أخوتي الكرام اشكركم على هذه النصائح
لكني حتى الآن احاول اقناع نفسي بالنسيان لكن دائما عندما اتخيل ما وصفته لي تدمع عيناي وموبايدي وحاسس عقلي رح يطق مما خلاني افتح صدري لأمي بالرغم من اني كنت محاول خلي الموضوع سر لكن لم استطع واحسست باني سأنفجر ان لم اجد احد احكي له وابكي بين يديه وينصحني
فكانت نصيحتها بان البنت ممتازة وهالشي اللي صار موبايدها وقالتلي اذا قادر تنسى فتابع والا فاترك لانو الشك مشكلة كبيرة اذا ما قدرت تنسى هالقصة بس انا بحبها كتير وبثق فيها بجنون

بس المشكلة انو بعد ما قلتلها اللي صار زعلت كتير وقالتلي بالحرف هيك فضحتني وانا قلتلها ليش ؟ ما انا كنت بدي طق و انفجر لو ماحكيت وقالتلي بالآخر انت حر اعمل اللي بيريحك وما في شي اجباري وهون انا زعلت منها وقلتلها الحل الوحيد انو كلنا ننسى هالقصة تماما بالرغم من انو هالشي صعب لكن علينا فعله وعدم مجرد الاشارة اليه لا من قريب ولا من بعيد وما بدي ياكي تعيدي قصة تتركني اذا بدك نهائيا وخبرتها بان هالشي اللي صار مو بايدك بس انا كرجل ما بقدر اتحكم بمشاعري باني كل ما اتخيل هالحقير والوصف اللي قالتلي هو بحس الدم صار براسي مليون وبتدمع عيوني وبريد ابكي ما بعرف ليش مو بايدي بس ان شاء الله ما بقى فكر بهالموضوع بس الي زعجني انو امها قالتلها حسبنا الله ونعم الوكيل ليش قلتيلو لانو القصة مو محرزة وما فيها شي بس هي قالتلها لا معليش هيك اريح الها و الي وانا كمان امي قالتلي مادام ما صار شي فكان ممكن بكل بساطة تخبي عليك لكن ما دام صارحتك هذا يدل على شرفها وعفتها وبالمناسبة لما قالت لامها قالتلي انو بوقتها اخدتها امها تاني يوم على الدكتورة مشان تفحصها فسالتها الدكتور انو شافت شي دم او اي شي من الاذى فقالتلها لا فقالتلها خلص ما بدها فحص ومافي شي ان شاء الله لانو بيكون بهالعمر البنت وعفوا لاساءة التعبير بانه يكون بحجم حبة الحمص وان كان فعل شي هذا السافل لسبب جروج واشياء كثيرة لكن لم يحدث شي من هذا

على كل الاحوال اشكركم جميعا و اعتذر من الاخت واستغفر الله باني دعوت بجاه وانا حقا كنت لا اعلم هذا الشي فشكرا للتنبيه وبالنسبة لبقية الاخوة اشكركم لوقوفكم بجانبي ونصحي وان شاء الله رح ابقى معاها لآخر العمر

اخي الكريم استعذ بالله من الشيطان الرجيم
ودام انه زوجتك اعتدي عليها وليس برغبتها اي انه لا ذنب عليها وهي اعترفتلك وطمنتك كمان انه امها فحصتها يعني ما صار لها شي عشان هيك الله يخليك حاول تغلق اي منفد للشكوك
وان شاء الله ما يكون صار لها شي وتكون سليمة 100/100
بالتوفيق

اذا كانت القصه صحيحه مثل ما قالت لك


فان شاء الله انها بنت بس هالشي سبب لها عقده نفسيه ولهذا السبب صارحتك


فتكفي كون حنون معاها والله يجزاك الف خير


ويارب تحرق بنار حهنم كل من اعتدي علي طفل برئ وحسبي الله ونعم الوكيل

بكرر شكري من نصحني وبشكر الاشراف لتعديل الخطأ في الترجي

وبحب طمن كل من بقي بالو عندي بان اليوم رحت وخبرت امها يلي هي عمتي انو ليش بتأنبيها لانها صارحتني بالعكس لازم تكون معها وانا أعوذ بالله ان اكون شاكك فيها قلتلها انا بشك بحالي وما بشك فيها بس مجرد اي رجل يتصور هالحادثة بخيالو بجن جنونو وقلتلها رح جن من هالقصة وقالتلي يا ابني لو كان في شي يستحق الذكر كنت ما خبيت عليك شي بس من وقتها اخدتها واطمنت عليها واعرفت انو ما في شي وهالموضوع انا ما ردت تحكي الك حتى ما يصير فيك هيك بس هي قالتلي هيك احسن انا ما بحب الا اصارحك وقلتلها هادا الصح وبالنهاية قعدت لحالي انا وخطيبتي وقلتلها يا بنت الناس انا ما بريد اظلم حالي و لا اظلمك معي لذلك رح احاول اعطي حالي فرصة انو انسى الموضوع وان شاء الله رح اقدر بمساعدتك لكن ان لم يكن ذلك فانا لا أريد ان نعيش حياة صعبة لكن انا واثق بكي وان شاء الله رح انسى ورح ادعي لذلك فما كان منها الا ان قالت لي انا ما بفرض حالي على حدا شوف اللي بيريحك واعملو بس انا كمان ما بريد بعد فترة ترجع تذكرني بهي الحادثة نهائي قلتلها طبعا اذا انا ما نسيتها ما رح نبقى حتى ذكرك