|
اقتباس:
و يعين الجميع يا أخوي .. مشكور على مرورك مو هذا اللي قاهرني و معذبني .. تقول متعلق على اييييييش؟؟ لا شكل عاجبته و لا شي و لا يمدحني و دايما يردد موضوع الزوجة الثانية !!! مرات يتمسخر يقول "نعمل لك صيانة!!" .. و مرات يقول "أخليك على ذمتي و أخذ وحدة ثانية!" ما أقدر أستحمل كلامه إهااانة لي و لكرامتي كأنه شايفني و لا شي .. و لما يحتد الكلام .. يرجع في كلامه و يبرره بأنه يمزح! احترت فيه |
اقتباس:
طيب شوفي .. اشتري له كتب وقولي له إذا تبي حياتنا تستمر اقرأ هالكتب لأن مبين عليه مسيكين وعلى نياته ويقط كلام يفكر انه راح يخدمه ما يدري انه قاعد يدمرك .. صدقيني انه مو عارف نتايج هالكلام اللي يقوله .. لكن عليك بالكتب اشتريها له وقدميها هديه وحددي الصفحات المهمه خصوصا في هالفتره واضيفي اليها رساله وضحي له الامور اللي في بالك وان هالكلام يجرحك ومن هالكلام .. واذا تبين اكتب لك اسماء الكتب ابد من عيوني .. انتظر ردك .. |
مشكور أخوي الله يسعدك و يجزيك كل خير ياليت تزودني بأسماء الكتب اللي عندك و شاكرة لك .. إن شاء الله يتقبل هالهدية و لا يعتبرها انتقاص له .. و الله يكتب اللي فيه الخير يا رب |
تجديد النية يعني 1- ان تريدين بالزواج تنفيذ امر الله واتباع سنة الرسول صلى الله عليه وسلم والزواج امر عظيم. 2- تحصين نفسك وزوجك عن الحرام. 3- تكثير الأمة الاسلامية. 4- تربية جيل صالح يرفع راية الاسلام ويدعو لكم بعد الممات مصداقاً لحديث اذا مات ابن آدم انقطع عمله الا من ثلاث ولد صالح يدعو له. واخيراً اجعلي جميع مخططاتك المستقبليه تهدف الى سعادة الدنيا والأخرة لتوصلك باذن الله الى جنات النعيم بارك الله فيك |
اقتباس:
ابشري ولا يهمك ما طلبتي شي .. شوفي .. 1- أسرار وأزهار للمقبلين على الزواج .. للدكتور عبدالرحمن محمد طالب . 2- كيف تسعد زوجتك .. تأليف عبدالرحيم مارديني . 3- دليلك إلى المرأه .. تأليف عدنان الطرشه << هذا الكتاب ما اتوقع يناسبه لكن انتي اطلعي عليه وشوفي يمكن يناسبه بما انك خطيبته وقريبه منه وتعرفين مستوى ثقافته .. هذي الكتب وهي تنفع قبل الزواج وبعده .. وعلى فكره خليه يحضر دورات للمتزوجين والمقبلين على الزواج ترا فيها فايده كبير .. وبعدين اهم شي شوفي لك اسلوب حلو إذا جيتي تقدمينها له .. يعني الأسلوب اللي تشوفينه يناسب .. وبعدين قولي له حنا تونا جديدين على الحياه الزوجيه ولازم نتثقف وانا عارفه أنك فاهم ( يعني طيريه بما أن الأنا عالي عنده علشان تكسبينه ) واعرف انك مثقف من هالناحيه لكن لابد من الثقافه في هالامور لان حنا بشر ويمكن الانسان ينسى بعض الامور أو ما تطري على باله .. وحطي بعد رساله وضحي فيها كل الامور .. واللي تشوفين انه غلط وموجود في هالكتب قولي له اقرأ الصفحه الفلانيه او الموضوع الفلاني .. وبعدين اشتري له كم شريط .. وانصحك بشريط للشيخ ابراهيم الدويش .. ما اذكر اسمه بالضبط لكن هو نسختين في علبه واحده .. شريط للرجل وشريط للمرأه ويتكلم فيه الشيخ كيف كان الرسول صلى الله عليه وسلم يعامل زوجاته .. لانه اذا سمع ان الرسول يحترم زوجاته ولين معاهم راح يتبعه ان شاء الله .. وطبعا أقري هالكتب واسمعي هالاشرطه واشتري لك انت كتب تخصك .. انا ما اذكر وش شريت لخطيبتي لكن فيه كتاب مررره حلو ويصلح لك .. الشي الثاني الناحيه الدينيه ذكريه بها يعني الدعاء وهو مهم جدا قولي له يدعي لك وانتي ادعي له .. الشي الثالث إذا تبين تحبينه حاولي تكون نظرتك للجوانب الإيجابيه فيه واتركي الجوانب السلبيه .. لان كل انسان له ايجابيات وسلبيات .. واذا نظرتي للجانب السلبي راح تتعبين فلذلك انظري للجوانب الايجابيه فيه وصدقيني راح تنبسطين .. وفقك الله ولا تنسيني من الدعاء |
لا تنسين تعلمينا باللي يصير معك ..
لأني تحمست بصراحه وحاس انك راح تنجزين وتمشي امورك تمام .. ننتظرك |
أختي:
استخيرررررررري لانوا مهما نصحناك ربي هو اللي اعلم بالخير لك .. استخيري اكثر من مره ولو خير ربي راح ييسره لك ولو شر راح يصرفه عنك .. وطبعا لاتنسين الدعاء وان شاء الله ربي معاك وراح يسويلك اللي فيه الخير والصالح .. |
| الساعة الآن 05:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©