مساكم الله با الخير

يعني قررت الذهاب للاجتماع

تراى قريت جميع الردود

السؤال هل انت ذاهب للأجتماع؟

جيت وانا مسرع بردي بقولك دور تصريفه واسحب عليهم

والله مشوار عليك 170 كيلو ليه ما يجي اخوها لك

انت المغلوط عليك انت المطروط وليه انت الى تروح؟

السلام عليكم

الاخوة والخوات ما قصروا وما في شي جديد ممكن أضيفه غير اني أقول نيابة عن الجميع انه مسعانا كله بأن الأمور تصير أفضل بينكم ولهالسبب تلاحظ شدة منا بالكلام على زوجتك وتذكيرك بأخطاءها.. كل القصد نحفزك على نقطة الحزم لكن مو قصدي ولا أظن قصد الاخوان انه زوجتك فيها عيب كبير لا يمكن اصلاحه لا سمح الله.
وصغر سنها له دور بطريقة تصرفها حاليا... يعني مع تغير أسلوبك والشد أحيانا راح تصير الاوضاع مثل ما تبي ... ومع الوقت وكل ما كبرت بالعمر بتلاقي تغير أكبر للأفضل ان شاء الله مثل ما صار مع الخوات اللي عرضوا تشابه بتجربتهم مع تجربتها ..

الخلاصة انه المشكلة مو مستحيل حلها بس تحتاج لشوية صبر ... أعرف انك تعرف هالكلام لكن حسيت انك تحتاج أذكرك فيه ... الامل كبير :)

دعواتي لك بالتوفيق بمسعاك باكر سواء رحت لاخوها أو اتصلت تليفون .. المهم توصل له وجهة نظرك .. واتوقع نفس الدعوات من كل اللي يتابعون الموضوع .

ملاحظة ...

ترى بنتي موعوده لولد عمها :)..

ذكرتها بأحد ردودي حتى تقرأ زوجتك كلامي أو اللي يوصل لها اللي يصير بمنتدانا يوصله لها ... غرضي انه زوجتك تحس كيف ممكن يكون شعورها لو رحت لغيرها لا سمح الله ... قرصة أذن خفيفة مني وبدون ما يكون لك دخل بقرصة الاذن هذي .

مو متأكدة اذا كانت خطوة صح لكن هذي كانت طريقتي بتوصيل نقطة معينة بطريقة غير مباشرة لزوجتك وأقولها الحين بشكل مباشر اذا كانت تقرأ كلامي انه الزوجة تقدر تتغلى على زوجها وتتدلل عليه لكن مو بكل الاوقات ..

الله يجمعكم على خير وعن قريب ..

أنتي قرصتي أذنين ..

قرصتي أذن زوجتي ...وقرصتي أذن قلبي ههههه:d

أمزح معك :22:

وعلى فكرة كنت ملتفت إلى مقصدك وقد أشرت إلى ذلك في ردي عليك .


الله يستر عليها ويوفقها يارب.

تحياتي

والله يا أخوي أنا فكرت في كلا القرارين ....والموقف صعب جداً علي ....وكل قرار فيه ما فيه من المخاطرة ...
ولكن ما أمامي إلا أحد هالقرارين ..

بالتفكير في مجموع أراء الأخوة والأخوات ..استقر قراري على عقد الاجتماع ...والله يكتب اللي فيه الخير.

واضح من ردودك الاخيره انك مضغوط

وهذا طبيعي لما تكون العاقل لان الطرف الاخر غير واعي عشان كذا راح تتعب
انت بين الف نار ^_^ نار زوجتك نار اهلك ونار اخوان زوجتك ونار بنتك ونار كلام الناس

يعني واضح ان الوضع متعبك شوي فماراح ازيد همك واقول سو كذا وسو كذا

بس حبيت اضيف اضافه بسيطه

هي ان أشـد الأوقــات ظلمــة قبــل الفجــر بسـاعــه

اصبر ياخوي وادع ربك يهدي زوجتك ويسخرها لك

..
يا أخوي مو بس الطرف الأخر ...حتى أهلي ....تأذيت أنا ...أبوي دايم وحتى لو لم يكن كلامه على سبيل الجد ...يقول لي أشر على أي وحده وليلة العيد تدخل عليها ...يأذيني هذا الكلام نفسياً ...لان هذا كلام انفعالي ولا يحل المشاكل ...بل يزيد الطين بلة ..


ومن جهة أخرى ....أختي قاعده تغضط على زوجها ...وكل موقف والثاني تذكر له اللي صار لها ليلة الزواج وما بعده ...تقول له أهلك ظلموني وغلطوا علي وغلطوا على أبوي ...وأنت تروح لهم ..وهم أبوي وامي أحياناً يقولون شيء على أهله ويتأذى هو ....وهو بين ناار أهله وبين نار زوجته وأهلها ...

وأنا أهدي فيهم منا عشان يخلوني أركز وأحل مشكلتي ....وما يدروا أن عدم استقرارهم في الوقت الحالي يقف عائقاً أمام الخلوص من هالفتنة ...


والله أني بين نيران ..

لذلك اخووي اقترحنا عليك قبل مسألة السفر
بعد اجتماعك مع اخوانها تصير انت سويت كل شي عليك تقدر تروح سفره خفيفه
تغير جو ولا تخاف
اللي كاتبه ربك بيصير
اهم شي انت بعد اجتماعكم اطلع شووي سافر يعني يكفيك الي فيك مشاكل بين العائلتين مشاكل مع اختك وزوجها ومشكلتك الاكبر مع زوجتك يعني اطلع من هالجوو الكئيب

هالكلام ان شالله بعد اجتماعكم