|
اقتباس:
صرت كل ماقال شي اقول طيب واروح انفذ على طول بدون اي نقاش بس تنفيذ بدون اي عتب اعذب نفسي في انسان حقير مايثمر فيه المعروف |
شخصيته قويه ولسانه سليط واذا حس باهانه يبيع اللي قدامه ولاهمه والله لو العيال تارسين البيت مافكر فيهم لايملك من الحكمه شي حنون احيانا
احس ماينفع معه الا الطلاق والله الان ماهمني شفتوا العايف كيف يتصرف انا عايفته وفاقده كل امل فيه واضيف كمان انه قاطع رحم مانروح ولالمخلوق من كثر الكسل اللي فيهوالله اني قلتله تزوج ابغى افتك منه واقوله لو تطلقنا الله يعين اللي بتاخذها لانها والله مابتصبر صبري لان مافي وجهك حيا |
اختي .. أعانك الله على ما انتي فيه
ثقي تماما انك مأجورة على الجهاد اللي انتي فيه.. ولكن الحياة اخذ وعطا..! انتي لك حقوق وعليك واجبات... زوجة بصفاتك والله يتمناها مليون زوج بس اكيد فيك سلبيات مانعرفها وزوج بصفات زوجك اللي قلتيها متعبة وتثير الاشمئزاز ولكن اكيد له ايجابيات مانعرفها عشان كذا اقول لك الصبر>> 1- عليك باختيار وقت مناسب والمصارحة بالحقوق والواجبات اذا انتي قايمة بواجباتك فلك حقوقك شرعا وغصبا عن عينه ولكن بهدوء وروية الزوج يحب الزوجة المؤدية لواجباتها ولكن اذا سكتت عن حقوقها ذنبها على جنبها 2- علي بالصبر والتغير التدريجي.. اطلبي ما يمكنه تنفيذه واذا ما سوى اللي تبغين منه انتي تعرفين وش تحرمينه منه 3- حاول تجمعين ايجابياته.. فوالله ان في منتدانا شكاوي كثير من الزوج الغريب عن بيته انتي عندك ايجابية تواجده في البيت حاولي تفعلينها ولا تيأسي رح يتغير معاك بالصبر وكثر المطالبة وحاولي توقفيك حالة الاستكراه له.. لا تكرهينه .. الحياه مودة ورحمة ... فلا تقطعيها وانظري للحياة بنظرة تفاؤلية |
اقتباس:
**هل انتي مقتنعه بما نقلتيه من المنتديات الاخرى !! وبكل تفاصيله ؟ هدووء انثى .. عليك بالحوااااااار .. والمطالبه بأبسط حقوقك .. ولا تنسي أن يكون حق الله من اولى مطالبك .. فزوجك يحتاج منك العون والتوجيه ..وامره بالمعروف ونهيه عن المنكر.. فأنت وهو بنفس المركب.. اعانك الله وسدد خطاك .. |
لله في خلقه شؤؤن
احنا نتمنا زوجة نصف مواصفاتك ونبوس يدنا شكر لله والاخ هذا مقضيها نوم وبسبات ولا هامه تصدقي الغلط منك تدري ليش, مدللته ولا فكرتي تحركي غيرته انا ادري انك طفشتي وماعاد تطيقيه ومالومك ,, بس ترا الحين مكبر المخدة وبسبات عميق وعلى باله الحين انه على سرير من ذهب وكل شي يجيه لحده ومن كثر احلامه صاير يفكر لبعيد وزوجة ثانية هذا طبع الانسان كل ماله يطمع ويطمع اقول الحين حركي غيرته اقعدي كلمي اي وحدة من اقاربك او صحباتك عالتلفون اخر الليل خله يحس شوي خله يتحرك والله نرفزني يوم فكر بالزواج من ثانية ويتابع افلام اباحية وعنده الحلال وش خلى للعزاب..؟ ولحد يقول اني اشيشها على زوجها ومدري ايش مافي حل غير كذا يحس شوي على دمه وتحرك غيرته ويفوق من كسله ويفوق من الاحلام الي هو فيها والجنة الي عايشها |
تدري اختي هدوء انثى انا اعاني مثلك من الوحده وزوجي بسبب دوامه مااخرج الانادرا جدا جدا طفشت وتمر ايام اجلس ابكي فيها تعبت وتعبت نفسيتي
لكن الله يفرح قلوبنا يارب |
يلآ اهم شي هالموضوع كآن متنفس لك . احسك تردي من قلب _^
احسسسك بصراحـه ودك تتضاربــي معآي ومع كل الي يكتبوآ رد .. مآ اعرف انتي معصبهـ ولا وش فيك باضبط :23: على هوووووووونك .. الامور بخير .. والحياهـ حلوه .. والسماء ورديـة اللون .. فليهـا بس وقولي الحمد لله ؛ |
اقتباس:
الحل الله يسلمك أسحبي عليه ولاتعطينه وجه وغداء مافيه وعشاء مافيه طبعا اول هواشيه وصارخي أهم شي أكشخي خلك في كامل أناقتك أذبحي عمرك من الكشخه جهزي لك أحسن ثياب وكذا وخلاص لين رجع أنتي بكامل أناقتك والبيت كله عطر ومرتب ولين سأل عن الغداء قولي ماصلحت بس خلك بعيده لايجيك كف وكذا كوني حريصه مايمد يده أهم شي :25: طبعا هو بيعصب خلك هاديه والأفضل تروحين تخلينه وأستمري كم يوم وشوفي النتيجه ممكن تنحل :17: وقبل كل شي أهتمي بقربك من الله والصلاه ولاتقدمين رضاء زوجك علي ربك وعلقي قلبك بالله الله يسخره لك وييسره أمورك |
اقتباس:
يوجد من يتهنون ويكتبون نصايح من اروع مايكون .. |
هل الجنس علامـة الحب كمآ يقولون ؟
يمكن زوجك يحبك جدآآآ .. يكفي انه يفضل الجلسه معك بالبيت على اي شيء ثاني .. يمكن انتي الي فاهمتــه غلط بس .. ولآ هو يحبك ويموت عليك .. مشكلتنآ ان الحريم مايفهمونآ وربي .. لآزم نتكلم يعني لآزم نقول والله نحبكم ومانقدر نستغني عنكم .. خلاص الأفعال تكفي ^_ الرجآل يحبك الظأهر .. بس لا تدخلي الشيطان بيتك .. قلت لك قولي الحمد لله وفليهآآآآآآ .. وانتي تقولي .. يمكن مانكبني الا اني انآظر القليل .. !!! ذآ مو القليل ذآ زوجك وهذي صفاتــه وطبايعهـ .. حآولي تغيري فيهـا وانتي وشطارتك والله مافي رجال بالدنيآ مافيه عيييييييب . ( بالجنه ان شاء الله ) وتعوذي من ابليسسس .. زي ماقلت لك الحياهـ حلوه والدنيآ بخير ؛ |
| الساعة الآن 11:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©