رد: زعل زوجي بسبب سهري في بيت اهلي
 

مدري وش أقولك يامريم .. من جد ماني فاهمة ولامستوعبة سبب زعله بصراحة .. لا وكملها بكلامه الجارح .. يعني نسي كل شيء واهتمامي فيه ومجاهدتي بين البيت والدوام ويقول منتي راعية بيت .. لا ويقول مايملأ عينك شيء.. مدري وش يبي بالضبط..

رد: زعل زوجي بسبب سهري في بيت اهلي
 

هذي غلطتي المفروض ماأتكلم معه بأريحيه واخلي حدود لكلامي معه .. سبحان الله ماكأننا زوجين المفترض كل واحد ياخذ كلام الثاني بحسن نية..

رد: زعل زوجي بسبب سهري في بيت اهلي
 

هو فهم فالينها البنات لا تجي
او بتخرب علي السهره
كان لازم اما تقولين له تعال
او تستاذنينه تنامين
اما تعال بس تراك بتخرب علي سهرتي ما تضبط
عموما الموضوع كله ما يسوى زعل

رد: زعل زوجي بسبب سهري في بيت اهلي
 

ويزعل ويجرح ويقلب الدنيا ويطلع فيني عيوب الدنيا ويقول إنها وصلت معه حدها بسبب فهمه لكلمة .. يحق له يامبتعثه؟!!

رد: زعل زوجي بسبب سهري في بيت اهلي
 

لست كغيري
ممكن سؤال؟!
ليش جا في بالك سالفة الفلوس والعسل وإنه ممكن هي اللي مزعلته؟!!

رد: زعل زوجي بسبب سهري في بيت اهلي
 

ماشوف حاجة تستدعي الزعل ..
خليه يرضى من نفسه ..ممكن متنرفز من شي وحط الحرة فيك ..

خليه براحته
وحتى لو طرطع عليك مستقبلا اتركيه لاتجادلينه ..

اللي يزعل بنفسه يرضى من نفسه

رد: زعل زوجي بسبب سهري في بيت اهلي
 

لا مو العسل .. العسل أنا بدفع قيمته عنده أو ماعنده .. لكن إن رصيده خلص ومابادرت بمساعدته مدري أحس إنها لها دور بردة فعله..

رد: زعل زوجي بسبب سهري في بيت اهلي
 

مدري ياريماس أنا عن تفسي ماأحب الجو المتكهرب هذا في البيت . يصير مايطاق

رد: زعل زوجي بسبب سهري في بيت اهلي
 

والله قلبي واجعني .. ليه يعاملني كذا .. والله ماأستاهل هذا كله..

رد: زعل زوجي بسبب سهري في بيت اهلي
 

هالمرة رايتك بيضاء
بس ممكن يكون متضايق من الحالة المادية وقلة حيلته
وطلع حرته عليك.
تفهميه و عامليه برفق وحنية و قفي معه ولا تزيديها عليه انما تجاهلي غضبه ولا تأخذي كلامه أثناء الغضب بجدية
وتعاملي معه وكأن شيء لم يكن وبالعكس حني عليه وسيقدر هذا التصرف منك بالتأكيد.

رد: زعل زوجي بسبب سهري في بيت اهلي
 

بالرغم إن كلامه يجرح ويوجع القلب لكني ساكتة وصابرة وماني زغلانة لأن الحياة ماتستاهل .. والانسان مو دايم فيها .. لكن هو ماخذ موقف وجالس بالمجلس ومايجلس معي .. لو أدري إن وجودي بحياته يضايقه والله العظيم لاسحب نفسي من حياته لأني تعبت كل مرة يعيد نفس الكلام ..

رد: زعل زوجي بسبب سهري في بيت اهلي
 

هل الصح اني اطنشه هو بغرفة وانا بغرفة!!

والله ودي اقوله إذا هذا تعاملك معي فمالها داعي هالعيشة.. يعني وش يبي!! يبي تجي مني طلب الانفصال ولا ايش!!

رد: زعل زوجي بسبب سهري في بيت اهلي
 

هو الغلطان بزعله .. ما له داعي يزعل

بس انتي غلطتي ان في كل مشكلة تبين تنهين حياتكم
وتحسين انه ما يبيج ووو إلخ!
عادي تتهاوشون
وتتزاعلون
بس مو على طول تفكرين ان ما يبيج .. او ان بتتصلين في اخوج

رد: زعل زوجي بسبب سهري في بيت اهلي
 

روحي طيبي خاطره بكلمتين حلوين مع كاسة عصير.
ولا تدافعين عن نفسك وتقولين ماأخطئت. مو وقته.
دلعيه وعيشي دور الزوجة اللي قلبها كبير خليه يقتنع انك تغيرتي فعلا وكبرتي عقلك.

تذكري وقت ماكان متحمل حساسيتك وقت طويل ويداريك ويراضيك
جاء دورك تتحملين نفسيته وقت ماهو مضغوط.

رد: زعل زوجي بسبب سهري في بيت اهلي
 

رد: زعل زوجي بسبب سهري في بيت اهلي
 

لانه واضح من تصرفاته إنه مايبيني .. خلاص كاله داعي هذا كله .. يقول ماأبيك وخلاص.

رد: زعل زوجي بسبب سهري في بيت اهلي
 

تعامله يوصل لي رسالة إني مو مرغوب فيني في بيته..

رد: زعل زوجي بسبب سهري في بيت اهلي
 

بلهجتنا نقول لا تاخذين الكلام على عداله
😊 ما اعرف اترجم الجملة بس احسها واضحة
المهم....

الكلام وقت الضيق والغضب لا تاخذين عليه
كل واحد يبي يطلع حرته بالثاني و يدور الكلام اللي يغيضه
فمو معناته انه ما يبيج...
اذا على جذي جان نصنا مطلقات بعيد الشر!

رد: زعل زوجي بسبب سهري في بيت اهلي
 

كبري راسك وعادي تحملي
متكهرب ولا مو متكهرب اضغطي على عمرك

رد: زعل زوجي بسبب سهري في بيت اهلي
 

أنا مافكرت فيه يامبتعثة أنا أفكر في عمري .. ماأبي أكون ثقيلة في وجودي في بيته ... وبس .. ولا هو مافكرت في زعله لاني عارفة نفسي ماغلطت..

رد: زعل زوجي بسبب سهري في بيت اهلي
 

انا رجل متزوج جديد , وما عندنا اطفال , تقريبا نفس وضعك انت وزوجك , وحتكلم من وجهة نظري

اولا , ردك عليه لما قلتي " خلاص تعال مع انه فالينها مع والبنات " هذا الرد خاطئ , ليش ؟ هذا يعطيه انطباع انك ناسيته وما اهتميتي له , تلاقي الرجال منتظر اتصالك من اول عشان تقولي له خلاص تعال خذني , ولما بادر هو واتصل يسمع منك هذا الرد , انا لو مكانه بزعل صراحة , لاني بحس ان زوجتي مو حاسة بالمسؤولية , حتى لو مرة وحدة سويتيها , المفروض حركة زي كذا ما تطلع منك , خلاص انتي متزوجة وعندك زوج مسؤولة عنه ومسؤول عنك .

الخطأ الثاني : انك رحتي مع اخوك بدون علمه , هذا اكبر خطأ , ضروري جدا تعطيه خبر متى ما بتروحي او تطلعي اي مكان مع اي احد , حتى لو ابوك , اذا كان حتى الصدقة ما يجوز تتصدقي الا بإذنه .

ونومك خارج بيتك وزوجك زعلان منك , هذه لحالة مشكلة . ما اتخيل تصير معي , والله انام وانا مقهور وثاني يوم حكون مجهز رد شديد اللهجة , ما الومه لما تكلم عليك ورفع صوته , تلاقيه مقهور من ليلة امس , انه نام وهو زعلان ومقهور منك , وهذا يفسر انه قالك العزوبية احسن لي .

اكبر غلطة سويتيها : لما قلتي " منت مجبور بتصل على اخوي ياخذني " , هذا غلط كبير جدا , هذا يعطيه انطباع انك مو مهتمة له , وما يهمك قعدتي معه ولا لا ,, ما بيحس بالامان في بيته , وزوجته في اي وقت ممكن تسيبه ومو هامها . ما اتخيل الكلمة هذه تطلع من زوجتي , صراحة بأحس بالاهانة , انه عايش مع وحده ممكن تتركني ولا همها .

انا مو قصدي احط اللوم عليك , بس هذه اخطائك اللي عملتيها ولازم تعدلي من نفسك وتبيني الاهتمام لزوجك , فيه خطوط حمرا لا تتعديها , وغالبا اللي تمس كرامة الرجل , ترا الرجال اعز ما عليه كرامته , ممكن يخرب بيته بس عشان ما تمسي كرامته , وهنا المفروض تجي الحكمة والعقل , الواحد يقدم تنازلات حتى لو على حساب كرامته عشان تمشي الحياة , زوجك حساس على ما يبدو وضروري تداريه وتاخذي بخاطره .

الله يوفقكم

رد: زعل زوجي بسبب سهري في بيت اهلي
 

رد: زعل زوجي بسبب سهري في بيت اهلي
 

اجلسي معه وشوفي وش مضيقه ضدر بالضبط اتوقع في خاطره شئ غير موضوع نومك عند اهلك

رد: زعل زوجي بسبب سهري في بيت اهلي
 

بالعادة زوجي يحط الفكة الباقية من المصروف على المدخل .. كان دايم في ميات وخمسينات وعشرات .. اليوم الصباح شفت عشرين ريال بس كل اللي باقي معه وباقي أسبوعين على الراتب .. ضاق صدري عليه .. ماتكلم وماأبيه يحرج نفسه مع أحد يمكن يعطيه ويمكن لا .. وهو اللي متدين ألف ريال بعد ماأعطى امه باقي الراتب عشان يمشيني في اسبوع الاجازة ومايحسسني بنقص .. وقتها لمت نفسي كيف أقدر أشوف زوجي كذا وماأساعده لو بشيء رمزي بدون ماأجرحه .. جات في بالي فكرة أحط بطاقتي الصراف في منديل واحطها بدرج السيارة .. وفعلا حطيتها بدون مايحس وارسلت له أخبره عن مكانها وقلت له يسحب اللي يبي .. ويشهد الله ماأبي منه شيء بس لوجه الله .. المهم هو قرأ الرسالة ومارد علي ..

رد: زعل زوجي بسبب سهري في بيت اهلي
 

😳ما احس تصرفك كويس

رد: زعل زوجي بسبب سهري في بيت اهلي
 

مدري يامسز .. وربي ماأبي من هالشيء إلا وجه ربي .. ليش يحتاج والحمدلله ربي منعم علي .. أعطي الغريب وأساعد المحتاج وهو ماأساعده .. عشان إيش!! عشان دنيا !! لا والله مافي شيء يستاهل.. والواحد يعمل بأصله وأخلاقه في النهاية..

رد: زعل زوجي بسبب سهري في بيت اهلي
 

بس انت مفروض تتفاهمي معاه على سوء الفهم
مو سالفة الواحد يعمل بأصله و أخلاقه. ما حبيتها منك. يعني انا أقولك اعملي شي خارج الأصول و التربية!!
يعني هو زوجك ما يزعل من حركتك ذي. كأنك تراضيه بالفلوس
اعطيه ما قلنا شي. بس حسيتها كأنها صدقة بهذه الطريقة

رد: زعل زوجي بسبب سهري في بيت اهلي
 

المشكلة يامسز كل واحد منا ماخذ فكرة عن الثاني ومثل ماأنا بديت أشك في حبه لي يمكن هو بدأ يفقد الثقة في حبي له .. المسألة مسألة ثقة مو أكثر .. وبالنسبة لفهمه باني اراضيه بالفلوس لا ماأعتقد لان ببساطة ماقدمت له المساعدة إلا وانا متاكدة إنه يحتاجها مو مسألة اراضيه او صدقة .. لأن في المشاكل السابقة مافكرت اقدم له فلوس لانه ماكان محتاج وهالشيء يثبت له قبل يثبت لي إن القصد من الفلوس أبدا مو ترضية له..

رد: زعل زوجي بسبب سهري في بيت اهلي
 

حط لي البطاقة على درج السيارة من جهتي بدون مايقول شيء .. طبعا ماسحب شيء..

رد: زعل زوجي بسبب سهري في بيت اهلي
 

تصرفك خاطئ جداا
كذا بيحس انك تراضيه بفلوس وهذي اهانه للرجال

رد: زعل زوجي بسبب سهري في بيت اهلي
 

تصرف خاطئ جدا , قلت لك في ردي السابق , اعز ما على الرجال كرامته , انتي مو بس اهنتي كرامته , انتي دستيها برجولك

واللي بالأحمر , يبين انك فعلا تفكرين كيف تذليه او تتفضلي عليه , وش اللي لوجه الله ؟؟ حرام عليكي هذا زوجك , لا تجلسي كذا تعامليه كأنه فقير

الله يعينه عليكي بجد tgb53f

رد: زعل زوجي بسبب سهري في بيت اهلي
 

أحبه عزيزتي بكل مشاكلكم يكون الحق معاك بداية الأمر وللاسف بسبب تسرعك تنقلب الطاولة عليك و ينحط الغلط عليك ! ..

يوم زعل جان ظليتي فعلا ببيت اهلك واليوم الثاني رجعتوا بظل الرجعه وقت الفجر او الصبح ! يكون هو بعمله او بالخارج وانتي تجهزي اموره مثلا من وجبه هو يحبها وتعطري المكان وتهدئيي الامور وارسلتي بكل ود ( ياحبيبي انتظرك على احر من الجمر ببيتنا) وان عاتب فعاتبيه بدلع وهدوء مثل ( يعني ماتفرح لفرحي ؟ انا حبيت اغير جو طول الاسبوع بالبيت لا ونيس ولا جليس) ..

حاليا ،،، طنشيه ولاتحاولين ارضائه باي شكل .. اتركيه يهدء كما في المرات السابقة ولاتضغطي عليه من الناحية المادية اي لاتجيبي سيرتها لابخير ولابشر ! .. شي ناقص بالبيت انتي اشتريه من غير ما تطلبيه منه( مراعاه لوضعه بشكل غير مباشر) اكملي الاحتياجات من نفسك ومن غير مايطلب اسحبي فلوس وخليه بالثوب بدون ولا كلمة او رسالة ...

عزيزتي ،، لحد الان مشكلتكم ما حليتوها .. زوجك يحس بعدم الثقة والامان عندك ،،، وانتي تحسي بانه باي وقت هو راح يستغلك ويستغني عنك !! .. مشكلة وتحتاج حل والا فامور راح تتعقد اكثر ...

رد: زعل زوجي بسبب سهري في بيت اهلي
 

الله اللي يعلم عن نيتي لاتحط شيء بذمتك .. أصلا من أنا عشان أهينه وأذله .. ولو عندي فلوس بيدي وربي لاحطها في جيبه بدون مايدري .. لكن للاسف ماعندي وماأحد بيسحب لي من الصراف وهو مايكلمني..

رد: زعل زوجي بسبب سهري في بيت اهلي
 

ياحبيبتي لما رجعت هو كان موجود في البيت وكان يوم إجازة مافي دوام ..

بالنسبة للفلوس أنا ماعندي فكه بيدي لازم أحد يسحب لي من الصراف وماأقدر أخرج لحالي بدونه فما كان قدامي إلى هالطريقة.. فعلا مثل ماقلتي المشكلة في عدم الثقة..

رد: زعل زوجي بسبب سهري في بيت اهلي
 

سؤال
هل علاقتكم حميمية و تبادرينه
وتفلينها معه أو تكونين عنده مستحيه وسوالفك معاه بالقطاره و لا ضحك ووناسه بالبيت

رد: زعل زوجي بسبب سهري في بيت اهلي
 

لا أبدا علاقتنا حميمية وأبادره وضحك وسوالف ووناسة في البيت .. بس حاليا كل واحد لحاله في جهة .. مايجلس معي في الصالة وينام لحاله .. ويدخل ويخرج من البيت ولا حتى يسألني تحتاجين شيء .. تخيل بس على الخبز والجبن ..

رد: زعل زوجي بسبب سهري في بيت اهلي
 

أنا أكره زعله .. يمحي وجودي من البيت ولا كأن في انسانة معه لها حقوق .. لاحول ولاقوة إلا بالله أحس إنه كارهني .. وش اللي يقعدني مع انسان مايبيني!!!

رد: زعل زوجي بسبب سهري في بيت اهلي
 

بالعكس
أرى أنه يحبك بكل ماتعنيه الكلمه من معنا
لكنه كأنه طفل و من شدة حبه لكي لا يزعل من الإشارة إلى أنك مستانسة مع غيره

رد: زعل زوجي بسبب سهري في بيت اهلي
 

بسألك سؤال واسفه اذا بيضايقك بس هدا اللي اشوفه
انتي تقولي ع خبز وجبن وقبل تقولي ماسألني تبغي عشاء
ليش انتي ماتطبخي في البيت ولا ماعندك اغراض
لأن مستحيل بيت دحين مافيه ع الاقل معلبات ولامفرزنات
ادا ماتطبخي اتوقع السبب الرئيسي للمشاكل الطبخ الرجال يحب
اللي تهم اكثر شي بأكله

رد: زعل زوجي بسبب سهري في بيت اهلي
 

ياأختي زوجي مايحب يقضي بالكمية .. يقضي كل شيء في وقته.. وإذا ابي أسوي شيء اطلب منه الاغراض ويجيبها في وقتها وأطبخ .. وهالفترة لأنه زعلان ماقام يسأل .. وأنا عن نفسي ماأحب أطلب خاصة وضروفي المادية كذا .. أتمنى تكوني فهمتي وضعي..

طبعا قبل أمس طلبت منه اغراض عشان اطبخ في البيت قالي مايحتاج قلت براحتك .. وماعاد طلبت منه شيء غير الخبز والجبن..