منتدى عالم الأسرة والمجتمع - هل أتزوجه وهو متزوج؟؟

أختي في الله أتمنى إنك ترجعي تقرأي رد الأخ رجل الرجال والأخت سيدة الموقف بتمعن وتركيز وأنا أنصحك يا أختي نصيحه لوجه الله تعالى ترى معظم ذولي الرجال إللي يتعرفون على البنات بطرق ملتويه تراهم كذابين وخونه ولايوثق بكلامهم أبد إنت ليش مصدقه كلامه وواثقه منه وقت قال لك زوجتي موافقه وش دراك إنه صادق في كلامه من الأساس زوجته كلمتك شخصيا قالت لك أنا راضيه إن زوجي يتزوج منك إذا كان هي بنفسها إتصلت عليك فصدقي ذاك الوقت أما إنه أول شئ يقطع في جلد زوجته فيها وفيها وأنا أبغى أرتاح صح ياحبيبتي هو بيرتاح وإنت إللي بتذوقي المر مرين بياخذ رغبته وحاجته وبيتمتع لفتره من الزمن ورماك وإذا مل منك وشاف حياته صارت مشاكل رمى بأقل الناس ضررا وهو إنتي الرجل ماراح يفرط في زوجته وأم عياله أبد إذا إنضغط في حياته تدرين ليش لأن هاذيك أم العيال الأساس هيه ثابته والباقي متحركين وإذا أراد أن يفرط فيها ماراح يقدر لأن أهله بصفها وأهلها معها ومن ديرته ودولته وبتاخذ حقها من وسط عيونه وماراح يقدر يستقوي عليها وبكذا ماراح تروحي فيها إلا إنتي وماراح تاخذي منه لاحق ولاباطل وإذا تعرضتي لظلم منه راح تخسري مافوقك وماتحتك وإنتي ترا كضين بالمحاكم ورى حقوقك الرجل إللي مثل هالنوعيه تلاقينه الحرمه بالنسبه له مثل العلكه يعلكها بفمه حتى يذوب حلاها وبعدين يطلعها يرميها وكمان شاطر في الكذب وتنميق العبارات مثل إللي يقرب نار الحطب تحت قدر الطبخ علشان وجبته تطبخ وتنضج زين و ياكلها
دائما يسمعك أحلى الوعود أنا بسوي وبسوي وبعطيك كذا وكذا وأنا مستحيل أفرط فيك هاذا بياع كلام يقول هاذا الكلام علشان يوصل لغايته ومقصده وعقب ما يقع الفاس في الراس وتتزوجينه وتجين معاه لبلده راح تنكشفين الحقيقه قدام عيونك وتتأكدين من كل الكلام إللي كتبناه لك هنا ورايحه تواجهي مشاكل مالها أول ولا تالي خصوصا لوكان أهله وزوجته ماعندهم علم مسبق بإرتباطه فيك وراح يتعرض زوجك لضغوطات خارجيه وفي البداية بيتحمل ويصبر لاكن في النهاية راح يتأثر ويقلب عليك بالذات إذا كان يتعرض لضغوط ومشاكل من بيته الأول ومن أهله وأنتي قابلتيه بغيرتك الزايده فأكيد إنتي إللي بتخسري وزوجك ماراح يهتم فيك على حساب عياله وأم عياله وأهله وصعب جدا يضحي بثلاثه مقابل واحد فإنتبهي وحطي عقلك في راسك تعرفي خلاصك .