منتدى عالم الأسرة والمجتمع - زوجي ما يرد على مكالماتي من قبل العيد ما رأيكم أتركه أم لا (حُلت المشكلة و لله الحمد)

صفحة 3 من 20

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجي ما يرد على مكالماتي من قبل العيد ما رأيكم أتركه أم لا (حُلت المشكلة و لله الحمد) (http://www.66n.com/forums/showthread.php?t=178116)

عنبة حمراء

16-12-2008 04:13 AM

اقتباس:

المشاركة الأصلية كتبت بواسطة قهههر (المشاركة 2047103)

اختي ام فطومه مشكوره الله يعطيك العافيه بس بصراحه انا مجروحه ومتضايقه بسبب امور كثيره وبعد ما رفض ياخذني جرحني اكثر بس يجلس يتكلم عن السفر وهو متحمس لانه اكيد بعد بيغير جو وانا بجلس مع العيال مثل كل مره وغيرها من الي صار والي كتبته لكم وزياده على كذا مايرد علي سلامات بس

معاك حق اختي تدرين وش الحل طنشييييييييييييييييييييييييييه وراح يرجع من حاله لا تتصلين عليه واشغلي نفسك ولاتفكرين فيه وصدقيني راح يرجعلك
والله يكون بعونك حبيبتي

قهههر

16-12-2008 04:32 AM

يعني تنصحوني اطنش وانا عارفه ان الوضع بيستمر شهرين ويمكن اكثر لان اغلب مشاكلنا انا الي اتنازل

حاملة الهم

16-12-2008 04:34 AM

لا يا اختي لا تطنشييين ... اشلون تطنشيين زوجك وتصبرين عن حبيبك وانتي تدرين انه السالفة ممكن تطول لاكثر من شهرين ..

صلي على النبي واستهدي بالله .. ولا تخلين ابليس يلعب عليج .. ترى ماهمه الا يفرق بين المرء وزوجه .. اتصلي على زوجك وهديه وتفاهموا مع بعض ..

قهههر

16-12-2008 04:40 AM

حاملة الهم شولون اتصل عليه وهو ما رد علي ولا عايدني حتى وبرضو اتصل عليه

حاملة الهم

16-12-2008 05:18 AM

خلاص عيل يا اختي .. اصبري لين مايطيح اللي في راسه .. بس لاتحطين في بالج انج مطنشته .. يعني اذا اتصل عليج .. كلميه وبيني له انج خايفه عليه .. واذا بتعاتبينه عاتبيه بهدوء وبدون ماتتنرفزين او بمعنى اصح بدون ماتخلينه ينرفزج ... لانه الظاهر يا اختي اللي مبعد زوجك منك ومضايفه منك عصبيتك الزايده ...

او اذا تبين السالفة ماتطول خلي اهلك يتصلون فيه ويقولون له انك تحاتيه .. وكلميه وتفاهمي معاه ..

اختي اذا انتي تحبين زوجك .. لازم تصبرين عليه وتتحمليه مثل هو ... ولازم تطلبين منه يستحملج نفس ما انتي .. وتحاولون انتو الاثنين تصيرون احسن مع بعض :)

اختك .. ام فطومه :)

عنبة حمراء

16-12-2008 05:33 AM

الله يهدي النفوس

قهههر

16-12-2008 05:39 AM

جزاكم الله خير انا الحمدلله مبسوطه عند اهلي وعايشه حياتي والاهل ما يقصرون بس الي قاهرني ليش ماترد علي وانت غلطان بعد بس شكلي بشيله من راسي وبكيفه

حاملة الهم

16-12-2008 05:46 AM

هدي اعصابج يا اختي .. مب جي تنحل الامور .. دام انج الحمدلله مبسوطه عند اهلج .. خلاص الحين هدي الموضوع ولا تتصلين .. يعني حتى لو كنتي علطانه هو ماله حق انه مايرد على اتصالاتج كل هالفتره .. الحين انتي عيشي حياتج ولا تتصلين .. واذا اتصل لا تعصبين ولا تحرقين قلبج .. تكلمي بكل هدوووء ... وان شاء الله يارب يهدي نفوووسكم .. ويطيح اللي في راس ريلج ويكلمج ويكون عنده عذر قوي لعدم اتصاله..

اختك .. ام فطومه :)

قهههر

16-12-2008 06:28 AM

اقتباس:

المشاركة الأصلية كتبت بواسطة حاملة الهم (المشاركة 2047154)

مشكوره اختي والله يجزاك الف خير اتصدقين اني ارتحت كثير لما شفت احد يرد وياخذ ويعطي معي لاني كنت مره متضايقه لانو مافيه احد افضفض له بخصوص ها الموضوع

اما بخصوص انه يكلمني اعرفه مو اول مره ما راح يكلم وحتى لو كان يبي يكلم كررامته ماتسمح له :29:

حاملة الهم

16-12-2008 06:54 AM

ولو يا اختي مافي داعي تشكرينا .. والله يجزاج الفردوس ياااارب ..

حاولي يا اختي تتذكرين ايجابيات زوجج .. وتجين على نفسج اذا تقدرين ... واهم شي اذا ان شاء الله صار الصلح ويااارب يكون قريب .. تفهمين زوجج .. انه مافي كرامتي وكرامتك .. كرامتنا وحده .. :)

واذا مايحب يعتذر لا يعتذر .. وقولي له انا بفهم من اتصالك انك تحبني وماتبي بعدي :)

الله يصبرج يارب وييسر لج امورج :)

الساعة الآن 01:06 AM.

صفحة 3 من 20

الأخيرة »

عرض 40 مشاركات من هذا الموضوع لكل صفحة