|
رد: زوجي والهدية
اقتباس:
|
رد: زوجي والهدية
قلبت عالوجه الحلو امس واليوم
وقلت له قبل شوي ابغى شغلات للعيد بابتسامه حلوه ودلع قال: طيب مع انك ماتستاهلي!! قلت نعم؟ قال ايه ماتستاهلي بعد اللي سويتيه انا هنا انفجرت عليه وقلت كل اللي بخاطري عصب وغصب انا غلطانه غلط فادح ورجع يذمني ويذم هديتي وقال لي يابخيله هديتك ماتوصل 100ريال قلت والله ب600 قال انا استاهل الفين قلت مافي بحسابي الا 5000 قال اللي يسمعك يقول 5 ريال قلت يعني اصفر الرصيد عشان ترضى؟ قال ما ابي منك شي يا الكذابه اثبتي لي انك كذابه ومحتاله وانا صدتك كلمه منه وكلمه مني وعلا الصوت ونزلت دموعي وجلس يتمنن علي بهديته اللي كرهتها قلت ما ابي منك شي وقال اني ما ابي سحورك ودخل يطبخ الاكل لنفسه |
رد: زوجي والهدية
انا لو تقبلت جملته لما قال: طيب مع انك ماتستاهلي
وقلت اوكي خلاص بكرا نشتريها كان ما صارت الهوشه بس انا ما تحملت انهان يومين على شي عملته بحسن نيه ما اقدر اتقبل يجرحني واسكت اهم شي اخذ اللي ابي قاعده غبيه الاحترام قبل الماديات |
رد: زوجي والهدية
اقتباس:
سيببيه اليومين هذي وتفرغي للباقي من رمضان الله يصلح الحال |
رد: زوجي والهدية
هديته هو شاريها لي حتى اكشخ للعيد
ناويه اتركها بالدولاب بعلبتها لاني فعلا كرهتها ودام يتهمني بالبخل ويقول لي حتى بالصيدليه تاخذي فيزتي!! فانا ناويه ما اخذ منه ولا ريال هالفتره وهالشي اعرف بيصغره عند نفسه وبعد العيد بدور لي اي وظيفه هذي قرارتي والله يكون بالعون |
رد: زوجي والهدية
كنت رح اقترح عليك تدوري وظيفة
لقيتك سبقتيني. دامه يتمنن عليك بالهدية و يقارنها بهديتك رغم انك مو موظفة عيب عليه قول معروف خير من صدقة يتبعها اذى حطي هديته لك بمكان يشوفه و خليها مثل ما هي. قومي بواجباتك عالصامت و ان كلمك ردي عليه على قد السؤال. تتذكري وش قالت لك شوك لما رجعتي بيتك دون ما تحطي النقط عالحروف ؟؟ ما تعلم ابدا من اللي صار و رجعت حليمة لعادتها القديمة باقل من شهر. الله يرزقك بالوظيفة و يعينك عليه |
رد: زوجي والهدية
مستمرة في تصعيد المواقف
للأسف ستسلكين الطريق الخطأ المشكلة أنك تعرفين الحل لكن عند التطبيق ترجعين لنقطة الصفر ومحلك سر... |
رد: زوجي والهدية
وما هو الحل يا محب السنة؟
|
رد: زوجي والهدية
معليش يا اختي انتي عارفه نظام زوجك وغيرته الشديده عليك، وخطأك بمقابلة الرجل عند الباب وأخذ الهدية، وهذا هو صلب المشكله ولو ما صار هالشيء كان اموركم مستقرة، فلذلك تحملي تبعات فعلتك..
معليش حنا هنا ما راح نجاملك، هو صحيح انك اجتهدتي وحاولتي تقدمين شيء جميل لكن تعديتي خط أحمر من الخطوط اللي وضعها زوجك واللي تعلمين عنها مسبقا.. لا تصعدين الموضوع وهذا مو في صالحك أبد، ودامك غلطانه تحملي تبعات خطأك حتى لو كنتي ترين أن الموقف ما يستاهل ردة الفعل الكبيرة.. وكان المفترض لما قال مع انك ما تستاهلي، انك تغافلتي ومشيتي الموضوع لانه كذا راج تمشي الحياة، لان زوجك واضح عليه ان الموضوع بالنسبة له شي عظيم.. وفقك الله لما يحب ويرضى.. |
رد: زوجي والهدية
موقف اليوم أنت ذكرتي التصرف الصحيح اللي كان راح يعدي الموضوع على خير
أستخدمي هديته في العيد و كأنه شي ما صار لا تعطي هديتك له لأحد خليها في مكان هو يشوفها و لا تلمسيها و لا تذكريها خير شر و صفي قلبك و أستفيدي من تعامل الأخت الفاضلة روح الطير مع زوجة و أنظري كيف تمشي الأمور بهدوء اللهم بارك و تعدي و لا تدقق في التفاصيل لتستمر الحياة أعرف أنه صعب و لكن يحتاج لجهد وصبر و ركزي على موضوع الصبر و الصلاة و اجعلي خطتك أنك تجعليه يحافظ على صلاته في جماعة المسجد وبإذن الله ستتحسن أموركم وموضوع الوظيفة إذا بتفتحيه معه يكون بشكل و دي و بعيد عن أسترجاع مواقفكما و مواضيع الكرامه و غيرها من الأمور الآي تشعل و تؤجج الخلافات ولكن تكون من باب رفع دخلكم كأسرة و تأمين مستقبلكم كأسرة و على قولهم دوري من وين تُؤكل الكتف ومستقبلاً لو حاول أستفزازك لا تنجرفي خلف أستفزازه و لا تشدين طنشي و كوني أنت الحكيمة وأسأل الله لك التوفيق |
رد: زوجي والهدية
كنافة ربي حطك في اختبار للصبر اعتبري نفسك دايما في تحدي مع اعصابك ارجوك
وادعي دايما لك و له بالحلم والبرود كان يكفي لما قال لك مع انك ما تستاهلي تعطيه نظرة.. انك مو راضية هو رجال وعنيد وعنده كبرياء انه يكسب النقاش خلاص مشيها و تقبلي طبيعته والله يا كنافة حبه لك واضح وبحثه عن رضاك بس عنده مشاكل في شخصيته وفي ردود افعاله هو المتضرر الأول منها. بخصوص ردة فعله على هديتك لازم تفصلي هالمشكلة عن هديته الله يرضى عليك متكلف وجايب لك شغلة قيمة وعنده أمل انها بتصلح الامور بينكم كملي معاه للآخر و البسيها واشكريه عليها لا تعاندين ماخرب عليكم الا العناد تعاملي معاه برقي وذوق ولاترضين على نفسك انك تسوين مثل أغلاطه ويصير الموضوع انتقام وتعامل بالمثل في موضوع جميل مثل الهدايا هو يحاول يصلح الاحوال و انت تحاولين لكن مع شخصيته يبغى له وحدة حكيمة وصبورة ومشغولة عنه |
رد: زوجي والهدية
وياليت تقدرين تقنعينه يروح اخصائي نفسي يساعده يضبط اعصابه ويعدل ردات افعاله المتطرفة
قولي له اذا تبغى تخسر حبي استمر بهذا الاسلوب واذا بتحافظ على ما تبقى من ود التحق بجلسات سلوكية |
رد: زوجي والهدية
الله يكون بعونك بس خلاص انتي عرفتي طبع زوجك حاولي تتناسين الموضوع واذا جاب طاري الهديه عادي قولي اكيد ماتقارن بهديتك انا ماعندي وظيفه وهذا اللي قدرت عليه وانت الخير والبركه واكيد باخذ فيزتك لانك زوجي ومسؤول عني
والهديه بمعناها |
رد: زوجي والهدية
انا ارى ان زوجك يحبك
ومستمتع باغاظتك مع تأكده التام من نقاوة وصفاوة معدنك |
رد: زوجي والهدية
اللي يقهر اني تجاوزت احداث ذكرى زواجنا
ورجعت طبيعي وامس زايره اهله وطابخه لهم واسولف واضحك القاه فجأه استفزني على شي قبل امس اشك انه يستمتع باستفزازي مثل ماقال لماذا نتزوج وهذا معنتاه انه انسان غير طبيعي اجل يذكرني بحسابي ويتهمني بالبخل وحسابي فيه مبلغ بسيط فلوسي زمان لما كنت موظفه وهو يقول ليه صاكه عليها !!! واول لما كنت اصرف على نفسي كان يتضايق ويحس اني مو محتاجه له ولما صار يصرف علي صار يتمنن ويتهمني بالبخل وكل هالاتهامات لما عطيته هديه يقول عنها: اقل من مستواي والله اني قاصره الشر دايما اندم اذا عطيته شي دايما اندم اذا عطيته اكبر من حجمه انا تحملي له هو اكبر هديه مشكلتي ماقدرت نفسي صح وعطيته وجه زياده عن اللزوم وصار كل شي مايملى عينه ابدا والاغرب ان فيه رجال يبررون له ويقولون اني اصعد والمفروض اسايره اكثر من كذا يعني؟؟!! سمعت كلام اللي قالوا عديها وانسي لقيته هو فتح الموال بعد يومين وبحقد وعتب وزعل |
رد: زوجي والهدية
انا احس زوجك لو شايف ان اللي صار غلطه كبيره ع شخصيته مستحيل يسكت ويضبط نفسه ويصبر الى الفجر
كان خربها من دخل البيت بس احس انه من داخل مقتنع ب مبرراتك بس يستمتع بدور الزعلان يحب يعاتب يحب يصعد الموقف ومهما قلتي وبررتي الزعل بياخذ وقته معه بس حكاية بخيله وهديتك مو من مستواي عيييب واسلوب اطفال زوجك يفجر بالخصومه مع انه يحبك بس اسلوبه وطريقته غلط ما اعرف لك الا حل الا الصبر والدعاء ان الله يهديه |
رد: زوجي والهدية
كنافة هديتك ب 600 ريال ، ممكن أعرف عبارة عن إيش؟!
وزوجك لما أهداك آخر مرة كانت هديته بالآلاف؟! وكيف مستوى عائلته أغنياء؟! ووظيفته ممتازة والا الراتب يا دوب متأكدة من كلامك عنه إنه ممن يقال عنهم " عائل مستكبر" عموماً نشوف من ردك |
رد: زوجي والهدية
على فكرة الزوجة المغيوظة واللي زوجها كل شوي يذكرها بأخطاؤها اللي ماسكها عليها ( سواء كان خطؤها من جد او لا) يكون شكلها مرة كيوت لبعض الازواج وهذي حلها ان الزوجة تكون مثل البطاطس او السمبوسة المقليه بزيت العربي بحيث تكون مقرمشة من برا ولذيذة وطريه من الداخل تغتاظ من برا ( مقرمشة) وتكون عادي من الداخل ( لذيذة وطرية ) مع تحيات زيت العربي :d ترا اتكلم من جد بس صغتها باسلوب مرح ومصير الصغير يكبر والعازب يتزوج ويقول الله يذكرك بالخير يبو لجين |
رد: زوجي والهدية
صح كلام اخوي لماذا نتزوج
وانا للاسف كنت مثلج كنافة ولما بنتي كبرت صرت استفزها وأستأنس من ردة فعلها لانها عسسسسسسسسل تنوكل كربونة انتي اذا طفرج مثل ما قال ( لماذا نتزوج) مثلي وجه الزعلان وبس وطوفي |
رد: زوجي والهدية
اقتباس:
ddg الحمد لله لقيت احد مستوعب كلامي مقابل الكم الهائل من اللي هنا اللي مش مستوعبين كلامي |
رد: زوجي والهدية
اقتباس:
لك بمثل دعواتك الطيبة ومستوعبة جدا بس ترى شي مو حلو ويضايق داخل القلب حتى لو كان الشكل الخارجي كيوت |
رد: زوجي والهدية
امي اليوم عزمتنا عالفطور الله يحفظها
قلت له قال اوكي ركبنا السياره حاول يحارش ماكلمته قال لي ببيت اهلي: تبغي نروح السوق قلت ياليت باقي لي اغراض للعيد ركبت السياره.. عصب ليه لابسه كعب قلت له كنا معزومين عند اهلي!! قال (بعصبيه) انزلي الحين دوري شوز فلات نزلت غيرت شوزي وركبت السياره شافني متضايقه جلس يقول ايش فيك يامره قلت ارجوك مالي رغبه اتكلم بشي قال دام كذا روحي للبيت احسن قلت واغراضي؟؟! قال مو لازم انا هنا عصبت وانفجرررررت نفس انفجاري اللي قبل شهرين رفعت صوتي وبكيت وقلت له طايح لي بموال ماتستاهلي انا --- ضيعت 5 سنين معك انت اللي ماتستاهل ظفري اطيعك واحشمك واخدمك وانت بس تشرشحني انا راقيه قبل اعرفك وجلست اقارن طفولته بطفولتي واني من يومي مدلله مو وجه بهدله لاول مره اقول له هالكلام وقلت له ما ابيك منك ولا ريال دامك تعايرني بمقاضي صيدليه وبقاله وانا ربه بيت ولاعمري ضغطت عليك بشي وانت بحسابك فوق المليون غير الاملاك وجلست اتحسب عليه وابكي وهو يقول اعتذري لي وابرجع عن حلفي واوديك سكت شوي بعدين قلت اعتذر عن كلامي قال طيب بنروح السوق بعد سكوت فتره جلس هو يسب ويغلط ويعاير ويدعي علي بالموت والمرض مارديت عليه وصلنا السوق مد لي الفيزا قلت شكرا ما ابيها قال خذيها بعصبيه حطيتها بالشنطه ورحت ماكينه الصراف اسحب لانه امس يقول لي شهر ماشفتك سحبتني ريال!! وانا فعلا مامعي كاش ومن زماااان مو طالعه السوق هو لما شافني سحب عصب وقال مصره عاللي براسك!! بتشرين بفلوسك!! قلت بهدوء: مامعي كاش ابد بالشنطه شريت لي تنوره وشوز ماركه ومكياج وعطر وشغلات ناقصتني دخلت اغلى المحلات وهو يوقف برا عند الباب ينتظر ولا طلعت الفيزا من شنطتي كل شي شريته من حر مالي خلصت وقلت له تفضل الفيزا مشكور قال ليه تاخذينها وانتي ما استخدميتيها قلت لانك اصريت اخذها !! ركبنا السياره وانا اضحك واسولف مع بنتي وهو وجهه معفووووس نزلنا البيت وراح لاصاحبه اللي دايم يفضفض له اكيد بيحش فيني كالعاده انا مرتاحه من اللي سويته حتى كسوه العيد اللي هي حقي الشرعي ما ابيها منه |
رد: زوجي والهدية
شوك انا زوجي من عائله فقيره
بس اغتنى على كبر عرف الدنيا والسفر والماركات على كبر انا العكس بنت عز من يومي لكن صرت ربه بيت لفيت الدنيا بطفولتي ودللوني اهلي بالنسبه للهدايا ما ابي افصل فيها بس هديته ب4000 ريال وهذا مايجي ثلث راتبه |
رد: زوجي والهدية
المرحلة اللي انتو فيها الان
اشبه بمرحلة تسبيك الطبخة بحيث تغلي الطبخة على نار هاديه وان شاء الله تنتهي مرحلة التسبيك على خير وتعيشو احلى قصة حب بس اصبروا شويتين ( كم سنة) مع الفضفضه والتثقف والتفاهم والتفهم بتضبط اموركم ان شاء الله |
رد: زوجي والهدية
اقتباس:
هناك قاعدة كبيرة وواضحة ( خيركم خيركم لاهله) وغيرها من التوصيات النبويه اللهم صلي وسلم على نبينا محمد الكافيه والوافيه لكن انا هنا اعطي نصائح وتوجيهات عمليه للعيش بافضل حل مع نفسية الزوج ولاحظي انه طبع في البشريه ( اغاظة الناس) فمع انك مكتويه من اغاظة زوجك لكي الا انك بتمارسيه مع ابنتك! طيب وماهو الحل؟ الحل عند زيت العربي :d |
رد: زوجي والهدية
لماذا نتزوج
ياليت تحليلك صحيح انا اتذكر عباره: يستفزوك ليخرجوا اسوأ مافيك ثم يقولوا هذا انت :( |
رد: زوجي والهدية
اقتباس:
فخلينا مع افضل التحليلات والله يفرجها |
رد: زوجي والهدية
اقولك شغلة كنافة حبيبتي بي اتمنى ما اضايقج فيها
انتي مو عارفة شلون تستغلين جمالي مع زوجج ادري في موضوع خدامة أهل زوجج ما قصروا الأعضاء بس اتمنى تستفيدين من اللي تقرينه وبالنسبة للسوق والله لو منج احك الفيزا حك ولا اخلي فيها دينار اشتري اللي ابيه واللي ما ابيه وبعدين اقوله ما تقصر وعقبها اسحب عليه ولا أكلمه بجذي انا الربحانة مو مهم يتمنن علي المهم اني أستفيد من فلوسه |
رد: زوجي والهدية
موهبه انا ما اقدر اكون كذا
اقسم بالله ارتحت لما شريت بفلوسي صدق خساير بس مو مشكله رضا النفس واكرامها اهم من الفلوس وزوجي ماتتخيلوا قد ايش انقهر هو يقهره شعور اني مستغنيه لاحظوا حتى بمشوار السوق يساوم ويذل وانا طاوعته واعتذرت حتى ماتتكنسل اغراضي الفيزا حقته وفلوسه كلها ماتهمني مافي اي نصر اذا شفطت فلوسه والنفس مكسوره واحد يقول لي انا اللي نظفتك وخليتك تلقي وهو اقسم بالله ماعرف اسماء الماركات الا لما اخذني هذا فلوسه كلها ماتهمني انا اقدر ارتب نفسي مو هو اللي على اخر الزمن يتمنن علي |
رد: زوجي والهدية
اقتباس:
اجل عنده عقدة نقص من المجتمع ومن حالة الفقر اللي كان فيها وبيطلعها فيكي الله يعينك |
رد: زوجي والهدية
اقتباس:
فاتفرق مبالغ المشتريات...حبيت اوضح بس |
رد: زوجي والهدية
يوه يا كنافه
صدق نكدية ومتعبة وما ترتاحين لين تاخذين حقك وإذا فكرتي تاخذينه، تاخذينه في الوقت الغير مناسب كنت أقول زوجك كربون من اللي عندي وأتعاطف معاك جداً لكن من مواقفه ومواقفك لا والله زوجك فيه خير لك مهما سوى! ماخذك السوق بعد فطور عند أهلك تغثينه وتنكدين عليه ليه تستغلين الموقف الجميل بإنك تنتقمين لنفسك ليه؟! طالما إنك من النوعية اللي تشيل في قلبها وطالما زوجك يحاول يسعدك لما يكون رايق فليه ما تتعلمين إنك لما تبين تعاتبينه تعاتبينه في أوقات روقان ولطف مو بنفخه وتكشيرة ومدة بوز ؟!! تصدقين بتوصلين مرحلة تنفرينه منك ، ويكون زعلك ورضاك بالنسبة له واحد! نجي لحركة الفيزا أمي كانت تقول لنا وإحنا صغار لما نزعل وما ناكل ، ازعلي على بطنك ماحد بيحس فيك! على فكرة عندي سالفة الكرامة عالية مثلك ، بس اكتشفت إنها قصور في الرؤيا وغباء مني!! اللي غيرك وتبي تطوع طبايع الرجال تشتري لنفسها وتشتري له معها، وتشكره وتمدحه وتدلع عليه بكذا يلين لك مع الأيام زي الصخر قطرة ورى قطرة مويه تنزل عليه تفتته. تبين صفحات من مواقفي الموجعه في هالحياة على شينه وعصبيته ولسانه الزفت ما يقدم شي إلا لو أعطيه وجه حطني على الحديدة حتى كلمة تجبر الخاطر ما فيه زوجك والله موب شين وبيتعدل مع الأيام ، بس الصبر وحسن التصرف. |
رد: زوجي والهدية
اقتباس:
هذا اللي نريد نوصله لها |
رد: زوجي والهدية
اعجبتني المشاركة72 عين العقلjk
ddg |
رد: زوجي والهدية
اقتباس:
|
رد: زوجي والهدية
كنافه
تقدرين تكونين متبلدة احساس مع زوجك؟ |
رد: زوجي والهدية
كنافة واااضح فيك إنك بنت شايفه خير ومحترمه وكرامتك فوق كل شي
زوجك ياكنافة ماينفع معه إلا الصمت إذا استفزك اسكتي واسمعيه وامشي صدقيني بيفكر مليون مره بطريقته معك لما يشوفك ساكته وتسلكين له اوكي يبي لها صبر وتصبر بس ان شاء الله تكونين قدها اهم نقطه احترميه وعطيه حقوقه مع الصمت عند المشاكل والله يهدي بالكن |
رد: زوجي والهدية
موقفك الاخير معه ماله أي معنى إلا انك غاوية نكد وفعلا متعبة ومتكبرة ونكدية مثله الله يهديك
كل هالكلام وهالغطرسة عشان قال لك غيري الكعب!! زوجك ويغار عليك ومن حقه مايبغاك بكعب في السوق وين المشكلة؟ لخبطتينا معد عرفنا المشاكل بينكم بسبب مين قلتي كلام ما ينقال والرجال مو مقصر معك ولسه جايب لك هدية وموديك السوق ومعطيك فيزته وش تبين أكثر؟ ليه حاطة المجهر ع الاخطاء وتاركة الاشياء الحلوة بتخربين حياتك بيدك وبكبريائك وقولي ماكنت ادري اغتظت منك يا كنافة لأني أبغى لك الخير |
رد: زوجي والهدية
نفسي اكتب الي بقلبي لكن بصراحه مااحب اكتب ولااعرف اوصل كلامي 😔
المهم لاتزعلي احسك نكديه 😙 على فكره تصرفات زوجي كانت شبيه من زوجك تقريبا ... لكن الحمدلله بشطارتي وتعاملي معاه تغير وتغييييير كتير للاحسن ...ربي يسعده ويرزقه الصحه والعافيه fffsg |
رد: زوجي والهدية
اقتباس:
عندي تصحيح بسيط "لكن الحمد لله بتوفيق من الله ثم بشطارتي ( الافضل : اجتهادي) وتعاملي معاه ، تغير كثير للاحسن" لاتنسبي اي نجاح لنفسك اولاً وانما انسبيه لله سبحانه وتعالى سلامي لاسرتك وزوجك الكريم |
| الساعة الآن 10:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©