منتدى عالم الأسرة والمجتمع - أخت زميلي دخلت علي في المجلس ؟ رأيكم ((مستجدات بالرد48))

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

والله انا حصل معي موقف كذا قبل 5 سنوات .. كنت متجهزة ولابسة عشان نروح لزواج ولد عمي ... وكان الوقت المغرب ودخلت المجلس الا وتفاجأت برجال توه جاي يبي ابوي ..

وبعدها بكم يوم جتنا عمته تخطبني وامي رفضت لانه متزوج ومازال الى اليوم هذا يتردد علينا .... << حسافة لو كان حصلتلي مع واحد كفو :d

ألف ألف ألف شكر لكم جميعاً وبصراحة ماخاب ظني فيكم ,, ماشاء الله ثقافة عالية وآراء تنم عن معرفة وخبرة وقبل ذلك أخوّة في الإسلام ,, المهم أنا إرتحت أكثر للرأي الذي شجعني على التقدم لأخت زميلي وخصوصاً لمعرفتي التامة بأخلاق زميلي من خلال معاشرتي له بالعمل وخارج العمل ومن عائلة محترمة ,, وعلشان كذا أريد منكم المساعدة في الخطوة الثانية وهي كيف أكلم زميلي بخصوص أخته , والأصعب من ذلك كيف أحدد له الفتاة التي دخلت علي في المجلس , وهل تعتقدون أنها أخبرت أخيها بالموضوع ,, وبالنسبة للذين يقولون في البداية إجعل أهلك يشاهدون الفتاة ويجلسون معها ويسألونها كم سؤال ,, للأسف ماعندي شقيقات والوالدة كبيرة في السن صعب عليها هالموضوع وبالنسبة لقريباتي الآخريات ( العمات والخالات ) فما أعتقد أحد بيساعدني لأنهم زعلانين إني ما أخذت من العائلة .

تكلم مع زميلك و قول له ما عندي أخوات ، إنت كم أخت عندك ؟
إذا قال لك وحدة ، خلاص بتعرف إنها هي
إذا قال لك اثنين و وحدة متزوجة ، بتعرف إنه هذه اللي مو متزوجة :D

يعني حاول من بعيد تعرف و لمح له إنك ناوي تخطب

و استخير لا تنسى

ياطويل العمر طالما انك معزم هو كان الافضل ترسل احد من النسوان ولكنك تقول ماعندك من يروح بسيطه,,, ياخي صارح صاحبك وقوله الفلم بالكامل بس هنا ركز معاي ساعة ماتقوله كلمه على اساس انك فاهم ان الي دخلت ظيفه عندهم مش من بنات البيت عادي تقوله ساعة ماكنت عندكم طاحت عيني على وحده دخلت فان كانت صديقة اختك تكفى كلموها وردوا علي لاني باخذ الاهل عندهم بهذه الدراما ان عطوك خير وبركه وان ماعطوك بتكون ماخسرت صاحبك

اسمع الشور اللي اشوفه صحيح

- لا تحكي ابدا لصديقك عن الموضوع تراه شي يزعل انك شفت محارمه حتى لو بالغلط

- اخطبها وتوكل على الله وخبر اهلك انك اخترتها وسعادتك اولى من غيرك

باختصار شديد

وضح لزميلك انك تبحث عن فتاة مناسبة واسأله اذا كان يعرف احد من قريباته ومن ثم قل له ماعندك اخوات في سن الزواج حتى تتوصل معه الى اخته وفاتحه في الموضوع

الله يكتب لك الخيرة

سبحان الله

انا مع انا النظرة لثواني ماتكفي

تذكرت قصة زميلتي
كانت بالمطبخ عند اهله والبيت مليان
واحتاج زوجها يشرب مويه
دخل المطبخ ولمحها وعلى باله مو زوجته طلع على طول
وطيرااان لأمه قالها مين الحلووووووة اللي بالمطبخ دخت عليها
وتقول للآن مو مقتنع انها انا يقول تكذبون علي :)

يـــــــــــــووووووووووووووه ياما وياما وياما

حصلت:d

وقصص كثيييره عندي بس مافحالي اقولها:d
المهم يا اخوي حركت البينت اكيد عفويه

ومدام رسخت صورتها بالعقل والقلب صار مشغول بها

وحبيتها

اعقلها وتوكل كلم اهلك وخطبها

يلا نضره شرعيه جات لك من ربك

وراح تكون هالمصادفه الحلوه ذكرى جميييييييييييييله بحياتكم

بالتوفيق

بالنسبه لسؤالك شوف لك وحده من خالاتك هي اللي راح تساعدك

يعني وحده منهم ثقه كلمها وقلها واوصف لها البنت وخليها تزورهم وتشوف البنات ومن خلال

وصفك لها راح تعرفها وتعرف اسمها وتخطبها بكل سهوله

يااااااااااااااااارب ييسر لك الخير ويفرجها عليك ويجمع بينكم انت والسندريلا الجميله

وتكتمل القصه على خير وتختم بالزواج وتخلفو صبيان وبنات

[align=center]أأيد وبقوه كلام اخوي حب مفقود ..

قبل لا تسوي اي شي تخيل الموقف يصير معك (( تخيل ان عندك اخت وصار لك نفس الحكايه ))

تخيل انك كلمته وقلت له انا رجال بخطب اختك الي دخلت علي .. ورحت وشفتها الشوفه الشرعيه .. وماعجبتك ! بعد ماتمعنت فيها ماعجبتك !! ترفض ... وش بيكون موقف صديقك واخو صديقك منك .. يعني شفتها المره الاولى وعجبتك .. المره الثانيه ماعجبتك ..

انا اقول يا اخي دامك عزوبي فأنت تشوف اي بنت من غير محارمك حلوه واجمل وحده لانك وبكل بساطه ماشفت غيرها .. بكره تشوف الي بيخطبونها لك اهلك وتغير رايك وتنسى موضوع صاحبة اختك ..

لاتنسى يا اخوي .. البنت الي عن طريق اهلك تقدر توصل لكل تفاصيلها (( عن طريق الحريم )) يعني البنت وش تحب وش تكره كيف شخصيتها تصلحلي ماتصلح لي ..

اما البنت الي عن طريق صاحبك .. فأنت ماتقدر توصل لتفاصيل تهمك كـ زوج .. شخصيتها اخلاقها وش تحب وش تكره تصلح لي ولالا .. تقدر تعرف هالاشياء عن طريق صديقك ..

يعني تروح لصاحبك وتعزمه بمطعم ولا باي مكان .. وتقوله ياابو فلان انا والله ودي اتقدم لأختك .. وابيك تعلمني شخصيتها وش تحب وش تكره (وعلى هذا الاساس تحدد انت اذا البنت تصلح لك ولا لا) .. واكيد صاحبك اذا سمعك تقول هالكلام بيقول والله الرجال صامل ويبي يتزوج اختي .. خلني اعلمه شخصيتها وكذا ( بدون وصف للشكل ) ولا راح يكذب عليك لانها اخته .. وانت اولا واخيرا راح تعرفالكلام صحيح ولا لا .. وهو مايبي يضر اخته يعني ..

اذا جازت لك الطبايع والشخصيه توكل على الله .. اذا ماجازت لك قوله والله ماتجوزلي وماراح نكون متفاهمين .. وبكذا انت لا شفتها ولا احرجت نفسك واهلها معك .. يعني ماصار شي رسمي ..

اذا ماتبي وجع راس .. (( وصعبه تحدد شريكة العمر من نظره بثواني )) يعني ثانيتين شوفه بالمجلس ماتكفي انك تحددها شريكت حياتك .. التفكير فيها مجرد وسواس وان بحكم طيب نيتك فكرت بالزواج منها ..[/align]