|
Over love شكرًا لك وجزاك الله الف خير
* |
أخي الفاضل والكريم معتز
الظاهر لو تنتظر سنة راح ينتظرون وما عندهم مشاكل وعيد الأضحى خلاص قريب .. وأنا أشوفه فرصة جيدة بالنسبة لك قبل العيد بكم يوم .. اتصل عليها ولا تسأل لا عن حالها ولا غيره أدخل في الموضوع على طول: وقول بيتي مطفي نوره له عدة أشهر ... ما عندي زوجة تهتم بي مثل بقية الخلق والناس ما عندي زوجة تغسل هدومي وتقوم على شؤوني ولا تطبخ لي لقمة نظيفة أهلي زوجوني يبون يسترون علي وألقى من تقوم بخدمتي وتسعدني والحين رجعت لأمي المسكينة تسوي كل شي ناقص أنا عن الناس ليش وأنا مافيني عيب ؟؟ >>> أهم شي تحسسها بفداحة اللي سوته ونقصها عن بقية الحريم ولا تعطيها مجال تتكلم أبد أبد وتعطيها مهلة يومين وتقول ارجعي مثل ما خرجتي والعيد جاي ووراي الأضحية وإن ما رجعتي معناته بعتيني وما تبيني أبداً واقعدي ساعتها مكانك والحمد لله جات منك وما جات مني وأنا بشوف من تسعدني وتريحني وهذي آخر فرصة لك واقفل الخط............ وإذا رجعت كان بها.. وإذا ما رجعت ............ شوف نصيبك بمكان ثاني ولا يقعد حالك واقف بالشكل هذا عشان عبط هالمره وأهلها |
اقتباس:
اختي اسمحيلي اختلف معاك الطريقه هذي تنفع مع زوجه حاشمه زوجها واشخاص فرقت بينهم الظروف يعني لو زوجته تحبه ومحترمته وصار بينهم شي واختلاف وراحت بيت اهلها ممكن يستخدم هالاسلوب اسلوب الاستضعاف والتمسكن هذا ماينفع مع انسانه ساحبه على بيتها ورجلها عشان بيت ملك وفاهمه الحياه الزوجيه انها كسر روس ! وتأدييب! ومخليه اهلها يغسلون شراع زوجها واهله وسب ومحاكم وخرابيط اسوء شي انها تحس انك تعبان من فراقها والله تقعد ببيت اهلها كم شهر زياده ومستانسه بعد لانها ارضت غرورها والله يا اخوان نقول هالكلام مو عشان نهدم بيوت الناس ولكن عاشرنا النساء وعرفنا تفكير اطيبهم وللاسف ايضا اضطرتنا الظروف نعرف تفكير اسوءهم الله يوفقك اخوي وعش حياتك واهتم بنفسك هذا الشخص اللي اسمه معتز لاتنساه ابدا ولاتخلي هالعالم يشغلونك عن دينك ودنياك طور نفسك واستانس سو كل شي ببالك وماكنت تقدر تسويه وخلك اناني شوي بنفسك والله مع كل هالمشاكل الانسان ينسى نفسه ونت تستاهل وقت لك لك لحالك اتذكر انك كتبت عن رغبه بالماجستير لاتنسى هالاشياء واللي كاتبه ربك بيصير |
السلام عليكم ورحمه الله وبركاته
مساكم الله بالخير جميعا العقد الفريد بالنسبه للأسلوب هذا حاولت افهمها ايام البحث عن منزل لكن كانت حاطه اهلها وابيها بالأخص بيننا ولا همها لحظتها ان تتفدا انها كانت فرصه وراح تنتهي هاذي الفرصه ماسمعت ولا حاولت تفهم . وشكراً جزيلاً Only أنا معك باللي قلته، احمد الله العلي العظيم صحيح كان هناك تاثير وبفضل ربي تم التغلب عليه .* التطورات : - الوالده ربي يصلحها كلمت ناس ورحبو وحابين أني أتواصل معهم وانا والله محتار جدا ربي يجزاها الف خير . - اخر رساله وضعتها الله يصلحها ( الاياوقت وين هذاك اللي يجي ويروح ) والجمله وضعتها لها يوم للعلم انني مقفل البرنامج من يوم الأربعاء ولم افتحه بتاتا. شكرًا للجميع |
أخي الفاضل أحترم اختلافك كثيراً
اقتباس:
هذا واجبها كزوجة ... الإهتمام بزوجها ولو يوجه لي زوجي مثل هالعبارات وخصوصاً بعد عدة أشهر من هجري له راح أحس اني ما قدمت شي له بالعكس طلعت عله على قلبه.. وهذه الطريقة الفاصلة ستجعلني أعيد حساباتي .. إما العودة والتنازل عن مطلبي وإما أن يتزوج بغيري >> وساعتها فضيحتي بجلاجل وسط خلق الله اقتباس:
واقتراحي كان لإعطائها فرصة ثمينة لا تعوض وليس معناه أن الأخ معتز نزلت قيمته بهذا الشكل بل أرى بأن قيمته تنزل إذا بقي حاله (واقف) هكذا وتطول المسألة وكأنه لا يستطيع فعل شيء من دونها وأردت أن يعطيها فرصة أخيرة فإن حصل شيء بعدها صدقني ستقتل نفسها من كثرة اللوم.. وهي التي فرطت فيه بنفسها اقتباس:
سيزوجونه .. سيتركني معلقه ... قد يطلقني ... قد يذلني أكثر بانصرافه ويطول حديث الناس عني والأفكار السلبية في رأسها أكثر من الإيجابية بعد مرور هذا الوقت وما أردت باقتراحي ذاك إلا شيئين .. إما أن تعود ويكفي كلاً منكما ينتظر مبادرة الآخر .. وإما تذهب في حال سبيلك وبنات الحلال كثير فالفترة التي مضت ليست بالقصيرة .. وأسأل الله أن يهديك لأحسن السبل وأنت في النهاية أعرف بأمورك وما كان ذاك إلا اقتراح ومساندة والله وحده أجل وأعلم |
اقتباس:
اخوي معتز انت لاتستعجل باشياء زي كذا واطلب من الوالده الله يحفظها انها ماتكلم الا بأستشارتك وقلها بطريقة محترمه انه لو قررت اتزوج راح تكونين اول من يعرف بالموضوع ونت استمر على وضعك وعيد من اهلك وستغل الفرصه انك تسوي الاشياء اللي كنت تتمنى تسويها وماحصلت لك فرصه وزوجتك ان شالله مع اجازه العيد راح تلين وتفهم وانصحك اذا قرب العيد انك تجهز نفسك لأتصال او رساله منها :22: بس استمر على ما انت عليه ولاتنسى نفسك وبخصوص الرساله صدقني هي كل شوي تفتح البرنامج وتشوف ومع الوقت بتتعب كثير لانه طريق التواصل الوحيد بينكم انقطع وكل ماتشوف اسمك تشوف بيت الشعر وراح تتعب اكثر اذا شافت ان كل الاشخاص اللي كانو يقوونها عليك مشغولين بأنفسهم وبأجازتهم وبالعيد يعني بتدور طريقه ثانيه تكلمك وان شالله ما يجي العيد الا وهي تتصل عليك تعيد وتعتذر منك لي عوده تعقيب على اختي العقد |
اقتباس:
ولو تزوجت ألحين معناها خلاص زوجتك طلعت من حياتك لاتظلم نفسك وبنات الناس الله يصلح حالك ولو تحاول تكلم زوجتك يمكن تغير رايها وأكيد أهلها يضغطون عليها بعض الأهل يجرمون في حق بناتهم وعيالهم وأتوقع أساس مشكلتك أنت وزوجتك أهلها الله يسخركم لبعض ويوفقكم يارب ياكريم |
شكرًا للجميع والله يجزاكم خير الجزاء
طلبت من الوالده اليوم بعدم الاستعجال في امر الخطبه وصدقوني ان الوالده ليس قصدها عدم احترام رغبتي ولكن تقول انها تريد ان تكون هي سبب سعاده لي وراحتي بعد مشيئه الله سبحانه ، ولا افكر ان اضلم بنات الناس بإذن الله تعالى . وبصراحه أنا عاهدت اخي الفاضل البليغ والأخ الفاضل ابوحكيم وبعض اللاعضاء انني لن افتح طريقه التواصل هذه الا بعد أخذ إشارتهم وتوجيههم لانني اثق بهم كثيرا |
أختي الفاضله العقد الفريد
كلامك صحيح وفي مكانه , ولكن ليس الآن وقته زوجته - هداها الله - لا زالت بحاجة لمزيد من التأديب ولوم النفس واستشعار الخطر فلا زال الحب لم يُطحن كاملاً . اقتباس:
اقتباس:
استمر على إغلاق البرنامج حتى عيد الأضحى , وأخبرنا بأي مستجدات وبرسائلها خلال هذه الفتره . |
الله يكتب لك اللي فيه الخير
ما قصروا الإخوان وفعلآ كلام الأخت جمانه صحيح انا كنت بقول لك نفس كلامهاعن البرنامج صل صلاة الاستخارة وربي ييسر لك الخير |
| الساعة الآن 03:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©