|
رد: اكتشفت ان زوجي يخوني وصفعه
لاتعتقدين ان سكوتك عن حقك بيغير شي
سكوتك بيدمرك وزوجك بيتمادى عليك اكثر وربي يكتب لك مافية الخير والصلاح |
رد: اكتشفت ان زوجي يخوني وصفعه
حبيبتي أنتي بداية حياتك وتفكرين بعاطفتك وماتنلامين لأنك بعدك مامارستي الحياه لكن بأقولك تخيلي بعد مايمر على زواجك 10 سنوات و12 سنه وتلتفتين حواليك تشوفين زوجك هو نفسه ماتغير وتشوفين حواليك 4 أو 5 أطفال منه شنو موقفك لحظتها ؟إدعي الله يكتب لك الي فيه الخير
|
رد: اكتشفت ان زوجي يخوني وصفعه
قوانين المنتدى
26- تمنع أي مشاركة تشير إلى الزوج بتطليق زوجته، أو الزوجة بطلب الطلاق والخلع من زوجها ما دام قد تم العقد بينهما. |
رد: اكتشفت ان زوجي يخوني وصفعه
اقتباس:
اختي اسفه جدا اذا جرحتك وفعلا انا ماعشت اللي عشتيه ولا جربت حصلي مثل كذا بس اريدك تفتحي عيونك ومخك وركيزي كثيير عشان تعرفي نواياه لا تصرفي عليه ولا تبحثي وراه عن شي وخليك صارمه شوي معه gfn |
رد: اكتشفت ان زوجي يخوني وصفعه
يا قلبي ايوا اكيد حاسه فيك يا حبيبتي وحسبي الله عليها الي ماتستحي وليييييييييييييييه تدورين سيارتها خير خيييييييييير لا يا قمر انتي اكبر منك تلاحقين وحده ماتسوى اضفرك والله ماتسوى ماعليك منها وكبري عقلك واعطيها اكببببببببببر بلوك من حياتك ماتدرين بكرا ايش يطلع منها؟
ابي منك شي وحاولي تنفذينه عارفه ايش؟؟؟روحي لاستشاريه خاصه للمتزوجين انتي الحالك اكيد عندكم موجود وفضفي كل الي بقلبك لها راح ترتاحي بعد الله سبحانه طبعا وشوفي ايش تقولك قوليلها من الالف للياء كللللللل شي بالتفصيل الممل وقولي لها ان اهلك ولا احد عنده خبر بالي حصل لانك واضح متضايقه واخلاقك مرا فخلاص روحي احسن حبيبتي ولاستشاريات يفهمونك اكثر لانك على حسب كلامك انك تبين بيتك ومافيها شي هذي راحتك ومااحد له حق يتحكم فيك واذا ماتبين الانفصال برضه قولي لها بس اهم شي حل يريحك ويريح راسك ويارب يفرج همك حبيبتي وطولي باللك ان شاء الله الامور تنحل لاتخافين وتتيسر بس تفائلي خير ،،،،وحاولي تستعجلين تروحين لها الاستشارية وموثوق فيها لااااااازم لااااااااااازم تكون ثقه مو اي وحدة |
رد: اكتشفت ان زوجي يخوني وصفعه
مشكلتك انك فاهمه الطيبه والتعامل الراقي غلط،،، ترا اللي تسوينه يااختي سلبيه وضعف،،لو كنتي قويه ماتجرأ عليك،، لاتعطينه ولاقرش هو ملزوم بالصرف عليك ،،سالفة الدين لساتك للاسف مصدقتها تراها تصريفه ،،وكل قرش ينصرف عليها وعلى هدايها واغراضها،، صارحي اعقل اخوانك بالسالفه واوصلو للبنت وهددوها انكم بترفعون عليها قضية تخبيب اذا ما كفت بلاها،،
|
رد: اكتشفت ان زوجي يخوني وصفعه
.
لا اتفهم سبب الهجوم والتهديد للشخص الآخر وليس الزوج, اسلوب قديم وتصرف فوضوي. يا اختي مشكلتك زوجك وليس شخص آخر...لانه زوجك (واحد) والاشخاص (كثير) يعني ممكن يذهب الى غيرها انتي الى الان شايله على زوجك, اذاً واجهيه وقوليله اللي في خاطرك.. . |
رد: اكتشفت ان زوجي يخوني وصفعه
انا اتفقت معاه يسدد الدين ويعطيني فلوسي
وهو بنفسه امس ياني وكلمني وقاللي بسد الدين اللي علي قلتله بس بشرط نسافر لاني مخنوقة للحين قلبي يعورني ومهمومة وتعبانه قاللي ابي اسد الدين ابي ارجع اصرف عليج بفلوسي مابي انتي تصرفين على البيت لان خلص الحمدلله ارتحت من ديوني ما تدرون شلون تغير صار يخاف علي صار يزلزل التلفون اتصالات يمكن بالعشرين مرة اذا ما رديت عليه يترك شغله ويجيني البيت خايف علي واليوم رد وناداني ويحضنني وكلمني بالموضوع وقال لي انا خايف عليج مابي اعور قلبج ومابيج تزعلين مني صدقيني حتى ما اقدر اتركج بروحج زعلانه واروح عنج ماقدر اخليج حزينه لازم اراضيج ما راح القى وحدة مثلج في الدنيا كلها انتي احلا وحدة بالدنيا .. لا بالعالم الدينا شوي انتي خلوقة ومربية وعرفوا هلج شلون يربونج وعاقلة انا خايف عليج مابي احد يأذيج هاي الكلام اللي قاله لي اليوم قلتله ابي نسافر ضروري ! قاللي اختاري وين تبين تسافرين وانا ادلعج وانسيج الهموم .. شنو رايكم عطوني رايكم هل فعلا تغير مثل ما انا اتصور ؟! .. |
رد: اكتشفت ان زوجي يخوني وصفعه
لا انا حاطة براسي هالبنت لازم الاقيها والقى بيتها
اذا شفتها مادري شنو راح يصير اكرهها وعلى فكرة قبل شهر كلمتها وهددتها بالرسايل وما رضت تشيل التلفون الجبانه لكن انا متهدد اذا رجعت لحركاتها راح انتقم لاني انجرحت واتدمرت بسببها وشوفوا للحين انا خايفه ربي وبإمكاني افضحها واكتب كل بياناتها وصورها ورقمها وسيارتها لكن مو من اخلاقي وعيب اسوي جذي لان حرام والمشكلة انا اخاف اسوي هالحرام وهي متساهلة تسوي الحرام وتخرب بيوت الناس وقلتلها توبي واستغفري حق ربج وترا بكرا اذا بتتزوجين بصير نفس الشي واخس وكما تدين تدان |
رد: اكتشفت ان زوجي يخوني وصفعه
للعلم عمري بين 25-30
ما راح اقول عمري بالضبط علشان ما تفكرون اني صغيرة وما اعرف اتعامل واتصرف مع اني اوقات احتار هل انا غبية او تصرفاتي صحيحة |
رد: اكتشفت ان زوجي يخوني وصفعه
ياقلبي عليك ي قمر والله حاسة فيييييييك
الله يهدي سركم انتي انسانة عظيمة الله يوفقك ويسعدك يارب ويحقق لك امنياتك والله ياخذ حقك من كل شخص ظلمك ادعي ربك وتوكلي على الله . |
رد: اكتشفت ان زوجي يخوني وصفعه
مادام بدى بالمعروف فأسأل الله أن يثبته لكن المؤمن فطن فكوني حذرة فالله اعلم ماغيره وهل حقا تغير
اريدك ان تستمتعي بوقتك معه ولكن لاتأمني تغيره مره اخرى حتى لا تنهاري كالسابق يعني كوني متقبله لاي تغير في تصرفاته ولا تنصدمي ان عاد لأخطائه خذي نفس عميق واستعيني بالله وتوددي له دون ضعف واكثري من الدعاء لله في سجودك وتصدقي لعل الله يكشف عنك ويفرج همك |
رد: اكتشفت ان زوجي يخوني وصفعه
لاتفضحينها بس بلغي اهلها ،،،تفتكين منها وهم ينتبهون لها ..وبنفس الوقت يصير درس لزوجك ان الخيانه لها تبعات ،،ممكن فضيحه له او قضايا او او ،،،
|
رد: اكتشفت ان زوجي يخوني وصفعه
اقتباس:
لما تبلغ اهلها مو تفضحها؟؟ شي عجيب والله. ي صاحبة الموضوع, الغلط هو غلط زوجك وليس شخص آخر, اتمنى تستوعبين. . |
رد: اكتشفت ان زوجي يخوني وصفعه
اقتباس:
بصراحه اشكركم انكم فهمتوني وحسيتوا شلون انا صبورة واخاف الله ونيتي رضا الله واهدي زوجي وانصحه رغم عصبيته واتحمله وادعيله وان شاء الله بحصل الاجر والثواب. |
رد: اكتشفت ان زوجي يخوني وصفعه
اقتباس:
اتمنى ان الله يهديه ويتغير للاحسن جزاج الله خير اختي |
رد: اكتشفت ان زوجي يخوني وصفعه
اقتباس:
لان شلون تدخل بيت زوجي وتراسله وتتصله بنفس الرقم ومو متربية وشكلها مب مكملة دراستها وجاهله وكله هايته في الشوارع وماعندها اخلاق وكله كلامها في صورها منحرف والمشكلة صورها اللي كانت تطرشهم حق زوجي ما تستحي ماتخاف ربها حسبنا الله ونعم الوكيل |
رد: اكتشفت ان زوجي يخوني مستجد
اعذريني أختي أحس أنى تهت شوية بموضوعك
بعدما أخذ فلوسك و انقطع الاتصال بينكم لعدة أيام وين كان بالضبط؟ إعذريني حبيبتي أحس أنك ما تنظرين للموضوع بواقعية و إنما تقودك العاطفة و العاطفة فقط. أسأل الله أن يقدر لك كل خير. |
رد: اكتشفت ان زوجي يخوني مستجد
اقتباس:
انتي فهمتي قصتي غلط بعد ما اتفقت معاه يسدد دينه مع * فلانة* ويقطع علاقته فيها نهائيا وماعاد يكلمها وبالفعل اليوم الثاني جهزت الفلوس وبرزتهم ل في ظرف وفي الليل قبل لا اسلمه الظرف الفلوس قلتله بكرا تنهي كل شي تروح المركز وتدفع الدين اللي عليك وخلاص ابي تريحني وتقوللي خلاص مانفتح مواضيع ومشاكل ونفتك من *فلان* اليوم الثاني راح مباشرة وقع العقد ودفع الدين واتصل علي وطمنني وقاللي الامور طيبة الحمدلله حبيت اطمنج وقلتله الحمدلله الحين هالسالفه مرت اسبوعين احسه تغير اتجاههي عقب ما اعترفلي ودفع دينه وانتهت العلاقه مع الرخيصة ذيج حسبي الله عليها حتى هو يقول لي .. تصدقين بديت احس اني احبج اكثر وابي استانس وياج ابي احس انت بس انتي وياي قبل ما كنت احس في حبج وما كنت اهتملج ومقصر وياج وكله افكر في الموضوع وشلون ابي افتك من الدين اللي علي ويا هالوصخه اللي ثلاث مرات اشتكت علي في المراكز كل يوم ارجع من الدوام ينتظرني على الغدا ويسويلي الغدا ساعات وساعات يتصلي شنو تبين غدا اشتريلج وشنو تبين عشا اشتريلج انتظريني صار يقعد وياي ومايطلع من البيت وايد بس المشكلة انا للحين مو واثقه فيه .. عقب اللي صار صعب انسى شنو سوا فيني وشلون قصر معاي وشلون كان يهجرني علشان يكلمها الرخيصة ويستمتع معاها ويقضي ليلته في السوالف معاها بدال ما كان يحضنني ويقضي ليلته وياي انا ما راح اسامحه على تقصيره معاي وللحين قلبي يعورني من السالفه |
رد: اكتشفت ان زوجي يخوني مستجد
ي قلبي هدي نفسك اذكري الله
ادعي الله وقت صلاة الوتر اخر الليل كثري من قول لاحول ولاقوة إلا بالله وحسبي الله ونعم الوكيل،،،ادخلي مقاطع الشيخ صالح المغامسي رائعه،،،قولي اللهم اكفني إياها بما شئت))))او قولي اللهم اكفني مااهمني في شأن هذي هي المراه ومالم اهتم به))))تحصلينها في مقطع الشيخ صالح المغامسي كان جايه سؤال تشكي امراه من ظلم المديره لها،،،، |
رد: اكتشفت ان زوجي يخوني مستجد
عنوده حبيبتي جزاكي الله خيرا
|
رد: اكتشفت ان زوجي يخوني مستجد
تدرين اختي شمو اللي يكسر زوجي
رغم مشاكله وخيانته اني ما اقصر في واجباتي تجاهه ولا مرة زعلت منه وامتنعت عن شغل البيت والطبخ والغسيل كل مرة يزعلني .. شنو اروح اسوي علشان اكسر خاطره علي ويندم انه زعلني ؟! اروح اغسل ثيابه واكويهم وانظف البيت واسوي اكل وارتب انا في اشياء اسويها استغرب من نفسي شلون اسويها واتحمل يمكن في غيري نسوان ما يسوون جذي هل اللي اسويه انا ذكاء او غباء بس احب اني ابين اني احسن منه بوايد وانتصر عليه باخلاقي وصبري |
رد: اكتشفت ان زوجي يخوني مستجد
اقتباس:
لا اعلم ولكن حقيقة قلبي غير مرتاح لتغير تصرفات زوجك حاليا كوني حذرة واياك ان تعطيه اي مبلغ لأي غرض ولاحتى سلف ولاتحملي هناك حلقه مفقودة وشيء غامض اما انه يكسرة طبخ وغسيل فأنتي واهمه |
رد: اكتشفت ان زوجي يخوني مستجد
اقتباس:
|
رد: اكتشفت ان زوجي يخوني مستجد
[QUOE=مهره;3508510]هل رأيت أوراق العقد وإيصال الدفع؟
[/QUOTE] لا |
رد: اكتشفت ان زوجي يخوني مستجد
اقتباس:
إذاً كيف تأكدتِ إنه سدد الدين وانقطع عنها؟ |
رد: اكتشفت ان زوجي يخوني مستجد
والله احس اني ضايعه وابكي وما ادري ع شو ابكي
افكر بين ترك البيت او الطلاق او الهروب وبين كيف اعيش وحيده وبين زعل اهلي علي وحزنهم علي ومشاكل زوجي وبين شلون افكر اترك البيت وانا من اول الزواج اصرف من فلوسي وبدون اوراق تثبت هالشي وبين اطنش زوجي واعيش كأنني وحيدة ومجرد بس اسوي واجباتي اتجاهه وحزينة من صدمتي في حياتي كنت اظن ان الزواج في كفة اخرى من سعادتي ولكن كنت اظن انه سعادتي .. ارى ان سعادتي مجرد كذب او وهم صعقت به ارى ان حبي وتضحيتي له راح هباء منثورا .. وانا اللي حبيت وشقيت عمري سنة ونص وانا افكر فيه وابني احلامي معه واحلم انه سيكون زوجي الحنون العطوف الرحيم اللي مايفكر الا فيني ولسعادتي لكن الواقع مؤلم غدر خيانه آلام صدمات وانهيار انا فعلا ضايعه مشتتة نفسيتي منهاره مو عارفة شلون افكر لا تلوموني .. مخي وتفكيري اتلف .. اعصابي تلفت يا رب دلني اين الطريق الصحيح 😭 |
رد: اكتشفت ان زوجي يخوني مستجد
اقتباس:
الله يكون بعونك ييارب صدقيني لازم اهلك يعرفو باللي يصير معك اللي صار معك شي ما يتخبى وحده تخبى اسرارها اذا حاسه نفسها مستقرة وما تاذت بس عدم استقرار واذيته لك ما يتخبو لانهم ممكن يدمروك اكثر من كذا استخيري الله في هاذي الايام المباركه ثم استشيري اهلك في موضوعك عساهم يساعدوك |
رد: اكتشفت ان زوجي يخوني مستجد
الله يصلحك المفروض طلبتي ايصال
ومداراته الزايده لك للأسف تخوف ادعي ربي يريك الحق ويرشدك للخير |
رد: اكتشفت ان زوجي يخوني مستجد
اسأل الله ان يفتح لك ابواب الفرج
|
رد: اكتشفت ان زوجي يخوني مستجد
اقتباس:
ي قمر حبيبتي لاتكتمي بقلبك لازم تخبري اهلك بالموضوع لاتخافي هم اعرف بمصلحتك وتأكدي ان ربي بيكتب لك الخير سواء استمريتي او انفصلتي المهم اسخيري الله وخبري اهلك بالموضوع |
| الساعة الآن 07:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©