المشاركة الأصلية كتبت بواسطة غآليـة1111 (المشاركة 3114848)

الحوار والتعصبب لرأيك على شي تافهه
واذا تزوج الزوجه وين المشكله الحياة مو بس زواج
العضوات المتعصبات لرأيهم ورفضهم لتعدد. مألومهم

غالبا الزوجه الثانيه توافق لظرووف قويه وماتوفر الاعزب
عشان ظروفها نكرها لا مو معقوله
والزوجه الاولى عشان تزوجت متزوج لازم احاربها واقلل منها
يااخواتي الزوج شي من الحياة تحاربين عشانه ويروح عمرك وهو محور حياتك وبعددين !!

فاطمه ~
الله يصلح قلبك اختي طهري قلبك ولاتحملين في قلبك سلامة الصدر هي الاساس
اذا تزوجتي متزوج مو عيب هذا نصيبك
وماله داعي تبررين او تقولين افضل المتزوج كل انسانه لها خيارات حره فيها
شوك حتى ردها ماكان مناسب
كل انسانه لها ظروف والتعدد حلال ومو عيب

الاخوات
تحاربون عشان التعدد وترفضونه والتعدد يقلل من قيمتكم يعني هالكلام يعزز قيمتكم
كل شي نصيب وماندري بكره وش يصير
انا مو زوجه معدد وكنت خايفه يتقدم العمر واتزوج معدد الحمدالله ربي اكرمني بالاعزب
واقدر ظروف كل زوجه ثانيه ولا عمري كرهتها ولا حاربتها
بالعكس انا احزن على الزوجه الثانيه بسبب الكل يحاربها ويتعاطف مع الاولى
كثير من الزوجات تتزوج للاستقرار
الزواج حاجه نفسيه وجسديه قبل ماديه وتعف نفسها بالحلال وتعفه كذالك

الله يوفقنا لكل عمل صالح ويصلح قلوبنا ويرزقنا سلامه الصدر

المشاركة الأصلية كتبت بواسطة مبتعثة متفائلة (المشاركة 3114853)

غاليه1111
سعدت لخبر زواجك تذكرتك باحد المواضيع عن التاخر بالزواج
الله يوفقك

المشاركة الأصلية كتبت بواسطة غآليـة1111 (المشاركة 3114857)

الحمدالله يامبتعثه الله كريم ويرزقك يااقلبي
ادعي وتحري اوقات الاجابه ماتتوقعين وشلون تيسرت امور زوااجي وكنت وصلت لمرحله الله فيها عليهم
كانت نيتي من الزواج العفاف والحمدالله ربي اكرمني

الله يرزقك ويرزق كل البنات في المنتدى ويتمم لي على خير

المشاركة الأصلية كتبت بواسطة ملكة الآحساآآس (المشاركة 3114856)

انا لست ضد التعدد بمعنى التعدد ولكن ضد فكرة التعدد دون السبب
ولي الحق بابداء الراي
ولكن اختاه ماعسانا قلنا كلمه الا هبت علينا وماتحمل ذرات من الخجل واراها بكل امور الجميع تتدخل
حتى بامور هي لسى ماعاشتها ونستحي واحنا قبل نتزوج نتكلم فيها
انا اقول هالكلام لعلها تعي لنفسها
اختي فاطمه تحلي بالحياء والخجل والثقل
ولاتجعلين همك الرجل والنساء تسبينهم وكانك من عهد قريش

بدات استاء كثيرا واكره مكان تواجدك
صراحه جبتها من الاخير والي يصير يصير

ماعندك احترام لااحرمه ولا لرجال ولا تشوفين احد بعينك وباعتقاد انها قوة شخصيه على العكس
اشوفها هزة بالشخصيه ومحاولة تكميلها بامور تافهه من الاساليب الخاطئه

المشاركة الأصلية كتبت بواسطة غآليـة1111 (المشاركة 3114861)

من قالك التعدد لازم له سبب زوج عنده قدره ماديه والله فاتح عليه وقادر
يتمتع في متع الحياة الدنيا بالحلال يعني لو انا رجال وعندي فلوس بتزوج :)
لو انتي ماراح تتزوجين
الحب شي وامتع نفسي شي ثاني وش فايده الفلوس المرأة فتنه وشوفي معدل تفكير الرجال في الجنس
انا مااشجع على التعدد والله يستر مايقرون كلامي لكن وجهت نظري كذا

وبعدين مو كل زوج يحب زوجته ومستعد يضحي بشي حلال عشانها

اقول لك صعبببب جدا الموضوع وانا اذا تخيلت زوجي تزوج علي ادخل موجه بكاء
لكن بالعقل اشوف الموضوع كذا

المشاركة الأصلية كتبت بواسطة ملكة الآحساآآس (المشاركة 3114868)

لاتقولين هالكلام بس تخيلي زوجك تشاركك فيه انثى غيرك
وكل شي اخرى تقتسمه معاك وفي امور اخرى راح اشمئز منه
او يتزوج وحده ماتخاف الله وتحاول تفرقكم
او يظلمك ويحرمك كل حقوقك وهي يمتعها بكامل حقوقها تخيلي فقط شعورك وانتي انثى وهي انثى وكلاكما
زوجات لنفس الرجل ولكن انتي ولا شي
نادرا معدد وعادل بكل ماتعني الكلمه حتى لو بالحب وميلان القلب
الله يبعد عنك وعني وعن نساء المنتدى مايجربون هالشعور

المشاركة الأصلية كتبت بواسطة غآليـة1111 (المشاركة 3114874)

عاااارفه انه صعبببب جدا ومؤلم لكن وش نسوي الدعاء سلاح المؤمن دايم ادعي الله يرزقني حبه ولايعرف غيري ولا اعرف غيره
ياحبيبتي انا عندي ايمان تام كل شي مقدر ومكتوب ومالنا الا الصبر
تزوجت بعد عنوسه والان انا متملكه بعد الملكه استرجعت حياتي وجدت اني تسخطت على القدر وانا كنت راح اعيشه لكن فرق بين تعيشين بصبر وبين تعيشين بتسخط

الوحده تحافظ على زوجها شوفي مستسلمه وشلون صبرها
قريبتي تزوج عليها وتطلقت وش استفادت بالعكس ربحت الثانيه
عن نفسي لو لاسمح لكن تزوج نعيش اخوان عشان الاطفال ماعنده حقوق عندي لكن الطلاق لا
ولو رفض هذا الخيار ممكن الطلاق ااخر الحلول
امهاتنا صبرو انا مو افضل منهم