؟؟؟؟؟؟؟؟؟؟؟؟؟؟؟
صادقة واللا تمزحين >> وضع زوجك غير طبيعي ابداااااا
اقول ارسلي رقم حسابك وابسلفكم (((((سلف))))) كل شهر 500 ريال لمدة نتفق عليها
ادري مافتحتي الموضوع الا تبين افكار ماتبين قروش
انا ماعندي فكره عندي حل نهائي
وفيه فكره من ايام العزوبيه الصباح تميس وفول بريالين الظهر نص دجاجه 5 ريال العشاء طحينة مع خبز 3 ريال 10 في 30 = 300 ريال و200 لكسر الروتين وسلامتكـ

رجعت قرات موضوعك اكثر من مراه وانتبهت انك ذكرتي انك نمتي بدون عشا واليوم الثاني بلا فطور ولا غدا ولاعشاء..ياويلي عليك..هذا ليش يتزوج اذا حالته كذا ويمرمط بنت الناس حتى الفقير مو كذا الفقير على الاقل يلقى اكل..

معقوله زوجك مامعه 10 ريال يجيبلك ساندوتش شاورما وعصير ولا ان شاء ساندوتش بيض بريال من الكافتيريا.حرام كدا طيب انتي متاكده انه هو زيك جوعان مااعتقد انه يجلس بلا اكل يومين..اخاف يكون معه فلوس بس بخيل ويضحك عليك بكلمتين وانتي غافله ولايغرك الطيبه والحنان ترى بعض الرجال مايخافون الله في حريمهم..استغفرالله انا مااحرضك بس ترى كلامي معقول واحيانا تصير..والله حزنت عليك يوم بررتي اخطائك الاملائيه بانك جوعانه وعيونك محوله من الجوع..

تلاقيه يروح عند اهله ياكل و يجي يقول لك ما اكلت.. كثير رجال يعملوا كذا
المهم، لا تكوني مثالية بزيادة ..

ايش اللي يبيع ذهباتك و يعطي لامه و يجوعك و كمان يعزم ؟؟؟؟؟؟؟

اخوي ليش كذا ايام كان يجيب خبزة وناكلها مع جبنه فطور وغدا وعشى ويضحك يقول صرنا مثل شغالة امي تفطر وتغدا اندومي وحنا نواشف...وخلصت النواشف وخلصت الريالات .. ومرة بيت اهلي يوزعون أكل في اكياس ومسكت كيس طحين قلت لأبوي فيه ناس محتاجه عادي اخذه لهم قال اكيد وصرنا نخبز في البيت ههه بس انتهى الطحين مع اني اكله والدمعه في عيني واجاري ضحكه.. اختي ليه الغرور لاوالله يظل جوعان معي ..قبل امس متظايقين وراح يدور سلف قال اذا حصلت بنطلع رحله بسيطه وارسلي يقول والله يارهف مالقيت اللي يسلفني ولا اقدر اجيك ويدي فاضيه..ماقدر يتصل لانه خجلان..رديت عليه تعال فديتك اهم شئ حنا مع بعض مو لازم نطلع واذا الله رزقك ادري مابتقصر والايام الجايه..وجاء طلعنا للبر تسلف قيمة البنزين من اخوه وجلسنا نتعشى مكسرات حصلناها في السياره .. ..... اللي تقول اتصلي على اهلك اقسم بالله البارخ اتصلت على اخوي كنت ابي اي احد يمرني عشان يعشيني وقال انا في النادي بغيتي شئ ضروري قلت لا...استحيت ..اتصلت على الثاني قلت وينك قال انا رايح اقابل صديقي في الملز..وحي الملز بعيد مره عن الحي اللي حنا فيه..اتصلت على الثالث قال انا في المكتبه عندي بحث بغيتي شئ..قلت لا سلامتك..وابوي استحاله اتصل اطلبه عشى بيكتشف وضعنا...وزوجي قلت لكم البارح ارسلي يقول ابشري بالعشى وجاء الساعه وحده وربع والله خلاص واصله حدي واحس مالي نفس انسدت نفسي وجايب سندوتشات واكلت نصها حسيت بستفرغ وانتم بكرامه وكنت كالعاده لابسه ومرتبه نفسي قال رهف قومي ارقصي..وسبق ان طلب هالشئ بعد ماتعشينا مكسرات في البر واعتذرت تخيلوا وحده طول اليوم ماكلت شئ وفي الليل تاكل كم حبة من مكسرات وسهرانه وتعبانه والله عندي بداية انفلونزا ويقول ارقصي!!!! ولارقصت ولانمت معه اعتذرت وسمح لي ..يعني تركته برضاه وسمح بكذت..وماعندي اساسا طاقه جسديه ونفسيه ..والليله برضو رفضت..قال الرقص ترفضين والنوم ترفضين قلت الليله بنام معك بس الرقص اوعدك بعدين وشرحت له اني تعبانه طول اليوم من الجوع قال خلاص اكلتي..قلت ماينفع انا الآن تعبانه ..والله ياعالم لو اني جدار ماحس مدري يجي لي نفس لرقص او لا..المهم تهاوشت معه وذكر الاشياء اللي ناقصته مني وللأمانه سبق ان ذكرها ولاغيرت فيها مع اني وعدته..قال كل ماادخل عندك منسدحه ولاتقومين ولاتسلمين ولا ولا ولا وين حبك ابي فعل ..وبكيت لان نفسيتي تعبانه ومايقدر الوضع اللي احنا فيه ويقول انتي وعدتيني ليش مااوفيتي بوعدك..وكلمه مني ومنه..وقلت طلقني خلاص انا مابي الحياة معك .. قال اذا ماتبين الحياة معي على الأقل اجلسي شهور عشان كلام الناس اجلسي 6شهور معززة مكرمه ..وصلى الفجر ولارجع يمكن راح بيته الثاني.. من ظمن الكلام اللي قاله قال انا عندي هموم لو انحطت على جبال ماتحملتها

وقال ابي الراحه عندك!!!طيب حتى انا اعيش هموم وين الاقي الراحه.. لا والله ماياكل ويتركني اساسا شكله نحف مرررره مرررررررره اسوأ مني..وبالعكس هو انسان عادل وتقي صحيح لحظات يعصب من ا.لضغوط اللي هو فيها..بس حرام اظلمه والله انه رجل فيه خير لايكذب لايخدع ولاغيره من هذي الامور

رهوووفه كم راتبه حاولي تاخذين مصرووفك

طيب اقل شي الاكل مو لاقيه

اجل ملابس طلعات البيبي ان شاء الله وش بتسوين

3 اسابيع ماتحملتي طبيعي ماتتحملين وباقي الايام وش بتسوين

لاززم حــل