|
اقتباس:
أفهم أن لا تناقشي وتقدري مرضه لكن وضحي ذلك له .. اطلبي منه قطع علاقته بها فإن وافق فبها ونعمت وان شعرت بأن النقاش احتد قولي له ... فلندع هذا الموضوع الى أن تستعيد عافيتك ... |
أنا متابعه مشكلتك من البدايه وعندي مداخله بسيطه وهي انك ذكرتي بموضوعك السابق ان زوجك يشعر بانك ماتغاري عليه فأرى انك توضحيله غيرتك هنا وتطلبي منه يقطع علاقته معها وبصراحه وضعكم صعب لانه مريض ويتألم والموقف صعب لا أملك لك الا الدعاء كان الله في عونك وفرج همك ويسر أمرك |
اقتباس:
اقتباس:
أختي الكريمه: نظرتي سوف تكون مُختلفه ومايدعمُها هو رأيك في زوجك وصفاته التي تحدثتي عنها وأنتِ أعلم الناس بِه. زوجك كما قال من سبقني "جناااان" كانت هناك مشكلة الغيره! وهو الآن يمُر بمرحله حرجه و يريد التأكد من مشاعرك وهل هذه العمليه قد أثرت في مستوى قربك له ام لا. أنتِ ذكرتي انه هو من بادر وطلب جوالك؟ صح؟ بالمقابل برأيي يمهد انك تطلبي جواله وهو ماذكرتيه من ان هذا شيء متعارف عليه بينكم وعادي! يعني متوقع انك تاخذي جواله الشيء الثاني انتِ تقولي انو فيه بعض الرسال قد تمت قرائتها وان رسائلها ورى بعض! هل بيصل التساهل الى هذه الدرجه ان لايهتم بجواله وهو يعرف نوعية الرسائل التي قرأها منذ دقائق وكذلك يفتح على نفسه باب طلبك لجواله! مستحيل ان يحدث هذا الشيء الا ان كان مُخطط له مُسبقاً ليعرف هل تغاري عليه ام لا وهو احوج الى هذا الشعور في هذه الفتره من ذي قبل! برأيي المتواضع اتفق مع شخص مااااا على هذا السيناريو -ارسال ومن ثم اهمال للجوال ومن ثم يستدرجك بطلب جوالك حتى تطلبي جواله الخ- لكي يُثير فيك مكامن الغيره رأيي قد يحتمل الصواب وقد يحتمل الخطأ ولكن اقتباسي لكلامك أعلاه وكلامه بصريح العباره عن عدم غيرتك وبروده العجيب والمنقطع النظير عندما فاتحتيه بالموضوع ماجعلني آخذ هذه الزاويه المختلفه للمشكله...لأنها ان تأزمت الأمور سوف يُخبرك بالحقيقه. تمنياتي لك بالتوفيق |
|
اقتباس:
شاكر لك تعقيبك سيدتي الكريمه... اذا كانت فعلاً موجوده برأيي انه "قد" تركها عمداً تستطلع الأمر! لالشيء سوى انها -تلك المرأه- لاتعني له شيئاً و يستخدمها لإثارة مكامن الغيره عند الزوجه. قد يحاول استرجاع مافقده او ماقد مايفتقده منذ زواجه لاأدري لماذا لم يحتفظ بخط للرجعه في حال وجود امرأه فعلاً! أممم لا ادري لماذا تذكرت مسلسل "جميل وهناااء" فالغيره كانت محور المسلسل وكان جميل يحاول اثارتها بشتى الطرق :30: لازلت مُصراً بأن ماتم اكتشافه ليس بمحض الصُدفه...فتتابع الأحداث وتسلسُلها يدعم ذلك في النهايه.... الأُخت الفاضله هي من تستطيع ترجيح اي احتمال نطرحه لأن شخصيّة زوجها هي من يُعزِز أو ينفي هذه الإحتمالات... شكراً لك ولتعقيبك |
اقتباس:
انا قصدي وضحي زعلك خليك صامته لاتسولفين وفي نفس الوقت قومي بواجبك تجاهه بالعكس هذا احسن توقيت انك تطالبين برقم هذي البنت..خصوصا انك واقفه معه في محنته اكيد بيعطيك رقمها بكل هدوء تقديرا لوقفتك معه مو معقول يصيرهالشي ولايكون عن عندك اي ردة فعل وبكذا تساعدينه انه يتعمق في هاالاشياء.. هذيك المره زعل منك ولايب ييشوفك لانك غلطتي في كلمه وماأظن ان هذيك الكلمه جرحها اكبرمن الي شفتيه الان اكيد انتي مجروحه...خصوصا انه وصلت العلاقه بينهم للحديث في امورالجنس.. صدقيني بسكوتك هذا وتنتظرين زوجك يقوم بالسلامه وقتها يمكن يكون خلاص طاح الراس بالفاس..يعني يمكن يكون اعجب فيها ولا شي..في هالفتره..بما انه فيه محادثات بينهم..وانتي تنتظرين الوقت المناسب |
اقتباس:
ومااتوقع انه هذي المرأه متفق معها..من قبل لانها بدأت المرأه ترسل مسجات فجأه..بدون سابق انذار..وبعدين مو اي كلام قالته...كلام خطير.. ويااختي..ليش ماتتخيلين زوجك يخون او يتزوج...ليش وش ناقصه..؟؟يمكن انتي حاطه مشكلة رجله بتكون عائق...لا حبيبتي.ماراح تكون عائق امام بنات الحرام وقليلات الادب الي طموحهم الوحيد الرجال المتزوج ويحسون بالتميز لما تاخذ واحد متزوج وتخليه يعجب فيها. أختي .وجود هذي المراه في موبايله معناه توقعي كل شي...وسكوتكمعناهاهانه لنفسك لااكثر |
وينك هيا ؟؟؟ طمنينا عليكي انشغل بالي
|
السلام عليكم ورحمة الله وبركاته
اولا الشكر للجميع ما اقدر ارد على شخص شخص معليش انا يادوب اسرق الوقت سرقه علشان ادخل النت طبعا قبل امس ماقدرت انام حسيت نااااااار داخل قلبي وقررت اناقشه بالموضوع بعد صلاة الفجر خصوصا وهو ملاحظ اني زعلانه لكن ماحاول يسألني00طبعا عارف نفسه وكانت بداية النقاش بسببه هو جالس عالبلاك بيري تخيلوا طوال الليل ومانام وانا خلااص شوي وانجلط من القهر والحره سألته انت مانمت وبكل برود قال لا قلت كم صوره ارسلتلك وايش قالت بعد؟ هو سكت طبعا ماله وجه يتكلم وانا خلاص قلت بتكلم واللي يسير يسير وطلبته البلاك بيري ورفض قال انا اسف قلت اما الجوال او ما اجلسلك بالبيت ساعه قال انتي تبين الفكه مني وووو وعارفين باقي الكلام قلب الموضوع ضدي قلت لا تقلب السالفه وانا مابي اتركك لكن احترمني عالاقل يعني انا نايمه عندك وانت جالس تسولف عالبلاك بيري من الليل معاها مو عيب كذا قال انتي زعلانه بسببها يعني؟ اساسا هي حرمه كبيره وارمله ومابينا شي ولا يروح تفكيرك بعيد هي عمرها 48 سنه قلت لو عمرها ميه ابيك تحذفها الان وتفهمني قصتها جلس يبكي وزعلان لاني هددته بترك البيت يقلي مو وقته قلت مابتركك ولا بترك البيت لكن الله يرضى عليك فهمني قصتها وراح اتفهم كلامك وبصدقك لكن ابيك تقلي الحقيقه قال هي عمرها 48 وارمله وانا ساعدتها في صرف راتب زوجها التقاعدي لان كان في مشكله في صرفه من جهة عمله وبس وهو يحكيلها ويفضفض عندها لانها كبيره وطيبه والكلام الجنسي هو ضده وموعاجبه لكن يقول ما التفتله وقال انت ماتتفاهمين معي باي موضوع ودايم جافه بكل شي واختي مو اي سالفه اقدر اتكلم معها فيها وقال انا عطيتها البلاك بيري علشان مانتواصل بالجوال والاتصالات وانه هو ساعدها ونقل ابنها بمدرسه قريبه من بيتهم عن طريق ابن عمه لانه مدير احد المدارس وقال والله مابينا شي ابدا وانه يحبني انا وسألته ليه علمتها عن علاقتنا الخاصه؟ قال لانك مقصره معي بالموضوع هذا فانا كنت اخذ رايها وافضفض معها واقول كل اللي بخاطري وبالنهايه انا رجل على فكره كلامه قريب كثير من كلام سيدة الموقف يعني هي شخص صديق يجد فيه اللي مايجده لا فيني ولا في اخته ومسحها من البلاك البيري واعطاني جوالاته الاثنين وقال دقي على كل الارقام والله كلها رجال مافيها الا انتي واختي وخالاتي وعماتي يعني محارمي بس انا عطيته الجوالات وطيبت خاطره وقلت انا لو ما احبك مازعلت منك قال انا عارف بالمناسبه هو عنده جوالين ايفون وبلاك بيري وبالنسبه لسؤال سيدة الموقف نعم جوالاته كانت معاه وهو بالمستشفى الا قبل العمليه بيوم كانت معي لكن مقفله وقال انا ماكنت طول الليل احكي معها بل مع كم شخص منهم اصحابه بالخارج وبعدها نمنا ولمن صحينا وجلسنا سوا سالته ايش اللي مو عاجبه في علاقتنا؟ قال احسك وقت العلاقه مثل اختي من خجلك مو زوجتي00صدمني كلامه قلت من جدك؟ قال ايه والله من جد للان انا مو مرتاحه بصراحه من السالفه ومازلت شاكه ان الموضوع له خفايا وموضوع العلاقه الخاصه انا اكيد راح ادور حلول لها وبشتغل على نفسي وهذي ملاحظة احد الاعضاء ابو حكيم اعتقد ماني قادره اخذ راحتي معاه بالحكي بقلبي كلام كثير لكن الم رجله مانعني لمن يتألم احس قلبي ينعصر عليه عمليته كبيره والطبيب وضحلي ان نفسيته ممكن تدهور بسببها علشان كذا انا احاول ما ازيده هاليومين واخفف عنه بالكلام الحلو والله يشفيه ويرجعلي احسن من اول ويبعد عنا عيال وبنات الحرام انا براقبه طوال الوقت من دون مايحس وبحاول اطول نقاشي معاه لانه يقول اني ما اتكلم معه كثير واليوم اقترحت عليه نطلع نتمشى بالسياره مع السواق لانه مو متعود يجلس فتره طويله بالبيت كذا واليوم رجع سألني قال لو ماعطيتك الجوال من جد بتتركيني؟ قلت لا حتى لو انت طردتني مابتركك لكن عصبتني منك قلت انا احبك كيف اتركك؟ قام بكى صارت دمعته قريبه منه ماكان كذا قبل يمكن من العمليه وتعبها ؟ او ماعرف ايش صارله؟ |
الحمدلله يارب انتهى الموضوع على خير بس ياحبيبتي هيا أنا لفت نظري كلام زوجك لما قال لو شفتيه مع وحدة ثانية فوق الفراش مارح تهتمي كان بودي أقول هو يبي غيرتك عليه عشان تثبت حبك له كان قلتي له انا أغار عليك وماأرضى أي وحدة في العالم تشاركني فيك خليه يحس إنه الرجال الوحيد في العالم طيري فيه لفووق وغيري من أسلوبك سواء في الحديث او الأفعال خليك كنك عروس جديدة دلع وغنج وغيره وغيره أحلى شي المصارحة في الموضوع يعني مثلا لما سألتيه عن شنو اللي مو عاجبه فيك ومن هالكلام حلو إنه وضح لك عشان تغيري نفسك للأحسن وبالتوفيييق |
| الساعة الآن 08:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©