رد: صار دقيق ويحاسب على كل شيء..
 

ياخوفي ان زوجك أخذ فكره انك تساعدينه ماديا عشان تملكينه وتتحكمين فيه

عشان كذا أعلن التمرد

رد: صار دقيق ويحاسب على كل شيء..
 

احبه

انت تدري بداخلك انه أسلوبك منفر لزوجك
و ما عندك ثقة بنفسك ابدا و الثقة معدومة بنفسك

سلاحك الوحيد هو راتبك و فلوسك
و تحسبي انه بالفلوس راح تربطي زوجك و تمتلكيه

لكن جالسة كل يوم
تهدمي طوبة طوبة طوبة من حياتكم بيدك و بنفسك

رد: صار دقيق ويحاسب على كل شيء..
 

أذكر كلمة قالها أحد الأعضاء أو العضوات عيت تروح من بالي

الرجل ماتقدر تملكه المرأة ولو بملايين الريالات

رد: صار دقيق ويحاسب على كل شيء..
 

لا والله ماأبي أملكه بفلوسي .. وبالعكس أحتقر نفسي إذا كنت كذا .. ولا عمري ترى فكرت أملكه أو أخليه يحبني عشان فلوسي ..بس هو للاسف كل ماله يثبت إن حبه لي عشان فلوسي .. وقفاتي معه ودعمي له مو شرط بالفلوس .. من جد حالي معه صار صعب .. وصعب مرة .. أنا بحاجة حنانه واحتواءه .. ليش يقسى علي!! ليش يعاملني كذا وأنا والله أبدا ماني زي مايتصورني ..

رد: صار دقيق ويحاسب على كل شيء..
 

لا تحطين بينك وبينه حاجز وكرامه تبين حنانه وإحتوائه روحي بكل بساطه ونامي بحضنه ألغي كل الحواجز الي بناها الشيطان بينكم طيعيني يابنت روحي الحين ليه تعذبين نفسك روحي بحضنه وإرتاحي وريحيه

رد: صار دقيق ويحاسب على كل شيء..
 

وإذا رحت يالوفاء مابيقول نفع معها الحظر والجفاء والبعد!!! ماأبي يظن إن هالاساليب هي اللي رجعتني ورغبتني لحضنه..

ثم هل بيتقبلني؟؟.. زوجي عمره ماحظرني في الواتس زي هالمرة يعني إن الوضع مو سهل بالنسبة له مع إنه هو الغلطان لما رفض يوديني المستشفى فطلبت من أخوي ولا كان يبيني أموت من الالم!!

رد: صار دقيق ويحاسب على كل شيء..
 

لا تتكلمين ولا تنتظرين منه كلام سوي الي قلت لك وبس وإنسي الي فات لأن طول الزعل مو زين لك وله ، سامحيه إذا ما سامحتيه من تسامحين قولي اللهم إني عفوت عنه لوجهك الكريم .

رد: صار دقيق ويحاسب على كل شيء..
 

تعرفي وانا الان بقمة مشاكلي مع زوجي
والله العظيم اقول لك
قولي الحمدلله ربي رزقك زوج لا هو راعي سفريات ولا سهر
ولا خيانة ولا يشرب ولا يتعاطى

احمدي ربك على العطاء الي اعطاك
ربي منعم عليك وانتي جالسة تبكبكي وتبغي زيادة
يابنت الحلال والله مأحد مرتاح بدنياه
وربي اذا اخذ يعطي !!
واذا اعطى اخذ !!

لا تنظري لطرف السيء بحياتك
وانظري لطرف الجميل بحياتك تسعدي

اقسم بالله غيرك يتمنى عيشتك
ولا تقارني نفسك بغيرك
اسمعي مني لا تقارني حياتك بغيرك لانك لاتعلمي عن شي ناقصهم
مأحد مرتاح بالدنيا
وربي خلقنا بهذه الدنيا لعبادته ويبتلينا حتى يرى كيف احنا صابرين على البلا
اذا ابتليتي لا تجزعي
مع اني اشوف مشاكلك كلها فلوسي وفلوسي
يابنت الحلال افصلي واجلسي بالبيت اذا انتي تهيني زوجك علشان الفلوس

تعرفي يأحبه انتي عودتي رجلك على العطاء
وهو تعود واعتبرها شي عادي اذا قالك عطيني
او انتي حاسبي السواق
وعلى فكرة كثير موظفات اعرفهم عندهم سواق وخدامة
وهم يدفعو لهم الراتب
ترى مو بس زوجك يقول ادفعي
كل زوج موظفه يكلفها زوجها بهذا الشي لانها هي من طلبت
وبعدين وش الحركه الغبيه تسحبي السيارة ومدري ايش ؟!
دامك رضيتي تحملي نتائج رضاك
ولاتتعاملي مع زوجك الند بالند

والله يعينك على مبتلاك

رد: صار دقيق ويحاسب على كل شيء..
 

أنا قلت شكله هو أخذ فكره انك تبين تملكينه بفلوسك والدليل اذا كنتي راضيه عنه غمرتيه بالعطاءات المادية واذا زعلتي منه سحبتيها وذليتيه عليها

والدليل فكرتك قبل شوي لما قلتي شكلك بترجعين السيارة البنك.. ترا حتى لوما نفذتيها يكفي انها وضحت طريقة تفكيرك وقناعاتك

والأفكار والقناعات تترجم الى أقوال وأفعال

انتبهي لنفسك وغيري طريقة تفكيرك

انتي مشكلتك مشكلة فكر :d

رد: صار دقيق ويحاسب على كل شيء..
 

قلنا لك من أول ، انتبهي على زوجك ..
لإنك انت تبعديه عنك بيدك .. بتهديداتك و إذلالك له بفلوسك و عطائك له ..

و جالس يصير الآن اللي حذرناك منه .. و هذه هي البداية ، هروبه من المنزل لأي حجة ..
و أخاف إنه يبدأ يستغنى عنك و ينفصل عاطفياً عنك ، و لا سمح الله ممكن يلاقي وحدة تهتم فيه ..

و انت بزيادة الآن تنامي بعيد عنه ..

.
.

انتبهي على بيتك و زوجك ..