|
معليش أسمحوا لي بمداخلة ثالثة :d
فالزوج يرغب بفتح بيت ثان .... ايجار ...ومصروف ...وكهرباء وجوال وشغالة وسواق ,,, وهو اللي فيه مكفيه ... لذلك تكون الرغبة جامحة باي انثى موظفة ... وهي شرط لنجاح الاقتران ... طيب ليش يعدد مدام ما عنده قدرة مادية؟؟ ليش هذا الإستغلال للزوجة الثانية؟ ليش التضييق على الزوجة الأولى و أولادها في مصاريفهم عشان يتزوج؟ فين العدل لمن يصرف على الأولى و الثانية ما يصرف عليها ؟ عندما تدفع المرأة فواتير الهاتف وتشتري ملابسها وأغراضها وتدفع للسائق والخادمة ماذا بقي للرجل كرجل !! و الله من جدها أيش الفائدة اللي تخرج بها المرأة من الزواج لمن كل شيء هي تسويه؟ بالعكس تقعد مروقة عازبة حرة نفسها..و لا تتزوج بالأسم و تتعرض للإستغلال.. |
- عندما خطبك زوجك هل تشعرين انه اشترط في البحث عن عروس ان تكون موظفه لتسد مصاريفها عنه وتساعده ماديا ؟
لا لم يشترط موظفه لاني كنت لسا بالثانوي و لم يقرر مصير مستقبلي بعد. 2- بعد الزواج هل يقوم باعطائك مصروف شهري ثابت ؟ لا. عندي راتبي. 3- بصراحة هل طلب منك مساعدة مادية ؟ ايوا كنت اساعده ماديا. 4- اذا كانت هناك شغالة في البيت هل تدفعين راتبها من جيبك؟ النص بالنص. 5- مستلزماتك من عطور ومكياج و ملابس وفساتين هل تقومي انتي بدفعها ؟ نعم. 6- بعد الزواج بفترة سنة هل قمتم بالسفر الى بلاد بالطائرة ؟؟ في حالة الاجابة بنعم هل ساعدتيه ببعض تكاليف السفر والرحلة ؟ لم نسافر بعد الزواج بسنه لاني كنت طالبه و هو موظف على قد حاله. لكن لما اشتغلت نعم سافرنا و ماقصر و التكاليف كانت النص بالنص. |
اقتباس:
|
أنا أدفع بكل أريحيه وانبسط إذا اشتريت لعيالي وكنت أدفع بلا حدود والسفرات أدفع غالبيتها وما عمري قلت حقي وحقك أو فلوسي وفلوسك أبدا وساعدته في بناء البيت كنت أجيب له راتبي بمغاطه ( قبل الشيكات ) وأعطيه إياه بس آخذ الفكات ( الكسور ) وسكنا البيت وعمر زواجنا خمس سنوات حتى إني كنت أوفر وما أطلب منه أي شئ
وماشاف لي معروف أبد كن هذا واجب علي وعادي مشت أموري حتى إذا في السنوات الأخيرة صار موقف منه جرحني لا بل قتلني فقررت الانسحاب واقتصرت على نفقات نفسي وعيالي وجوالي وحس بالفرق وصارت مصاريفة تزيد وماتكلم ولا كلمة لانه عارف انه غلط بحقي كثير |
اقتباس:
@@ لاتعطي كثيرا حتى لاتندم كثيرا انا اعطيه بمزاجي ولا أبالع بهالشي _ لأن "الدنيا" مايندرا عنها @@ ياما حريم ساعدوا ازواجهم في بناء بيت العمر وبالآخر _ تزوجوا عليهم _ الدنيا مافيها أمان |
اقتباس:
الدنيا نااااار... و كذا ولا كذا راح يتسلف .. فا ياخذ من زوجته احسن من الغريب و الدين اقتباس:
و تضييق على نفسها ,, عشان توفر مع زوجها ثمن بيت بارض الوطن و بعد ما جمعوا المبلغ سافر للوطن عشان يشتري البيت وتتصل فيه و تسمع جنبه ازعاج اتاريه قاعد يتزوج بالفلوس !!!!!!! |
اقتباس:
لكن في حال الطلاق أو وفاة الزوج لا قدّر الله .. المعلمة أو الموظفة راح يكون عندها راتب يحميها وأولادها بعد الله من الذل والفقر والحاجة وسؤال الناس.. لكن الغير موظفة ستكون في ورطة كبرى لا يعلم حجمها إلا الله.. كلنا لا نعرف ما ينتظرنا غداً .. المستقبل مجهول بالنسبة لنا جميعاً .. الله اكفنا شر طوارق الليل والنهار .. تحياتي. |
اقتباس:
عزيزتي ...ليش ما تستقيلين و تجلسين في بيتك و تحصلين على كل ما كتبتيه اعلاه لربات البيوت وشوفي بعدين جلسة البيت احلى ...والا الوظيفة واستلام راتب حلو اخر الشهر احلى بعدين مو ذنب احد ان اهلكم محتاجين ...او زوجك حالته المادية على قد الحال ويحتاج مساعدة او عليكم ديون تسددونها كلا الوظيفتين للمراة لها حلاوتها ولالها مرارتها ...سواء ربة البيت او الموظفة |
اقتباس:
اقتباس:
بس موضوع حاجة الأهل و الزوج ..هذه الحاجة يا حبيبتي تنخلق أو تنوجد بالقووووة لمن الواحدة تكووون موظفة..الناس يتحججوا بها عشان يسوغوا إستغلالهم للموظفات..ليييش هذه الحاجة ما تكون موجودة مع غير الموظفات؟؟ في النهاية نحن ما ننتقد الوظيفة و لكن ننتقد الإستغلال و الطمع و إنهضام الحقوق بسبب هذه الوظيفة .. |
فيه فرق بين الزوجه الغنيه والزوجه الموظفه
الزوجه الموظفه نص يومها رايح للوظيفه وعلى حساب بيتها وزوجها وأولادها ومن الذوق انه يكون فيه فائده من طلعتها على الأقل مصاريفها يعني مو معقوله تطلع وتداوم وترجع هلكانه تعبانه من الدوام كل يوم وممكن الزوج يكون في اجازه وتبي لها من النفقه مثل ربة البيت الي ما يجي وقت رجوع الزوج من دوامه الا والغدا جاهز والزوجه مروقه وبين أولادها وشبعانه نوم أما الزوجه الغنيه ممكن تكون ربة بيت وهي غنيه اما تجاره وهي قاعده في البيت أو ورث وما فيه شي يأثر على اهتمامها ببيتها وزوجها ومؤديه واجباتها على أكمل وجه عشان كذا النفقه واجبه على الزوج والتفاهم مطلب أساسي بين الزوجين يعني مو تتعب بعد الزوجه وتداوم وحالتها حاله وآخر الشهر ما تطلع بشي يكون فيه مصارحه أكثر يكون فيه اشياء دفع بالشراكه والأشياء الخاصه كل واحد حر بماله وما فيها شي اذا صار فلوسي وفلوسك لأن الحق حق بس ما يكون فيه طمع واستغلال والله يسخر كل زوجين لبعضهم |
| الساعة الآن 07:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©