|
رد: اشتقت له وما ودي ابادر بال
فاهمة عليك ومقدرة تعبك ونفسيتك هالفترة وحيرتك بالرجوع لبيتك
وبعد ماقرأت كل اللي كتبتيه انصحك بشي واحد وبإذن الله هو الحل المناسب مو بس اليوم لا اتخذيه سلاح بيدك بهذي الحياة الدعاااااء افرشي سجادتك وادعي ربك يسخر لك زوجك ويهديه ويجعله قرة عين لك ويجعلك قرة عين له وادعي لأمك وأختك ربي يسخركم لبعض ويصلح حالكم وكرري دائماً لا حول ولا قوة إلا بالله واستغفري كثيييير وأبشري بسعدك بعدها توكلي على الله هو اللي بيساعدك وبيغير حالك للأفضل بإذنه . |
رد: اشتقت له وما ودي ابادر بال
الله يسعدك صعبة المنال ..
والله ادعي يوميا فعلا الصلاة والدعاء راحه نفسيه.. اشوا انك فهمتيني 💔 الله يصلح الحال |
رد: اشتقت له وما ودي ابادر بال
نظام المطلقه مايناسبك ابدا
انتي كم يوم وتعبتي اجل كيف لو لاسمح الله حصل طلاق يا قلبي بيت الزوجيه افضل اقلها انتي حره وعيالك احرار محد يتأمر ولا يفرض رأيه تقفلي باب تفتحي عشره الخ وانتي بنفسك لاحظتي الفرق فاستفيدي من هالتجربه وهدي الامور مع اهلك وزوجك واضح نفسيتك تعبانه من الحمل خذي اغراضك وارجعي بيتك ولو زوجك قال ما قال طنشي وكبري عقلك الرجال لا ضربك ولا اهانك ولا خانك كلام سخيف صدر منه وقت الغضب وابليس كبر الفجوه بينكم ارجعي وتحججي بالعيد قولي ماحبيت احرم بنتي من ابوها بالعيد وقفلي الصفحات القديمة لا تناقشي اي شي |
رد: اشتقت له وما ودي ابادر بال
معك حق اختي تركتك لله .. انا ممكن ازعل لو تطلقت لكن راح اتعود ،، انا اعترف اني احببببببه و ان ايجابياته اكثر من سلبياته بس تعبت و دايم اكون لينه معه .. بعيد الاضحى اللي فات كمان كنت عند اهلي بس ما اذكر السبب وخلاني عند اهلي و بيوم العيد لبست وكشخت وخليت اخوي يوديني لبيت اهله و عايدتهم وبعدها طلعت فوق لبيتي و لقيته نايم وصحيته و راضيته و الخ .. بس هالمره اذا جا العيد وانا بهالحال مستحيل اروح لاهله وحتى لو لاحظوا ولفتت نظر عاااادي هو يبي كذا .. هو اكيد متوقع ان اجيهم بالعيد بس مستحيل وهالمره صامله و شياطيني راكبه راسي و اذا هو ماتقدم خطوه مستحيل اتقدم نص خطوه
|
رد: اشتقت له وما ودي ابادر بال
ما تواصل معك ؟؟
الحمل تاعبك الله يعينك اتصلي فيه وخله يجي ياخذك |
رد: اشتقت له وما ودي ابادر بال
مع الاسف ماتواصل .. بس انا سناباتي صارت عاديه مثل لما اكون عنده يعني ما المح له شي وبس اصو بنتي و بعض شغلات تدل على ان تفكيري بعييييد عنه .. اللي صار ان بنتي الحمدلله خطت خطواتها الاولى و صورتها مقاطع وكذا واقدر احلف ان قلبه فز لما شاف وفرح لانه متحمس ع هالشي و دايما يدربها عالمشي .. وكمان لما صرت مو مهتمه صار يصور كثير .. و من انشر شي ع طول يشوف ..
و امس جتني بوادر ولاده و رحت اليوم وقالوا معك طلق مو منتظم و البيبي مستعد و نازل لآخر شي وقالوا حاولي ترتاحين عشان ماتولدين قبل التاسع لان باقي اسبوع ان شاء الله |
رد: اشتقت له وما ودي ابادر بال
امس لما قالوا لي ان قربت و ان احتمال كبير اولد ياقبل التاسع او اوله .. بغيت اكلمه لاشعوريا و اقول له ونتصالح ونجهز له و اروح لبيتي و اخلص شغلي اللي هناك و كذا بس تراجعت
|
رد: اشتقت له وما ودي ابادر بال
الله ييسر لك امرك اختي ،، بعض الرجال يعنادون اكثر في هذه الحالة وبعض الاحيان يعترف بخطاءه ويرجع ،، انت اعلم بزوجك
|
رد: اشتقت له وما ودي ابادر بال
زوجي عنيييد .. والمشكله اهلي و مرت اخوه صاروا يخوفوني انه ممكن يتزوج ومدري ايش .. طيب مابي ابدأ وصبرت كثير وهو ماتحرك ولا همه
|
رد: اشتقت له وما ودي ابادر بال
اقتباس:
هل اولى عندك انه هو يبادر ولو على خسارة اشياء ثانية مثلا زواجه او حفاظك على اسرتك ولو على انك تبادرين ؟ فيه ازواج لازم الزوجة تعتذر ولو مو غلطانة ،، ولو رفضت الاعتذار وكبرت الفجوة ممكن تخسر اشياء ما ترجع ،، فتعتذر ،، لا بينقص منها لا يد ولا رجل وتحافظ على اللي عندها ،،مع ان اغلب النصائح لا تعتذرين انت ما غلطتي ،، لكن هذه النصائح ما تضبط مع الكل وممكن وحدة تمشي عليها وتخسر كل شيء انا عني اشوف النتيجة ،، اذا اضطريت اعتذر مثلا حتى احافظ على اسرتي اعتذر ،، تهمني النتيجة في الاخير اكثر من اني اسوي اللي ابيه في الوقت الحالي موقفك الان ممكن يحسسه بقيمتك ويبادر وما عاد يكررها ،، وممكن العكس تماما والجميل انه اذا احتسبتي الاجر فلك الاجر ،، لقرري الاصح لحياتك انت وانت فقط بعيدا عن القوانين التي تتداولها الحريم هنا وهناك ،، فربما صبرك على مبادرة اسهل من صبرك على ضرة مثلا ،، واحتسبي الاجر دايما ،، مو دايما تقدر نكسب كل ما نريده فضطر اننا نمشي ونطنش وفي المقابل ممكن زوجك كان في موقف مثلك الان ،، مثل هل قلتي له طلقني وما طلقك ؟ معناها ما مشى على قوانين الرجال اذا طلبت الطلق طلقها عشان ما عاد تطلب ،، تفهم موقفك ومشى معك ولا طلق ،، ما اذكر تفاصيل مشاكلكم لكن اضرب مثال |
رد: اشتقت له وما ودي ابادر بال
يا أختي نصحتك وقلت لكِ أتصلي بزوجك وما رضيتي
طيب لو رحتي المستشفى وولدتي وزوجك ما جالك أو جالك المستشفى وتركك بعد كده عند أهلك .. ما كنتِ حتزعلي وتكبر المشكلة وتقولي كيف يتركني وما أدري إيش ..؟؟ وممكن يقلب الطاولة عليك ويقول إنتِ إللي قلتي أبغى أروح لأهلي وما طلبتي إنك ترجعي بيتك بس لو أنك أتصلتي عليه الآن وطلبتي الرجوع وطنشك أو رفض إنك ترجعي فسوف تكون اللائمة عليه والعتب كله عليه إنه كيف يترك زوجته ورفض رجوعها أو ماطل . أتمنى إنك ما تكبري الموضوع لأنه من البداية موضوعك بسيط وماكان يستاهل الزعل هذا كله . أعانك الله |
رد: اشتقت له وما ودي ابادر بال
طبعا انا يهمني ان احافظ على اسرتي وخااااصه اني على وجه ولاده .. احتاجه هالفتره اكثر من حاجتي لاهلي لان ابي اقضي مشاويري معه و ابي اراجع المستشفى و اذا جتني الولاده بنص الليل اضمن وجوده جنبي ومن اصحيه يفز يسعفني ،، اما عند اهلي مافي غير امي وتقضي مشاويرنا بالتاكسي واخاف امي ماتحصل بسرعه وقتها صعب والمستشفى مسااااافه و اخاف ان اولد و ولدي ماعنده ملابس ولا شي صعب والله احمل اهلي فوق طاقتهم بس مابي ابادر .. لكن بعد تعليقكم الاخير قلت بجيه بطريقه غير مباشره و صورت بنته و ارسلت له عالخاص وقلت له هي اشتاقتلك وفتح شاف وما علق .. بعد ربع ساعه كتبت له و انت !
ولسا ماشاف .. اذا شاف وما رد راح انفجررررررررررر عليه |
رد: اشتقت له وما ودي ابادر بال
اقتباس:
مثل ما قال الاخ الرسمي اتصلي بزوجك ،، واطلبي ما تريدين بوضوح |
رد: اشتقت له وما ودي ابادر بال
اقتباس:
جالسه تشحذي تعاطفه ليه؟! لو كاتبه تعال خذنا احسن لك هنا رد او ما رد فيها كلام ثاني الان هو مو ملزوم يرد على حكي فاضي وتقولي راح تنفجري بالله عليك ناقصين مشاكل!!! حبيبتي انتي عاطفيه كثير تطلبي امور بوقت غللللللط زي لما فكرتي بذكرى زواج وقت مشكله والان تصوري وتعملي دراما بوقت مشكله استوعبي زوجك ما يحب هالاساليب ولا يحب اللف والدوران المشكله وضعك مو واضح لا انتي اللي ماخذه بخاطرها منه ولا انتي اللي ندمانه على شي عملتيه رسالتك الاخيره مالها داعي اعذريني اختي بس الكل قال لك ارجعي بيتك الله يصلح الحال |
رد: اشتقت له وما ودي ابادر بال
صحيح ، كلام الاخوة كله صحيح ....
ارجعي الى بيتك يكفيك انه كما ذكرت : ايجابياته اكثر من سلبياته فهذا يشفع له جدا ... بل و يجب عليك ان تتعلمي فن التجاهل و التغاضي عن سفاسف الامور ، و صغائرها ... زوجك انسان طيب حسب قولك ، فلا يخلو بشر من عيب ، انما نتفاوت في الخلق حسب كثرة الايجابيات او قلتها .. احذري خراب بيتك... فان الطلاق مصيبة عظيمة ، و اللعب به حماقة و جنون ! |
رد: اشتقت له وما ودي ابادر بال
ما احب اقوله ابي ارجع لبيتي يكفي تقدمت خطوه بشي مشترك بيننا اللي هو البنت .. المهم هو تعود ان ادلعه ولما قلت وانت ! قال وش فيني انا قلت ماشتقت لبنتك ؟ قال لا .. وسكتنا ..
المشكله اختي و امي من صحيت امي قالت حلمت ان وحده عند زوجك شكله يبي يتزوج قلت يمه لاتفسرين لان ممكن معناه غير .. قالت اختي انا حاسه انه يخطب هالايام مدري ليه.. طبعا قدامهم سويت ماهمني بس داخليا كنت اغلي ومع كلامكم اللي حافظي على اسرتك و كلمي زوجك والخ .. كلمته ولما رد قلت لاختي انه كلمني قالت هو ولا انتي ؟ قلت هو ( ماحبيت اقول انا صورت البنت وكذا ) قلت سئلني عن البنت قالت ايييييي عشان بكره عيد يبي يراضيك عشان تروحين لاهله ومايحسون بشي يبي يستر ع نفسه و من هالكلام قلت يووووه اكذب عليك انا اللي ارسلت له صورة بنتي قالت ايييي مالك كرامه غبيه لين متى انتي اللي تبدئين و و والخ .. انا الحين وش اسوي ماني عارفه ومابي اتصل عليه لان ماعرف وين مكانه واذا مشغول او عنده احد راح يعطيني مشغول بس بحاول و اشوف مع ان احب كتابه لان بالصوت اتوتر كثير |
رد: اشتقت له وما ودي ابادر بال
لو انا مكانك ارجع بيتي ، و يا دار ما دخلك شر !
حتى المطلقة طلاقا رجعيا تعتد في بيت زوجها ! |
رد: اشتقت له وما ودي ابادر بال
صعب ارجع الحين لان بكره عيد والافضل ابقى احسن ماروح وارجع بعد ساعات وبعدها ارجع < بيتي دور ثالث ويتعبني الدرج .. لكن نشوف بكره ان شاء الله يكلمني
|
رد: اشتقت له وما ودي ابادر بال
ما ودي اروح اعايد اهله و اخاف ما اروح و الفت نظر او مدري .. وبنفس الوقت مابي اروح لهم مع اهلي يعني ودي هو يكلمني ويمرني وكذا .. والله مو حلوه اروح له انا .. و احيانا افكر اروح اعايدهم و ارجع لهلي .. والله مدري مالي خلق اروح .. محتاره
|
رد: اشتقت له وما ودي ابادر بال
لا تحرجي نفسك اكثر ...
هذا الموضوع سيتطور جدا ان لم يتنازل احد الشريكين ، خصوصا في يوم عظيم و مناسبة كبيرة كمثل هذا اليوم .! استخيري الله عز و جل ، ثم توجهي الى بيتك ، فهو في النهاية دارك و مملكتك و ليس لاحد حق طردك منها ! وضعك ان لم تعجلي في تصحيحيه ، ستكون ضربيته غالية جدااااا ... توجهي باختيارك الى اقل الضررين . |
رد: اشتقت له وما ودي ابادر بال
اقتباس:
وانتبهي اختي زوجك واضح عنييييييد وانتي تاركه بيتك بدون سبب وكل ماطال الوقت تعقدت الامور انا ثالث مره اكتب لك ارجعي والامر بيدك.. الله يستر عليك |
رد: اشتقت له وما ودي ابادر بال
زي ماقالو الاخوان والاخوات
اررررجعي غلط تخلين زوجك لحاله بسبب عنادك الحياة الزوجيه مافيها بعانده واعاندك كذا ماراح تستمر الحياة والخاسر الأكبر المرأة موب الرجل الرجل قادر يتزوج مثنى وثلاث ورُباع وبدل الوحده الف المراة مالها الا رجل واحد فقط حافظي على زوجك وبيتك نصيحه لوجه الله من اخت لاختها صدقيني كذا بتزيد المشاكل وتتعبين نفسيا وانتي تلاحقينه وماراح يتدمر نفسياً وجسدياً الا انتي ووقتها زوجك واهلك ماراح ينفعونك بشي ومافيها شي اذا تنازلتي الرجل بطبيعته مايتنازل لانه رجل عنده كبرياء المراه عادي بالعكس انا ما اشوف انه غلط لو تنازلت شوي في الامور التافهه .. موب في امور لك حق فيها هنا أًقُوَلُ لكَ لا طبعا لا تتنازلين خذي حقوقك بهدوء وبتصرف صح انتي الحين اسالي نفسك مرتاحه وانتي عند اهلك ولا حارقه نفسك واعصابك ومشتقه وتراقبينه وتلقينه هو مافكر فيك اصلا وعايش حياته والله مافي احلى من بيت الزوجه حريه ومسكره عليك بابك محد يدري عنك ولا عن مشاكلك ومريحه راسك فكري بنفسك انتي وجنينك وبنتك وزوجك دلعيه وعطيه حقوقه وتدلعي عليه وتفاهمي معه بهدوء وصارحيه باللي يضايقك منه مافيها شي لان لو ماصارحتيه ماراح يفهمك ولا يحس وش فيك بالضبط او وش منه مضايقك موب عارف وش بقلبك الا بالمصارحة والكلااام انا اقول ارجعي افضل وانتي براحتك انا لو مكانك ارجع واتفاهم معه واعلمه بكل مافي قَلبـــي وبس ماراح اخلي زوجي الله يوفقك وييسر امرك ويسهل عليك الولادة وتحضنين جنينك في حضنك بصحه وعافيه انتي وابوه يارب العالمين ويصلح مابينكم يارب ويسخركم لبعض |
رد: اشتقت له وما ودي ابادر بال
ارجعي بيتج وبلاش عناد
|
رد: اشتقت له وما ودي ابادر بال
ردا على كلام اختك انه ما عندك كرامة
اناايضا بامكاني اقول انت ما عندك كرامة مكلفه على امك ماديا ونفسيا ومشاوير بالتاكسي عشان بنت ابوها مو سائل عنها !! لا كلامي صحيح ولا كلام اختك صحيح ،، ابحثي عن الاصلح لحياتك فقط واللي يناسب نمط زوجك فيه ازواج لما يحطون الوحدة في بيت اهلها ما يبغون ترجع الا لو هو دق،، ممكن يوم وممكن شهر حسب مزاجه ولو دقت طلبت الرجوع يعاند ،، زوجك العكس وترا افضل فانت بيدك الرجعة مو بيد زوجك اللي ما تدرين متى يروق ،، وتلاقي اللي تنتظر زوجها يرجعها تتمنى تكون مثل موقفك مكالمة وترجع بينها ولا تجلس كذا معلقه وناقصهم اغراض ،، شوفي الجانب الايجابي دائما اما على الكلام اللي يقوله زوجك بعد رجعتك ،، عادي اختي طنشي ولا كأنك سمعتي شيء ،، طالما قائم بحقوقه اعتبريه يكلم احد ثاني مو انت 😁 |
رد: اشتقت له وما ودي ابادر بال
طمنينا عنك
هل عايدك زوجك او عايدتيه؟ |
رد: اشتقت له وما ودي ابادر بال
اقتباس:
ونسيتي ان خيرهما الذي يبدأ بالسلام انتي اخير من زوجك لانك دائما تبداين بالصلح ومشاكلكم مو كبيرة علشان تكرهون بعض او تفكرون بالانفصال |
رد: اشتقت له وما ودي ابادر بال
اشوف دايما مشاكلك تافهه لكن النتيجه اخر شي بتطيحي سقف بيتك ع راسك
|
رد: اشتقت له وما ودي ابادر بال
رجعي بيتك وتصالحي مع زوجك بعدها رتبي شقتك وعيدي ع بيت عمك
ولمي ملابسك واغراضك عشان تقضي 40 كامله عند اهلك حتى تهتمي بنفسك وصحتك وجسمك وخليك من مشاكل اللي مو في وقتها |
رد: اشتقت له وما ودي ابادر بال
اختي شو صار معك ؟
|
رد: اشتقت له وما ودي ابادر بال
صباح الخير ..
كل عام وانتوا بخير يارب .. اسفه عالتأخير بس ماقدرت افتح و ارد الا الحين .. تعرفون انتوا ليلة العيد تتحرك العواطف وكذا .. وانا ابي اخلص شغلي و ماحبيت ابدأ بمقدمات واعتذار وعتاب و والخ .. قلت بدخل بموضوع لما رحت للمستشفى وانا عند اهلي وجلست اقول له عن كلام الدكتوره و اطمنه عالجنين و إني دخلت التاسع قال مو لسا بدري قلت لا وبعدها جلسنا نتكلم و صباح العيد عايدته وهو كان يرد يعني كأن مافي شي نهائي والظهر ارسل لي تجهزي شوي اجيك قلت طيب وتجهزت ورجعت ولما وصلنا هو نزل عند اهله وانا طلعت فوق ولقيت الغرفه دمار حوسه جلست ارتب وكذا لحد ما جا وجلس يلاعب بنته وانا اوريه حركاتها الجديده وكذا لحد مامضت ساعه نامت البنت وبعدها سئلني اخبارك قلت الحمدلله بس انت كيف متحمل المصاريف قال ليه قلت انا اسبوعين طلعت روحي قال ليه قلت جبت لها كذا وكذا وكذا ولما تعبت جبت كذا والخ قال طيب ليه ماكلمتيني ؟ جا ببالي ان ممكن حليبها يخلص بس ماتوقعت وقلت لما يخلص اكيد تكلمني .. قلت مابي اكلمك وخفت ترفض قال اجل تستاهلين بعدين كيف ارفض بشي ينقصكم ؟ وسئلته انت قلت شي لهلك قال قلت لهم انك تعبانه وجالسه عند اهلك لما تتعافين ، قلت ماقلتلهم شي ثاني قال لا مثل ايش << طلع ع نيته وتاركني عشان ارتاح ويقول ماكلمتك لان ذبحتيني بس تعبانه ولو كلمتك اجيبك ع طول ومابغيت اجيبك لما تتعافين .. المهم الشي الحلو بالموضوع يقول بغيت انقل الغرفه للثانيه ( اكثر موضوع نشف حلقي بيني وبينه ابيه ينقلها لغرفه اكبر وهو يأجل والحمدلله الحين بدأ يساعدني و يسوي اللي ابيه وبدينا نجهز ونخلص امورنا .. انا اعترف ان مرات تلعب فيني الهرمونات ومرات اتصرف غلط ومرات يكون الحق معي وفجأه يكون علي .. بس الحمدلله البعد هالمره فادنا كثيررررر كل واحد راجع نفسه ع تصرفاته وهو بدا يشوف مطالبي القديمه بتعديل البيت وقرر ينفذها الحمدلله ،،، اشكركم من قلبي على وقفتكم معي وعلى نصايحكم النابعه من قلب وحتى لو بعضها كان قاسي لكن كلها لمصلحتي كانت ، الله يجزاكم خير ويسعدكم ولا يحرمني منكم 🌹🌹🌹 |
رد: اشتقت له وما ودي ابادر بال
الحمد لله
اختي حاولي تتعقلي في مثل هالأمور .الله يسهل عليك ولادتك اهلك نصيحة لا تكثري عليهم هم على قد حالهم فلا ترهقيهم لما تروحي لأهلك ضىروري تطلبيه مصروف لبنتك ولك وانت ببيت اهلك |
رد: اشتقت له وما ودي ابادر بال
يعني مش زوجك السبب هرموناتك هي الي عاملة فيك عمايل
المهم هانت لم يبقى الكثير وترتاحين لكن حاولي ما تحملين بسرعة ارتاحي وصحيح ما قالته بياض الديم لا ترهقي اهلك ودائما لما يعطيك مصروف وفري وخلي لك مبلغ جانبا لا تمشي مكان الا وبوكك فيه نقود |
رد: اشتقت له وما ودي ابادر بال
الحمدلله .. قررت اغير من نفسي و بشوف .. و فعلا لازم احسب حساب المصروف لمثل هالحالات .. ممكن اكون كلّفت على اهلي بس بعدها عوضتهم و شلت نفسي و دبرت اموري قلت لكم اخذت مقدم من عملاء وكلفت نفسي بعمل فوق طاقتي ..
انتظروا موضوعي بعد الاربعين بعنوان زوجي مايخليني اخذ مانع هههههه بس والله ماخذه ماخذه سواء طيب او غصب لان هلكت .. ان شاء الله يرضى بالمانع يااارب << لما افاتحه بهالموضوع يقول لسا انتي حامل وتفكرين بالمانع اللي يكون بعد شهرين ويمكن اكثر خلي بعدين نشوف بوقته .. |
| الساعة الآن 06:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©