|
معقول هذا حالها بهالعمر:30:
اممممم لازم شدة شوي ياأخوي قلها ترى السالفة مهي سالفة طبخ بقى الكنس والتنظيف وغسيل الملابس وبعدها بيجي طفل طيب بقولك حركة اخوي صار له موقف مشابه وقالت زوجته مابغى اطبخ الحين راح دخل المطبخ وجلس يطبخ وهي بالصالة وخلص الغداء وأكل وغسل الصحون وطلع ولبس وراح برا البيت ولارجع الا المغرب!!<< أكل لحاله طبعا وهي جالسة جوعانة!! قال بتسوين لي عشا ولا احطك عند أمك تعلمك؟ قالت بروح لأمي وداها وقالت تعال الساعة 12 قال لا بجيك اذا علمتك امك الطبخ!! ولما جت الساعة 2 دقت عليه تعال قال لا خلي امك تعلمك قالت مالك الا أفطرك بكرة بس تعال ومن بعدها وهي متعدلة |
أخي الله يعينك ..
زوجتك ليست بصغيرة كما قلت .. وايضا هي لا تعرف أمور الطبخ وأنت تشجعها على عدم التعلم من حيث لا تدري .. انصحك أخي أن تفتح معها الموضوع مجددا ..وتقول لها بأن لديها مهلة ( أسبوع مثلا )) وبعدها مستحيل أنك تشتري أي وجبة من المطعم ..وخلك حازم باللهجة .. وانتبهه من أنها تستجدي عطفك بعد الاسبوع وتجي تقول لك بس هالمرة وتتطاوعها وتشتري لأن هذي المرة راح تجر وراها مرات .. إن شاء الله تخليكم على الخبز والجبن والزيتون عطها الأمان ..وقول لها أنا مستعد أني اتحمل الأخطاء اللي ممكن تصير في البداية ... بس المهم أنك تتعلمي ... وإذا ما وافقت تطبخ بعد الأسبوع .. وأنت قرصك الجوع تقدر أنك تسوي زي ما قالت الأخت شوبارد (( أنك تحاول تسوي لك أي شئ وتاكل لحالك )) أو انك تروح للوالدة وتاكل عندها يوم ...يومين .. (( وهي جالسة بالبيت .... )) بعد هاليومين وإذا ما اعتدل الوضع .... ارجع وكلمها بهدوء ... وقول لها أنك صبرت عليها شهرين .. عطيتها مهلة أسبوع ... وبعدها يومين زيادة وأنك حافظت على مشاعرها ولا تكلمت لأحد بأنها لا تعرف الطبخ لكي لا تتكون لدى الآخرين سمعة سيئة عنها .. فإن كنت قد قررت أن تتعلمي فأنا معك وسأصبر عليك بشرط أن تبدأي من الغد .. فإن وعدت ولم تفي ..(( فآخر العلاج الكي )) قل لها بأنك ستأخذها في زيارة الى أهلها ..ولابد أن تطلع والدتها على الأمر وقل لها أنك لن ترجعها حتى تتعلم الطبخ .. (( انتبه أدري أنك معرس جديد وقلبك عليها وراح تحس أن هذا الأسلوب جاف ويمكن تقول ما أقدر أقسي عليها لكن تأكد أن هذي المعاملة هي اللي مخليتها ما تحاول تتعلم )) أسأل الله لك التوفيق |
الله يعطيكم العافيه جميعااااااااااااااااا مشكورين الله يوفقكم
وأخص بالشكر اختي الفاضله ام البنين الله يخلي لك ابناءك ويصلحهم راح ابدأ معها ان شاء الله من بكره وكما تفضلتي ( آخر العلاج الكي ) الله يصلح الاحوال انا ارتحت كثيييييييييييييييييير يوم فضفضت لكم وكتبت مشكلتي الله يريحكم في الدنيا والآآآخره |
أخي الكريم
كثيرا ما أسمع من يشكي من هذه الحالة من النساء أنها لاتطبخ لزوجها وقلبها يتقطع حسرة لكنها لاتفصح لزوجها السؤال أخي: هل مليت لها المطبخ مقادير عشان تطبخ لك؟؟؟ ترى كثير من الشباب لما يتزوج ماتعود على المسؤلية انه يجيب اغراض الطبخ للبيت ولما تقوله زوجته يقول أشياء مالها داعي ولا يعلم أنها اساسية في الطبخ لاتجيب لها شغالة ولا شي وديها لسوبر ماركت وقولها شيلي كل اللي تبغينه للمطبخ بدون ماتقوللها تحتاجينه أو لا!! اتركها تشيل اللي تبي والنهاية راح تشوفها بعينك وفقك الله هذا رايي والله أعلم |
اخي عندي أضافة بعد ماقرأت بعض الردود
ارجوك إلا القسوة في بداية الزواج بالهداوة بالأسلوب اللين وربي كثير مننا أول ماتزوجنا تلخبطت أوراقنا مو قادرين نطبخ مع أننا كنا في بيت أهالينا طباخات شويه شويه على البنت بتطبخ لك المرأة تحب المطبخ لكن صبرك عليها فأنت لست بكامل |
اختي الكريمه نور شكرا لك
انا بصراحه مااعرف شي من اغراض المطبخ دائما اقولها وش تبين مقادير للمطبخ قولي لي اروح اشتريه تقول لاتشتري شي مو الحين بعدين اذا بدأت اتعلم هذا كلامها على طوووووووووووووول كم مره اجيب اشياء بسيطه واحطها في الثلاجه والله انها تخرب بعد فتره ارميها خلاص انتهت صلاحيتها ؟ |
أنا أقول يمكن الملامة مو عليها على أمها اللي ما علمتها الطبخ وهي في هذا السن أو إنها تتدلع عليك لأنه شافتك طيب ومعطيها وجه أكثر من اللازم .
|
تصدقون اني جلست تقريبا سنه وانا ما اطبخ الامرتين في الاسبوع
لا واذا طبخت اطبخ شكشوكه وبعدها تصلح حالي وصرت الحمد لله طباخه بشهادة الجميع والسبب ان زوجي تركني في مجاعه ما يشتري يخليني اموت جوع وبعدها اضطر واقوم اطبخ |
ههههههههههههههه والله ضحكتني زوجتك يمكن ماتدري ان الزواج مسؤليه
تحسبه تمشي ومطاعم ووناسه هههههه قل لها الصراحه لاتسكت هي ماعندها سالفه ماحد علمها واذا ماتعرف تطبخ ودها اسبوع عند اهلها وخل امها تعلمها غريبه والله بعض الناس المفروض يعودوا بناتهم تحمل المسؤليه مايخلوهم كذا كان الله في عونك اخوي والله يبغالك صبر |
والله ياخوي ماراح ازيد على الي قالوه الاخوه بس بقولك تجربتي مع زوجي
انا في بداية زواجي ماطبخت ولا شي معرف اسوي حتى البيض وبعد شهر قالي ابيك تطبخين وراح وجاب مقاضي للطبخ جا الفطور عملتله نواشف وبيض مقلي ابن الحلال اكل وما تكلم اجا الغدا وكانت الطامه قلت بصراحه معرف قال كبسه ماتعرفين؟؟؟ قلت ااام لا قال طيب شوف وبدا يطبخها قدامي ( هو متعود على الطلعات للبر والطبخ علشان كذا كان يعرف ) وخلص الغدا وتغدينا وكانت احلى كبسه ذقتها في حياتي ومن بعدها بديت انا اعلم نفسي والنت ماقصر افتح النت على اي اكله ابيها لغاية ماصرت الان طباخه بشهادة الجميع عقبال زوجتك يارب |
| الساعة الآن 12:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©