|
الله يصلح الأحوال...........
ياأختي هذا الشيطان يبغى يخرب حياتكم ..... تعوذي بالله منه ........... واسعي إن حياتك تكون مثالية ............ وابدئي صفحة جديدة .......... الله يعينك |
الله يصلح حالكم ويوفق بينكم على خير
ويخزي الشيطان اللهم امييين |
كان الله في عونك اختي مس فرابي .. الاخوه ما شاء الله كفو و فوا ... بس واضح انك لسه ما سامحتي زوجك ..قدر ما نتسامح تكون الحياة أجمل.. التسامح مبادرة ليست من أجل الآخرين فقط .. بل من أجل أنفسنا.. لأننا حينما نتسامح نسمو ونتصالح مع ذواتنا.. التسامح فن يكتسب مع التعود والإرادة .. ويجعلنا أكثر تفاؤلا في الحياة .. وأكثر تقبلا للآخرين. التسامح دلالة قوة وثقة .. وليس مؤشرا للضعف والسذاجة... نحن نتسامح لأننا كبار من داخلنا.. اختي مس فرابي احيانا تمر علينا مشاكل تظل محفوره في ذاكرتنا و في وجداننا و في قلوبنا و تسيطر على تفكيرنا و تكدر صفو عيشنا بل تؤثر تأثير سلبي على مسيرة حياتنا .. و لا نستطيع ان نتجاوزها بمفردنا .. لابد لنا من يد تعيننا على تجاوز هذه الازمه بعد الله سبحانه و تعالى .. اختي اذا كنت تعتقدين ان حياتك راح تتدمر بسبب الشك انصحك انك تزوري معالج نفسي عشان يساعدك على تجاوز هذه الازمه فهؤلاء المتختصين لهم طرقهم الخاصه و في جلسات خاصه تجعلك تتخطين هذه الصعاب و تعودي الي حياتك الطبيعيه .. بالتوفيق ان شاء الله .. |
اشكركم اخواني واخواتي في المنتدى لكن فعلا اشعر باحباط شديد ونفسي اني اتسامح مع نفسي مثل ماقالت الاخت اميرات وفعلا الشك لاعب فيني مو قادره اثق باي رجل شوفوا كمان المشاكل اللي في المنتدى كل وحده تصيح من جهه
الله يعين |
حصلت اليوم تطورات كبيره في الموضوع
حسيت انه يبي يتقرب مني وانا بصراحه ودي بقربه لكني مشحونه منه قررت اني اتكلم معاه بصراحه وقلت له في جو هادي جدا حبيبي فلان انا ما اقدر اكذب عليك ولا ابي اظلمك انا تعبت بصراحه انا صحيح سامحت وعطيتك الثقه من جديد لكن من داخلي جرحي ينزف ومو قادره انسى ابدا ابيك تساعدني اني انسى انا ابي انسى تعبت من الشي هذا والتفكير فيه ردات فعلي معاك على شغلات تافهه تكون قاسيه بسبب هالذكرى الاليمه انا وانت كان همنا اننا نقفل الموضوع هذيك الايام لاننا تعبنا من البعد ودفناه بطريقه غلط لدرجة انه مازال يألمني كثير مابي اوصل مرحله اني اشك بكل شي انا تعبت ابي الراحه لي ولك ابي اقفل الموضوع هذا مهما كلفني حتى لو كلفني حياتي معاك ماعندي مشكله ابي ارتاح باي شكل من الضغط والشحن النفسي المرير وفي نفس الوقت ابيك تاخذ بيدي وتساعدني اذا انت مهتم فيني من جد الله يهديه اخذ بعضه ومشي ودخل مود المظلوم والمكتئب هذا مو حل لازم نواجه المشكله مع بعض عشان ندفنها صح من جد محتاره لا تبخلون علي بردودكم او على الاقل دعوه لاختكم بظهر الغيب اخت اميرات يهمني ردك بعد |
خلاص اختي اكيد هو حس بغلطه وكويس منك انك صارحتيه باللي في قلبك هذا راح يريحه شوي ...
لكن لاتزيدي في انفعالاتك لانه اي ردة فعل منك بزعل وانفعال بتفكره بالموضوع وراح تبقى كابوس في حياتكم وممكن تنقلب حياتكم مشاكل ونكد .. تعوذي من ابليس وخلاص انسي او تناسي(لان الخيانة ماتنسي بسهولة) ربك غفور رحيم ,,, وانتي اغفري له غلطه وارحميه من غضبك مادام تعدل وحسن تصرفاته الدنيا ماتسوى واذا مل الرجال من كثر النكد يهرب من البيت ويمكن تجبريه يرجع لافعاله مرة ثانية اذا كان ايمانه ضعيف ,,, |
اختي مس فرابي خير ما فعلتي انك صارحتي زوجك بكل ما في داخلك .. لكن يا عزيزتي ارجع و اقول لك اذا الشك لا زال يضايقك و ينعكس على ردات فعلك و تصرفاتك مع زوجك لازم تزوري معالج نفسي ممتاز عشان يساعدك على تجاوز هذه الازمه لان من الصعب جدا انك تتخطيها لحالك .. صارحي زوجك بانك محتاجه لمعالج نفسي اكيد راح يتفهم وضعك .. بالتوفيق ان شاء الله .. |
اشكركم كثير ماقصرتوا
عزيزتي جناين ورد بالفعل هذا اللي سويته خفت اني ازيدها ويهرب انا وصلت للي ابيه وصارحته وابدى اسفه وحلف لي ان ثقتي في محلها غاليتي اميرات تصالحت انا وياه ولله الحمد وراح اروح لمعالج نفسي لاني فعلا محتاجه بالذات انه كرر خياناته معاي كذا مره الله يسامحه ودعواتكم لي ولكل اخت تعاني مع زوجها ان الله يسر لها ان شاء الله |
اقتباس:
نسخه للمشاكل المحلوله |
ربي يفرّج همك و ييسر لك امرك و يريّح لك بالك و يسعدك .. |
| الساعة الآن 09:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©