يا اختي الله يوفقك ايش هالعنوان ( خائفة أن يراني ولايعود) خلي ايمانك بالله كبير وكل شي مقدر عند الله ولذا خايفه من مرضه اعملوا فحص طبي قبل اي شي والاتكال عالله..موفقين ان شاء الله اخوكم alseem

طمنينا عليك!!

الله يكتب لك مافيه الخير...طمنينااااا

حبيبتي اهم شي ثقتك بنفسك ولاتهتمين لكلام اهللك
والله يقدم اللي فيه خير لك
والله يوفقك

السلام عليكم ورحمة الله وبركاته
اختي ليالي والله اني قرأت الموضوع اكثر من مره وجميع الردود والله يوفقك وكله قسمه ونصيب وان شاء الله يكتبلك الفيه الخير لكي وله ان شاء الله .وماراح ازيد على الاخوان والاخوات ماشاء الله عليهم كفوا ووفو ..:22:
اختي انا استغرب صراحه تصرف الوالده واختك غريب والله المفروض انهم هم اليعطوكي الثقه ويساعدوكي الله المستعان :18:
اختي لايهمك كلامهم وخليكي قويه بنفسك وكل مشكله ولها حل ان كان الشعر السشوار ماخلا شيء (والله انه ساتر بنات كثيرين )والحبوب العلاجات ماخلت شيء وغير كذا الشيب الله يستر على الصبغه والميش والله انهم حل خطير للشيب واصابع رجلك ياحبيبتي قولي الحمد لله غيرك ماعندهم رجول نهائيا وقولي الحمد لله انها برجلك ماهي بايديكي :11:

شايفه كيف انك جميله جدا وفيكي جاذبيه:14:

لكل من ينتظر اخبار ليالي
 

يا اهلا وسهلا بحبايبي واخواتي واخواني



لكل اللي حاب يعرف اخبار ليالي QBH

تبون بالتفصيل اكيد :d

اول شئ كان قلبي واقف من الخوف لانهم تاخروا شوي عن الموعد فقالت اختي الله يهديها بس اكيد كنسلوا ما يبون يخطبونج حتى ما بيعتذرون غجر على قولها .

المهم كان الولد مضيع ما دل بيتنا فاتصلت اخته على تلفوني ودلتها اختي الطريق وجاء موعد شوفته وانا حاطة كريم اساس خفيف جدا وكحل داخل العين وقلوس شفاف وماسكرا بشكل بسيط جدا وبالعباية والشيلة واخته شافتني وانا فالة الشعر بس ما قالت لي شئ سلام عليكم السلام وبعدها مباشرة لبست شيلتي ورحت اشوفه .

تسمرت عند الباب مو قادرة ادخل متفشلة حدي وخايفة قريت اية الكرسي ودخلت ، طبعا انا كل السور اللي عطيتوني اياها قريتهم .

المهم دخلت وقام يخز بنظراته ويطالع فيني وفي جسمي وانا ميتة فشل مو عارفة اقعد كلش .

تكلمنا واجد وسالني وسالته معظم الاسئة اخذتهم من الاسئلة العشر للمخطوبين وخليته يشوف اصابعي قال ما تبان كانها عادية وقلت له في شعري شيب وعجبه الحمدلله جسمي وشخصيتي وقال لي هالكلام فعلا . وصراحتي عجبته وقال عني عفوية وفيني طفولة بس مو اني ياهل :)

بس طلع خاطب ومطلق من قبل 5 اشهر واخته خبت علي في التلفون ما قالت انه مطلق تقول حق خواتي هو قال لا لي لا تقولين انا بقول لها شخصيا عاد اختي تقول هذولة ناس مخادعين ويبون يقصون عليج ماقالوا لج في التلفون عشان ما يبونج تخافين وترفضينه .

انا ما اشوف فيها شئ خاطب ومطلق هذي تجربة وفشلت بس خايفة انها مأثرة عليه للحين
وهو يقول عن نفسه انه انسان غيور خطيبته السابقة كانت قريبته وقال طلقتها باختيارها واجباري بعد لان فيها نفس مرضي السكلر لكن اخته قالت حق خواتي طلقها عشان فيها السكلر وبعد لانها تماشي بنات الله يستر عليهم وكل ما يتصل فيها تقول له انها في مكان وهي في غيره .

وما قال لي يوم سالته انه ماخذها عن حب قال عشان قريبتي واعرفها بس اخته قالت لخواتي هو كان يبيها وحابها .

فاكتشفت انه غيور وهو قال لي بعد ، وعاجبه اني ما اشتغل مع رجال وانا خايفة من غيرته وانه يشك فيني بعدين
وقام يسالني اطلعين المجمعات مع من ووين تروحين وشنو تسوين احسه شكاك قلت له ما اطلع الا مع خواتي استانس مومصدق هالشئ

وانا خايفة بعد من انه يطلع مغازلجي لان اختي كذا مرة شافته في المجمعات يفتر وتقول هي ما شفته يغازل بس تقول اكيد يطالع في البنات بس شافت صديقه اللي معاه يخز ويطالع .


هو شكله اوكي حليووو وشخصيته قوية وفي نفس الوقت خفيف دم


انصحوني قال هو بفكر وانا بعد قلته له خذ وقتك ومن حقي ومن حقك ان احنا نفكر وقلت له اذا فكرت عدل وشفت انك تبيني انا ابي مقابلة ثانية قال اوكي مو مشكلة


انصحوني

تم دمج الموضوعين

اسأل الله ان يختار لكِ الخير ، عليكِ دوما اختي بصلاة الاستخارة

هلا حبيبتى من جد سعدت بالاخبار الحلوة ...


حبيبتى كونى واثقه ... واتوكلى على رب العالمين ...
اسألو عن الرجال كويس ... وشوفي اخلاقو وما يهمك كلام اختك ماشاء الله عليها مرة عرفتو ولاافتكرتو من يوم ماجا خطبك ان هو فلان وصاحبو فلان ويقز في البنات كمان " ماشاء الله عليها قويه ملاحظة "

حبيبتى استخيري لو انتى ارتحتى ما يهمك ولا شي اتوكلى على رب العالمين ..
وبعدين قصه ان كان خاطب وفسج مافيها شي دام ان مقتنع فيكي وخلاص نسي خطيبتو الاولى مو مهم ..
شى ثاني كونو غيرو هادا يدل على ان انسان حنون يخاف عليكي " بس طبعا مش الغيرة الزايدة الا مالها داعى "
اتمنى لك التوفيق من كل قلبي

بتول

الله يوفقك لما يحب ويرضى

ولا تاخذين كلام اختك

وين عرفته وشلون عرفت صديقه


أقول توكلي على الله

واطلبي فحص ما قبل الزواج حتى تعرفين المرض ينتقل للأولاد او لا


ونتمنى لكي التوفيق

السلام عليكم
مرحب اختي العزيزة
هوني وتهون ان شاء الله
هذه القلق طبيعي لا تخافي, هو موقف صعب اكييييد مانقول لا بس ثقي بنفسك , وتأكدي كل شي نصيب والله ماتدري يااختي الفاضلة يمكن يشوفك اجمل نساء العالم يشوف فيك الجمال الي ماشافوه امك واختك
سبحان الله الحلال حلوووو ويحلي صاحبه لا تخلي الهواجس تاخذك بعيد ولا تتركي مدخل للشيطان الرجيم
اما بالنسبة لاثار الحبوب الحمد لله انتي تتعالجي وان شاء بتتحسن اثارها وترا ماتظهر من بعيد , اما الشعر فهذه بسيطة الاستشوار والقص والكريمات ماشاء الله اشكال والوان
وصبعاك هذه سمة فيكي مو عيب
خلك واثقة من نفسك مع شوية حياء

وطمنينا علييييييييييك ونسمعك عنك ومنك احلى اخبار
والله يوفقك ويسعدك ويكتب لك الصالح
مع تحياتي

اشكركم من اعماق قلبي على دعمكم لي


وان شاء الله انتظر كل خير بفضل الله ثم دعواتكم


تحياتي

الله يوفقك ماعندي شي أقوله غير لاتنسي صلاة الأستخاره........الله يكتب يلي فيه الخير

يا ريت نصائحكم بخصوص الخاطب ومطلق


وراعي المجمعات


وشكرا لكم

اولا ثقي برب العالمين اذا كان ربك كاتب لك هالزواج راح يتم والزواج قسمه ونصيب


خلك قويه وثقي بنفسك لا يحسون بك انك خايفه من هالموضوع

اختي لازم تحطين في بالك ان الخطبه راح تتفركش على اقل شيى والزواج قسمه ونصيب ولا تزعلين ولا شيء


تحياتي لك والله يوفقك ان شاء الله