عزيزتي ام وليد ربي يفرج همك ويعطيك على قدر صبرك وتحملك وحبك لزوجك ... اختي رقم ذلك الشخص الخبيث لو استطعتي ان تعطيه لهيئة الامر بالمعروف والنهي عن المنكر { بشرط } ان تكوني واثقة ان زوجك لن يتضرر من هذا الاتصال لان رقم زوجك عنده . فأعطيهم رقمه . الان اتصلي بشيخ واعطيه رقم هذا الخبيث واستشيريه هل لو اخبرت عنه الهيئة لن يتضرر زوجي معه او اذا كنتي واثقة من ذلك اعطيهم رقمه واخبريهم ان لديكم اطفال وانك خائفة على زوجك وهو لايعلم باتصالك .... وهكذا وربي يوفقك

وبالنسبة لاخبار صديقه فهذا يعتمد على شخصية ذلك الصديق وكيف سيخبره اي المفروض ان يلمح له عن التغيرات التي لاحظها عليه { واستغرب كيف يكون زوجك مدخن حشيش منذ 4 سنوات وربما قبل ذلك ولم يلاحظ احد عليه ذلك الشئ سواء اهله وخاصة في عمله ومن زملائه وهذا الزميل بالذات طالما انه قريب منه ؟؟؟ } وهل لديه القدرة على تشجيعه للعلاج ؟؟ لو كانت الاجابة نعم فاخبريه وان شاء الله يقتنع زوجك ويذهب للعلاج ويترك صاحب السوء طالما ان هذا الرجل ملتزم ولا يبوح بأسرار الغير كما ذكرتي . ربي يفرج همك ياقادر ياكريم ويهدي زوجك ويعافيه ويبعد عنه اصحاب السوء .

سبحان الله والله انتم يالحريم فيكم لقافه غريبه

اسمحيلي على الرد القاسي شوي لكن لعله يفيدك

انا متزوج من 8 سنوات واتعطى الحشيش لحد 2008

واكتشفتني زوجتي لكن بحكمة العقل والرزانه عرفت كيف تخليني اترك المستنقع القذر وللمعلوميه جلست زوجتي

سنتين وكم شهر وهي من طريقه لطريقه ومن حل لحل

لحد ماجا اليوم اللي جتني وانا في قمة النشوه من الحشيش

وطلبت طلب صغير مني وهي الذهاب للعمره قسم برب العزه لما قالتها ادمعت عيني وعرفت المغزى من هذا كله

والحمدلله رحنا مكه وجلسنا خمسه ايام بالحرم وهذا انا لي سنتين مافكرت حتى اشربها واذا جاني الشوق لها تذكرت ربي وتذكرت زوجتي اللي حاولت وحاولت عشان تساعدني


وعايش حياه حلوه الحمدلله وعسى ربي يتوب علينا

القضيه ليست هنا القضيه انك تعالجين الخطا بخطا على زوجك

طالما انتي عايشه براحه وسعاده ابتعدي عن نعرات الشيطان اللي تقودك للتهلكه والتجسس على زوجك تراها عاده شينه

وبعدين اللي اعرفه الحرمه الرزينه ماتطلب الطلاق ولا تقولين طلبته عشان اظغط عليه ويترك الحشيش

لان الشغله ماهي بالكيف ؟؟؟ وفهمي كلمتي هذي لو الواحد بيده كان كل مدمنين المخدرات تركوها

الزوجه الواعيه الفاهمه تعرف كيف تخلي زوجها يترك الهيروين اللي هو اصعب حاجه مو حشيش؟؟

ونصيحه لك حاولي تختاري الاوقات اللي يكون زوجك فيها رايق ومرووووق؟؟ وتعال تكلمي معه باسلوب ود وحب وليسى اسلوب تهديد وفكري زين بالنهايه تراك انتي الخسرانه الرجل مايخسر شي ولا يعيبه شي

واذا احتجتي مساعده تراني حاظر وعسى ربي يوفقك بحياتك

(ملاحظه بسيطه) غلطة عمرك اذا فكرتي تعلمين اي شخص كان بمشاكلك مع زوجك

ولا تهمك بعض الردود لانهم لو مكانك ماقالو كذا واللي يقولك روحي بلغي عليه الهيئه ..!!

يعني بالله عليك في زوجه ترضى لزوجه الاهانه والتشريد ؟؟ بكرا عياله اللي انتي امهم بيتبعون نفس خطاه؟؟

....

الله يعينك يالغالية
في نظري تكلمي صديقه الملتزم ولا تخبري زوجك بذلك

ماشاء الله عليكي

أحييكي أختي على رجاحة عقلك ماشاء الله

أنا ماقرأت ردود الأعضاء كلها ومدري لو أحد أقترح هذا الإقتراح قبلي ولا لا

أكتبي رسالة بالكمبيوتر (حتى لا يعرفك من خطك )

خليها لغة عربية ..

وأكتبي عبارة مناسبة له فيها تهديد ..

وحطي الظرف في صندوق الجرائد مثلا كأنه أحد حطه

.....

ما أدري زوجك هل ينفع معاه التهديد والتخويف ..

من ردك فوق فهمت إنك خوفتيه برقم غريب ولا نفع ..

تتوقعي برأيك ليه ماخاف ؟؟

يعني واحد بمكانة سمعة ومركز أكيد راح ينهز لهذه الرسائل !!

لو كان زوجك قوي شخصية وماهمة معناته لازم تستخدمي أسلوب أقوى شوي

أبووه لو دخلتيه إيش السلبيات ؟؟

ياريت تكتبي السلبيات وهل هو بار في أبوه وهل كلمة أبوه مسموعة عنده

وكيف علاقته بأبوه ..؟

الله يوفقك دنيا واخرة يارب