منتدى عالم الأسرة والمجتمع - طلقني بشهر العسل حلت الرد 390

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

- - طلقني بشهر العسل حلت الرد 390 (http://www.66n.com/forums/showthread.php?t=266172)

رد: طلقني بشهر العسل مستجدات الرد255

قعدي مع أمج مرة ثانية وقوليلها أنا برجع لزوجي .. مابي أتطلق وأنا توني عروس ومتمسكة فيه وأبيه ومابي غيره ..

رد: طلقني بشهر العسل مستجدات الرد255

الآن هل أمك لازالت على موقفها من رفض رجوعك لزوجك ؟

فرج الله همك

رد: طلقني بشهر العسل مستجدات الرد255

أمي تقول انه من تتزوجون خيركم كله لازواجكم وتنسون امكم اللي ربتكم وتعبت عليكم وكبرتكم .. والسبب بهذا كله هي اختي المصون الله يهديها .. اشوف ما كان له داعي تقول على امي بموضوع الهديه اللي لعمتها ام زوجها .. امي حست انها فضلت عمتها عليها فها الشي زعلها ..

حاليا ماقدر اكلم امي بعد اللي صار .. وزوجي اليوم ما ارسل لي شي .. الصبح ارسلت له من ساعتين تقريبا بس ما قرا الرساله ولا رد .. بس كلمت اخته وطمنتني عليه .. وقالت انه رايح الدوام اليوم

رد: طلقني بشهر العسل مستجدات الرد255

اقتباس:

المشاركة الأصلية كتبت بواسطة خاله بيتا (المشاركة 3395332)

لكن خاله .. حبيبتي دمعه .. انتي فاهمه ايش يعني زواج بهذي الظروف ؟؟

1. امك وخواتك راح يحاولوا جهدهم يجبروكم تندمجوا بطريقتهم .. وانتي تعرفي امك والحاحها وضغطها .. راح تقدري ؟؟
2. حتى اهله راح يلاحظوا وينتقدوا شخصيتك لما تتفاعلي معاهم .. وبالتالي تحتاجي حكمه وضبط نفس واسلوب فيه شوية تحايل حتى تقنعيهم بانك اهل لان تكوني زوجة ولدهم ..

انسي العواطف الحين حبيبتي وفكري بمنطق وعلى مهل وخططي لحياتك
الدنيا والزواج مو واحد يحبني وخلاص .. هالواحد الل ي يبكي الحين ممكن باجر يبكيكي انتي وبكل قسوة وتلاقيه تحول لشخص ما تعرفيه ..

بدك امك توافق على رجوعك ..
1 . اظهري لها انك قوية (مو عليها ) وتقدري تمشي كلمتك على زوجك وراح توصلي معاه لتفاهم بخصوص مفاهيمه .
2. انتبهي واحذري انك تحاولي تبيني غلط زوج اختك .. الكلام بهذي الامور مستنقع تغوصي فيه وتتوسخي وتتبهدلي مع الناس وتطلعي بالاخر بدون نتيجة ..
تجنبي نقاش هالجزئية واذا اضطريتي تناقشيها قولي بان زوج كان متضايق من انشغالك عنه .. وشوية غيره . وبانك رديتي عليه بقوة .

3. اصبري وهدي اعصابك خلال نقاشك مع امك .. وحاولي تظهري تمسكك بزوجك بسبب حرصك على نظرة الناس لك وبانك واثقة انك تقدري تسيطري على الوضع بعد رجوعك .

4. ضروري تصلحي مع اختك حتى تطمن امك ان علاقة بناتها ببعض ما تأثرت

اتمنى على الاعضاء ان يقرؤوا المستجدات بشكل جيد ويلاحظوا تسلسل الاحداث .. يعني الام مثلا كانت بتناقش وتتفاهم مع الزوج بدليل انها كانت رافضة دخول البنت لكن بعد ما عرفت سبب الطلاق الحقيقي خلتها تدخل لان اخذت قرارها بالطلاق فما كانت ناوية تناقش او تتفاهم وبالتالي ما يهم لو البنت دخلت

دمعه ... انا احلل من عندي عن بعد الاف الكيلومترات عنكم من ورا الشاشة .. وانتي الوحيدة اللي تقدري تعرفي اذا تحليلي صح
بس هدي اعصابك وفكري بهدوء وارجعي لنا

كلنا هنا هدفنا مصلحتك

ان شاء الله انا اعصابي هاديه ماعليكم مني انا ماعرف اعصب .. وشاكره لج وقفتج معايه خاله ..

انا قلت على اختي وامي سبب الزعل وهم الان يدرون عن طبيعة علاقتنا .. على فكره امي قالت له عقلية الثمانينيات والسبعينيات هذه لازم تشيلها من مخك وعيش حياتك مثل الناس ..

رد: طلقني بشهر العسل مستجدات الرد255

أكيد طبعاً ما تكلمينها الحين.

اصبري كم يوم .. عطيها فرصة يمكن تراجع نفسها.

بس إنتي أظهري لها إنج حزينة وحاز في خاطرج اللي صار بدون كلام.

وأي كلام يخص شخصية زوجج أو طبيعة علاقتج بنسايبج سايريها فيه ولا تجادلينها ولا حتى تقولين لها زوجي ما يرضى أو عيب أو حرام .... المهم ترجعين لزوجج وعقبها تتفاهمون مع بعض على أسلوب الحياة اللي يريحكم .. ووقتها محد يقدر يتدخل أو يطلّعج من بيته غصب.

رد: طلقني بشهر العسل مستجدات الرد255

اقتباس:

المشاركة الأصلية كتبت بواسطة مهره (المشاركة 3395451)

انا صابره يا مهر وبعد اسبوع راح نكمل شهر .. اعتقد انها فتره طويله جدا جدا .. المشكله انه اذا يونا ضيوف انا ما اطلع من غرفتي حتى ما يشوفوني ويستلموني باسلتهم .. والمشكله الثانيه انه المفروض احنا راجعين من السفر يعني الناس تبي تيي تزورنا .. والمشكله احنا من نفس المنطقه يعني اذا ما شافوني بيشوفون زوجي .. انا مضغوطه جدا وانا متاكده ميه بالميه انه امي قايله لخالاتي خصوصا خالتي الكبيره لاني امي ما اتخبي شي عليها .. وان شاء الله انها ما تقول على عيالها مابي احراج اكثر اللي فيني مكفيني .. وقتنا كلش غلط ..

رد: طلقني بشهر العسل مستجدات الرد255

إن شاء الله إنك بترجعين وأنا شبه متأكده لا تستسلمين يادمعه وراعي زوجك وأمك
أمك تسعى لمصلحتك ومقهوره عليك معليش
وادعي بين الآذان والإقامة هذا وقت مايرد الله فيه الدعاء يستجيبه

قولي لأمك إذا روقت تكفين اللي فيني مكفيني وأنا ما أبي أشيل لقب مطلقة وأنا عروس خليني أرجع بأسرع وقت
الناس بتتكلم بعذريتي وشرفي لأن هذا هو التفسير الوحيد ولا أحد بيصدق السبب الحقيقي
أمك يهمها كلام الناس أكيد فكلميها على هالأساس وأظهري حزنك على وضعك وزوجك

وصدقيني هذا خيره من ربي عشان مستقبلا ماتدخلين أمك بأي مشكله من مشاكلكم واللي يصير ببيتكم مايطلع نهائي

رد: طلقني بشهر العسل مستجدات الرد255

ان شالله ان موضوعك الى خير طالما انت وزوجك تحبون بعض وما اظن ان في أم في الدنيا تسعى لخراب بيت بنتها ابدا
بس الي مستغربة من أمك بصراحة قولها : ( عقلية الثمانينات والسبعينات ) يعني كل زمن له دين معين والله المستعان
مشكلة لمن الواحد يغار على زوجته في أمر واضح شرعا وعرفا يقلون عقليتك متخلفة

بعدين دموع زوجك قدام امك ابدا ابدا مالها داعي ليش الرجال سارو يبكون عالطالعة والنازلة ؟

ابوك فينه من الفلم ذا كله ؟ يعني لا يحل ولا يربط وامك مدركة كل شي ؟

رد: طلقني بشهر العسل مستجدات الرد255

اقتباس:

المشاركة الأصلية كتبت بواسطة ( أبو كنان ) ! (المشاركة 3395511)

والله لمن نزلت دموعه انا تمنيت اني ما كنت موجوده .. حتى من شوي لمن رد عليه قال لي لا تتحرين اني ضعيف يوم تدمع عيوني بس ماعرف شو اللي صار .. انا اعرف انه يبي يبرر موقفه بس انا مو هامني بسبب او بدون .. المهم عندي انه انجرح وانا السبب وربي يسامحني على اللي سويته ..

ابوي وامي الفرق بينهم عشر سنوات تقريبا .. ابوي شهادته اعداديه وامي جامعيه .. امي مرتبها اعلى عن والدي بكثير .. بس تخيل امي ما تحط ولاشي في البيت كله على ظهر ابوي .. واحنا بناته كم مره كلمناه يرد علينا يقول انا الحمدلله مرتاح بهذه العيشه وقسم بالله انه مو مرتاح وحنا نشوف ونحس فيه بس ما باليد حيله .. حتى اي مبلغ اخوي يعطيه لابوي امي تاخذه منه .. الى ان صار مرات يخبي عندي مبالغ ماليه وانا احفظها له واخر مره فتح لي حساب باسمي وصار يخبي فيه شوي .. يقول ابي اخبي لكم شي للمستقبل ولو بسيط حتى ما تاخذ امكم الاولي والتالي ..

رد: طلقني بشهر العسل مستجدات الرد255

اذا لم يكن قرارك مستقل لحياتك الزوجية
وتعتمدين على الاخرين في قرارك فهذا
بداية طريق الضياع