|
المحادثات بكافة أنواعها عواقبها وخيمة .. ولا ينجو منها إلا القليل. - أكسري البلاك بيري. - هدديها أن اشترت أي هاتف أخر قبل شهرين .. ستفضحينها. - أخبريها أنك لا تتشرفين بأن تكون هي أختك إن استمرت على هذا الطريق. - كوني صريحة جدا وجافة في التعامل معها. إن استجابة لك خير وبركة.. وإلا فورا بلغي أخاك .. مهما كانت قسوة تصرفك وتصرف أخوك معها .. صدقيني أنها ستكون أرحم من ردة فعل زوجها لو عرف. مرة أخرى أختك لا ينفع معها إلا الاجبار والشدة حتى تعي خطورة ماهي فيه. / \ الله يهدي الجميع،،، |
اقتباس:
امي وابوي صعب اقولهم حرام كبار بالسن أفجعهم فيها بعدين محد يستوعب اصلا انها تسويها .. هي ما تخاف الا من اخواني لان اخواني اصلا عصبيين مرة ومتشددين خلقه من غير شي كيف لو يعرفون بحاجه زي كذا أتوقع رده فعلهم كبيره :( |
اقتباس:
تدرين عاد ليش حطيت هالعنوان لاني احسها كذا دلخه دلللللللخه وما تفكر وما همها غير السوالف ومن ناحيه المقاطع والله ماني مقصره معها .. بالدقيقه والساعه أرسل لها كلام قوي وتذكير ومقاطع دينيه ووعظيه وخاصه للشيخ عبد المحسن الأحمد عاد هالانسان ماشاء الله يكرهك بالمعاصي كلها بس مدري عنها أحس ما عندها تأنيب ضمير تدرين ليش .. لانها حاطه في راسها انها فتره وبتتركه وانه تضييع وقت ماهي متوقعه احتمالات أسوء اتوقع كذا والله أعلم لكن الله يهديا ويصلح حالها يارب |
اقتباس:
عمرها 36وهي انا عارفه تفكيرها مو نقص عاطفة ولا حب واهتمام وحاجات زي كذا .. لالا كله ضحك وسوالف بس انا شفت كم محادثه لها اغلبها ضحك وكلام وتنكيت بس اش يدريني انها بتبقى كذا وش يضمني انها بس هاذي اللي بينهم الله يسعدك يااخوي وجزاك الله خير على ردك للموضوع مره ثانيه |
اقتباس:
محتاجه تربية :( |
اقتباس:
المفترض ان تكون هي منبع التربية والتوجية لكن للاسف احيانا السلوك المنحرف يطال الكبار ايضا بشكل شائن وغريب ؟! |
اقتباس:
ممكن قليله فهم لفظ أفضل بعدين أختي حتي أنتي ماترضين أحد يقول لك دلخه وبصراحه أنا لو أسمع أحد يقول لأختي دلخه كان أقوم الدنيا عليه ما أرضاها لأختي شوفي أختي أمسكي أختك وأتركي عنك أسلوب هذا دلخه وكذا كلميها بعقلها مو تهزي وتخويف إسأليها قولي وش تستفيدين بتقول سوالف ووناسه طيب لو يدري عنك زوجك ترضين بالطلاق عشانهم تخربين بيتك بيدك قولي لها مثل أنتي بعد طلاقك أي شي أهم شي أبتعدي عن أسلوب السخريه إذا نبي الناس تقتنع بكلامها لازم نحترمها ونخاطب عقولهم وكل إنسان له نقطه مثل الانسان العاطفي كلميه بالعواطف وراح تفقدين ومن هالكلام يعني خاطبي عواطفه الإنسان إلي يحب النتائج ويفكر بعقله هذا نخاطب عقله وفيه ناس تفكيرهم مادي خلاص نقول لهم الخساير والأرباح أختك قلتي تحب الوناسه والنكت وهالكلام الصحبه السيئه لها تأثير علي أختك كبير والكل يعرف أثر الصحبه أتوقع أختك إذا معلمه الأفضل لها تاخذ إجازه إقنعيها بهالشي ممكن أختي تاخذين الجوال هالفتره بحيث ماتروح للبيتها ومعها الجوال في حال زوجها شاف الجوال راح ينهدم بيت أختك إذا مانفع معها كل هالأساليب مافيه إلا الشده والتهديد وحاولي تاخذين الجوال وخله معك وأبدي هددي أختك لأن فيه ناس ماينفع معهم إلا الشده مايجون بالكلمه الطيبه صاحباتها حاولي قدر الإمكان أختك تبعد عنهم لأنهم شر وإذا أختك إستمرت معهم راح تهدم بيتها الله يهديها |
اقتباس:
لا حول ولا قوة إلا بالله العلي العظيم يارب لا توريني مكروه في اختي واستر عليها واهديها قبل ما توقع الفاس بالراس وربي يغفر لصاحبه القصه صراحة شي يعور القلب .. والله حلك صح ولو شفت احد يشتكي من نفس الموضوع هذا بيكون رايي مثل رأيك تماما على قساوته .. لكن انا ما أقدر انفذه اخوي الكبير هو اعقل واحد فيهم وأقدر ألجأ له في هالمشكله وانا عارفه اذا كلمته وقلت له بيتفاهم معها وبيأدبها مزبوط وتنتهي المشكله لكن انا أرحمه يا ناس احس يكفي عليه هموم بيته هو متزوج وحالته يعلم فيها الله عنده هم منكد حياته ومع زوجته ما ودي بعد اجيب له صدمة جديده وعلى قولتك لو هي بالعشرين كان هانت علقه علقتين وتتأدب لكن هاذي أكبرنا يعني عقله بيطير حتى لو انتهت المشكله بيظل في خوف وقلق مستمر عليها وعلى البيت بأكمله ماعاد بيعيش مرتاح زود على بلاويه واخواني واحد ابتعاث والثاني يشتغل في منطقه بعيده علينا وواحد عايش معنا في البيت لكن مستحيل أقول له هذا باذات لانه عصبي ووقت المشكله ما يستخدم عقله يعني انا لو قلت له اعرف اني بقضي على نفسي قبلها .. كلامك والله عين العقل بس قلبي ما يطاوعني اعلم اخوي عليها عندي أمل ان الله بيهديها يارب تكفين ادعي لها انتي واللي يقرى مشكلتها ماقصرت الله يسعدك ويشرح صدرك ويريح بالك |
اقتباس:
اقتنعت في حلولك .. انا فكرت اني اتلف عليها الجهاز بس تدرين هي موظفه يعني تحتاج جوال طبيعي بتجيب غيره لكن أقلها بيروح عليها الرقم وما بتعرف توصل للحقير ذاك بس ساعات أقول يمكن هي حافظه رقمه وبترجع تكلمه ويتواصلون من جديد .. وساعات أقول هي دلخه ما تعرف للأجهزة أبداا , يمكن اذا خربت الجوال عليها بتشتري جوال غيره وخلااص بتنساه وبترجع مثل قبل ..خاصه انها هي ما عندها ميول انها تمشي الطريق ذا لكن عاد ابليس وزينه ومع الصاحب السوء صار متعة الفكرة تدور في راسي وشكلي بنفذها أذا زارتنا الايام الجايه .. وبتهم احد البزران انه خربه لها وان شالله تروح كل الارقام وماعاد تعرف له طريق وتنتهي السالفه كلها ياارب ..أما مسأله اخواني هاذي شايلتها من بالي مرة وعساني يارب ما أضطر اقول لهم وإن شالله ربي بيهديها وبيكرمني في هدايتها يارب قسم بالله اني شايله همها وسوست خلاص السالفه مو راضيه تروح من بالي من امس ادعي لها من قلبي لاني حاسه بخطورة الموقف اللي هي فيه وشايفه وخايفه من اللي أكبر |
بما انو كما تقولين ينضحك عليها بسهوله..
دبري قصة تخاف منها...وخلي كيد الحريم يشتغل:) ليس بالضرورة تكذبي من اجل الصلح فهناك التورية واالتموية ... فمثلا... لو تدخلي باسم في البلاك بيري او رساله بشريحه جديده وتمثلي على انك زوجة (الرجل الساقط) وانك تهددي وتتوعدي بالفضيحه اذا ما تبتعد عن زوجها.. واذكري شيء من خصوصياتها وأخبريها كم انها اصبحت لبانه سائغه على الافواه ..وخلي كلامك قوي..اتمن لو تستطيعي ذلك او بقصة اخر ى المهم ابدعي... لان الشخص البسيط غير جاد لانه اعديم الادراك و لايستوعب الدرس الا اذا عاش حالة نفسية مشابهه (عن تجربة) رغم اني اوافق اخي العقد الفريد في حله لكن اجعلية اخر الحلول لان الحزم وقتي وهو يغير السلوك لا الفكر لكن استدراجك لها سيجعلها تدرك ان شاء الله والعرض غاااالي الله معك |
| الساعة الآن 11:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©