|
رد: تغير شكل زوجي بعد غيابي عنه
كل عام وانتي بخير عزيزتي متفائلة ،،، زيادة وزنه ففي غيابك يعني اهمية و درجة تاثيرك بانزالب وزنه .. فنصيحتي لك واصلي اللي كنتي تسويه له ولاتتركيه الا بوصوله للوزن المثالي ..
الاشيا اللي انا سويتها وكل الاسرؤة اسستفادت هي الاكل الصحي واكون مجهزة الوجبات اللي ببساكلها بالشغل خصوصا عمله فترته طويلة فكنت ازيد وجبه فواكه او خضر مع ماي مخبلوط بماي غازي يستمتع فيه ... ومجرد يرجع اشجعه يتمشى مشي عااادي |
رد: تغير شكل زوجي بعد غيابي عنه
كوكي السكر تمام عنده والحبوب ايوه هي ممكن سبب لكن يجلس كدا حتى ويوصل لمرحله ماينفع فيها تخفيف ؟؟؟
مو راضي يراجع ومو راضي يخفف رغم اني مافكرت اقوله شي لكن ملاحظه عليه حساس جداً يجرحني كثيير ولا أرد اليوم قالي نفسي اجرب وحده غيرك زي فلانه من المغنيات ووو تخيلي كذا بدون اي مراعاه للمشاعر ههههه قلت حتى أنا بس حلال قال عندك اولاد ماينفع مابترتاحي معاه قلت عادي لو مسيار ولو ليله وحده المهم نجرب زي حضرتك يالله كان يضحك وفجأه مررره زعل يعني انا ماازعل وهو يبغى بالحرام وانا بالحلال يزعل😅>> لا أحد يلومني انا اسكت سنه واذا تكلمت أجرم |
رد: تغير شكل زوجي بعد غيابي عنه
محب السنه
لوريت عبدالله شكراً لكم وفعلاً أخ عبدالله الحرق يضعف اكثر لما نكبر وهذا مو في صالحه لما تنتهي الإجازه ببدأ أتكلم معاه وانا الي اسوي الاكل الصحي |
رد: تغير شكل زوجي بعد غيابي عنه
اقتباس:
بإذن الله ع بداية شهر 12 أبدأ معاه زي ماقلتي اسوي اكل صحي الف شكر لك 😘 |
رد: تغير شكل زوجي بعد غيابي عنه
اقتباس:
|
رد: تغير شكل زوجي بعد غيابي عنه
الاخت الكريمه لو فرضاً زوجك عمل المستحيل ومانزل وزنه .....!
ماذا انتي فاعله ......! |
رد: تغير شكل زوجي بعد غيابي عنه
اقتباس:
المهم انا مش مراهقه ينسأل لي هذا السؤال ياأخ المتواضع والإجابه الي في بالك مايتمناها إلا وحده ماعاشت كثير مع زوجها مثلي أو صغيره ماتعرف مصلحتها وعموماً ماهي نهاية الحياه لو مانحف كتابتي للموضوع للحصول ع كيفية مساعدته في تخفيف وزنه وذكرت إنه مافاد معاه التلميح الأعضاء ماقصروا جزاهم الله خير صدقني لدي الكثييييير من المشاكل لكني انسانه أحب الحياه واستمتع بها واكره النكد والتحدث عنه ومساعدة زوجي ع التخفيف لمصلحتنا الاثنين اعتبرها من متع الحياه شكراً لك |
رد: تغير شكل زوجي بعد غيابي عنه
اولا اختي اكبر غلط هو التأليف في نظام الحميه وممارسة الرياضه اعتباطا ..
الفحص ثم الفحص ثم الفحص .. من بعدها يقرر الدكتور مع اخصائي التغذيه كيف يقدر اخينا بالله انه ينحف .. يعني اول خطوه تبحثون عن السبب .. لاني مريت في مثل ها المرحله وكنت اتبع نظام غذائي من النت ومشي مع جري لمدة ساعه كامله ولا خفيت .. بس لما عملت الفحص طلع عندي احتباس املاح .. فكانت العله في اني لما اشرب ماء وامارس الرياضه تتفاقم المشكله اكثر فكان الحل في البدايه اني اكثر ماء بدون رياضه وخفيت قرابة الــ 20 كيلو بدون رياضه .. لذلك اول خطوه تبحثون عن المشكله .. النقطه الثانيه كل ما زاد العمر قلت قدرة الجسم على حرق الدهون .. فأنا قبل الثلاثين كانت اموري في السليم .. اما بعد الثلاثين من العمر اصبحت السيطره على الوزن صعبه جدا .. النقطه الثالثه .. لا تضغطين عليه .. انا كنت امشي في بداية المطاف على اني انزل نص كيلو او كيلو بالشهر .. الموضوع يبغاله صبر وموضوع الضغط ابدا ما ينفع .. خصوصا نحن كعرب اكلنا كله دسم ودهون وبلاوي سوده .. عكس الاجانب اكلهم اليومي يساعدهم .. بعد استشارة الطبيب خل ينزل برنامج في الاندرويد او الابل ايهما يستخدم الاول للمشي وهو NIKE يحسب لك كم تمشي في اليوم والثاني لحساب السعرات الحراريه ممتاز جدا .. يحصل فيه نوع الاكل وكم سعره حراريه ويحسب له كم لازم يحرق وكم يمشي من الالف للياء ... MYNETDIARY وان شاء الله انه راح يستفيد .. وتنزيل الوزن مب عشان يصير شكله احلى .. لكن عشان صحته تراها صعبه على السمين انه ينحف .. عكس الضعيف يحسب الموضوع سهل .. اسألي المجربين ^_^ وعلى وزنه الحالي لا يفكر ابد في العمليات الجراحيه ... العمليات هذه للحالات الميؤوس منها للي تعدت الــ 200 كيلو .. اما زوجك وزنه سهل ينزله .. .. |
رد: تغير شكل زوجي بعد غيابي عنه
انا اتفق مع الاخ خالد
لازم اخصائي وخليك انتي معاه بالخط عشان يتشجع وترا الاخصائي يخليك تختارين الوجبه الي تحبينها اويحبها زوجك باقل سعرات حرارية وبكذا مايحرم نفسه من الاشياء الي يحبها بعكس لو هو سوا نظام غذائي من نفسه |
رد: تغير شكل زوجي بعد غيابي عنه
اقتباس:
|
رد: تغير شكل زوجي بعد غيابي عنه
اقتباس:
خليني اقولها صريحه اتمنى منك اختي ماتزعلي اعتبريني اخوك ....! اذا مانحف زوجك ممكن تطلبي منه الطلاق ....! فرضاً ماعمل حميه ولاساعد نفسه ممكن تنفصلي عنه ...! اتمنى ماتزعلي مني هو مجرد استفسار لأنك لمحتي لهذا او قد اكون اخطأت......! والله المستعان |
رد: تغير شكل زوجي بعد غيابي عنه
اقتباس:
شكراً لك أخ خالد مااعرف كيف اشكرك لكن جزاك الله خير المشكله في الخطوه الأولى اذا تسهلت بتتسهل معاها الأمور الثانيه وفي شي ذكرته انه تتحسسو من الموضوع هذا صح طيب كيف اطلب منه الذهاب لأخصائي فكرت الفتره هذي اتركه لانه زاد وزنه اكثر من 9 كيلو في شهر والى الان حسسته إنه مافي فرق بين قبل ماشفته وبعد واحسه ارتاح ووقف تلميح ع ردة فعلي ع زيادة وزنه الى الآن تمام احسه مرتاح نفسياً تجاهي اني مو مهتمه لزيادة وزنه فإيش الخطوه الي بعدها كيف أبدأ أفهمه بدون مايتحسس نفسي يستغل الإجازه بالذهاب لأخصائي وبعدها للجيم هل اطلب من رجل ( اخويه او خالي) يقوله أفضل من اني أنا اقله ؟ حبيت استفيد منك بما إنك مريت بظروف مشابهه ان شاء ماتسحب علي زي الأعضاء الي قبلbfd |
رد: تغير شكل زوجي بعد غيابي عنه
شكراً لك ظل الياسمين 😘
الفلوجه وزنه مايحتاج لتكميم وبعدين انا من الأشخاص الي مو مقتنعه في العمليات لأجل التنحيف ممكن حبوب لكن عمليه يعني ذبح وتقطيع جسد عشان ينحف مو لازم ينحف |
رد: تغير شكل زوجي بعد غيابي عنه
اقتباس:
وبعدين برأيك هل يوجد إمرأه عاقله تفكر في الطلاق بسبب وزن زوجها ؟ أنا أشوف نفسي ان شاء الله من العاقلات yjufوان لمحت بشيئ فلا أقصد الطلاق أبداً وأكيد أخطأت في تفسيرك لكلماتي الي ربما كتبتها عفويه |
رد: تغير شكل زوجي بعد غيابي عنه
حبيبتي ليه ماتروحين إنتي وياه تسوون فحوصات
قولي له أحس عندي نقص فيتامينات على فكرة نقص فيتامين دال يأثر بالوزن وبرضوه نشاط الغدة سوو فحص للغدة والفيتامينات كالسيوم ، حديد ، فيتامين دال فيتامين بي المركب ، الزنك زوج أختي ماشاء الله سمن بس ولا فارقه معه لين راح سوا فحوصات ولقى عنده أملاح وكلسترول من بعدها خاف وصار يهتم بأكله ويمشي كل يوم ، هي فرصتك تاخذينه يسوي فحص شامل ويمكن ينصحه الدكتور إنه ينزل وزنه |
رد: تغير شكل زوجي بعد غيابي عنه
اقتباس:
موضوع الاقناع بيكون صعب شوي .. خصوصا ان امراض السمنه ما تبين الا بالفحص .. وان شاء الله يكون سليم وما عنده اي مشاكل صحيه .. في طريقتين عشان ينتبه على نفسه .. الاولى .. الانسان ما يتجه للفحص الا اذا حس باعراض بعض امراض السمنه واهني يكون طاح الفاس بالراس .. فاتمنى انه ما يوصل لهذه المرحله .. الثانيه .. تحنين وتزنين على راسه عشان يروح يسوي فحص شامل .. واحبذ لو انك تروحين بعد تسوين فحص شامل وتقولين له تراني سويت فحص شامل والدكتور عطاني ارشادات وكلمني بخصوص امراض السمنه من سكري وضغط وقلب وشرايين وكل ما يخطر على البال عشان يخاف ويروح ركض يعمل فحص شامل من نفسه .. انا لما سويت فحص قال لي الدكتور انت معرض للاصابه بالسكري بعيد الشر عليكم فــ اول ما طلعت من عنده قمت اخفف بالاكل وامتنعت عن السكريات نهائيا وصرت امشي الفجر ساعه والعشا ساعه في بعض الحالات لازم الشخص يحصل له لسعه خفيفه عشان ينتبه على صحته .. وما انصحج تلجئين لشخص اخر يكلمه نحن راسنا يابس في مثل ها الامور ويمكن يعاند اكثر واكثر وتسوء حالته اكثر .. فخلي الموضوع بينك وبينه وان شاء الله راح يسمع الكلام ويروح ركض يعمل الفحص .. ونصيحه اخرى لا تلجئون لاي من مراكز النيوترشن .. روحوا لطبيب ومستشفى مختص في مثل هذه الامور ... لي تجارب مع مراكز النيوترشن وعرفت انه شغلهم كلام فاضي وتجاري بحت ما همته صحتك انما همهم مافي جيبك .. هي اكبر مشاكلنا العناد .. متى ما تخلصنا من العناد امورنا راح تمشي في السليم باذن الله .. يعني بين فتره وفتره ذكريه بالموضوع .. بس مب يوميا .. راح يطفش ويزيد الطين بله .. واي مساعده اخرى انا حاضر .. لو تبغين برامج تغذيه مشيت عليها وكيف كان جدولي بحط لك اياها .. بس مو بالضروره تنفع زوجك لانه لازم يشوف دكتور ويعرف حالته .. |
رد: تغير شكل زوجي بعد غيابي عنه
اقتباس:
والحين في بالونه النايتروجين شي سهل واثاره الجانبيه مو كثيرة وما فيها على قولتج تقطيع جسد 💉🔪🔪🔪 |
رد: تغير شكل زوجي بعد غيابي عنه
اقتباس:
بعد الولادة بتراجع |
رد: تغير شكل زوجي بعد غيابي عنه
اقتباس:
الله يحفظ لك زوجك ويقر عيونك بصلاحه ورشاقته بعد ...! |
رد: تغير شكل زوجي بعد غيابي عنه
اقتباس:
اعرف اشخاص طول حياتهم يأكلون اكل صحي خضروات وفواكة وسطلة لكن للأسف لا يحسبوا عدد السعرات الحرارية ولا ينزل من وزنهم شيء بسبب اهمال حساب استهلاك السعرات الحرارية |
| الساعة الآن 08:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©