منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المشاكل المحلولة (http://www.66n.com/forums/forumdisplay.php?f=42)
-   -   طلقني بشهر العسل حلت الرد 390 (http://www.66n.com/forums/showthread.php?t=266172)

سديم الذكريات14 26-03-2016 08:20 PM

رد: طلقني بشهر العسل مستجدات الرد255
 
الله يفرج همك ويردلك زوجك ردا جميلا ويحنن قلب امك عليك

شاطى الراحة 26-03-2016 08:38 PM

رد: طلقني بشهر العسل مستجدات الرد175
 
اقتباس:

المشاركة الأصلية كتبت بواسطة دمعة ندم1 (المشاركة 3395147)
السلام عليكم .. اشلونكم ..

صارت علينا مشكله او مشاده كلاميه بيني واخواتي وامي .. والسبب انه اختي من فتره طلعت لها وظيفه وفي اول راتب لها اشترت هديه حق امي عقد ذهب بسيط واعطت عمتها ام زوجها مبلغ 2000 درهم .. فلما امي درت زعلت وقالت لها انا ما تسويني بعمتج فهمتي والا لا .. اذا بتعطينها هديه بكيفج بس انا ما اتساوى وياها .. اختي قامت قالت لزوجها نسيبي السالفه فقام اخذ المبلغ من امه ورجعه زوجته وقال لهم انا مالكم شغل في امي .. المهم اختي كانت مسلفه زوجة اخوي مبلغ .. فقالت لها في قروب الواتس اب العائلي ممكن تردي لي المبلغ اللي سلفتك إياه بسرعه لو سمحتي اناا محتاجه المبلغ .. المهم انا حسيت انه احرجتها وكلمتها على الخاص اللي هي اختي وقلت لها عيب عليج فضحتي البنت يمكن ما عندها لو كلمتيها على الخاص احسن .. بعد ما خلصت كلامي انهدت علي سب وشتم وقالت لي مب شغلج يا صاحبة المشاكل يا السوسه وانا مصدومه انا شو قلت عشان كل ها الكلام .. وقالت عني ياهله وما افهم وانتي تطلقت لاني ما اصلح أكون زوجه وعقلي صغير .. انا والله اني مصدومه وقعدت ابكي طول الليل .. تالي يت بيتنا وراحت عند امي وقالت لها كل السالفه عني وعن زوجي وان انا تطلقت واجذب على امي .. والله اني مو داريه ليش قالت جذيه .. انا تنرفزت وقلت لي امي يا اميه انا ما تطلقت لا اتصدقين كلامها بس السبب انه جذي وجذي وجذي .. قلت لامي عن كل شي وانا اصيح كنت كأني فاقده حاسيتي .. اختي لما درت انه زوجها اهو السبب .. تكهربت وقالت شنو شايفه على زوجي عشان ريلج يخاف عليج منه .. وسمعتي كلام قدام امي ..

اسمحوا لي احس اني ضيعت وقتكم معاايه بس مالي غيركم افضفض له .. ادري خربت كل شي سامحوني .. ومابي ازيد بتفاصيل كلامي مع اختي بس طلعتني عن طوري وانا مصدومه من كل كلامها ومستحيل هذا يكون كلام اختي .. انا متاكده ميه بالميه انه هذا كلام زوجها ..

في الليله اللي وعدت زوجي انه ايي بيتنا .. قلت لامي بليز يا يمه اذا عندج شي طلعيه فيني الحين ريلي ماله ذنب ف مشاكلنا انا وخواتي .. قالت خل ايي ويصير خير ..
لمن وصل زوجي الساعه 8 ونص تقريبا .. امي اطلعت من البيت الساعه 8 على اساس تزور خالتي .. حبكت على ها اليوم يعني .. المهم قالت مو مطوله نص صاعه واييكم .. المهم انها ما رجعت الا الساعه 9 ونص ..
زوجي كل ها الفتره منتظر في سيارته عند بيتنا .. قلت له ادخل انتظر داخل ما رضى قال اخاف امج تعصب ليش دخلت داخل .. قلت له عادي .. قلت على اخوي زوجي برع خله يدخل .. قال انا طالع العب كوره الحين مو فاضي .. قلت مب مشكله توكل على الله ..
المهم على الساعه 9 ونص وصلت امي واتصلت على ابوي لانه كان طالع ياخذ شغلات للبيت .. طبعا دخلوه في الميلس الخارجي انا بصراحه قهرتني هالحركه بس قلت ما يخالف .. اهم شي نرجع ونفتك لاني كنت تعبانه حيل حيل .. طبعا امي قايلت لي ما ادخل في البدايه بس انا دخلت .. كنت متوقعه امي تطردني بصراحه .. بس الحمدلله ما اطردتي .. بدت تقول لزوجي كلام .. انت بعدكم ما سميتوا وتطلقتوا .. قال لها احنا ما تطلقنا . قالت له تكلم لين خلصت كلامي .. قال لها ان شاء الله .. قالت له المهم انا ماعندي كلام كثير ابي اقولك عليه .. غير اني اقول لك يوم الاحد تروح المحكمه وتطلقها رسمي .. عطها كلمتها وخلصنا مو ناقصه مشاكل وانت مب كفوا بنتي تاخذها .. قال لها عمتي لو ما ابيها انا ماييت اتفاهم معاج وكلي امل اني ما اطلع اليوم الا وهي معاي نروح البيت .. قالت له مابي اكثر كلام .. زوجي قال عمتي انا مستعد اسوي اي شي بس ارجعها .. ونزل راسه تحت .. وسكت .. انا مادريت شو السالفه .. بس لمن رفع راسه كانت عينه تدمع وشوي ويبكي .. قال لها عمتي ولو هذا الكلام ينقال عنه عيب عندنا .. بس والله اني احبها ومستحيل اكمل حياتي بدونها ... فاطلبوا اللي تبونه .. ومستعد اسويه وازيد عليه بعد ...
المهم اهني امي اطلعت من الميلس ابوي قام حط ايده على كتف زوجي قال له لا تبكي يا ولدي .. الظاهر انه مافي نصيب .. قال له يا عمي الله يخليك تفاهم مع عمتي .. قال لها ان شاء الله خير يا ولدي .. انت الحين توكل على الله وان شاء الله خير .. بنتصل عليك ان شاء الله اذا لك نصيب .. قلت لابوي كيف يا ابوي ما يصير جذه انا ابيه وهو يبيني حرام عليكم .. قال لي انتي تدرين امج كيف يوم تعاند .. قلت له انا بروح معاه هو زوجي وكلمته اهي اللي تمشي هذا المفروض .. انا بصراحه كنت معصبه من امي والحركه اللي سوتها مو حلوه بصراحه بحقه .. لا وقايله لابوي انت لا تتكلم خلني انا اتكلم ...





بكمل لكم عقب ان شاء الله ... حالتي تعبانه جدا .. ساااامحووووني

قلت لك من قبل لا دخلين امك بالموضوع ما سمعتي الكلام

واضح ان امك مسيطرة على البيت وبوك مالة كلمة
خليك وراى امك ونشوف نهايتها

Lofty 26-03-2016 08:48 PM

رد: طلقني بشهر العسل مستجدات الرد175
 
اقتباس:

المشاركة الأصلية كتبت بواسطة شاطى الراحة (المشاركة 3395214)
قلت لك من قبل لا دخلين امك بالموضوع ما سمعتي الكلام
والعضوات هنا قالولك اسمعي كلام امك هي ادرى بمصلحتك
واضح ان امك مسيطرة على البيت وبوك مالة كلمة
خليك وراى امك ونشوف نهايتها



إلا من رحم الله منهن ....

عموما ، ارجو ان تسمعي كلام زوجك و ان غضبت امك !!!! سيترتب عن هذا مشاكل لكنه الابتلاء !!!

مهره 26-03-2016 08:55 PM

رد: طلقني بشهر العسل مستجدات الرد255
 
مب من أول مشكلة تبيع أمها .. مهما كانت عنيدة ومتصلبة ـ الآن ـ تبقى أمها في كل الأحوال.

لازم نظرتنا تكون لبعيد شوي .. ومهما كان زوجها متمسك فيها الحين ما يصح نعطيه حجة ممكن الشيطان يلعب في راسه مستقبلاً ويخليه يستغلها بشكل سيء.


الصحيح إنها تحاول شوي مع أمها .. يمكن محتاجة وقت عشان تلين وتغير موقفها وتخليها ترجع لزوجها.

إذا أصرت على موقف متعنت وقتها لكل حادث حديث.

محب السنة 26-03-2016 08:59 PM

رد: طلقني بشهر العسل مستجدات الرد255
 
الظلم ظلمات يوم القيامة

لا حول ولا قوة إلا بالله

أنصحك نصيحة لوجه الله حافظي على زوجك ولا تخسرين أمك وعليكي أن تعرفي أختك من وين درت بهذه التفاصيل و عليكي أن تقطعين هذا الخط الذي يتسرب عن طريقه أخباركم


و إستخيري في كل خطوة ستقدمين عليها

صلي ركعتي وبعدها أدعي الله بدعاء الإستخارة فيما ستفعلين

و أظن أن الأفضل أن تدخلين أحد له كلمه على أمك

ولا تنسين أنك لازلتي زوجة لزوجك و لا تتخذين أي قرار إلا بعد التنسيق معه

الوفاء11 26-03-2016 09:04 PM

رد: طلقني بشهر العسل مستجدات الرد255
 
اقتباس:

المشاركة الأصلية كتبت بواسطة مهره (المشاركة 3395221)
مب من أول مشكلة تبيع أمها .. مهما كانت عنيدة ومتصلبة ـ الآن ـ تبقى أمها في كل الأحوال.

لازم نظرتنا تكون لبعيد شوي .. ومهما كان زوجها متمسك فيها الحين ما يصح نعطيه حجة ممكن الشيطان يلعب في راسه مستقبلاً ويخليه يستغلها بشكل سيء.


الصحيح إنها تحاول شوي مع أمها .. يمكن محتاجة وقت عشان تلين وتغير موقفها وتخليها ترجع لزوجها.

إذا أصرت على موقف متعنت وقتها لكل حادث حديث.

صادقه مهره وخصوصا إن الزوج إلى الآن ماتعرف معدنه لاتسوين شي بدون رضا أهلك لأنهم سندك وعزوتك وبعض الأزواج يستضعف المره الي مالها سند ، حاولي معهم بالإقناع واللين وبتتصلح الأمور بإذن الله ماتدرين لعل الأمر هذا خيره لك تخليه بعدين يتمسك فيك أكثر ( عسى أن تكرهو شيئا وهو خير لكم )

الوفاء11 26-03-2016 09:07 PM

رد: طلقني بشهر العسل مستجدات الرد255
 
مدري ليه أحس إن زوج أختك هو أساس المشاكل ، الله يكفيكم شره .

شاطى الراحة 26-03-2016 09:09 PM

رد: طلقني بشهر العسل مستجدات الرد255
 
الرجل مهما بلغ فية تمسكة بزوجتة
الا اناهنا حد يقول لة كرامتي فوق كل شي

مهره 26-03-2016 09:13 PM

رد: طلقني بشهر العسل مستجدات الرد255
 
وبعدين يا ريت ما ننسى إن زوجها فيه تهور وتسرّع .. بدليل التوقيت اللي طلقها فيها.

فحتى لو كان طيب ويحبها وصادق في رغبته في إرجاعها .. لكن ما نأمن إنه ما يتهور مرة ثانية بسبب مشكلة أخرى لا قدر الله .. خاصةً إذا رجعت له بدون رضا أهلها.

شاطى الراحة 26-03-2016 09:22 PM

رد: طلقني بشهر العسل مستجدات الرد255
 
لا نستعجل وننتظر قرارت الام
واذا حصل طلاق فهوا من مصلحة
الزوج من بداية الزواج وصاحبة الموضوع
تقول امها كسرت ظهر زوجها بطلبات
مدري كيف رضى على نفسة والامور واضحة
قدامة واصل الزواج منها


الساعة الآن 12:55 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©