|
معليه علشان كذا امس احسبك تقول الثلاثاء اللي بعد اسبوعين ، مادري ليش شفتها كذا ؟؟؟؟؟
فحسيت انهم مو مهتمين و انك ما استفدت شئ .. اسبوعييييين ؟؟؟ يعني نص شهر .. كنت مواصلة علشان جالسة أذاكر معليه :D اقتباس:
اخوي الكبير زي كذا طريقته يوم يحل المشاكل ، يدافع عن الطرف الاخر امامك و يعاتبك و نفس الشئ مع الطرف الاخر ،، لإنه اللي راح يتكلم عن الطرف الاخر امامك و يبرر افعالك و كذا ،، تأكد إنه نفس الشئ راح يعمل من وراك .. و يا بخت من بكاني و بكى علي ، و لا مين ضحكني و ضحك الناس علي :) -------------------------------------------- اقتباس:
انت لازم ترتاح نفسيا و ما راح تلتفت لنفسك و اامورك إذا ما انتهيت من ذا الموضوع خلاص صبرت كم يوم ، ما جات على يوم واحد .. إذا ما رحت بكرة ، راح تضعف بيوم و تتصل عليها و يمكن تطلب منها ترجع .. لإن النفسية هي اللي راح تأثر فيك .. صلي و استهدي بالله و استخير في ذهابك غدا و لا لأ .. و ماخاب من استخار و لا ندم من استشار .. انت استشرتنا و ان برأيي بما إنك كلمته امس و اتفقتوا على بكرة فما يصير تلغي الموعد و لو هو تكلم ، اسمعه للنهاية .. ثم اقلب الطاولة عليه ( بمعنى .. قول له لو إنت مكاني و زوجتك عملت كذا .. إيش بيكون تصرفك ؟ خليه دايما في موضعك انت حتى تنقل له احساسك ) |
أختي رازان :
قبل أشوي تقولي لا تطارد وراهم ....وألحين تغير كلامك ....أنتي مو في المشكلة ويصير هالشيء ....فكيف أنا اللي في قلب المشكلة واللى الكل راكب راسه ولا أحد جاي يسمع كلامي ....ووالله العظيم لو سامعين كلامي من الأول ما صار هاللي قاعد يصير ... أرجوك لا تزعلي مني يا أختي . وأنا أتفق معك أنه كل ما طالت المدة راح تتأزم الأمور أكثر وأكثر وهذا الحاصل ...واللي قاعد يصير ......وما أحد راح يتضرر كثر ما بتضرر أنا وبنتي ....ولو صار شيء بين أختي وزوجها ....ما راح يكون أثره زي ما هو علي أنا وبنتي ...لأنهم ما مرتبطين بعيال ..وأنا بضل طول عمري أتحسر على بنتي .... وعلى العموم أنا مقتنع بكلامك الأولي أنه لا أطارد وراهم ...وهو كلام مقنع مشاركاتك السابقة أقنعتني ... أنا بقول لك وش الضرر لو يصير الاجتماع ؟ ما أدري كيف راح يفهموه هم ...بس يمكن يفهموا أقصد الرجال أنه لو أني ماني غلطان كان ما صرت أطارد على المشكلة طلباً في إصلاحها على الرغم من أني طردت ..بيركبوا الغلط علي ..وقتها بنفجر على الأولي والتالي .. يعني بيقولوا وش اللي خلاه يسعى هالسعي مع العلم أنه مطروود ؟؟ وين الكرامة ويمكن يوصل لزوجتي وخواتها وأمها أني راح متعنى إلى بيت أخوها عشان المشكلة ...يعيني بقولوا أنا متعلق فيها ..وهذا معصي عليهم ... وثانياً لا أضمن ماذا سيحدث في الاجتماع ....يمكن يكون أخوه متحضر وقاله عن مكالمتي معه البارح ...وإذا صا متحضر ما في فايدة ... أنا هدفي أني أصدمه بالحقائق .... طيب وقلبوا الطاولة علي اثنينهم وش أسوي أنا ....بنفعل وبقربع الدنيا عليهم ....وهذا راح يأزم أكثر وأكثر .. |
وكلامكم صحيح لو كل بين يوم والثاني رايح عشان أخ بنتي بيحسوا أني رايح اتقصد لزوجتي ...
وأنا بنتي راح أصبر على فراقها ...... لكن أهلي يضغطون علي من جهة ....نبي بنتك نشوفها ....ليش ما تجيبها ؟؟؟ ووووو ولو دخلوا في المشكلة وعلموا بطردتي من بيت أهل زوجتي .....راح تخرج المشكلة عن السيطرة ....وراح يصير الانفجار الحقيقي ...وكل واحد بيخربط من جهة ولا هم حاسيين في اللي توهم متزوجين ولا فينا احنا ... ولو رحت جبتها .....هذيك بتصر على عنادها وكبرياءها زي ما قلتوا وزي ما أنتوا شايفين ... قاتل الله الجهل ...قاتل الله العصبية .. أزيد يا أختي رازان : لو كلمت أخوها وقلت له أنا الحقيقة ما بضرب مشوار عندي مشاغل ....والكلام اللي بقوله في الاجتماع لأخوك ...اتصل عليه مباشرة وأقول له .. وبعدها راح أقاطعهم كلهم ..وحتى بنتي ما راح لهم وأخذها .. أنا مغلوط علي ومطروود و بنتهم في تتاعلم باستهتار برسائلها اللي فيها استهتار حتى عليهم ...وهم مبردين .. وهي قاعده تزيد في استهتارها .. ولا ويبرر لها بعد ؟ أنا ما عااد فيني واللي يجيبه الزمان يجيبه . من كل جهة اواجهها ضغووووط أنا ألحين قاعد أتهرب من ابوي وأمي ...عشان لا يسألوني عن بنتي .. وبتهربي عنهم ... دايم يسالوا عني وين تروح ؟؟ وين تأكل ؟؟ ليش ما تطلع ؟ انضغط أكثر وأكثر لأني ما أقدر أجاوبهم ... لأن جوابي لهم ليس من المصلحة في شيء ..وبداية الانفجار الحقيقي ستكون بجوابي لهم .. وش أسوي أنا بالله عليكم وش أسوي . الحمد لله على بلائه |
اخوي خليني اوضح لك اللبس و اللخبطة معليه ..
اقتباس:
فرديت عليك .. اقتباس:
وقتها كأنك جالس أسبوعيييين و تستنى متى يتفضوا لك .. و زي كذا --------------------- لكن إنت قلت إنه الإجتماع بكرة .. و اسفة جدا لإني قريتها بالغلط أمس .. سؤالي : بأية حجة راح تعتذر لهم ..؟؟؟؟ ما راح يستغربوا ، أمس اتفقنا إنه نتقابل بعد بكرة .. و اليوم غير رأيه ..؟؟؟ ( لو كان اسبوعين ، كان ممكن اعتذرت عن الإجتماع و قلت لهم وقت ما تفضواا دقوا علي و زي كذا ) و إذا هم قلبوا الطاولة عليك ، فإنت مانت خسران شئ .. بالعكس .. تاخد قرار و إنت مرتاح و متطمن بإنك قدمت و عملت كل اللي تقدر عليه .. إنت صح تبغى الصلح و الإستقرار ( و نحن ندري بالشئ هذا و نتمنى و الله ) و ربي ما راح يخيبك لكن نبغى يكون الظاهر لهم ( إنك ملييييت ، و إنك ما قصرت معها ، و إنها هي ما تحترمك و كذا ) يعني ترسم لها خطوط حمراء .. و النتيجة في الأخير هي صلاح بيتكم .. تروح لهم و إنت محدد ( إيش تبغى بالضبط ) مثل ما كتبت أمس .. كذا و كذا و كذا .. مع إعطاء الأسباب .. مثلا تحترمني مثل ما احترمها و الحياة من غير احترام بين الزوجين ما تمشي و زي كذا .. مو بس ( تحترمني ؟ ) .. تحترم أمي و ابوي علشان كذا و كذا و كذا .. إلخ ------------------------------------------------------------- ممكن نقول لك ، كنسل الإجتماع بكرة و لا تروح خلاص و كل واحد يركب راسه و في الأخير تنفصلوا لا سمح الله ما نتنمى لكم الشئ هذا و لا إنت تتمنى ،، نبغاها تعقل و تعرف إنه هناك حدود في التعامل مع زوجها ، أو إنها راح تخسر الشئ هذا بيدها على فكرة .. هناك نوعية من الحريم ، ما يحبوا الرجال الطيب بزيادة .. يحبوا الرجال اللي يقول لها ( لأ ) .. و هذا الشئ اكتشفته في زميلتي و كم وحدة و منهم زوجة اخوي؟؟ اخوي التاني ، ماحد يتحمله .. بركان و لسانه متبري منه ، كنا نقول مادري كيف تتحمله بنت الناس إذا تزوجها تزوج وحدة مرفهة و مدلعة في بيت اهلها و خدامتين و سواق وووو إلخ .. و ماركات و سفر للخارج و ابوهم مدلعهم .. تموت في اخوي ماشاء الله ؟؟ تقول يعجبني يوم يصرخ و يخاصم و يعصب .. أحس برجولته ؟؟؟؟؟ زميلتي ، زوجها كذا عصبي و يسبها .. تقولي إذا سبني بداخلي افرح و احس برجولته ..؟؟؟؟ هههه عالم عجيبة من جد .. :D ممكن تصرفك حاليا و تطنشيك لها و مصارحة اخوانها ،، راح تجيب نتيجة ايجابية ( عند زوجتك ) و إن شاء الله يكون كذا .. لإنه الزوجة ما تحب الرجال اللي يسكت لها على كل شئ تحب اللي يقولها لحد هنا و استوب و كفاية .. تحب اللي يحط لها خط أحمر ما تتجاوزه .. و اسفة إذا كلامي لخبطك .. |
طيب يا أختي رازان أنا ماني مرتاح لسياسة أخوها في حل المشكلة ....وكيف يفهموها هذي طاردتنه وهو اللي يطارد ورا الصلح ؟ ولا ويدق مشاوير بعد .
وطيب لو درت هي وأمها وخواتها ؟؟ إني ضارب مشوار لبيت أخوها .. راح يقولوا أيه لويتي ذراعه وهو اللي محترق وقاعد يطارد ..بحسب تحليلي للمعطيات الموجودة عندي أنهم قاعدين يصفوا ديونهم مني على كلمتي اللي فجرتهم .وهي تزيد في استهتارها برسائلها اللي أخوها بسياسته قاعد يشوف لها مخرج ويهون من فظاعتها بل يراها بصورة إيجابية...بالله عليك أبعد الذل هذا ذل ؟؟ |
الله يفرجها عليك يااااااااااااارب
|
إنت ما قصرت في البداية يوم رديت عليها .. يوم إنها غلطت و دخلت أهلها و أختك و زوج اختك
إنت ما غلطت عليها ، كان لازم تاخد موقف و توقفها خلاص .. لإنه واضح إنها ما كانت أول مرة تسيئ أدبها و تطول لسانها .. فكانت ردة فعلك طبيعية و خاصة إنك سكتت و سكتت و في الأخير اتكلمت .. هي راحت عند اهلها و هي متطمنة إنك ما حتقدر تستغنى عنها و راح ترجعها .. ثم تزيد هي في اسلوبها الغلط ، و تقلل من احترامك أكثر و أكثر .. فلا تندم على امر .. لإنه فيك طبع ( الحلم ) ماشاء الله .. النبي صلى الله عليه وسلم بيّن مكانة الحليم عند ربه فقال: "إنّ الله يحب الحليم الحيي، ويبغض الفاحش البذيّ". وقال علي رضي الله عنه في نصرة الحليم: "أول عِوض الحليم عن حلمه أنّ الناس أنصاره. ينقصك الحزم .. الأنبياء كانوا حلماءصح ، لكن كانوا حازمين بنفس الوقت :) انسخ لك هذه .. فإن هممت بأمر فتدبر عاقبته، فإن يك رشدا فامضه، وإن يك غيا فانته عنه. ذلك هو الحزم. إلا أن الحزم لا معنى له بدون العزم، إذ إن " من الحزم العزم ". ومن هنا كان أنبياء الله تعالى ذوي عزائم قوية، بالرغم من استخدام اللين في ظاهر أمورهم. أما الحزم، فأن تفكر في العواقب وأما الجزم، فبأن تقرر وترمي بنفسك في بحر العمل الذي قررته بلا توان، أو تكاسل. --------------------------------------- اقتباس:
|
معليه توي قريت سؤالك ..
لحظات |
الله يكون في عونك اخي الكريم
اللهم يسير له اموره واهدي له زوجته .. امين |
اقتباس:
هذا ما كنتم تعيوبنه عليه بقولكم تتعامل مع الأمور بمثالية ....وتقولن بانك عقلاني بزيادة ... أليس من العقل تدبر عاقبة الأمور ؟؟ >>>>أليس هو الحزم كما نقلتي .. أليس من الحزم ان أسألكم هل من المناسب أن أقدم الهدية ؟؟ أليس سؤالي تدبر في عاقة الأمور أليس هذا بحزم ؟ أليس اقتناعي بعدم جدوائية تقديم الهدية عزم ؟ في الاقتباس أعلاه " ألا أن الحزم لا معنى له بدون عزم " أليس سؤالي ...هل أبدأ معها الحوار برسالة مثلاً " أنتي ترديني ؟ " تدبر في عاقبة الأمور أليس هذا بحزم ؟؟ أليس نظرتي للأمور من مناظر متكامل ومن جميع الجوانب تدبر في عاقبة الأمور ؟؟ أليس من العقل أن يتنازل الإنسان عن الإهانة لو المصلحة اقتضت ذلك ؟؟ اليس هذا بحزم ؟؟ أليس من الحزم التأني والتروي ؟؟ كما هو مضمون الاقتباس أعلاه ؟؟ |
| الساعة الآن 07:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©