|
رد : استحملوووني لبين ما اوصل لحل
قلوب حبيبتي...
ما قلت لج بالصبر كل شي يصير.. انتي تقولين انج حاولتي... طيب سؤال يا حلوه؟ كيف الإبتسامه معاج؟؟ الأمور طيبه او بعدها؟؟ شوفي انا من البارحه يالسه افكر لج في حل يرضيج و يرضيه في نفس الوقت... إذا كنتي ملتزمه بالإبتسامه و النبره الحلوه طووول الأسبوع الماضي.. يعني كنتي مرحبانيه و مع هذا مكشر.... فأقول لج الليله سوي التالي... و هالشي بس لأنه زعول مثل ما قلتي و لأنج ما تبين تعتذرين... بعد ما يجي من الدوام... و تتعشون... و قبل ما يروح ينام... روحي له و حطي يدج على رقبته كأنج تمسحين له مكان الألم... و اسأليه إذا ما زال يتألم او لا.... شوفي كيف طريقة رده... و بعدين شوفيه و قولي له..... لمتى بنظل جذي؟ كل واحد شايل على الثاني... انا مديت لك يدي و محتاجه تمد لي يدك... انا حاسه ان الوضع في البيت متكهرب صار له فتره و حاولت طول الفتره الماضيه الطف الجو و لكنك مازلت زعلان على الرغم من اني اتصرف معاك بكل طبيعيه... و لكني ملاحظه انك ما تكلمني و لا تقعد معاي و لا تطالعني و كأنك شايل في خاطرك علي... و كل محاولاتي في تلطيف الجو ما نفعت... اذا في شي في خاطرك قوله... بس مب حلو نستمر جي و نكون في بيت واحد و كاننا أغراب... و نظراتج تكون حنيه...اصبري بعدها دقيقه علشان يتكلم لا أكثر... ما أتكلم... كملي "أنا حاولت و الدور الحين عليك... و أنا موجوده في الوقت اللي تباني" ابتسمي و اتركي المكان... لا تقعدين معاه... انشغلي في اي شي ثاني... و خلالالالالالالالالالالالالاص عيشي حياتج عااااادي لين يطيح اللي في راسه تماما... تصرفي كأنج مب زعلانه منه و لا كأنه في شي.... و أبدا لا اتيبين طاري الزعله الماضيه او المحل او المكنسه او اي شي ثاني... لأن الدور عليه الحين... يبي يعيش دور الزعلان... خليه يعيشه لين يشبع.. انتي قومي بكل واجباتج و عداج العيب... |
رد : استحملوووني لبين ما اوصل لحل
على فكره كونه ما قرب منج اليوم الصبح.. فأظن فعلا لأنج صايمه.. خلينا نلتمس له العذر في هذه...
بس بعد التقارب اللي صار بينكم البارحه المفروض انه يحاول يتكلم بأريحيه أكثر اليوم على العشا على الأقل... إذا ما تكلم... نفذي الخطوه اللي قلت لج عليها... في رياييل يحبون الحرمه تعتذر على طول... و هالشي يحتاج لإعادة برمجه... قلوب حبيبتي... بعد ما تتصافون... شفتي الخطوات اللي نوره و لمني بشوف و انا كنا نقول لج عليها... عن كيفية التعامل مع الزوج... ابيج تطبقينها... لا تنتظرين منه يصحيج من النوم علشان الفطور... انتي اصحي من نفسج و سوي الفطور... بوسه و حضن قبل ما يروح الدوام و بعد ما يرجع من الدوام... في أشيا بسيطه إذا سويتيها... راح تخلي يراضيج بسرعه لو زعل المره اليايه على اشيا تافهه مب قويه... لأنه راح يفتقد هالأشياء وقت الزعل... |
رد : استحملوووني لبين ما اوصل لحل
خلاص تعبت مللييت حتى لو رجعنا رح ابقا شايلة عليه طوول عمري
انا تزوجت حجر مب انسان واصلا هادي حجة لي عليه هو صار مقصر في حقي الشرعي المفروض يعطيني حقي حتى لو كان زعلان تلك مشكلتو اليوم صحيح كلمني احسن من قبل بس بعدها يرووح يناام دون ما يطالع فيني كاني عدوتو مب زوجتو صحيح انو في جديد بس ها الجديد شوية كلام منو بس اللي يقولون انو ما سلم عليا عشان كنت صايمة اذا احد فيكم كرر ها الكلام ما رح ارجع رد بالموضوع ليه تستفزووني وانا وضحت لكم انو ما سلم عليا لانو زعلان ومتضايق وانتو تقولون صايمة ما صايمة حرام عليكم اللي فيني مكفيني وتحملو كلامي لاني بعد ما كنت هادية خلاص تعبت واحس بقهر جواتي خصوصا مسالة الفراش مو من حقو يزعل ويحرمني طول ها الايام وانا شااايلة عليه في قلبي هو اللي بدا وغلط معي وكل هذا اللي احنا فيه هو اللي بداه والحين قاعد ينافخ ويزعل عليا بالايااام والله هاا الشي كثير عليا ماني مضطرة اتحمل واجبااتي وقااايمة فيهم لا اطلع لحالي محافظة على بيتي وصلاتي وكل شي محترمة اهلو صابرة على الغربة وبعد اهلي ماني متطلبة ابدا ومرااعية جيبو قنوعة باللي عندنا كل ها الشي مب شاايفو فيني ومركز على اخر مرة انفجرت فيها عليه ايش هذا بشر ولا حجر صحيح انو تصرف تصرفات طيبة اليوم مثلا كان رافض ياكل ويبي يستناني افطر وناكل كلنا لما قلت له معليه كل انت المغرب لسة اكل والقهوة ما شربها واستناني لبين ما اذن وقعدت اكل كنا بنصللي العشا السجادة اللي رح صللي عليها رقيقة وعلى الارض بيطلع لها البرد قام حطها على مفرش عشان ما احس بالبرد يطلع معي حاط على شاشة موبايلو صورة سمك يتحرك بالبحر كنا قاعدين ناكل وراني الصورة قاللي ابي احط ع موبايلك مثل ذي الصورة بس ما طلعت معي,,, رح تقولون انها تصرفات طيبة وتبشر بالخير بس الزعل والضيق لسة بااين عليه يبيني الحقو للغرفة ابادر افتح الموضوع ولا اعتذر وانا ما قدرت لاني ارجع افكر كيف صار الموضوع واشوفو هو اللي بدا واللي سويتو كانت ردة فعلي عليه كان احسن له يتفهمني ويعذرني مب يزعل بالايااااااام تعبت منو والله حتى لو تصالحنا رح ظل فكر في طبعو هذا وما رح احس معو بالامان لاني متاكدة اي غلط مني رح يتعامل معو جذي وانا انسان مب ملاك |
رد : استحملوووني لبين ما اوصل لحل
أول الغيث قطره يا قلوب...
باجر ابيج تشوفين تصرفاته كيف معاج... إذا بعدها بسيطه جدا... تكلمي معاه مثل ما قلت لج... انتي معصبه الحين فما راح تسمعين لنا انا عارف هالشي... كلامج انج ما بتنسين اللي سواه و هذا كله.... كلالالالالالالالالالالالالالالام فقط... الحسنه تمحو السئيه... و عقلج راح يذكر لحظاتكم الحلوه.. المشكله انه انتوا للحين ما عندكم في بنك الحب لحظات حلوه وايده... بس ان شاء الله مع مرور الأيام راح يزيد الرصيد في هالبنك و أموركم بتصير طيبه... |
رد : استحملوووني لبين ما اوصل لحل
اقتباس:
هالمعلومة يا قلوب شي جانبي للمعرفة بس (ميت ضحك والله) اما سالفة زوجج يختي اعتذريلة وخلية يستمتع بالإعتذار ، والله قلتلك فيه ارجال يحبون جو الزعل!! لانه يعيش بجو كثير من الدلع والتميلح من زوجتة اللي مايحصلها منها في وقت الركود. اعتذري وخلاص ينتهي دور المشكلة هنا ، واذا هو حب يسوي زعلتة مسلسل مكسيكي ..((طنشية)).. ويصير خوش رجال بالمستقبل موفقة. |
رد : استحملوووني لبين ما اوصل لحل
لكل شي حد انا اتعب حاالي على الفااااضي هو ماااا رح يتنازل ولا يفتح الموضوع ولاشي مجرد رح يتكلم مثل اليوم كلام قليل
لان في نفسو واااااثق انو مااا غلط وفي نفسو انا الغلطاااااااااااانة وهو مستحيييييييييييييييييييييييييييييل يتنازل اذا ما حس انو اخطا حتى لو شرحت ووضحت له ماااا رح يحس انساااااااان غريب ولا انا الغريبة ماااني فاهمة انا صرت افكر في الانفصال اقولو يا ابن الحلااال اذا حاسس اني انكد عليك حياتك تخلص مني مو مضطر تتحملني انا حاسة اني اسوي اللي اقدر عليه معك واذا شي عيب بشخصيتي انا احاول اغيرو بس انت ما تساعدني وما تراعي وضعي انت من اول ما عرفتك اذا اخطات معك بشي تكون واايد حازم وشديد وتقاطعني وتهجرني بالايام كاني سويت جريمة وهذا الشي مو معقول انا عشت معي ابوي وامي واخواني وزوجاتهم زعلهم عمرو ما استمر اكثر من يوم والحين معك صار زعلنا يطول يطول يطول ما ادري لوين رح يوصل لو ما اجيت وكلمتك انا صراحة ماني قادرة استحمل هذا الطبع لانو بعيد على تربيتي وديني وانا بغربة ما يصير كل نسوي بحالنا جذي انا تكلمت معك في ذا الموضوع اكثر من مرة مافي فايدة وخلاص تعبت وماني مستعدة اتحمل هيك شي اذا اعتذرت ما تتقبل اعتذاري بكيت تسخر من دموعي صرت اكلمك عادي ما نفع تكلمني شوية عادي ووقت النوم كانك ما تعرفني ايش انت بشر ولا حجر ولا ايش خلاص انا هذا اخر كلامي وانت شوف وقرر اذا مستعد ما تغير من حالك قلها بوضوح عشان اعرف اقرر مصيري |
رد : استحملوووني لبين ما اوصل لحل
اقتباس:
انا كمان لما قريت ردك السابق صرت اضحححك من القهر والله ههههههههههه الحين عندي لك سؤال لو كانت زوجتك مكاني تهون تعيشها بهذا العذاب النفسي وهي بغربة ايش رح تنتظر منها عشان يطيح اللي براسك خصوصا اذا كنت واثق انها مخطئة وهي مو شايفة حالها مخطئة بالحجم اللي انت شايفو |
رد : استحملوووني لبين ما اوصل لحل
انا قلتلك افعلي اللي قلتك وماراح تندمي واذا تحبينه راح اتنسين
انا اكتب من الجوال ما أدري اذا راح يطلع مرتب او بدون اخطاء املائيه شكلك ما قرأت ردي الأول عيش حياتك هو يحبك حبيه |
رد : استحملوووني لبين ما اوصل لحل
تابعت أغلب مشاكلك ومتفاجأ من تصرفاتك الطفولية الرعناء وكأنك طفلة مدلله عادي إذا زعلت بس غيرك يزعل لا!!!!
أرجوك لا تكتبي أكثر مم كتبتي لأنك رفعتي ضغطي وكل رد منك يوضح أكثر كم أنت ساذحة بالحياة الزوجية يجب أن تعلمي أن حياتك مع عائلتك تختلف عن حياتك مع زوجك مع والديك تستطيعين أن تغصبي وتحردي وتصرخي لأنه في النهاية والديك سيسامحوك لأنهم باختصار عائلتك ولا يستطيعوا التبرء منك وغير ذلك هم يحبونك بلا شروط يعني لا يهم ان كنت جميلة أم لا لا يهم ان كنت ربة بيت ممتازة أم لا لا يهم ان كنت هادئة أو عصبية أما زوجك عكس ذلك تماما يجب أن تفهمي فهو لا يستطيع تحمل دلالك وحبك للتملك وعصبيتك هذه للأبد لان هناك شيء اسمه طلاق وللرجل قدرة محدودة للتحمل لأنه وباختصار غير مجبور لتحملك وغير ذلك له الحق أن يعاقبك بأي طريقة شاء لانك رفعت صوتك عليه فشيء طبيعي هجرك إدا بقيت هكذا في المرة القادمة سيطيل فترة غضبه لذلك غيري من نفسك قبل أن تنتهي حياتكما |
رد : استحملوووني لبين ما اوصل لحل
وراي دوام و للحين سهرانه و دخلت علشانج
قلوووب ما ابييج تعتذرين.... قولي نفس الكلام اللي كتبته لج بالضبط.... خلي الكره في ملعبه.... انتي حاولتي و سويتي اللي عليج... الحين هو يبا يتم زعلان بكيفه اااااخرته بيرضى... و لا تجيبين طاري الطلاق... |
| الساعة الآن 02:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©