب واحد وروح واحدة اعيش بها لانسانة واحدة فقط وفي الاخير نداء لكل الزوجات المهملات ان يتقين الله في ازواجهن فوالله ان لنا حق كبيييييييير >> وعند الله تلتقي الخصوم |
اقتباس:
لكن نعرف ان الرسول صلى الله عليه وسلم مارضى يتزوج علي على بنته !! يا اختي والله شرع الله نعرفه ونعرف بعد ان العشره لازم ماتضيع اذا انا مرتي قايمه بواجبي وكل شي اروح احط على راسها وحده مكافئه يعني !! يعني المسأله سهله جدا ! يزف نفسه قدام زوجته يطلع مع عروسته الجديده شهر العسل وذي نايمه بفراشهم القديم وتعرف ان زوجهاغير الفراش بفراش جديد ومع زوجه جديده ! مهيب سهله وانا اشوف اذا المرأه قايمه بواجبها احس غلط اكسر بخاطر من عاشرت بالشكل ذا اما اذا ماقامت بالواجب اقول وانا اضحك الشرع محلل اررررررربع وهالساعه لمى يتزوج حتى لو انكسر خاطر زوجته لكن من باب العدل انه يلقى من يهتم فيه ولا يقصر بحقه وبعدين الموضوع بشكل عام ساذج :d مافيه شي اسمه الرجل طبعه التعدد فيه ناس اوكي بس مو كل الرجال هذا شي الشي الثاني اكيد مو بس الرجل اللي يرغب بالتجديد يعني حتى المرأه اكيد يعني عندها نفس شعور الرجل يعني ممكن بعد فتره حياتهم الخاصه تكون بارده وكذا وتلقى الزوجه غير راضيه عن هالوضع هل اذا شافت شخص بوسامه معينه هل هذا يعطيها الحق انها تخلع زوجها تقول ادور لي واحد اوسم مثلا وطبعا الخلع من شرع الله 3274 - عن ابن عباس أن امرأة ثابت بن قيس أتت النبي - صلى الله عليه وسلم - فقالت : يا رسول الله ثابت بن قيس ما أعتب عليه في خلق ولا دين ولكني أكره الكفر في الإسلام ! فقال رسول الله - صلى الله عليه وسلم - : أتردين عليه حديقته ؟ قالت : نعم ، قال رسول الله - صلى الله عليه وسلم - : اقبل الحديقة وطلقها تطليقة . رواه البخاري . |
من قال اننا متاثرين باللاعلام والقنوات والخرابيط , وافلام الغرب وخرابيطه ..
ياختي هذي حااااجه فطريه في المرأه , الغيره في المرأه فطره فطره ماله دخل لا باعلام ولا قنوات ولا افلام غرب تكره التعدد وتمقته وبالاصح اذا تزوج زوجها عليها تنجن .. انتِ زي اللي يقول للي ينجرح من الم قطع السكين لاصبعه تقولين لا لا تتالم من هذا الجرح مستحييييييييييييييييييل ياختي نرضى بالتعدد لازواجنا لو تنطبق السماء على الارض مارضينا ... وعارفين انه شريعة الله وهو سبحانه اعلم بما يشرع .. لكنه قال ( وعسى ان تكرهوا شيئا وهو خيرا لكم ) التعدد ربي اباحه واكيد فيه منافع لكن نحن نكرررررررررهه كررره الموووووت ... ومتاكده مليون بالميه انك ما تزوجتِ لو متزوجه ما قلتي هالكلام .. وعلى فكره كنت اقول نفس كلامك قبل ماتزوج لاني ما كنت اعرف احساس المتزوجه ولاادري وش شعورها بالضبط .. لكن بعد الزواج تتبدل الافكار ونحس بمشاعر الزوجه .. |
الله يعينكم
العالم راحوا وجوا.. وناس عاشوا وناس ماتوا.. واحنا في التعدد طيب خلاص اللي بيعدد الله يستر عليه واللي تبي تاخذ معدد الله يوفقها وش المشكلة طيب؟؟؟ ألحين غلقت الأمور المباحة شرعاً ما لقينا إلا التعدد وإنه هو الحل للبعد عن الحرام؟؟ ياليت كان صدق وهو الحل ...... كان الدنيا بخير.. بس ابليس عايش ومستحيل ينتهي طريق الحرام بأنواعه وأقسامه ودرجاته |
التعدد لم يذكر في القران الا مره واحده فقط
( وإن خفتم ألا تُقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا ) النساء/3 . وهذا يدلنا على انه للحاجه وحكمه مباح وليس سنه ولا واجب الرجال اغلبهم مايعدلون ولايدرون عن العدل معظمهم مافكر الا في شهوته ونفسه واذا حب وحده مال معها ورمى الثانيه مع العيال بحجج سخيفه ويروح يدور اللي يرتاح معها وين العدل بالله؟؟ معظمهم تهضم حقوقها لا واللي يرفع الضغط اذا كان منتف كحيان وله عين يتزوج وزوجته مابها شي مو يجيب اعذار من تحت الارض عشان يريح ضميره ويحقق مطلبه والله شرط واباح التعدد لمن يستطيع وله القدره على العدل فقط واللي مايقدر يعدل محظور عليه الزواج باخرى لانه ظلم له يوم القيامه وظلم للزوجه والابناء (وان خفتم الا تعدلوا فواحده) (ولن تستطيعوا أن تعدلوا بين النساء ولو حرصتم )النساء التعدد له شروط : أولاً : العدل لقوله تعالى : ( فإن خفتم ألا تعدلوا فواحدة ) النساء/3 ، أفادت هذه الآية الكريمة أن العدل شرط لإباحة التعدد ، فإذا خاف الرجل من عدم العدل بين زوجاته إذا تزوج أكثر من واحدة ، كان محظوراً عليه الزواج بأكثر من واحدة . والمقصود بالعدل المطلوب من الرجل لإباحة التعدد له ، هو التسوية بين زوجاته في النفقة والكسوة والمبيت ونحو ذلك من الأمور المادية مما يكون في مقدوره واستطاعته . وأما العدل في المحبة فغير مكلف بها ، ولا مطالب بها لأنه لا يستطيعها ، وهذا هو معنى قوله تعالى : ( ولن تستطيعوا أن تعدلوا بين النساء ولو حرصتم ) النساء/129 وبسبب الغيره هنا تحدث المشاكل والهوشات اللي اصلها حب الزوج لزوجه دون غيرها فتثور ثائرة الزوجه وتختلق المشاكل ويصبح الزوج منكد والزوجه كذلك ويصبح النكد هو الجو المخيم على البيت فمن سيعيش في منزل كهذا من الطرفين ثانياً : القدرة على الإنفاق على الزوجات : والدليل على هذا الشرط قوله تعالى : ( وليستعفف الذين لا يجدون نكاحاً حتى يغنيهم الله من فضله ) النور/33. فقد أمر الله في هذه الآية الكريمة من يقدر على النكاح ولا يجده بأي وجه تعذر أن يستعفف ، ومن وجوه تعذر النكاح : من لا يجد ما ينكح به من مهر ، ولا قدرة له على الإنفاق على زوجته ". المفصل في أحكام المرأة ج6 ص286 واذا تزوجتي ادخلي اقراي موضوعك واضحكي منه لانك ماتقدري تتحملي زوجك ينام مع انثى غيرك ؟؟ غير لو حبها غير عن العدل اللي له باب ثاني للنكد والهم تقارنين رجال زمان برجال اليوم شوفي الدين كيف كان وكيف صار الا من رحم ربي؟؟ |
اقتباس:
عذرا عزيزتي شوجي تبغي توصلي ليه؟؟؟؟؟؟؟؟ الموضوع ومافيه كلمتين ياحريم التعدد جائز ولاتزعلي لو تزوج زوجك أو حتى اختفى حب ىالزوج فهمنا سلمت يمناك ع الطرح الاكثرمن رااااااااااااااااااااااااااااااااااااااااااائع عزيزتي |
| الساعة الآن 11:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©