|
راي ابو حكيم صحيح ...
وكلمي اخته وقولي لها .. انا ماعاد لي كلام معه اذا يبي يجي يتفاهم مع ابوي ... وان ماجاء هالاسبوع خلاص ماعاد لنا تفاهم لان السالفه طولت ,,,,, وان ماوعدني انه يصلح خطأه اللي انا متهاوشه معه عشانه ماراح ارجع له لان هالشيء انا فاقدته وهو يفرغه على غيري ... لاتفهمينها وشو بالضبط ... قولي لها قولي له وهو يفهم ...... او كلمي ابوه يقول له هالكلام لان ابوه ادرى بالموضوع..... ولاترسلي لزوجك او تكلمينه وحاولي تقفلين جوالك ........انتبهي تذلين نفسك وطمني ابوه انك ماراح تفضحين ولده بس بشرط انه يتعدل .... وقلي ان زوجك هو اللي رماك بيت اهلك مو انتي رحتي من نفسك |
هلا ابو حكيم مشكور على الرد
بالنسبه لهالجزئيه بما ان والده يعلم عن موضوع الافلام ولمح لولده عنها , أرى ان تكتفي بتأنيب والده له , وقولي لعمك : يا عم فهم ولدك بأنه اذا تكرر منه هذا الموضوع مستقبلا فلن استطيع العيش معه وستكون نهاية حياتي معه , وقولي لعمك ايضا انك تثقين به كثيرا وتثقين بتأديبه لولده وتوبيخه له , وانك لن تتطرقي لموضوع الافلام والعاده علنا امام والدك وانك ستناقشين هذا الموضوع مع زوجك على انفراد ولن تفضحيه عندما يأتون اليكم للصلح , وتوقعي الشخصي أنه بمجرد ما يثق زوجك انك لن تحرجيه بموضوع الافلام والعاده بشكل علني , سيأتيك ان شاء الله مثل الصاروخ طالبا الصلح , وانا متأكد والله اعلم ان هذا الموضوع المحرج هو ما يجعله يتردد كثيرا بالمجيئ والبحث عن الاعذار . هو لمحله بطريقه غير مباشره قاله انو فيه امور واجد تخرب سمعت الرجال وانو فيه واحد من جماعتنا معروف بهالامور لدرجه ماعاد احد يدخل بيته وخسر اهله وعياله يعني من بعييييد لمحله.....وقال ماحبيت اسهب بالموضوع اكثر |
والله ماادري شسوي اكثر من اللي سويته
انا معاك بكل كلمه يابوحكيم بس خلاص ماراح اتصل على ابوه ولا اقول شي اذا اتصلوا رديت وسمعت وش عندهم اما بالنسبه له((زوجي))وش باقي يفكر فيه وش باقي يبي مافهمتله ولا حفهم لا جاء لااتصل علي وناقشني لا طلق لا صلح(((لا رحم ولا يبي رحمت الله تنزل))) حياتي كلها متوقفه ((((لا وظيفه لا شهاده لاشي كل شي عنده))) وش يبي؟؟؟؟؟؟؟؟؟؟؟؟؟؟؟؟؟ |
هو يريدك ولكنه متردد هو بحاجة لمن يشد على يديه ويشجعه للرجوع لك العائق المادي يقف عقبة أمامه |
اقتباس:
لا مافي عوائق ماديه طيب ولين متى هالحال |
الرجال متردد ولاتيأسي ، ولو طول الأمر ، أبوك ما يخفى عليه ، ويهمه مصلحة ابنته |
التردد سلبي مو بصالحه وانا فهمت اخته قلتلها
اذا مااخذ موقف انا مااعرف ابوي كيف ممكن يتدخل وكيف يتصرف |
اقتباس:
1. استخيري الله مرارًا و تكرارًا . 2. حاولي الاتصال به دون أن تخبري أهلك فهذا زوجك و هذه حياتك و التدخلات و إن كانت لأجلك إلا أنها تعرقل الموضوع . 3. أخبريه أنكِ سامحتيه و أنكِ بحاجته و أنكِ ستفعلين الكثير لأجل أن تتغير حياتكما . 4. اطلبي منه أن يحدد موقفه و يذكر لكِ أسباب تردده . 5. لا تنسي الاستغفار و الدعاء ففيه و الله الخير الكثير و توكلي على الله و ليكن رضا الله غايتكِ . و نصيحة : الرجل عادة يكره صوت المرأة المرتفع, فكيف و أنتِ رفعتِ صوتكِ عليه و أسمعتِ الجيران ؟! هذا سيء جدًا فحاولي التخلص من هذا الخطأ لأجلكِ و لأجل حياتكِ . طمئنينا عليكِ و أخبرينا بالجديد . |
ابي اكلمه
والله ماعاد اقدر ابيه تعبت مره احتاج اكلمه خايفه مايرد ووقتها حتحطم؟؟؟؟؟ |
لاتكلميه حتى ما تتعبي حالك أكثر خليك عزيزة نفس ، و أنا عارف أنك مشغولة فيه لكن إصبري ، و إذا أستجد جديد كلميه يعني في هذه الفترة حاولي تشعريه أنك غالية ، ولو يريدك راح يكلمك هو بنفسه مو أنت |
| الساعة الآن 08:48 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©