|
اقتباس:
الان عندى شعور يجعلنى تمنى ان اكون رجل (استغفر الله استغفر الله )احاول ابعده ولكن اتمناها اريد من يسعى لراحتى اذا جيت انام اذا جيت اكل احس الغلط فينى انا الان انظر لنفسي واقول والله يافلانه جمالك راح من الخدمه والجرى زوجى طيب واقدر اغيره في بعض الاشياء ولكن احسه يكبتنى بعض الاحيان يجرحنى بختصار اريد علالالالاج وانا جاهزه ان شاء الله |
لن يرى الزوج قيمة زوجته إلا إذا رأى عكس ماتفعل
بمعنى .. هو يرى دائماً البيت نظيف ومرتب والأكل جاهز والأبناء هناك من يهتم بهم .. إلخ ولو تركتي هذا الفعل كله لمدة يومين فقط فدخل البيت ورأى البيت غير نظيف والصحون تملئ المطبخ والملابس متسخة والأبناء ليس هناك من يصارخ عليهم ويسكتهم .. إلخ عندها سوف ينتقدك زوجك ويقول لك ماهذا .. البيت لا يطاق وأنتِ مهملة جداً عندها قولي له .. لم ترى من سنين وأنا أقوم بواجبي كزوجة من كل شئ سواء لك أو للأبناء أو للبيت ولما تركت ذلك يومين رأيت كيف أصبح البيت بدون أهتمامي اليومي أما أن الآوان أن تقدر وترحم هذه الزوجة القائمة بشؤنكم كلكم . |
اقتباس:
واذا طنشت قال من متى ما تكنس اش هذا يعنى لاكذا ولا كذا هو ممكن يكون كذا راضيه فيه الله يثبته ويحفظه بس انا ابي اغير من نظرتى لنفسي |
يا الغلا اغلبنا نعيش نفس معاناتك
لدرجة اتمنى لي يدين زياده الحمد الله رب العالمين ع تمام الخلقه احس كني اخطبوط مدري حنا وش بنلحق عليه العمر يخلص والشغل والكرف مايخلص وكثري استغفار |
اخ رجل الرجال انتظر معالجتك لموضوعى
|
هلا بك أكثر يالغالية
اقتباس:
انتي تعبانه من الشغل وهم مو فاهمين لذلك هدي شوي .... والكبير عمره خمس سنوات ما شاء الله .. بنتي لما كان عمرها 4 سنين ما تركتها مخليتها تسوي اللي عليها وأخوها مثلها والحين كبروا شوي ما شاء الله صاروا يفهمون ويرتبون غرفتهم أحلى ترتيب صدقيني مشكلتك لو تخففين من هالشغل بتحسين بنفسك وبترتاحين على طول خلي شغلك الكايد يومين في الأسبوع بس .. وباقي يومك طبخ وغسيل مواعين وترتيب وتنظيف الغرفة اللي تاكلون فيها وهذي أشوفها ارحم من كذا شغلة في نفس اليوم وعيالك إذا قدمتي لهم وجبه ... اقعدي معهم ولا قعدي ابوهم لحد ما يخلصون ولا تعطينهم شي في يدينهم أبد وعوديهم على ان الأكل هناااااا في هذا المكان واللي يرفض احرميه من الأكل لحد ما يتأدب بالذات الكبير ترى اللي أصغر منه يتعلم ويقتبس على طول وخلاااااص وقفي خلفه وسوي تنظيم .... ما شاء الله ثلاثة فيهم الخير والبركة ... اهتمي فيهم لحد ما أصغر واحد يكبر شوي ويريحك عاد ساعتها فكري في الرابع :d وترى كل الحريم وضعهم كذا ... باستثناء الرفله :23: وشوي شوي يكبرون عيالك اللي مالك غيرهم ولا لهم غيرك وتخف المسؤليات كثير واسأليني بس دايم استحضري ان كل هذا لله وكله طمع في الأجر ورضى الرحمن أولاً وحتى لو عصبتي عااادي قوليها في وجيهم ( ترى لوجه الله أقدم مساعدات إنسانية ولا من دوني أدري بتروحون شوربه :14:) >>> عشان تخففين الضغط شوي وتأملي هذا الحديث معي .... اختارت نساء الصحابة أسماء بنت يزيد لسؤال الرسول صلى الله عليه وسلم في أمر من أمور الدين , فأتته ومما قالته : يا رسول الله إني رسول من ورائي من جماعة نساء المسلمين , كلهن يقلن بقولي , وهن على مثل رأيي , إن الله عز وجل بعثك إلى الرجال والنساء كافة , فآمنا بك واتبعناك , ونحن معاشر النساء مقصورات , قواعد بيوت , وإن الرجال فضلوا بالجمعات وشهود الجنائز والجهاد في سبيل الله عز وجل , وإذا خرجوا للجهاد حفظنا لهم أموالهم , وربينا أولادهم , وغزلنا أثوابهم , أنشارككم بالأجر يا رسول الله! بعد أن سمع الرسول صلى الله عليه وسلم أسماء التفت الى الصحابة, وقال : ”هل سمعتم مقالة امرأة أحسن سؤالاً عن دينها من هذه ” فقالوا : بلى والله يا رسول الله , ما ظننا أن امرأة تهتدي إلى مثل هذا. فالتفت رسول الله صلى الله عليه وسلم إليها فقال :“ انصرفي يا أسماء , وأعلمي من ورائك من النساء أن حسن تبعل إحداكن لزوجها , وطلبها لمرضاته , واتبعها لموافقته , يعدل كل ما ذكرت للرجال ” فانصرفت أسماء رضي الله عنها فرحة , وهي تهلل وتكبر استبشاراً بما قاله لها رسول الله صلى الله عليه وسلم . إن عبادة المرأة لربها وقيامها بحقوق زوجها وأداء دورها في بيتها ومجتمعها من تربية الأبناء , والمحافظة على الأسرة يعادل كل ما ذكر من أعمال الرجال . يقول الله تعالى " فاستجاب لهم ربهم اني لا اضيع اجر عمل عامل منكم من ذكر أو أنثى بعضكم من بعض " سورة آل عمران : الآية 195 يلا أنا بروح أستعد وأسوي القهوة لأبو الشباب لا يجي يحوس الدنيا |
^
8 العقد الفريد اسم على مسمى سلمت يداك ولا كبا بك قلم ... أختي عزتي لديني كلنا مثلك ولكن عندما يتذكر المرء أن الراحة في الجنة وأن هذه الدار هي كدر وتعب وأن كل مانفعله إن احتسبنا ذلك عند رب العالمين هو إثقال لميزان أعمالنا عندها فقط نحمد الله ونشعر بالراحة .. أسأل الله أن يعينك ويسخر لك زوجك |
اختي العقد الفريد .. ما قصرت .. كلامها عين العقل ..
ولكن :: اتمنى منك عدم نسيان نفسك وعبادتك .. واولوياتك واهتماماتك .. والعمر يخلص .. والشغل ما يخلص .. واتمنى منك تقرأين عن تقدير الذات .. والحرص على تقوية شخصيتك بالنافع لك .. ولسه عيالك صغاااار :: إذا كبروا وكثروا وش بتسوبن .. وإذا كان زوجك قادر يجيب لك خادمه .. فجيبي تريح جسدك .. وتتفرغين لنفسك وزوجك واطفالك وتسليتهم .. والحوار الصريح مع من مثل زوجك في طيبته وتقديره لك .. ستكون نتائجه باهره .. ومن خلال كلامك عن زوجك .. وردوده .. احسه إنسان لكييييع .. ردي عليه بلكاعه مثله .. وحكاية البالطو خير دليييييييل .. وعليك بالذهاب معه وعلى قدر المستطاع ولا يتعذر لك بشئ :: لو بيروح المريخ روحي معه .. الله يوفقك وبسعد ايامك بطاعته وذكره .. |
كثير ما يجيني هذا الاحساس اني صايرة خادمة للجميع
وخصوصا لين يزيد الضغط وكل شيء على راسي احاول احتسب الأجر في هذه الناحية احس ما أقدر أو الشيطان يخرب علي احس ضيعت نفسي ولا صرت أعرف شيء حتى شلون أسولف واللي قالته الشقردية اقتباس:
صحيح ونعرفه بس ما نقدر نطبقه دائما الله يعين الجميع |
اقتباس:
|
| الساعة الآن 03:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©