|
يستطيع الرجل العيش براتب 3000ريال شهريا ..
قبل فترة جلست مع احد زملائي.. وكان دخله الشهري ما يقارب 2300 ريال .. وفهم الوضع .. والآن يعيش بسعادة ولله الحمد.. لكن عنده في عائلته كل امور الزواج إلى يوم الدخله على أهله .. وهو ما عليه سوى الصرف بعد الدخلة .. اي ان المهر.. الشقة .. التأثيث.. والشبكة .. كل هذه الأشياء على والده .. وهو عليه رعاية البيت بعد الزواج... وهو الآن يعيش بكل اريحيه .. بالنسبة لقولك هل تقبل الفتاة بهذا او ذاك؟؟ احيي فيك سؤالك .. ولكن قلبي قد ادمي من كثرة ما يوجه لي من هذه الاسئلة .. والسبب ان مجتمعنا هنا .. يرفض إعطاء الفتاة الحرية .. بالإختيار او الرفض.. قبل فترة تقدم لإحدى قريباتي شاب.. كان تقييم اخوانها له ان ممتاز.. ولكن هي لم تقتنع .. وبالموووووت جلست معها حتى اعرف السبب .. فأوضحت لي ان السبب اولا الرجل يدخن ..ويقول أنا أعلم ان فلانة مستقيمة ... وعلشانها حترك التدخين ... تقول هي انا لا أريده يترك التدخين لأجلي.. اريده يترك التدخين لله ... ثانيا :الرجل ممن يهوون السفر للخارج ... ثالثا: الرجل متسيب درجة اولى من العمل... رابعا : الرجل وصل عمره إلى 32 عاما .. وهي 24 وتقول حينما سألته لمذا لم تتزوج ...؟؟؟ لم يجب!!!!!!!!1 اعذار مقبولة .. ومع ذلك اصروا اهلها عليها ,.. ووقفت معها .. فأصبحت انا في وجه المدفع .. كلام .. تجريح .. إهانات ... بعد فترة ..وصلوا هم إلى شخص يعرفه من قرب .. وقال لهم ..: إن اردتم ان تحفظوا بنتكم .. لا تزوجزا هذا الرجل منها !؟؟!؟!؟ يا سبحان الله ... إذا في لنهاية الكل إقتنع برايينا ..ورأيها هي اولا .. حقيقة .. مازلت اعتب على بعض افراد مجتمعنا ..حينما يقيم هو اولا الرجل..ويتناقش مع زوجته عن الرجل ...ثم يعطي البنت رأيه بانه هو مواق ...وينتظرها توافق ... اي انه لا يترك لها مجال للرفض!!!!!!!!! متى نفيق؟؟؟ متى ...؟؟؟ الجواب.. ؟؟ ؟؟ ؟؟ تحياتي |
مع احترامي للجميع
لكن اللي مهرها غالي خليها ( تخلل ) عند أهلها أخوي ، تقدم لناس أهم شئ عندها الرجال مو الفلوس و أنا أخواتي مو ناقصهم شئ و الحمد لله لكن أهلي يرضوا بواحد مثلك و يكفي إنه يكون طيب و حنون و طبعا الصلاة و الدين و الأخلاق و أمي عمرها ما تسأل أي واحد كم راتبك ، أهم شئ إنه ما يكون عاطل و يكون موظف أخوي توكل على الله |
^
حبيت أعطيك مثال واقعي ، مو تفهم شئ ثاني ( أمزح ) :D و أنا يوم تزوجت ما سألت أهلي إيش عنده و إيش سيارته و لا وظيفته و أمي لإنها عارفة إنه أهم شئ عندي ( خوفه من الله ) وافقت عليه و مع العلم إنه تقدم لي و ما عنده سيارة و لا وظيفة و لا مهر و لا بيت و راتبه بوظيفة بسيطة 1000 و شئ و يعطي ألف لأبوه لكن الحمد لله إنه بالأخلاق و الدين أفضل مما تمنيت بمليون مرة <<== هذه وجهة نظري الشخصية و تحملت مسؤولية رأيي و قناعتي :) و أول ما ملكنا جاته الوظيفة و الحمد لله و ربي فتح عليه و اشترى بعدها سيارة و قدم نص المهر و النص الثاني بعدها بكم شهر و أستأجر شقة و عيشني أحلى عيشة و الحمد لله و بعد الزواج ما بخل علي لا بمطاعم و لا أسواق و الحمد لله ربي رزقني القناعة <<== و هذه أهم حاجة :) و علشان أكون أمينة كمان بردي :) يمكن أنا ما أحب أحرم نفسي من شئ ( لكن بدون إسراف طبعاً ) فلإني موظفة ، فبعد الزواج ما كنت أثقل عليه لكن و الله أمي أخته و أهله يقولوا له ( عندك كنز بالبيت ) قصدهم علي :D ما أقصد أمدح حالي ، بس القصد إنه لا تعتقد الأهل إذا وافقوا بصاحب الخلق و الدين و ما سألوا عن الراتب يعني البنت فيها شئ يعيبها لا سمح الله :) توكل على الله و استخير قبلها و خذوهم فقراء يغنهم الله من فضله |
اقتباس:
شاكر لك مروورك لو كان المهر وتكاليف الزواج موجوده كان تزوجنا من زماااااااااااان ولكن المشكله الرصيد فاضي ياليتني بخييييييييييييييييل لو اني بخيل وحريص على الدنيا كان الحين يمديني جامع مليون ريال |
اقتباس:
يا أختي تأكدي انني مابحث عن جمال واوصاف خياليه ولازم تكون تشبه نانسي والا هيفاء وهبي مثل شروط شباب جيل هاليوم .. أهم شي الدين والاخلاق .. اختي ياليت كل الناس مثل أهلك كان حنا بخيررررررررررر والله كلمة ونعم قليله بحقكم ولكن الناس الحين اغليهم ينظرون للمنصب والوظيفه اهم شي اما الرجوله والدين والطيب مالها اي اهتمام .. انا متوكل على الله والله يكتب اللي فيه الخير مشكوره اختي على مروورك اللي اسعدين كثيرااااااااا تحيتي لك |
اقتباس:
روووح الطير حتى لو فهمت شي ثاني من كلامك يدل أنكم أخلاق وأجواااااااااااااااااااااااااااااااااااد وناس محترمين والله يرزقني في ناس مثلكم يا أختي انا ما طالبت بموضوعي هذا اتزوج ابلاش لا والله اصلاً عيب على الرجال يرضى بالشي هذا كل اللي ابيته يخفظون المهر شوي .. عشان نقدر نستقر مب يطلبون 40 وووالخ بس هذي شروطنا يعطيك الف عافيه على مروورك واهنيك على اخلاقك وقناعتك يابنت الاجواد اخوكم رجل |
بصدق انا يستحيل اوافق......... خلينا صريحين وواقعين اذا البنت متعوده على مستوى معيشي معين صدقني ما تقدر تعيش باقل منه لانها ببساطه ما تقدر تغير اهلها....... يعني كنت اهادي عيال اخوي اذا نجحوا صعب فجاه ابطل كنت اعيد الصغار كلهم صعبه ما اقدر....... صدقني كلا بيدق صدره ويقول اقدر بس الواقع غير......
النقطه الثانيه ان قلة الفلوس تجيب مشاكل مالها حل...... يعني ثلاثه الاف بتكفي اجار بيت ولا فواتير ولا معيشه ولا اقساط سياره......... احسبها انت وقول بتكفي... |
اقتباس:
صمت المشاعر ليه 2800 بتحديد |
ردود الإخوان والأخوات وافية وكافية
لكن أعلم ..... إن الله اللي بيزوجك مهو واحد ثاني لا رجال ولا حرمة لذلك اصلح ما بينك وبين الخالق واتمنى لك التوفيق في الدنيا والآخرة |
اقتباس:
يعني رفضك عشان اعيال اخوك طيب عيدية الاطفال مب مشكله حتى لو كانت كل اسبوع ماراح تأثر لان امرها بسيط ماهي عيدية الاطفال يا حلاووو يا العاب من عند كل شي بريالين وخلاااااااااص وانا بغيتي تشترين المحل كله بعد :22: اما النقطه الثانيه اذا كان المهر لايتجاوز 25ر يال فهي بتكفي والسعاده مب بفلوووووووس ناس متزوجين معهم ملاييييييييين ماعرفو طعم السعاده والفرح لانهم مب متفهمين ومابينهم حب وايضاً القناعه عندهم مالها وجود أحترم رايك وشاكر لك مروورك |
على فكرة انا وزوجي عايشين بمرتب:
2600 ريال . احنا مو بدولة عربية لكن حولتلك العملة !! الزواج بيجي رزقه معاه صدقني |
توكل على الله ودور على بنت الحلال ...الله يرزقك ..
شوف زوج اختي اتزوجها وراتبه 3000..جاب مهر 25000 ريال ....ابويا ماطلب مهر ..قال اللي تجيبه احنا نشتري رجال<<<<يعني كثير بنات عندهم مثل ابويا الله يحفظه....وماشالله عليها اختي مطاعم وتماشي واستراحات وشاليهات..يعني زوجها قادر يصرف عليها بـــ3000 ريال ...توكل على الله وان شاء تكتب موضوع قريبا (((لقيت بنت الحلال...باركولي)) لكن حاول تمسك يدك شويه ولاتفلتها ..وجمع المهر .. |
اقتباس:
الله يعطيك العافيه فلعاً الزواج يجي رزقه معه وانا خلاص اقتنعت وخلاص قررت اخذ قرض عشان اتزوج والله يعيني على الديووون بس ادعولي اني احصل بنت اخلاق ودين وقنوعه مررره وطيبه |
اقتباس:
ونعم بالله والله يجزاك خير والله يرزقني بنت اخلاق واحترم ودين وياليت اخطب من واحد مثل ابوك ... مب بخل مني بس مابي اطيح بديون وتنقلب حياتي هم بعد الزواج ابغى اعيش احلا حياة انا وشريكة عمري الله يجزاك خير وراح ابشركم ان حصل شي |
اقتباس:
والله انتم يا اهل البحرين كلمة ونعم قليله بحقكم ناس تقدرون والظاهر اني بجي أخطب من عندكم :22: الله يوفقك |
يا حبيبي انت ما قولتلناش 3000 مليم لا درهم ولا دينار ولا ريال ولا روبيه ولا ين وانت من اي قطر بالضبط علشان نحدد للك واللي يجاوبك هايكون من بلدك وليس من بلد تاني وكمان ما تقولشي هاقد ر اعيش اللي معاه بيعيش واللي مش معاه بيعيش والله هو الرزاق
|
بالنسبة لي اقبل
شرطي الوحيد هو الدين والخلق والاستقرار والمنزل المستقر لكن الفلوس موش كل شيء لأن المال يروح ويجي لكن الاخلاق اذا راحت ما تجي والمهور مو كل البنات مهورها غالية ستجد اخي من تقبل بك وستجد من تريد الستر ولا تريد المال |
اخوي انا مافهمت يعني كم 3000 آلاف .. لاني من الكويت .. قول جم بالدولار ؟؟
و في شي انا امشي عليه والحمد الله مقتنعه منه .. انه اللي معاشه قول مثلا 1000 نفس اللي معاشه 10000 !! تدري ليش ؟ لان الاثنين يقدرون ياكلون و يشربون و يطلعون و يسكنون سواء شقه او فيلا .. لكن كل واحد لازم يعيش على قده و مايشوف الاحسن منه ولا راح يتعب و يحقد عليهم !! و يصير حسد بذيك الساعه .. فكل واحد يكيف نفسه على قد طاقته عشان يكون اسعد انسان بالدنيا .. وان شاء الله الله يرزقنا كلنا و نتزوج و نرتاح :) عاد اعزمنا عالعرس :p اتغشمر :) |
| الساعة الآن 10:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©