|
رد: إتهام زوجي بأني السبب بالا
اقتباس:
ابوي زعلان ومايكلمني بسببك انتي مكبره المشكله ماكان يحتاج تكلمينه بس مو الغلط عليك الغلط علي يومني اتزوج وحده مو عاقل ومبزره مثلك تجي تتشكشك خليكي عند امك اذا كبرتي وانفطمتي ذيك الساعه تعالي وبعد ساعه يرجع يراسل ... اعقلي وارجعي مافي شي يستاهل تزعلين كل هالزعل وبعدين رجع سوالي حظر ... واليوم الصباح فكه .. وارسل لي صباح الخير على باله إني بنقهر مثل اول على الحظر ... الحين ماصار يهمني شي كان ودي ارسله ... ماني راجعه لو اموت ... ابيه يدري اني شايله فكرة الرجوع من راسي ... ومستحيل ارجع .. كرهته كرهت اسلوبه ... |
رد: إتهام زوجي بأني السبب بالا
الحمد لله على سلامتك يااختي 🌺
وعوضك الله خيرا دائما اسمع ان الاجهاض للمرأه متعب ومنهك لها ولنفسيتها حتى أن الحمل والولاده اسهل من الاجهاض هذا الذي اسمعه دائما من والدتي وغيرها لكن لا ادري لأني لم اجرب الاجهاض والحمدلله وزوجك ياعزيزتي لازم له درس لأنه لم يحسن لك وبإذن الله سينصلح حاله أدعي ربك كثير وارتاحي هالفتره اعتبريها فترة نقاهة وربي يصلح احوالكم ويهدي زوجك لكن اذا امكن _ ليس اليوم _ تردي على رسايله وتخرجي مابقلبك وبيني له قوة زعلك منه ولا ترددين كلمة كرهتك واكرهك الله يلم شملكم ويهدي الجميع ⚘ |
رد: إتهام زوجي بأني السبب بالا
اقتباس:
سمورة حبيبتي.. احنا اتفقنا إنج مب غلطانة صح؟ هذا هو المهم فقط .. المهم إحساسج بنفسج ونظرتج وتقييمج لتصرفاتج. عشان جذي لا تنساقين ورا المسجات وحركات البلوك .. لا تبينين أي رد فعل ولا إنج متضايقة أو حتى مب هامج .. ولا تبررين اللي صار مع عمج .. ولا تبلغينه بأي قرار حالياً .. تجاهلي رسايله تماماً تماماً ولا تردين بحرف. للأسف مب كل الناس ينفع معاهم أسلوب الحوار الراقي والنقاش البنّاء .. في ناس تناقش عشان تنتصر وتطلّع نفسها هي الصح .. وللأسف زوجج من هالنوع. عشان جذي أي رد منج بيعطيه مجال للف والدوران والبحث عن ثغرات عشان يطلّعج غلطانة .. لكن الصمت التام بيخليه يحس إنج خلاص وصلتي حدج وبإذن الله يراجع نفسه. لكن طبعاً إذا عمج كلمج مثلاً فلازم تردين عليه. ولا تقررين شي الحين يا سمورة .. بعدج منفعلة واتخاذ أي قرار في الوقت الحالي غلط .. اعتبري نفسج في فترة نقاهة وإجازة مفتوحة لكن لا تقولين لنفسج: مستحيل أرجع. وحتى لو عمج أو زوجة عمج كلموج أو سألوج عن رجعتج ققولي محتاجة وقت عشان أرتاح .. إذا كنتي فعلاً لازلتي تحسين إنج محتاجة وقت زيادة عند أمج. لكن مع ذلك وفي كل الأحوال استخيري دايماً قبل أي شي تبين تسوينه. |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
مساء الخير ... زوجي امس ارسل رسايل يقول انه بيجي ياخذ الصغار وقال لو تبين تجين معهم تجهزي باخذكم ... مارديت عليه .. قال اني بتطنيشه هذا حيسبب انفصالنا .. مارديت عليه .. قال اوك اخر محاوله بجي بكره او بعد بكره و بعدين لي تصرف ثاني وانتي اللي جنيتي على نفسك ... مارديت عليه ابدا ... عطوني نصايحكم الله يعافيكم .. اكلم عمي او اخليه يجي وماطلع له .. لاني مابي ارد عليه ابدا ولا اكلمه ولا اشوفه ...
امي درت بكل شي بس وصيتها ان محد من اخواني يدري .. وارتحت لما كلمتها .. قالت لي اني غلطانه لاني اعطيه مجال يستفزني بكل صغيره وكبيره .. وان المفروض اطنش ومدري ايش .. قالت خليه يجي نشوف يمكن بيعتذر وينصلح حالكم ... حاولت افهمها انه دايما كذا ويرجع يعتذر وبعدين يرجع باسلوبه ... تقول عطيه فرصه ... امي مو فاهمتني هي اساسا تحب زوجي وتحترمه وتعتبره مثل ولدها عشان كذا تبيني ارجع له ... وانا مو مستعده ارجع له .. قلت لها برتاح شوي عندك ... وسكتت قالت براحتك ،، ابي نصايحكم الله يعافيكم ويجزاكم الجنه |
رد: إتهام زوجي بأني السبب بالا
الله أعلم هل هو جاد أم أنه مجرد تهديد وكلام فقط! ولكن بصراحة يا سمورة أن ترجعي وهو يعتقد أنكِ خفتِ من تهديده فهذا أمر سيء. على كل حال كلام الوالدة معقول .. انتظري لين يي وشوفي كيف الوضع بيكون .. وبناءً عليه قرري. ولا تنسبن الاستخارة. |
رد: إتهام زوجي بأني اجهضت مستج
الله يجزاك خير يامهره ... كلمت عمي يقول ايه احنا بنجي انا وولدي لانه هو طلب ويبي يجي يعتذر واعترف انه الغلطان .. كان ودي اقوله هو دايما يعتذر ويرجع بس ماكنت حابه اطول معاه .. ومالي خلق اتكلم ... ومابيهم يجون بكره ... لاني ماحروح معهم ... وحضرته ماوقف رسايل واتصل على امي واخواني يقولهم خلوها ترد علي ... بصراحه انا اول مره اقعد كذا ما ارد عليه .. عشان كذا قالب الدنيا بحركتي هذي على قولته ... وانا حالفه اني مارح ارد عليه الين يعدل اسلوبه معي ... ويعاملني كزوجه ... ويحسن معاملتي ويتكلم زين معي
|
رد: إتهام زوجي بأني اجهضت مستج
السلام عليكم ... عرفت انه يبي يجي لان عمي هو اللي اجبره يجي ويعتذر .. هو اللي قال لي كذا .. انه مايبيني بعد اللي سويته ذاك اليوم ... واني اهنته وحطيته بموقف ضعيف .. وان امه زعلانه مني .. قال كلام يقهر وربي .. استفزني كلامه .. مسكت نفسي ولا رديت عليه .. بداخلي نار بسببه ... وابي عمي يدري بكلامه ... وبنفس الوقت مابي المشكله تكبر ... هم بيجون اليوم باقي لهم ساعتين ويوصلون ... اقولهم اني ابي وقت ارتاح .. او اعلم عمي الرسايل او وش اسوي .. افكر اقول لعمي الموضوع واللي يصير يصير .. مو فارقه معاي
|
رد: إتهام زوجي بأني اجهضت مستج
طيب ليه جايين ياخذونك غصب انت توك اجهضتي والمفروض ترتاحين عند امك لهذا السبب بغض النظر عن المشكلة الي بيناتكم..
|
رد: إتهام زوجي بأني اجهضت مستج
مسك ... قلت لعمي اني ابرتاح بعد الاجهاض ... يقول لي معليه تعالي عندنا بيتنا وبيت اهلك واحد .. وعيب علينا تطلعي من عندنا زعلانه .. وان ولده بيجي يعتذر .. طيب ليه يكذب عمي ويقول انه ولده هو اللي يبي يعتذر ... وهو اللي اجبره .. ابي يدري ان ولده قال لي كذا ..
|
رد: إتهام زوجي بأني اجهضت مستج
موقف عمج مفهوم يا سمورة.
لكن لأن زوجج ـ مثل ما قلتي سابقاً ـ ما عنده جرأة المواجهة رضخ لأبوه وما قدر يقول له لا. |
رد: إتهام زوجي بأني اجهضت مستج
قولي لهم الحمدلله ماني زعلانه ..بس ابغى ارتاح ببيت اهلي
هذا هو العرف ليه مصممين الا ترجعين .. وزوجك نصيحه لاتبينين انك زعلانه منه اعتبري موقفه اللي سواه سحابة صيف وعدت ..بيني له انه تصرفه ماهزك ولا اثر عليك .. فقط اوقفي تواصلك معه الا للضروره لانه للاسف تواصله من جهته يهدف الاستفزاز |
رد: إتهام زوجي بأني اجهضت مستج
مهره وريماس مشكورات حبيباتي ... صحيح هو مايبي يقول لا لاي احد الا انا ... وهذا اللي يجلطني .. ابي شخصيته تتغير .. وتعامله .. وحياتنا كلها ابيها تتغير للافضل ونعيش مثل كل زوجين مو قط وفار .. وهو برضو هوايته الاستفزاز وانا من النوع اللي يستفز بسرعه ودايما احاول اضبط اعصابي واتحكم بنفسي بس بالاخير اخربها ...
اللي صار اليوم .. جا هو وعمي ... وقالوا لاخواني السالفه بس مو بالتفصيل .. يعني بس قالوا اني حصلت بينهم مشكله بسيطه .. اني متاثره بسبب الاجهاض واني قلت انه بسببه اهملني وماوداني الدكتوره ... وانه الغلطان وهو اعترف ... قلت لهم طيب انا مو زعلانه ... قال عمي خلاص ارجعي معنا خلينا نصوم سوا .. قمت حبيت راسه قلت له والله جيتك عزيزه على قلبي وسامحني ماقدر ارجع ابي ارتاح ووعد كلها كم يوم اخلي فلان يجيبني .. زوجي طول الوقت ساكت .. ومن بعد كلامي قال ابوي جاي يراضيك وانتي تدلعين .. وين حشيمة عمك ... قلت له هو على عيني وراسي ... بس صعب ارجع وانت مجبور انك تجي وتراضيني ... قام يسكتني .. قال لي خلاص روحي جيبي العيال باخذهم ... عمي قال مين قال لك انه مجبور ... ماقدرت اقوله من رسايله ... مابي تكبر المشكله بينهم ... لاني حسيت انه زعلان من ولده وبنفس الوقت زعلان عليه ... قلت من اسلوبه معاي وكلامه مايدل انه يبيني ارجع .. المهم اني حاولت اقنع عمي اني مو زعلانه بس بقعد كم يوم ... حسيت طلع وهو زعلان وربي ضايقه فيني الدنيا .. ارسلت لزوجي بعد ماطلعوا ماحبيت ابوك يطلع كذاب قدامنا .. اخواني حاولوا يقنعوني انه ماصار شي .. وقلت لهم مو زعلانه بس مابي ارجع .. واعتذروا من عمي ... قالوا لي اني ماحشمته |
رد: إتهام زوجي بأني اجهضت مستج
قدر الله وما شاء فعل.
عمج بالفعل على العين والراس وما قصر .. لكن حقيقةً وبعد مسجات زوجج فلو رجعتي فالغالب إنه بيطّلع حرته فيج بشكل أو بآخر. لكن يا سمورة ما دام وعدتي عمج .. فخذي لج كم يوم عند أمج مثل ما قلتي وبعدها ارجعي. بس أشوف إنج ترجعين مع حد من اخوانج. |
رد: إتهام زوجي بأني اجهضت مستج
مشكوره عزيزتي مهره ... ان شاء الله الاثنين اخلي احد من اخواني يودوني ... انا بلكته امس لاني طفشت من رسايله ... رسايله مستفزه لي ... كنت ناويه ارجع الجمعه بس بعد كلامه اجلتها .. مابي ارجع ويقول ان تهديداته جابت نتيجه ... قررت بعد رجوعي ولا كأني اسمعه اذا حاول يستفزني مهما يوصل درجة استفزازه .. يأست ومضطره اتقبل طبعه واتغير انا بتحكمي بنفسي واعصابي .. وهذا رمضان برضو بنصوم عند اهله نفس السنه اللي طافت .. الله يكون بالعون .. حبيبتي مهره مشكوره ويجزاك الجنه
|
رد: إتهام زوجي بأني اجهضت مست5
امس جانا ببيت اهلي لوحده ... جلست معه لوحدنا ... عطاني مبلغ صغير قال لي دفعه من اللي تسلفته .. قلت له خليها معك مو ضروري الحين .. قال لي لا ماحنتظر تعايريني ... قلت اوك واخذتها .. قال لي بلا حركات صغار وبلوك ومدري شنو ... قلت له انت تكثر هرج وانا صدعت منك .. قال خلاص ننسى وكل شي مقدر ومكتوب وتراني جاي من غير علم ابوي وحلف لي ... صدقته بس ثقلت ماتكلمت ... بس بنفسي قلت خلاص بنسى ودام نفسيتي زانت برجع ... طلع مبلغ قال هذا مصاريف العيال ... انا استغربت .. قلت له وشوله وانا راجعه ... قال لي ... سلام خلي اخوانك يجيبونك وطلع ... حسيت غرز الخنجر بصدري وراح ... فشلني وقهرني كنت ابي اقوله اني كنت اقصد ان بكره يعني اليوم .. وبيني وبينكم كان قصدي بروح معه قلت اخواني برمضان ينشغلون .. وفرصه لما جا بروح معه ... بس ماعطاني فرصه بسرعه خرج ... طيب ماهو جا نتصالح ليه خربها بالاخير ... وش تفسير اللي سواه ... من امس احس نار بصدري اقول ياربي ليه سوا كذا مع اني امس ضحكت له وجلست معه وكل شي تمام بينا
|
رد: إتهام زوجي بأني اجهضت مست5
لا تفكرين كثير يا سمورة.
المهم النية اللي نويتيها وهي إنج تتحكمين في نفسج وأعصابج ولا تنساقين ورا كلامه ونقاشاته إذا كانت بطريقة غلط أو مستفزة. وادعي لزوجج بالهداية. وإذا رجّع لج مبالغ إضافية اقبليها مباشرة واشكريه .. وإذا كرر حركات (ما حنتظر تعايريني) لا تردين ولا تعلقين أبداً. وبخصوص رجعتج .. فلا تثقلين على اخوانج .. شوفي متى وقتهم يسمح واطلبي يرجعونج. |
رد: إتهام زوجي بأني اجهضت مست5
لاترجعين ارتاحي عند امك وخليه هو يجي ياخذك اخوانك ما اخذوك من بيته حتى يرجعونك
|
رد: إتهام زوجي بأني اجهضت مست5
اقتباس:
سمورة ذهبت إلى بيت أهلها برغبتها هي .. وزوجها في الأصل لم يكن متحمساً لذهابها وكان يماطل في هذا .. لذلك اقترحتُ عليها أن ترجع مع أحد إخوانها حتى لا تكون لديه حجة ويعمل منها مشكلة جديدة .. وحقيقةً بعد تصرفه الأخير لا أرى أبداً أن تطلب منه أن يرجعها لأن الغالب على ظني أنها حركة استفزاز .. لذلك فالأفضل أن تترفع عن مجاراته في حركاته الصبيانية وألا تطلب منه أن يرجعها لأن الغالب أنه سيرفض ويقول لها ببساطة: أنا مب سواق عندج وإنتي اللي بغيتي تروحين. الأمر الآخر .. أن عمها هو الذي أوصلها بنفسه .. وهذا أمر ليس بالهين ويجب أن يوضع في الحسبان .. لذلك فليس أقل من أن تحجّم المشكلة وترجع مع أحد إخوانها بهدوء. ولكن كما قلت سابقاً .. ترجع مع أحد إخوانها حسب وقته واستطاعته دون إلحاح أو إثقال. |
رد: إتهام زوجي بأني اجهضت مست5
اقتباس:
سلمت يمينك يامهره 🌹 الله يسهل أمورك ياسموره ويهدي زوجك ويبطل حركات الاطفال |
رد: إتهام زوجي بأني اجهضت مست5
الحمدلله يامهره قدرت اضبط اعصابي ... حتى لما قال بتعايريني حسيت يبي هوشه فماجاريته وسكت ... الله يهديه ويكبر عقله ...
سديم حبيبتي المشكله اني وعدت عمي اني برجع مع اخوي... من امس قاعده اكلم نفسي بسبب حركته التافهه .. فشلني وكأنه يقول لو تبيني انتي تعالي ... افكر اذا اتصل عمي اقوله اخواني مو فاضيين واذا تبوني ارجع خلي ولدك يجيبني او بنتظر الين واحد منهم يفضى .. كل شوي اقول مابرجع له وبأدبه على حركته .. بس اتذكر وعدي لعمي واقول ليتني ماوعدته.. كل ماتخيل اني ارجع مع اخوي وكيف بيحس بالانتصار ينحرق قلبي ... بيقول هذا هي جات وراي ... هذا تفكير زوجي وانا اعرفه .. وحيذلني كل يوم فيها ... بس لو خليت عمي يكلمه يجيبني بسبب شغل اخواني برجع وانا مرفوعة الراس لا مذله ولا اهانه لي ... مدري تفكيري صحيح ولا انا ابالغ؟ زوجي عقليته مره صغيره وابي ارجع من غير ماتناقش معه وبتجنبه قد ما أقدر.. |
رد: إتهام زوجي بأني اجهضت مست5
مهره وعبير صحيح كلامكم ... والله اكثر شي متفشله من عمي ... وان هو اللي وداني لأهلي .. بس هو كل يوم يتصل علي يتطمن علي ... واليوم قلت له اني بخير وان شاء الله اخلي اخوي يجيبني عندكم ... وبنتظر كم يوم واذا اتصل اقوله مشغولين اذا ولدك فاضي خليه يجيني ... بس بقوله له بأسلوب حلو .. او خلاص اخلي اخواني يودوني في اي يوم فاضيين ؟ طالبه مشورتكم
|
رد: إتهام زوجي بأني اجهضت مست5
السالفه كلها مو مستاهله يحاول يستفزك وأنتي كنتي تعبانه وإنفجرتي عادي تحصل بأي وقت لكنكم كبرتوها ، ورجعتك لبيتك مع إخوانك أبدا ماهي مذله خصوصا إن بينكم قرابه تعوذي من الشيطان مقبله علينا أيام فضيله إرجعي لبيتك وإنسي المشاكل وتفرغي للعباده .
|
رد: إتهام زوجي بأني اجهضت مست5
حبيبتي الوفا ... لو قال لي اياها بطريقه عاديه .. مثلا يقول خلي اخوك يرجعك ... والله كان رجعت من غير ماقول كلمه .. بس قالها بطريقه مستفزه ... من حركته كأنه يقول لو انتي تبيني لحقيني .. ماحقدر افهمك .. انا اساسا كنت ناويه ارجع مع اخوي وانسى كل اللي صار وارجع اتعامل معه طبيعي بس اتجنب النقاش وامسك اعصابي ... اصلا هو طبعه كذا مستفز ... انا ماقهرني غير اسلوبه في الكلام وكأني انا الميته فيه
|
رد: إتهام زوجي بأني اجهضت مست5
اقتباس:
يا سمورة يا حبيبتي .. هل لاحظتي لما قلت لج شوفي وقت إخوانج متى يسمح؟ .. واطلبي من حد فيهم يرجّعج حسب وقته واستطاعته؟ إنتي مب مضطرة ترجعين بكرة أو بعد بكرة .. إنتي بترجعين لما حد من إخوانج يكون فاضي يرجّعج .. يعني مب ميتة على الرجعة. وأساساً إنتي ما رحتي بيت أهلج لأنج زعلانة gggh.. إنتي رحتي لأنج أجهضتي ونفسيتج كانت تعبانة وكنتي محتاجة تكونين عند أمج ..... هذه هي الفكرة اللي لازم توصل لزوجج .. ولو تكلم في هالنقطة استهبلي عليه وأكدي على إنج رحتي لأنج كنتي محتاجة أمج وبس .. وكثر خير عمج إنه هو اللي فهمج وراعى نفسيتج ووداج بنفسه. ولو عمج اتصل يسأل عن موعد رجوعج قولي له: حاضر يا عمي ومن عيوني .. أول ما حد من إخواني يفضى بيرجعني على طول. جذي ممكن عمج من نفسه يقول لزوجج يي ياخذج .. وإذا ما قال له فعلى الأقل بترجعين مع أخوج براحتج. لكن لا تطلبين إن زوجج هو اللي يرجعج بشكل مباشر. أما سالفة المذلة والإهانة .. فلا تشغلين بالج بها كثير لأن مب بالضرورة هذه نيته. |
رد: إتهام زوجي بأني اجهضت مست5
سموره لا ترجعين في كلامش ووعدش حق عمش مهما كانت الاسباب
استفزاز زوجش شي متوقع ، كلمي اخوانش وشوفي الوقت المناسب لهم ، اذا تكلم وبدى يقهرش قولي له انا عند كلمتي وما راح اغيرها |
رد: إتهام زوجي بأني اجهضت مست5
ايه لاحظت ياقلبي ... بس اخاف يقولون قومي يلا تجهزي😒
.. الحين فهمت حخلي اخوي يوديني بس راح اماطل شوي ... تصدقين يامهره عجزت افهمه امس واقوله مو زعلانه ... يقول لي الا زعلانه واللي يزعل بروحه يرضى بروحه ... اصلا امس كل كلامه استفزاز وانا ساكته بس رديت عليه بجمله وحده ... ليه ازعل وانا متعوده منك كل اللي تسويه مو شي جديد ... وهو غير الموضوع ... الله يجزاك خير وان شاء الله اعمل بنصايحكم ... كوكي حبيبتي .. الله يجزاك خير وان شاء الله مارجع بكلامي واوفي بوعدي ... شكرا لنصايحكم ... |
رد: إتهام زوجي بأني اجهضت مست5
الحين زوجك امس متعني مشوار 4 ساعات عشان يكلمك ويعطيك فلوس والا اساسا كان موجود.
|
رد: إتهام زوجي بأني اجهضت مست5
أستغرب من الزوجات أو الأزواج
عندما يقولون إستفزني وإستفزيتوه .. وكل إللي بيتكلموه مع بعض ما تجي كلمتين .. وكل واحد يزعل من الثاني وياكل في نفسه .. ويروح للأصدقاء أو الأقرباء أو النت .. ويكتب صفحات من مشاعره وحزنه وتعبه وقهره ولو أن الأزواج يكونو صريحين مع بعض ويوضحو معاني أقوالهم بالشكل الصحيح ونياتهم وهدفهم الحقيقي من الكلام وإيش كان قصدهم .. ثم بعد ذلك يحاولو ان يهدو نفوسهم ولا يضخمو المسائل .. لأنحلت كثير من المشكلات .. وقد يتعذر بعضهم أن مافيه نفس يتكلم مع الطرف الآخر من شدة زعله أو يتعذر بأنه حاول مع الطرف الآخر ولكنه صده .. وطبعاً مع الموظة الجديدة لوسائل التواصل أصبح هناك حضر للطرف الآخر كدليل على شدة زعله وعدم رغبته للتواصل سبحان الله بعض الأحيان تجد أن بعض الأزواج يعيشون حياة زوجية صعبة .. ماحد قادر يتنازل بسهولة او يمشي .. بل تجد أن كلام الأزواج مع بعض يكون على أعلى مستوى من الحساسية أخيراً أختي ارجعي بيتك واعلمي أن كرامتك محفوظة سواء في بيت زوجك أو عند أهلك .. فلم يحدث أمر في قصتك يستدعي التصعيد والتعقيد أعانك الله |
رد: إتهام زوجي بأني اجهضت مست5
اقتباس:
|
رد: إتهام زوجي بأني اجهضت مست5
استنكار لا متعني ولا شي ... بعد مامشى سوالي رساله قال لي فيها ... انا جيت عند اخوي " هو عنده اخ متزوج في نفس المدينة اللي ساكنين فيها اهلي " قال ان كان معه شغل مع اخوه ولما خلص جا عشان يعطيني الفلوس ويعقلني عشان اشيل الحظر .. واللي يزعل بروحه يرضى بروحه .. كل شوي ويكررها ... عشان كذا اقولكم اسلوبه مستفز ومتناقض ... لان لما جا وتكلمت معه قال لي ننسى اللي صار وكل شي مقدر ومكتوب يعني قاعد يبرر غلطته ... وبعدين كأنه يقول مو جاي اراضيك ! مابيه يراضيني والله بس ابيه يحترمني ويعاملني كزوجه ويخلي اسلوبه وتعامله ارقى من كذا ... ودي اقولكم كل اللي قاله لي لما جا ولما راح ... بس مابي اعطي كلامه اي اهميه حتى مارديت على رسايله ... وقاعده اكتب من الجوال عشان كذا احاول اختصر لكم
|
رد: إتهام زوجي بأني اجهضت مست5
اخي الرسمي جزاك الله خير على نصايحك ... وانا والله مو مصعده المشكله ... بالعكس انا راجعه راجعه ... بس ادور الاحترام اللي فاقدته بحياتنا ... ادور التعامل الحسن ... ابيه يتغير ... عجزت اتكلم معه واقوله على كل اللي بقلبي ... بس مافي فايده ... اذا تكلمت معه نطلع بمشكله جديده ... عنده نفس طويل بالمشاكل ... مثلا ... كنت اتكلم معه ان لازن يكون بينا احترام وهالشي يخلي الزواج يدوم ... كان مستعد يسمعني ومستعد اكثر انه يتكلم معي ويتناقش وباﻷخير بشنو اطلع ! اطلع انا الغلطانه انا الفاشله بالحياة الزوجيه انا وانا وتذكرين كذا وكذا وكذا .. مواضيع مال امها دخل بالموضوع اللي بدينا نتناقش فيه ... وبالاخير اعصب شي يطلعني من طوري غصب عني ... يقول لي شفتي هذا انتي ماتحترميني وين الاحترام اللي قاعده تتكلمين عنه !!! بالله يا اخي هذا شخص عاقل اقدر اتفاهم معه ! ؟ مع اني بالبدايه قسم بالله اني اتكلم معه وامسح على راسه وظهره واتكلم بكل حنيه وأدب ... مايبين بعينه هذا كله ... يبين بعينه بس بعد مايطلعني من طوري واعصب وهو اللي يخليني كذا
|
رد: إتهام زوجي بأني اجهضت مست5
الوفا ياقلبي ... ابيه ماقلت لا ومالي غنى عنه .. مادري احس مو فاهميني ... مو فاهمين انا وش ابي ... تراني مو زعلانه والله ... بس ابي الاحترام والتقدير ... تخيلي توك طالعه من المشفى بحالة اجهاض وحالتك حاله .. ويقولك انتي السبب وهو اللي اساسا السبب ... ولما طلبت حقي اني اروح عند امي ارتاح يرفض مو بأدب لا يرفض بتهديد ... اشيا كثير بقلبي تراكم علي ... صعب اقوله لكم بيوم وليله ... ماقلت اني ابي اتطلق بس ابيه يحس فيني واني ادميه مو طوفه وملطشه ..
|
رد: إتهام زوجي بأني اجهضت مست5
لو اول مره وثاني مره وعاشر مره ... كنت بقول معليه اعديها له ... بس طول مانا عايشه معه هذي حياتنا ... قاعد يستنزف طاقتي .. صرت اكره وجوده بالبيت بسببه ... جا فتره اقوله اطلع مع اصحابك لان وجوده صاير قلق بالنسبه لي ... يتعمد يفتح مواضيع عشان يخلق مشكله ... الين اكتشفت انه يروح القهوه يشيش وهو اساسا يكره الشيشه ... ولاني السبب في هذا حاولت الين قدرت اخليه يتركه والحمدلله .. صرت اجبر نفسي على وجوده وادخل معاه بنقاش عقيم ... وادري انه ماله فايده بس عشان ابعده عن اصحابه
|
رد: إتهام زوجي بأني اجهضت مست5
الله يعينك يا سموره ويهدي زوجك
احنا في رمضان الحين شهر الخير ادعي ربك كثير ولا تفكري الا برضا ربك والله قادر يغير زوجك للاحسن انتي اذا رجعتي قومي بواجباتك على اكمل وجه وكوني بشوشة و زوري اهله انبسطي معهم و ابتعدي عن النقاشات العقيمة معه يعني ترفعي عن سفاسف الامور و الله يفرجها |
رد: إتهام زوجي بأني اجهضت مست5
امين يارب .. شكرا لك حبيبتي استنكار ... والله اني ادعي له بالهدايه ... ويارب يتغير للأحسن ... لاني جد ابغاه يتغير .. عشاني احبه .. ابي تكون حياتنا افضل من كذا .. ان شاء الله ربي يجزاك الجنه .. وانا دايما اكون مبسوطه معهم بس هالمره كنت تعبانه ومو طايقه احد ... شكرا لك استنكار
|
رد: إتهام زوجي بأني اجهضت مست5
أختي الزمي الحوقله والصلاة ع النبي ففيها العجب العجاب
|
رد: إتهام زوجي بأني اجهضت مست5
اقتباس:
اقتباس:
وبما ان رده مستفز, فطبيعي هالشي يصير لانه متضايق منك كما انتي متضايقه منه, وكان خروجك رغما عنه, فليش هو اللي يطلب رجوعك معه وليس انتي؟ اقتباس:
. |
رد: إتهام زوجي بأني اجهضت مست5
الله يجزاك خير ياعبير ... ان شاء الله ... شكرا لك حبيبتي ..
امس راسلته وتكلمنا عادي .. يعني كيفك وكيف العيال وكذا .. المهم بالاخير قال لي بعطيك مهله يومين اذا مارجعتي خلاص مالك رجعه .. ماعبرت رسالته ابدا ولا رديت بحرف .. وقلت دام يهدد كذا بمدد لي كمان كم يوم ... المهم الفجر اليوم اخوي ارسل لي رساله ... قال لي جهزي نفسك وعيالك بوديك بعد الفطور مباشره ... طبعا انا كلمتهم مره وحده بس انهم اذا فاضيين يودوني .. وهذا كان قبل امس ... رديت عليه .. اني مش مستعجله وعادي لما تفضى حتى لو بعد اسبوع .. قال لي لا عادي اصلا انا معزوم عالسحور عندكم زوجك عزمني !!!! يبي يمششي تهديده علي .. يعني كذا ولا كذا انا ماشيه اليوم ... يأست واستسلمت .. احس احيانا وكأني بحرب بسبب تصرفاته ... استغفر الله واتوب اليه |
| الساعة الآن 02:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©