|
أختي روح الطير
قد يكون من كثرة المشاكل والضغوطات النفسية وعدم الإستقرار سبب في قرارك أختي قرار مصيري مثل الطلاق لا يصح فيه الإستعجال أنا قرأت موضوعك السابق ولم أرد لأن الردود كلها موافقة لرايي لكن يااختي الطلاق ليس حل .. بل بداية لمشكلة جديده منها النفسي كان تعودي نفسك على وضعك الجديد وتعودي المجتمع من حولك وايضاً ان تعودي غبنك على عدم وجود جو الأسرهـ عيب زوجك هو الإتكالية ..وبإذن الله ستنحل :: اختي إهدئي وأوجدي لنفسك جووو هاااادي لتتخذي قرارك .. وأيضاً لم تخبرينا عن ردة فعل زوجك .. وعندما علمه بأمر الطلاق .. أصلح الله حالكم |
اعانك الله وفرج همك وكربتك
انتي الآن تحتاجين الى وقت راحة بعيدا عنه تسترجعين انفاسك وتأكدي انكم لن تستغنوا عن بعض |
اقتباس:
اقتباس:
الله يحفظكم لبعض |
اختي لا تستعجلين اذا كنتي متضايقه مره روحي عند اهلك كم يوم ارتاحي وعسى الله يكتب لك اللي فيه الخير ويسهل امورك يارب
|
روووووح ؟؟؟؟
صلي على النبي .... شفت عنوان الموضوع و انصدمت خييير حبيبتي ... كل انسان فيه سلبيات . بس الحمدلله سلبيات زوجك ما توصل للطلاق لا بخيل و لا منحرف و لا راعي علاقات يحترمك و يحبك و سلبياته ان شاء الله بتتصلح .. بس بعد ما تستقروا مع بعض بيبت واحد |
بأرد دحين ، بس أستنى ولدي ينام بعد شوي
لإنه بيشتتني كثير ، و الأستاذ ولدي ينام في نص الليل و يصحى من بعد الفجر بس اللي نصحني إني أروح عند أهلي أريح شوي فأنا عندهم من 3 أشهر ، و زوجي مريح حاله فخليني أفك نفسي مني و أريحه مرة وحدة راجعة ،. تأخرت لإنه كانوا فيه ضيوف عند أهلي اليوم و خرجوا من ساعتين ، و أمي كانت تعبانة اليوم بين الحياء و الموت |
ماتشوف شر امك الله يعطيها الصحة و العافية بحق العزيز المقتدر..يشافيها يا رب
|
استخيري ربالعباد
فهو الاعلم بما انتي عليه وحاولي تسترجعي اجمللحظات عمرك معه وتتذكري التضحيات التي قدمها لك فكري في كل شئ في طفلك كيف سيكون وضعه في نفسك كيف ستكون حياتك المقبله اذا زوجك ماله في العلاقات المحرمه مصلي لايهينك ولايسبك فارى ان تتراجعي في القرار ولاتفرحي ابليس لانه يحب هدم الاسر وتشتيتها وبالاخير اقولك برضه استخيري الله ييسر لك الخير سواء زوجك او غيره |
ماتشوف شر الله يحفظ لك امك
روح فكري زين قبل اي خطوة اعرف انك عاقلة ورزينة بس تروي في اخذ القرار واستخيري الله فكري بابنك |
معليه .. ماني عارفة كيف أبدأ ؟ . . أحس كل شئ تجمع علي في لحظة وحدة .. و ما أحب أكون ضعيفة و استسلم .. أحس كل شئ تراكم فوق بعضه ، من قرار تأجيل الدكتوراة ، من مرض أمي بالسرطان ، من تحمل مسؤولية ولدي لوحدي ، من برود زوجي و اهماله ، من كل شئ .. من مشكلة حصلت في العيلة و أنا في النص بأحلها .. . . * ما أعرف إيش أقول ؟ * يمكن أحد يفيدني كيف أقدر أتصرف و أفهم طبيعة الإنسان هذا و طريقة تركيبته ؟ أو أغير من نفسي ؟ زي ما قلت قبل .. إننا في الغربة ماكان يفكر زوجي أبدا في (المستقبل) مع إني قلت له ( مصيرنا بنرجع و بنحتاج نأثث شقة و نجيب سيارة ) قال لي (بأحلها و لا يهمك) ؟ <- طبعا بس عشان يسكتني قلت له (ترى ماني مثل زمان ، و ما حأتحمل النتايج وقتها من دحين بأقول .. و أهلي مو ملزمين فينا ، إنهم يتحملوني و يتحملوا ولدي ) قلت له كذا ، لإنه في الخارج كان يصرف كل فلوسه في أسبوع واحد و أنا أشيل هم المصاريف و كل شئ إذا نقص أي شئ .. بنفس الوقت ، كان مررررررة حبوب و لطيف معايا و يهتم فيا و يدللني و يساعدني مرات في البيت و ما يحب يزعلني .. فكنت أقول بداخلي ( يكفيني حبّه و تدليله ) و مافي شئ كامل في الحياة هذه .. ++++++++++++++++++++++++++ * جينا هنا للسعودية * صار لي 3 أشهر في بيت أهلي أنا و ولدي .. و أحس زوجي عاجبه الوضع ؟ و هو شايف نفسه مو مقصر أبدا ، لإنه حجته الظروف .. و لو تكلمت و قلت له ( تعبت من الوضع ) يبدأ يتأفف و تتغير أخلاقه .. طبعا .. جاب الشقة بعد موضوعي اللي نزلته .. و بعد طلوعة الروح و بكاء و أنا اللي أحركه كل شوي .. و أعصابي كانت عالأخر و ماسكة حالي و أكتم غيظي و أكبر عقلي و اختار الوقت المناسب إني أكلمه فيه.. بالإضافة إلى إني - من ناحية المشاعر - كنت متعودة عليه من بداية الزواج ،. ما أنام بعيدة عنه يوم واحد ، إلا لظروف قاسية .. فتعودت على وجوده جنبي .. بس خلاص ما صرت أهتم دحين و لا أدور عنه .. و ( قلبي عافه و برد تجاهه ) لإني يوم أقول له متى نرجع نستقر زي زمان و تعبت .. يقوم يتأفف ، و يقول ( شايفتني ألعب ؟ ) ،. أقول له بأكلمك بشويش .. كلمني بشويش .. كنت أقول له ( طيب عدّي علينا خلينا نشوفك ؟ وحشتنا .. أو نفسي أتكلم معاك ) .. يقوم يتعذر بأي عذر ؟ فين اهتمامه السابق ؟ و فين حبه االلي يتكلم عنه ؟ مع إني كنت في الخارج مشغولة مرة مع دراستي و مو فاضية له ؟؟؟؟ و كان هناك مرررررة رومنسي ؟ . . في البداية .. عذرته عشان أوقات دوامه في العمل ، و عشان حجة السيارة .. ( بالرغم من إني قلت له في الخارج ، ترى شهر بالكثيييير بأجلس عند أهلي ) و للأسف ، إنه رمى بكلامي كالعادة خلف ظهره .. و دحين بأتحمل نتيجة طيشه هناك أنا .. صار يتحجج و يقول يا حبيبتي .. بس اشتري السيارة و تشوفي كيف تشوفيني كل يوم و تشبعي مني و أخلص من الشقة و أثثها و ما نحتاج لسيارة أحد .. ( مع إني من زمان قلت له ، جمّع فلوس السيارة من دحين .. بكرة بنتورط ) و أنا مليت أتحمل نتايج طيشه و اهماله و مراهقته المتأخرة و اللي انحرم منها في بيت أهله . . قلت يا شيخة ، خلاص انسي اللي فات و لا تدققي .. و بيتعلم إن شاء الله و يتغير جبت له السيارة مثل ما قلت في الموضوع الأخير و بدل ما نشوفه أنا و ولدي مثل ما وعدنا ، استمر على نفس أسلوبه و يتحجج إنه بيأثث الشقة ، و أنا عارفة إنه نص كلامه كذب ( كأني بأتشحت شوفته ، بدل ما يحرص هو على شوفتنا ) و مازلت عند أهلي .. و أنام أنا و ولدي مع بعض .. و كل شئ ينقص علينا أهلي بيوفروه .. و هو إذا طلبت منه - عشان أحسسه بالمسؤولية - بيجيبها لي بعد يومين .. و ما أتكلم و لا أدقق .. بعد يومين ، أحسن من لاشئ .. طبعاً .. هو أبرد ما عنده ؟ . . و إذا فرضاً .. جاء يزورني، بيجي عندي نعساااااااااااان و على طول يحط راسه و يشخر و إذا خرجنا نتعشى كمان ، يكون سااااااااااااكت و نعساااااااااااان ؟؟؟ ليه ؟ قد كذا أنا ثقيلة على قلبه ؟ +++++++++++++++++++++++++++++++ و إذا خرجنا مثلا نتمشى بس ساعة .. يقوم يخاصم ولده و يحط راسه براسه ، و تنقلب ( نكادة ) كالعادة .. و كم مرة قلت له ، أكره ماعندي .. الهمجية و النكد و الصياح .. مو كفاية ، إني ماسكة أعصابي و متحملة كل شئ ؟ ( حتى في الخارج ، كل ما خرجنا و معاي ولدي ، ينكد زوجي معاه و تنسد نفسي ) بس يتضاربوا ، زوجي يحب يصغر عقله بعقل الطفل .. و إلا يخليه يبكي .. و أجلس أتفرج عليهم .. لمتى ؟ و كم مرة قلت له بإنفراد .. كلمه بشويش أول مرة ،. و إنت شايفه كيف يسمع الكلام من أول مرة موو لازم صياح و مد اليد .. و الضرب على أتفه شئ ، عمره ما كان أسلوب في التربية .. ولدي صار دحين يكرررررره يخرج مع أبوه و من حاله .. لإنه تعوود على غيابه عنه .. و حتى يوم يحتاج ولدي لأي شئ فبيجي يطلبه مني .. لإنه أبوه ما يشتري له .. أقوم أمثل على ولدي و أقول له : قول لبابا شكرا لإنه جاب لك الشئ هذا .. أبغى زوجي يحس .. و أبغى ولدي يحسب إنه من أبوه .. يعني اللي بأوصله إنه ولدي أصلا ، اخر اهتمامات زوجي و كم مرة يطلب مني أعطيه لأمي المهم ، خلينا من ولدي دحين .. +++++++++++++++++++++++++++++++++ * جبنا السيارة .. * يتبع .. قبل لا ولدي يسحب السلك و يفصله و يطير الرد |
| الساعة الآن 05:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©