|
رد: بجاحة الشغاله ورضا زوجي ؟
ألحين إنتي مقهورة على السفر أكثر من موقف الخدامة .. وهذا اللي يبي يوصل له .. يبي ينسيك ذاك الموضوع .. |
رد: بجاحة الشغاله ورضا زوجي ؟
إنتي مب ذكية يا كنافة .. أبدا مب ذكية ..
هو عنده مفاتيحك .. يلوي ذراعك بشغالتك لأنه عارف ماراح توافقين ياخذونها .. ويلغي سفرتك لأنه عارف هذا أكثر شي بيقهرك .. يسوي كل الأمور وهو عارف مسبقا ردة فعلك فيها.. فإنتي إذا تعاملتي مع الموضوع بهدوء بالعكس ماراح يفكر إنك موافقة وراضية لأنه فاهمك تمام .. بس بتوصلين له رسالة إن ابتزازك ماراح يأثر فيني ولا يثنيني عن شي .. |
رد: بجاحة الشغاله ورضا زوجي ؟
اقتباس:
لكن يلغي السفر وينام برا الغرفه ويقاطعني ويهجرني وينكد عيشتي كل هذا لان قلت تكلم برسميه مع الشغاله نظام خذوهم بالصوت لانه عارف مابيدي اعمل له شي مستغل صلاحياته وانه الطرف المسيطر وذالني لاقصى حد كل اللي اقدر عليه اتجاهله وبس |
رد: بجاحة الشغاله ورضا زوجي ؟
اقتباس:
هذا بالضبط اللي مضايقني كنه داخل معي حرب ودايم كلامه: انا مجهز اسلحتي ودي اترك البيت واخلي لي العيال اللي ميت عليهم دام يقول لي مالك لزمه هاينه علي نفسي انا يقول لي مالي لزمه؟ ويقول بيركز بعياله وامه وبس كأن مشكلتي مع العيال او مع امه هذي بعد تغبن بقوووه غير سالفه السفر اللي الغاه ترى اكلمكم وانا ابكي حسبي الله ونعم الوكيل |
رد: بجاحة الشغاله ورضا زوجي ؟
الله يجبر بخاطرك و يفرج همك يا روان
|
رد: بجاحة الشغاله ورضا زوجي ؟
اقتباس:
إلى متى هذا الوضع بحياتك!!؟ شيء محزن أن تعيشوا بهذا الشكل!!؟ وين الخلل بدقة!؟ إلى متى وهذا الصراع مستمر!؟ هل خلقتوا لتبقوا متصارعين!؟ مافيه حل؟ مافيه تفاهم؟ مافيه تنازل؟ مو معقول تعيشون حياة الأسى لا أنتي مقتنعة بالواقع ومسلمة أمرك كما تفعل كثير من الزوجات مع أزواجهن ولا أنتم تفاهمتوا واستمرت حياتكم بهدوء وسكينة وتركيز على الأهداف الكبيرة في حياتكم الزوجية ولا هو نزل حسب ماترغبين، ولا أنتي صرتي حسب مايرغب هالزعل والمشاكل من يطيقه كل الوقت!!؟ لازم ترحمون انفسكم شوي، وتتصالحون وتستمر حياتكم كما ينبغي إذا مستحيل هالشي فكروا بطريق آخر، يكون فيه الضرر أخف ألزم ماعلى الإنسان صحته وسعادته واستقراره هل فكرتي بالخطوات التي يمكن عملها لتجاوز هذه المشاكل!؟ هل وجدتي الأبواب كلها مغلقة، ثم فكرتي بحلول أخرى!؟ يجب أن تعيشي حياة مستقرة زوجك يبدو لي أن فيه إيجابيات من خلال عرضك لشخصيته إذا ماقارنته في كثير من الحالات اللي أعرفها! لكن مشكلته أنه يراك ند له، ومن هنا ينشأ الصراع.. هل الناس تتزوج علشان تعيش حياة سعيدة أم تعيش حياة نكد!!! <<وهذا اللي يخليني أقدم رجل وأأخر رجل في مشروع الزواج. |
رد: بجاحة الشغاله ورضا زوجي ؟
اقتباس:
يعني عدم توافق بالشخصيات يعني في شخصيات مكمله لبعض وفي شخصيات تكون ضد بعض .. ما اعرف شخصياتهم لكن احس الموضوع يتعلق بإختلاف الشخصيات بينهم ( له تفكيره وقراراته وقناعته ولها تفكيرها وقراراتها وقناعاتها ودا الشي الي يسبب اصطدام بينهم )... وكل شخص منهم يتعامل حسب شخصيته وليس حسب شخصية الطرف الثاني .. |
رد: بجاحة الشغاله ورضا زوجي ؟
انا اعاني من مرض مزمن
جاني بعد زواجي ولي حوالي 6 شهور ما احس باعراضه لكن رجع لي الالم بشدة اليوم الصباح مع البكاء والحزن كتبت لزوجي: صباح الخير حبيبي، كنت حابه اترك الامور لحد ما تهدأ ونتفاهم، لكن تعبت الصبح من العرض الفلاني، وصار معي كيت وكيت.. ما ابغى نتناقش، ابجهز اغراضي تنزلني بيت اهلي، وبترك العيال معك ادري منت مقصر معهم ان شاء الله (وردة) الكلام اقسم بالله صادقه فيه وهو يعرف مرضي وتأثره بالنفسيه انا اخترت صحتي شكرا لكم |
رد: بجاحة الشغاله ورضا زوجي ؟
معليه يا قلبي طولي بالك .. وتعوذي من الشيطان وماعليك شر ..
روحي لأهلك كم يوم غيري نفسيتك .. عيالك إذا ابوهم بيجيبهم عندك لا ترفضين .. فكرة السفر مع أهلك والعيال مع أبوهم مش غلط .. خليهم دام هو مستعد يمسكهم .. |
رد: بجاحة الشغاله ورضا زوجي ؟
اقتباس:
مدري بروح اسبوع والا شهر والا على طول بس تعبت تعب شديد قبل ساعه ورد زوجي عالرساله: صباح النور مشاكلك معي تقدري تعالجيها بهدوء بدون قوة شخصية معي، عموما اذا بتروحي براحتك شكرا للجميع انا بترك البيت مو لاني زعلانه بس لان هالبيت امرضني |
| الساعة الآن 03:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©