رد: كيف أنفصل عن زوجي مادياً..
 

مستغربه الزوج اللي ياخذ صرافة زوجته
الاغرب الزوجه تعطي زوجها صرافتها!!

تقولك فلوسه هو يستثمرها وفلوسها للصرف على البيت!!

رد: كيف أنفصل عن زوجي مادياً..
 

اي مستغربة من الاثنين ..

رد: كيف أنفصل عن زوجي مادياً..
 

الاغرب من هذا و ذاك

شلون بعض الرجال يرضونها على انفسهم!

آنه مع انج تصارحينه...

رد: كيف أنفصل عن زوجي مادياً..
 

اتزوجت وأبوي شارط عليه تدرس وتشتغل وراتبها لها وأنت من يوصلها ويرجعها،طبعاً بليت شروطي وشربت مويتها.

أول ما اتوظفت وهو عينه ع قروشي (كمعظم الرجال) وصارت بيننا مشاكل كثيرة بسبب الفلوس.لأنه يصرف ومايقدر يوفر..

قلت وش ذنبي؟الله فرض عليك النفقة مافرضها علي،إذا ماقدرت توفر تسوي مشاكل معي ليش؟ قال إنت لازم تمدين وتساعدين عشان أنا أقدر أوفر وأبني بيت للمستقبل..

سنين وأناعايشة بدوامة الراتب،الين انتهينا إلى حل راتب يُصرف وراتب يُستثمر وكله للعيال ولمستقبلهم..وكعادتي أقدم تنازلات وبطولات وافقت عشان أحافظ على بيتي من البراكين والزلازل اللي كانت كل لحظة تدمرها..

رد: كيف أنفصل عن زوجي مادياً..
 

والله انك صادقه
المصيبه هي تشوفه لقطه وماةفيه زيه اثنين
والله لا لقطه ولا يحزنون
دام صرافتي بجيبه طبيعي بيداريني ويشيلني من الارض شيل
لكن خذي صرافتك وشوفي اللقطه وش يصير

رد: كيف أنفصل عن زوجي مادياً..
 

كان قلتي راتبي للاستثمار
وراتبك للصرف على البيت

رد: كيف أنفصل عن زوجي مادياً..
 

ام دان بسطيها بتبسط
انت مجرد ما تقولي له ابغى صرافتي
مخه بيترجم كل شيء و ماله عين يجادل او يعاتب.

رد: كيف أنفصل عن زوجي مادياً..
 

راتبه عليه ارتباطات كثيرة جداً جداً في الوقت الحالي،
مو نذالة مني أسحب صرافتي بهالوقت؟
مو كأني جالسة أساومه؟

مشتتة أكاد أُجن.😔

رد: كيف أنفصل عن زوجي مادياً..
 

اسفة عزيزتي
بس التزاماته الكثيرة لم تمنعه من الزواج و مصاريف زايدة
على الاقل خذي صرافتك. و قومي بحاجياتك
حتى لا يكون الضغط عليه كبير

رد: كيف أنفصل عن زوجي مادياً..
 

من رأيي الغي بطاقة الصراف وطلعي وحده جديده وارسلي له مسج انك حدثتي البطاقه وان اللي حصل بيغير أمور من ضمنها انك بتحافظي على فلوسك وطالبي بحقوقك كزوجة كسوه ومصروف شهري وخليك هادئة وحازمه
انت صرفتي كل هذا السنين واشتريتي خاطره وفي النهايه كان جزائك صفعة وغدر لا تخجلي ولا تترددي هو محتاجك وراح يرضى بالأمر الواقع بس لا تكوني مترددة ولا تهادني في حقوقك اللي شرعها الله لك

رد: كيف أنفصل عن زوجي مادياً..
 

التزاماته الكثيرة مامنعته من الزواج وبعدين
انتي ساعدتيه سنين
اطلبي بطاقتك بأسلوب صريح وواضح وفلوسك اصرفيها على نفسك واولادك فقط..

رد: كيف أنفصل عن زوجي مادياً..
 

1+
مع مس داني

رد: كيف أنفصل عن زوجي مادياً..
 

استخرت وقررت أطلبها والله يكتب مافيه الخير.

رد: كيف أنفصل عن زوجي مادياً..
 

خيرا فعلتِ ، لا أحسنَ من الحوارِ و التفاهم !!

رد: كيف أنفصل عن زوجي مادياً..
 

قلته له ياأبو أحمد أبي صرافتي وكل قرش صرفته من راتبي(هذه المرة الأولى أناديه أبو أحمد عادة أناديه بإسمه)

نظر لي نظرة طويلة عريضة قال آخر شي توقعته منك.

قلت زين إنك توقعت آخر شي يصدر مني هالشي لكن أنا ماتوقعت نهائياً يصدر منك اللي صدر.

معناه إنت أنصح مني لأنك حاسب حساب اليوم ذا لكن أنا أهبل منك ماحسبت حساب هاليوم.

حتى الحلال أتحاسب عليه؟،

لاتنرفزني إنت تزوجت وأنا ماناقشتك ولا جادلتك ولا قلت لك شي سويت الحلال..خلاص إنت كمان مالك حق تناقشني في راتبي..راتبي حقي وحلالي..وماشاء الله مدام إنك تتحرّى الحلال خلاص فكر كيف بترجّع لي اللي أخذته..

طلع البطاقة وحطها على الطاولة وقرب عندي سلم على راسي وقال أنا وإنت اللي بيننا أكبر من الفلوس وأنا ماراح أزعل منك لأني مراعي نفسيتك.. كل شي لك ولعيالك ولا تضايقي نفسك..

قلت له هذا كان زمان ومدام صار فيه شركاء كل شي لازم يتغير ..

قال هي وطلقتها وش بقي ماعاد فيه شركاء،،

قلت له اسم الله عليك وعلى حساباتك الدقيقة والمحروس ولدك ماله نصيب؟

هذا الضعيف الصغير حاسدته؟
قلت اي حاسدته شرايك؟
ومهرها اللي دفعته؟وبيتها؟
والأغراض اللي كنت تشتريها لها؟
حليب ولدك وأغراضه؟

فكر زين وعيد حسابات حياتك .
رغم اللي سويته أنا ماغلطت عليك ولا على ولدك ولا على أمه، رجاءاً لاتجبروني أغلط عليكم..

أبي أرضيك وش اللي يرضيك؟
مافي شي يرضيني ولا في شي يداوي جرحي.

صار يضحك ويقول أجل و ش تبين بالبطاقة
قلت أأمن نفسي من غدرك وغدر عيالك وغدر الناس.

أنا بعد هالعمر لو تطلقت منك وين بروح؟
شقا عمري لك ولعيالك وولدها؟
أنا من لي؟
عيالك صفوا جنبك قالوا مانتخلى عن أبونا،
طيب وأنا من لي؟
وين أروح ولاقرش ماعندي،
أطلع من بيتك بلاحمص بعد هالعمر،؟
رجع لي فلوسي أبدأ حياتي من جديد.
بعد اللي سويته الثقة فيك وفي عيالك وفي كل الناس صفر.

شوفي لاتعيدين وتزيدين فلوسي فلوسي تراك زودتيها،
تغطى ونام أو مسوي نفسه نايم مدري عنه.

رد: كيف أنفصل عن زوجي مادياً..
 

هل فعلا طلق زوجته الثانية يا أم دان ؟؟!!!!!!!!!

رد: كيف أنفصل عن زوجي مادياً..
 

والله ماهمني شي الحين غير صحتي
والله ياناس صار يجيني صداع غريب غريب مايفكني ولا بأي دوا

رد: كيف أنفصل عن زوجي مادياً..
 

الله يشفيكِ و يرفع عنك ...

ما هو شعوركِ بعدَ الحوار ؟
و هل تحسنت نفسيتكِ بعد استلام البطاقة ؟

رد: كيف أنفصل عن زوجي مادياً..
 

الصراحة ماتحسنت نفسبتي ولا شي
لأني ماكنت أحب نوصل لها المواصيل
بالعكس جالسة أبكي
ماكنت أحب نوصل لطريق مسدود.

حاسة إني اتصرفت تصرف عكس أخلاقي
عزائي هو من أجبرني

رد: كيف أنفصل عن زوجي مادياً..
 

لا حول و لا قوة إلا بالله ...
لا تبكي يا أم أحمد ...
اللي دار بينكم حوار و تفريغ ضيقة فصدرك بطريقة جدا صريحة و محترمة ..
فلا تحزني ابدا ...
اما الكلام فأفضل من السكوت و الضغط اللي يعقبه انفجار ..

رد: كيف أنفصل عن زوجي مادياً..
 

الله يجعلك من كل هم فرجًا ومن كل ضيق مخرجًا

الله يطمن بالك ويريحك

رد: كيف أنفصل عن زوجي مادياً..
 

رد: كيف أنفصل عن زوجي مادياً..
 

ام دان ،، قولي له المطلوب ، انتي لا باغية البطاقة ولا غيرها ... انتي قلبج مكسور ! قولي مافي قلبك فقط وخليه يسمعك ... المثالية الزائدة تنتج ألم اكبر، جرح أعمق ، امراضانتي بغنى عنها ويكبرك بالسن عشرررين سنة قدام !

رد: كيف أنفصل عن زوجي مادياً..
 

خلاص ام احمد
الحمدلله اخذتي البطاقه
لاعاد تفتحين معاه مواضيع ثانيه تخص الماده
والله يكتب لك الخيره بامورك كلها

رد: كيف أنفصل عن زوجي مادياً..
 

رب ضارة نافعة يا أم الدان
بطاقتك رجعتلك بدون شوشرة والحمدلله

واللي اخذه .. لا تطالبين فيه دام انه اخذه
برضاك

لعل قصتك تكون عبرة لباقي الموظفات

رد: كيف أنفصل عن زوجي مادياً..
 

الله يجبر بخاطرك

رد: كيف أنفصل عن زوجي مادياً..
 

الحمدلله ان البطاقة رجعتلك
حاولي تشترين لك شقه واجريها خاصة العقار نازل
وبالنسبه للي صرفه زوجك من رأيي انك ماتطالبي فيه لانك كنتي راضيه مو غصب عليك
اطلبيه مثلا عقار يكتبه باسمك مقابل انه كان يستثمر راتبه والعوائد لكم ويصرف من راتبك

رد: كيف أنفصل عن زوجي مادياً..
 

السلام عليكم ورحمة الله وبركاته
أختي أم دان انا متابعه لكي من البدايه
وهذه اول مشاركه لي
لأني شعرت أنك بلحظة ضعف وانكسار قلب مجروح
ستهدمي ما بنيتيه لسنوات
وكلي أمرك لله
لو أن زوجك لا يهمه أمرك وأن غلاوتك عاليه جدًا عنده
لم يطلق زوجته وقسم الايام بينكم
لكنه فضل طلاقها على المبيت عندها
لأنه يحبك ويغليكي
من حقك طلب بطاقتك لكن كنت أتمنى أنك لم تطلبي
ما صرفتي سابقًا
انسي أمر أموالك اللتي صرفت واستخلفي الله فيها
وطلبي العوض من الله
من الآن فصاعدًا استثمري مالك
أشعري زوجك أن المال لم يكن أبدا همك
ولكن الجرح والطعن والخذلان من أقرب وأغلى أحبابك
حاولي أن تكثري من الدعاء في ثلث الأخير من الليل
أن يخرجك الله من هذه المحنه أقوى ايمانًا وأحكم عقلًا
وأهدأ بالًا
الله يجبر كسرك ويفرج همك يداوي جرحك

رد: كيف أنفصل عن زوجي مادياً..
 

ام دان ليش ما طلبتي البطاقة فقط
دون التحدث فيما صرف مسبقا؟؟

رد: كيف أنفصل عن زوجي مادياً..
 

عجبتني صراحتك وردة فعل زوجك تدل أيضاً على انه يحبك جداً ولكنه لم يدرك عمق جرحك إلى مدى !

أعانك الله 🌸

رد: كيف أنفصل عن زوجي مادياً..
 

الحمدلله أخذتي البطاقة ..اذا تقدري اتسافري اتغيري جو اتروحي مكة عمره أو المدينة لترتاح نفسيتك وتبعدي شوي
عن جو البيت..
الله يهدي بالك ..

رد: كيف أنفصل عن زوجي مادياً..
 

ام احمد
بصراحه زوجك رجل محترم
ورده لك يعبر عن حبه لما قال لك "اللي بيننا اكبر من كذا"
احتفظي ببطاقتك ولكن لا تطالبيه باللي فات
ولا تغضبي من أولادك فوالله انك أحسنتِ تربيتهم وربيتي رجال ماشاء الله ومساعدتهم لوالدهم لا تنقص من قدرك ومو معناها انهم ضدك لكن الموقف استدعى منهم هالتصرف
وانا متأكدة ان اولادك مايقدروا يستغنوا عنك
الله يفرج همك ويهدي بالك

رد: كيف أنفصل عن زوجي مادياً..
 

ام الدان الخطوة الثانية من ناحية تصرفك
بأموالك اشوف لو تكونين غامضة فيه افضل
اولادك كبار ماشاء الله مو لازم كل خطوةة
يعرف فيها زوجك ..
مثلا بحال انه اشترتي شقة تمليك
مولازم يدري خليك لك وللزمن والله لا يجيب اليوم
اللي تنتقلين لها

رد: كيف أنفصل عن زوجي مادياً..
 

الحمدلله رجعت بطاقتك الان لا تفتحي الموضوع لكن اذا شميتي ريحة فلوس اطلبيها منه لاي شي تحتاجيه

واقرأي القران كثيييير

مااستفاد الا انه خسرك بزواجته هذي مارح تكوني الزوجه الي يعرفها

وبيني وبينك تألمت لموقف أولادك انا ماعندي الا أولاد وشاده ظهري فيهم اذا كبروا😭
حتى مو متوظفه

رد: كيف أنفصل عن زوجي مادياً..
 

عفواً ما فهمت!!

شو التصرف اللي كان متوَّقع من عيالكم؟!!!

رد: كيف أنفصل عن زوجي مادياً..
 

كان المفروض تطلبينه الصرافة فقط ..

رد: كيف أنفصل عن زوجي مادياً..
 

تصرفاتك هذه تريحه
وتبعد عنه اي احساس بالذنب او الندم
عموما انا اراه انسان محترم وخلوق
واذا كان ع الزواج
من الرجل الذي لا يفكر بالزواج ع زوجته ؟
ولو ازحنا العواطف
ونظرنا بالعقل
فماهو خطأه ...
اما مطالبتك بما سبق واعطيتيه
فهو كلام ف ساعة غضب
والله يهدي النفوس

رد: كيف أنفصل عن زوجي مادياً..
 

الله يربط ع قلبك ويريح بالك
اكثري الاستغفار وحاولي ماتفكرين اهم ماعليك صحتك

رد: كيف أنفصل عن زوجي مادياً..
 

نفس استفهام و استغراب مهره؟!!!

عيالك تصرفهم سليم لا تخلوا عنك ولا عن ابوهم
المفروض تفتخرين فيهم

رد: كيف أنفصل عن زوجي مادياً..