كل زوج أو زوجة يحب يطبق الفكرة يسهلها قدر الامكان على شريكه حتى تتطبق ... الزوج المشغول ممكن زوجته تطلب منه مقدارشري كاسة شاي أو فنجان قهوة فقط ...وممكن تطلبها بشكل غير مباشر ...يعني تسوي الشاي أو القهوة أو أي مشروب مفضل للطرف الاخر وتعزمه عليه ...تعال نشرب كذا على البرندة مثلا أو بحديقة المنزل أو حتى بصالون الضيوف ... وتكرر الدعوة كل يوم بالوقت اللي تشوفه مناسب ... بعد الغدا أو بعد نومة الظهر أو بعد نشرة الاخبار .

ونشرة الاخبار هذي لي معها قصة وقضية ومحكمة ودعاوي هههه لان زوجي مدمن قناة الجزيرة ونشرة الاخبار عندنا مدتها 12 ساعة :) لكن أصيده بعد الغدا بكاسة شاي

موضوع مفيد جدا ... شكرا لك أخي :)

حياك الله يا أخت شقردية
لا يشترط أن يكون هناك نقاش وإثارة لمشاكل...
يكفي الجلوس والسوالف الخاصة والسماع من الطرف الآخر , لأن بعض النقاش قد ينقلب إلى شقاق ..

أهلا بالأخت الورد المجروح
نعم كما قلت للأخت شقردية لا يشترط ن تكون ساعة عتاب أو شكوى
المهم الخلوة ببعضهما من كل مؤثر خارج , وأن يبوح كل منهما للآخر
والحوار لو طبقناه لما وجدنا مشاكل أصلا ً

[QUOTE=مرور كرام;2527510][COLOR=darkgreen]حياك الله يا مرور كرام
التجديد والتغيير يكون في مكان الاجتماع , ويكون في الوقت أيضاً , وفي إضافة أشياء في المكان ترغب وتجذب وتحبب , أو في التغيير من المحادثات المطروحة وهكذا ..

ما شاء الله فكرة طيبة وحلوة
وكما قال الشاعر :
قيد صيودك بالحبال الواثقة :)

الله يجزاك خير أخوي فكرتك حلوه وأنا أنصح بتطبيقها وخلال إسبوع واحد بإذن الله الزوجه بتلمس التغير في حياتها ولاعاد تقدر لاهي ولا زوجها على ترك هاذي الساعه يصير الزوج حتى لوسافر يشتاق لجلسة هاذي الساعه وتصير الزوجه تنتظر موعد هاذي الساعه وخلاص يتعود كل منهما على هاذي الساعه وما يتركوها ولاينسو وقتها أنا بالنسبه لي هاذي الساعه ما أقول فيها ملاحظاتي على زوجي أو أتشكى من شئ أو أناقش أي شئ فيها أنا أي شئ يضايقني أو أحب إني أوصل فكرتي لزوجي عن أمر ما أو عندي إعتراض على شئ أشيل ورقه وقلم وأكتب فيها أول شئ كلمات أثني فيهاعليه وعلى بعض صفاته بعدها أشرح له وجهة نظري أو أقول فيها وش مضايقني وإيش أبغى منه يسوي وأختم رسالتي ببعض كلمات الحب والدعاء له بالصحه والعافيه والصلاح وأغلفها وأرش عليها عطر وأحطها بجيب ثوبه أو في محفظته وأتحين الوقت إللي أحطهافيه مثلا أحطها وقت اليل علشان الصباح يحصلها أو قبل طلوعه من البيت طبعا زوجي ياخذها ويقرأها والحمدالله دايم ألقى منه تجاوب وتفاهم بالنسبه له هو إذا عنده شئ وحب يناقشني فيه وقت نجلس نشرب شاي وقهوه يقول إللي عنده وأنا كللي آذآن صاغيه عادي عندي بالنسبه لسوالف ساعتنا كل واحد يقول وش مر عليه في يومه ونرجع نخطط وش يسوي بعد تقاعده وش يفتح له مشروع وأحيا نا نرجع كل واحد يحكي الذكريات الحلوه والمقالب إللي مرت عليه وفي بعض الأوقات تمر فينا مشكله خارجيه
مو في البيت يعني من المحيط الخارجي نجلس أنا وزوجي ندور لها حلول والحمدالله حلولنا وأفكارنا ووجهات نظرنا دايم متشابهه ومتقاربه والحمدالله دائما تنجح معنا وأنا أنصح كل الأخوات يجربوها أنا أحيانا زوجي يناوب في دوامه من الساعه عشره صباحا حتى الساعه عشره اليوم الثاني يوم يجي البيت يقول لي أمس أفتقدت جلستنا كثير
وأشتقت لها حسيت بشئ ناقصني حتى أنافي البيت أحس بملل وطفش بس أتذكر إنه عمله واجب عليه وإنه جالس يعمل من أجل إسعادنا حنا أسرته فأصبر
وأسلي نفسي بأي شئ مع عيالي .
معليش أخوي يمكن ردي أطول الردود
أعذرني على الإطاله أطال الله في عمرك على فعل الخير لإخوانك وأخواتك وأسأل الله أن يعطيك حتى يرضيك وان ينير بصيرتك ويرزقك من حيث لا تحتسب.

بارك الله فيك لكن ما الحل مع زوج لا يوافق على الفكرة بحجة انه مشغول وليس لديه وقت

وجزاك الله خيراً
ما أقول إلا ما شاء الله عليك يا بنت الحكمي
الله يهنيك مع زوجك ويحفظكما من كل سوء ومكروه
ردك مميز وتجربتك جداً حلوة , وأتمنى من الجميع الاستفادة منها ...
الله يجزاك كل خير ..
وبالعكس تطويلك أفاد ..