|
اقتباس:
أيوه من حقها..و كل هذه الأمور تصير بالتفاهم مو بالعناد و كل واحد بده يفرض نفسه...و بعدين هل في رأيك إنه لازم كل شيء يكووون في عقد الزواج...؟؟ يا أخي لو لك أخت هل ترضى لها الأشياء اللي ذكرتها عن زوجتك؟؟ هل ترضى تسكن في غرفة أو غرفتين أو زوجها ما يحط لها فرش كويس؟ ما يصير لأنها ما قبلت تسكن عند أهلك تذلها هذا الذل كله.. ما يصير يا أخي تخلي العناد و فرض الكلمة يوديك لمذاهب سيئة..و يوصلك للمحاكم ..وهذا شرط في العقد و هذا مهو شرط..فين شيمتك..؟؟ يعني دحين لمن اي واحد بده يتزوج أهل البنت يحطوه له قائمة مطولة من الشروط عشان بنتهم تأخذ أبسط البديهيات اللي تأخذها الفتاة لمن تتزوج..؟؟ في النهاية أي شيء تسويه في موضوع الزواج يرجع لك أنت ..يكون في وجهك..زوجتك ما راح يكون في وجهها شيء.. بصراحة أنا حاسة إنه المشكلة منك مو من زوجتك.....معليش سامحنى أنت أستشرت و المستشار مؤتمن.. |
البنت تموت في العناد البنت تربت في البيت انه امها هي المسيطرة على الوضع ابوها شخشيخه ماهي معطياه اي اعتبار بعدين وين الصبر
ملاحظة : شقة الوالد مستغلة تماما وحقها الشرعي انه مايشاركها فيها احد انا تركت بت اهلي عشان ابقاها وبالفعل مرتين رحت واستاجرت لها غرفتين غير بيت اهلي وانا مااستطيع امكانياتي الحالية ماتسمح لي اني اخذ لها ثلاثة غرف خصوصا اني داخل على زواج وعلي دين من اول فكل الي اقصده انه توافق على الغرفتين وبعدين يتحسن الوضع ان شاء الله واخذ لها ثلاثة غرف . انا مو معترض على ثلاثة غرف ولكن معترض انه الحين لااتستطيع اني اخذ لها ثلاثة غرف ممكن اول سنة من زواجنا ازبط وضعي هي تقول لا ابقى من الحين ثلاثة غرف وطبعها عناد عموماً انا الحين طنشت البنت وما عاد اتصل عليها ولا على امها إلى يوم الزواج ترى باقي عليه شهر ونصف اذا تعدلت معايا ومشيت معايا مثل ماابقى راح اكون لها بلسم كل ماطاعتني راح اسوي وكل ماكشرت راح اسويلها كذااا انا رجال على قد امكانياتي ولمن دخلنا عليهم قلتنا لهم احنا كذا ولدنا كذا وشكله كذا وعمله كذا وهم وافقوا هل للزوجة الحق في اختيار السكن او هذا من اختصاص الزوج اذا شاء يدخلها في الموضوع السكن ام لا |
الله يعينكم من اللحين مومتفقيناجل بعدين اشلون ................
الله المستعان ............ |
انا كنت اعطيها مصروف في فترة الملكة من اولها إلى اليوم
انا من الناس إلي طولت عنده فترة الملكة جلست شهور تبقوا نصيحة اي واحد يبقى يزوج في فترة الملكة لايطول فيها بالكثير اسبوعين ويكون فيها خفيف عشان لاينبلش في عمره مثلي انا كنت اكلمها وبعدين طاحت على راسي هذه نصيحتي |
والله انا اشوووف ان مو من حق البنت تحدد
الزوج يشرح امكانياااته عجبها الحكي كان بها ماعجبها.... مو لاااااازم ليش هي اللي بتدفع والا الرجال.... الرجال ادرى بترتيب اموورة وبعدين مو هي قالت نا ابغى اسكن جنب اهلك خلها تتحممل عنادها حاول تفهمهم ان هذا كل اللي عندك واذا رضووو... قلهم اجل نكمممل على بركة الله مااايصيييييييير كذاا ... واللله الناس مادري شلوون تفكر |
قصتك يا أخي ذكرتني بقصتين حصلت لقريبات أحدى زميلاتي..
1)العريس قال لأهل العروسة خلاص أنا جهزت الشقة ..طبعا أهل العروسة ما تشرطوا على العريس بس أخذوا المهر و شرطوا عليه تكمل دراستها لأنها طالبة..وجاء يوم تعليق الملابس ( قبل الزواج بأسبوع أهل الزوجة : الأم ، الخالات ، أخوات العروسة) يروحوا يعلقوا ملابسها و يرتبوا أغراضها..فلقيوا إنه العريس مستأجر في منطقة صناعية كلها عمال تقريبا..3 غرف ..مفرش غرفة نوم مستعملة و مطبخ مستعمل..و الغرفتين الثانية فاضية..أهل العروسة لمن شافوا الوضع كذا رجعوا شنط العروسة ..و لغوا الزواج... 2)برضه العريس قلهم فرشت الشقة..وجاء يوم التعليق..لقيوا إنه مفرش غرفة النوم فقط..أهل العروسة كملوا الزواج ..وقت خروج العروسة مع عريسها منعوا العروسة تروح مع العريس..و قالوا له كمل بيتك بعدين خذها.. يعني حط أختك في مكان عروسك ترضى يصير فيها اللي تبغ تسويه؟؟ ( فكر كويس):29: اقتباس:
( الله يهديك ) |
بدون زعل يداكا اوكتا وفوك نفخ
من الاول عندك شقه مجهزه ببيت اهلك بمدخل مفصول تنازلت ورضيت انك تاجر لها وخليتها تمشي الي براسها والحين على وشك التنازل بعد الله يصلحك انت الي شايف الوضع قدامك مو حنا زوجتك حاسه انك ميت عليها علشان كذا جالسه تستفيد منك قد ماتقدر خلك صامل عند كلمتك وقل ماعندي الا السكن بشقة اهلي وشف وش يقولون صدقني اذا حسو انك عند كلمتك ومالك نيه تغيرها هم من نفسهم بيتحسفون |
ايه صح نسيت انت كنت واضح من الاول معاهم فماله داعي تحمل نفسك فوق طاقتها
صدقني اذا كل ماعاندت زوجتك بتوافقها انتي الي بتتعب لانكم بتعيشون عمر مع بعض ولازم يكون فيه اتفاق |
يا صديقي لا تكلف نفسك اكثر من سعتها البيت 4غرف زين جدا ومو عاطل وهو ملك لك افضل من الاستئجار انا ما اقول لك طلقها اقول لك تمسك برايك وخيرهم في البيتين ولهم الخيار ولا تقدم التنازلات دائما فقد تخسر اخيرا كنت على رايك ان كان صوابا فاسفا على كل بيت حكمته امراة خطيبتك تريد ان تسير مسرى والدتها
|
اقتباس:
بعد اذن صاحب الموضوع يقول صاحب الموضوع (انا عندي سكن في بيت الوالد في شقة اربعة غرف وحمامين وسراميك) لا ادري لماذا رفضته وهل هناك سبب مقنع ؟ وبما انها رفضت هذه النعمة يقول صاحب الموضوع(رحت واستأجرت لها غرفتين على قد الحال) قالت ماابغى الغرفتين!!! اين العقلانيه في طريقة التعامل مع الزوج الجديد واين قناعتها بشيء هو في الاساس مقنع والاغرب من هذا كله هو وجود من يؤيدها وبعدين يااختي ليش تذكري اشياء لم يتكلم بها صاحب الموضوع مثل (هل ترضى تسكن في غرفة أو غرفتين أو زوجها ما يحط لها فرش كويس؟)؟ ؟ ؟لو كان السؤال موجه لي لكان جوابي بنعم اذا هي وافقت واخيرا.. تقولي بصراحة أنا حاسة إنه المشكلة منك مو من زوجتك.....هل لو هي وافقت على احد الشقتين كان هناك مشكلة؟ |
| الساعة الآن 03:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©