|
رد: بجاحة الشغاله ورضا زوجي ؟
اقتباس:
وردي علي بيفتح جروح قديمه عموما انا اذكر ليله جيتها من المطار وطريقه دخلتها لبيتهم.. كنها امس اذكر زوجي ولهفته وهو يتكلم عنها باعجاب هالكلام قبل سنه وكم شهر كانت وقتها علاقتي فيه مو عاديه لا لا كانت قمه قمممه قمممه بعدها انتكست للحظيط نص 2016 قضيته ببيت اهلي يمكن صدفه اخاف اربط الاحداث بدون دليل لكن يلفت انتباهي انه بكذا هوشه يفقد اعصابه ويقول ليه شايفتني معاشر فلبينيات حتى تقولي بروح لاهلي حدسي يقول علاقتهم مكالمات ودردشه يمكن فيه تعلق قلبي ويمكن زوجي امس حزن لانه زعلها ما ادري بس فيني ضيقه الله يعلم فيها |
رد: بجاحة الشغاله ورضا زوجي ؟
بغض النظر عن الي بخصل مع الخادمة لكن يلفت انتباهي ويثير استيائي اشارة الكثير للخدم سواء بهذا الموضوع او غبره كأتهم عبيد ،والتقليل من شان الخادمة كأنسنة وتحقير عملها رغم اته لا غنى عنه ،وصلنا القرن الحادي والعشرين وما زال الكثيرون يعاملون الخدم كأنهم عبيدا، مثل عندما يقول احدهم بيعوها او شوف ا حد يشتريها ،واستنكار انها انسانة لها احتياجاتها ،فطالما تقوم بعملها بشكل صحيح وتلتزم حدودها ، من حقها ان تفعل بنفسها ما تشاء مثل الذهاب للكوافيرة ،نساء كثيرات بغض النظر عن مهنتهم وجنسيتهم بعتبرون اهتمامهم بنفسهم مثل قص الشعر وغيره جزؤ من النظافة االشخصية ولا علاقة له بوجود رحل بحياتها ،(واكرر ؟كلامي هذا بغض النظر عن موضوع الاخت وان كانت هناك علاقة بزوجها ام لا .
الخلاصة الخادمة انسانة ،تعمل لتكسب عيشها ،وعملها لا يلغي كرامتها ولا يجعلها من الفئة التي تحتقر وتسمى (خدامة راحت والا اجت) يمكن تستغربوا التالي ،شخصيا احناج مساعدة ولا استطيع ان اقوم باعمال بيني ،استغنيت عن الخادمة الداخلية بعدما كبروا اولادي لان ابيوت باوروبا شقق صغيرة . حاليا عاقدنا شركة عاملات منزلية وربما تندهشوا ان العاملة لدي (زوحة طبيب ) من نفس البلد الذي اقيم به ، ولا زلنا ببلادنا نعاملهم كالعبيد !!! اعتذر من صاحبة الموضوع لكن وددت الكلام عن هذه الجزئية بشكل عام . ربنا يهدي بالك مع زوجك . |
رد: بجاحة الشغاله ورضا زوجي ؟
اليوم قررت ما اروح لاهل زوجي
اذا هم بيجون عندي حياهم الله لكن انا ماني رايحه دام انهان ببيتهم احشم نفسي عن هالبيت احسن لكن انا وزوجي علاقتنا زباله امس لاول مره يناظرني باحتقار من فوق لتحت وبالليل عطاني ظهره ونام متهمني اني خربت الشغاله وهي خاربه وخالصه من زمان لازال يأنبني ويلومني بقوة عين لاني نبهت خالتي لانزعاجي من تصرفاتها |
رد: بجاحة الشغاله ورضا زوجي ؟
اقتباس:
باوربا الموضوع مختلف تماما وبالعكس بينهم احترام وتقدير بين العامله والمستفيد من عملها والحمدلله حتى ببيوتنا كذا خدامه اهل زوجي حاله خاصه هي انسانه لها حقوق وواجبات لكن لو انتبهتي لموضوعي تقول لزوجي اشتاق لك لاتتأخر وتغمز له وتتحرش فيه وتتصل فيه وترسله بجواله بامور تافهه هل اسكت بحجه مانعاملهم كالعبيد؟! اكيد لها واذا على قولك هي بشر ولا احتياجات فاحتياجها للاشباع العاطفي لاتسده بزوجي اذا عامله تتحجب بحظرة كل رجال العيله واذا دخل زوجي رفعت الحجاب وحجه خالتي: لانه يزورنا كثير تبغى تاخذ راحتها قلنا معليش لكن توصل للسب والشتم ونقول معليش لها حاجات لا صعبه جدا جدا الطامه زوجي محلل لنفسه يسايسها دام هالشي يريحها وهذا انا اعتبره انحطاط ومسخره نقطة الصالون ذكرتها لسبب انها فاضيه ولاقيه وقت ومروقه مو قصه عشان رجال او لا لكن بمجتمعي مافيه خادمه تروح صالون يوفرون القرش فوق القرش ويركزون بلقمه عيشهم واهلهم والتزين مستنكر عندنا لاننا مجتمع محافظ يعني خدامه كل فتره بقصة شعر جديده هذا شي غير متقبل وهي نايمع بييت فيه رجال داخلين طالعين تجي تتميلح عليهم وتاخذ رايهم بالنيولوك لا عيب هذا عندنا عيب |
رد: بجاحة الشغاله ورضا زوجي ؟
بجاحتها امس غثتني ونمت مقهوره
صحينا اليوم وبكرا دوامات ومزاجي متعكر لابعد حد افكر الان بعلاقتي مع زوجي زعله امس ونفوره منه مايطمن اذا بيصحى بهالنفسيه الخايسه انا ماراح اقرب منه ولا اتودد له واذا صحى طبيعي بعامله طبيعي رغم اني مستبعده الاحتمال الثاني تعبنا من النكد والمشاكل هالشغاله شيطان بصوره انسان نكدت علينا بما فيه الكفايه وزوجي ميوعته معها خلتها تتمادى والحين مطنقر بالبيت وهالشي بنعكس على علاقتنا ككل الموال المعتاد تطق اعصابي واطلب اروح لاهلي واكلم السواق ياخذني من عندهم للدوام واغيب بنتي فتره لحد ما تهدى الامور ويمكن ما تهدى وتشتعل زياده ويوصل لبنت ابليس اني تركت بيتي وهي انقهرت لمارجعت لزوجي بعد ماتركته 4 شهور بالمشكله السابقه الامور ملخبطه براسي بس اذا شفته مقدم الخير بقدم الخير واذا شفته مقدم الشر بقدم الشر ماراح اسمح له يكلمني بنفس شينه وانا مازعلته بشي امس مشيناها.. اليوم لا |
رد: بجاحة الشغاله ورضا زوجي ؟
انا المفروض استغليت موقف امس
وطلبت لزوجي يحظر رقمها من جواله بعز ماكنت زعلانه من تهجمها علي وهو يواسيني ويهديني (قبل يطنقر) لكن انا اليوم بقولها له كاش الرد المتوقع: ما اقدر انا كفيلها او: لاسمح الله صار شي لهم وكلمتني هنا خلاص بعرف اكثر انها راكبه على راسه وكل اللي راح كوم واللي جاي كوم دامه مدخل نفسه بسواليف نسوان وفاتح اذنه لقصص الشغاله فما انلام لما قلت له خروف لان حركاته مو حركات رجال يتمسك ببنت شوارع ويهد بيته ويشتت اطفاله لان اللي فهمته من كلامهم امس انها تكلمه تشتكي من الام والاخت وزوجي يسمع فضفضتها وبكبكتها ويروح يعصب عليهم هالامور كانت تصير من وراي!! قالتها خالتي وهي تقول انو تحرها بهالحركات وتقول لي انها منافقه تعطيها وجه وتعطي زوجي وجه ثاني تحسسهم انها مبسوطه معهم وتكلم زوجي تتشكى وانها مظلومه ومسكينه وهو يعصب ويقول لا تضغطوها كل هاللي سمعته كووووم وتميلحها معه كووووم وسبها امس لي كووووم يا ناس بموت من القهر |
رد: بجاحة الشغاله ورضا زوجي ؟
الشيء اللي يجب أنه مايضيع ببالك وهو الأهم، وهو أنك حققتي هدفك ورسالتك وصلت جيداً للجمييييييع، وسوف ترين تغيرات ايجابية، بغض النظر عن الهزات والارتدادات المصاحبة لهذا الموضوع هنا أو هناك، أنتي وصلتي إلى الهدف اللي تبينه وراح تكون فيه تغيرات إيجابية.
تجاوزي هذا الموضوع وأغلقي سالفته، الارتدادات طبيعية وربما تستمر قليلاً، طالما أنك حققتي الهدف، انتقلي إلى أمر آخر، الاهتمام بحياتكم أو أي شيء آخر، أقضي وقت كبير مع اطفالك والعبي معهم وراح الانشغال هذا يحل في تفكيرك محل الهم والقلق اللي عايشته بسبب هالموضوع أو غيره من المواضيع |
رد: بجاحة الشغاله ورضا زوجي ؟
اقتباس:
أما مايسمع أو انتشر هنا أو هناك تعذيب لهذه الشغالة أو تلك أو عقاب لها، فهي حالات استثنائية نادرة، وطبيعي جداً أن يظهر ذلك ويصور وكأنه حالة عامة لأن الناس تحكم على الوضع من حالة سيئة في الغالب وتنسى الأصل وهو التعامل الراقي أما كلمة بيع نعم غير جيدة، ولكن ليس المقصود هو بيع الإنسان وشرؤوه إنما المقصود بيع خدماته، وهنا اختلاف كبير. |
رد: بجاحة الشغاله ورضا زوجي ؟
ام روان ولا تحتري ولا تضيقي نفسك ومشي الامور عااادي هو زعلان من ولا شيء كأنك ماتشوفين خليه لين يشبع زعل ويرجع من نفسه ولا تفتحين معه الموضوع حطي الاكل ونادي عليه ولا تتوددين ولا تتقربين عندك طلبات للبيت اطلبيها منه
دوام داومي من بيتك انتبهي يا روان مو كل خلاف تسيبي بيتك وتروحي لاهلك بس طنننشي انا لو منك اغسل شراعها خير تتودد وتكلم زوجي كل شيء له حد وبلغي ام زوجك الشغالة ما تروح مشوار مع زوجك عندها مشوار ضروووري احد يطلع معها اغراض وتحويل فلوس ما يحتاج تروح امه او اخته تبلغه |
رد: بجاحة الشغاله ورضا زوجي ؟
اقتباس:
مثل ماقلت طنشي وعيشي وهو مو طفل يزعل على كل شيء لازم يكون للزعل مبرر وسبب |
| الساعة الآن 01:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©