|
رد: خيوط الألم تنبعث منها أمل ( مساحتي الخاصة
أعتذر عن غيابي أمس ولعدم الكتابه لظروف خاصه دعواتكم .. 💐
|
رد: خيوط الألم تنبعث منها أمل ( مساحتي الخاصة
فرج الله همك و أسعد قلبكِ و يسر أمرك....
آمين |
رد: خيوط الألم تنبعث منها أمل ( مساحتي الخاصة
لا تحرمينا ما جديدك !
|
رد: خيوط الألم تنبعث منها أمل ( مساحتي الخاصة
اقتباس:
|
رد: خيوط الألم تنبعث منها أمل ( مساحتي الخاصة
اقتباس:
|
رد: خيوط الألم تنبعث منها أمل ( مساحتي الخاصة
اقتباس:
|
رد: خيوط الألم تنبعث منها أمل ( مساحتي الخاصة
اقتباس:
|
رد: خيوط الألم تنبعث منها أمل ( مساحتي الخاصة
وصلنا البيت ونزلت من السياره من قبل مايوقف وعصب، دخلت البيت جدّاني مابعد يجون من بيت أبوي فهد صعدت جناحي ورميت عباتي ع القنفه الا هو داخل فتح الباب بقوه وصفعه وراه نقزت من قوو الصفعه وهو بقمة عصبيته : وش ذَا الحركات البزرانيه
مارديت عليه عطيته ظهري بدخل غرفتي لكن مسكني ولفني عليه وصرخ بوجهي : كم مره أقول لك لما أكلمك ماتعطيني ظهرك وتسفهيني<< الحركه ذي تقتل الرجال بشكل :d رديت عليه بهدوء قاتل عكس اللي بداخلي: فيصل وش فيك وش اللي مضايقك ومعصبك كذا أنصدم من كلامي وأرتخى بمسكته، إبتسمت: مستغرب !! لا عادي هذا طبعك حفظته كل ماتضايقت جيت وفرغت كل ضيقك وعصبيتك بالحماره اللي عندك << عز الله القارئ>> مارد عليّ ظل ساكت سحبت يدي من أيده وأبتسمت أكثر: طيب سؤال ثاني! إلى متى وحنا ع الحال هذا ياشيخ ماتعبت لأنه أنا بصراحة كل طاقتي إستنزفت تعبت . جلس وحط رجل ع رجل : مااحد غصبك هذا إختيارك تحمليه ، لاتسوين فيها مظلومه وتتشكين لمنى وغيرها .. أستغربت وش دخل منى بالسالفه لحظه تذكرت أكيد تكلمت معه بالموضوع من كذا هو معصب وثاير عليّ غمضت عيوني وفتحته وجلست ع الطاوله قباله : صح هذا إختياري بس فينا نغير من الحال هذا ونرتاح رد عليّ ببرود الا صقيع: عشان كذا أنا قررت ؟! كل آذان صاغيه : وش قرارك ؟ وقف ورمى كلمته اللي كسرتني الى أشلاء متناثره: بتزوووج << مشى صوب غرفته وانا مازلت مصدومه استوعب القنبله اللي رماها << لحقته لغرفته وفتحت عليه الباب من غير ماأطرق وكان يبدل كان لابس بنطلون البيجاما من غير تيشرت ☺🙈>> أنا بصدمه : وانا ؟ ببرود : وإنت إيش؟ بقهر : أنا وش موقعي بحياتك؟ فيصل بإبتسامه عريضه : هذا إنت تحددينه تظلين ع ذمتي وع نفس الحال ومكانك هنا مايتغير مع جدّاني وأنا وزوجتي بأخذ لها بين ولا .... قاطعته: ولا أيش عطاني ظهره يكمل لبسه : نتطلق وكلاً يروح في طريقه.. مسكت زنده ولفيته عليّ وصريت ع أسناني: إسمع الليله اللي ببتزوج فيها تكون ورقتي بيدي قبل صباحها فااااااااهم << صرخت ع اخر كلمه وصفقت الباب بكل قوته اللي هزت كيان كل واحد منا .. دخلت غرفتي وقفلت عليّ الباب ورميت نفسي ع السرير وغطيت وجهي بالمخدر تكتم نوحي لايسمعه وأنفضح .. إنها حيلي من البكا وعرفت بدموعي مابقدم ولا بأخر شي ولا راح أغير حياتنا بالضعف هذا جمعت نفسي وقمت توضيت وإلتجأت للي أعلم بحالي واللي بيده قادر ع كل شي بثيت له شكواي وبها أعلم من قبل لاينطق به لساني أعلم بما تخفيه جوارحي من ألم بكيييت وأنهرت وطلبت منه القوه والصبر طلبت منه ماعجز لساني بقوله ظليت أصلي وادعي طول الليل حتى صلاة الفجر بعد التعب نمت ع سجادتي من غير ماأحس ،، ومر علينا أكثر من أسبوع ماأتصادف فيه إلا قليل عن جدّاني تغيرت معاملتي معه كثير وقل إهتمامي بأصغر أموره كان يقول ويشكي من هالأهتمام ووجودي المزعج هذا الآن تغيرت حاولت قد ماأقدر ماأوريه وجهي ولا أتدخل بأموره ،، وبيوم من الأيام كنت طالعه ورجعت البيت كان توه راجع من المسجد مع جدي : السلام عليكم ورحمة الله وبركاته الجميع : وعليكم السلام ورحمة الله وبركاته سلمت ع جداني بست رأسهم وإياهم وأستأذنك منهم أودي الأغراض غرفتي وانزل أجهز العشا لزوارة العايله. دخلت ودخل وراي وباين ع صوته معصب : هدييل ببرود : خيير صر ع أسنانه: تكلمي عدل معي انا : آمر وش فيك يحاول يمسك أعصابه فاهم أني أسايره : بأمر من رحتي السوق انا : بأمر من جدي سالم فيصل : لا حلفي وانا وش وضعي كزوج ؟ ضحكت يومها من قلب ونظرات التعجب منه : وش فيه كلامي اللي ضحكك حاولت أمسك نفسي لكن ماقدرت إنفرطططت هههههههههههههههههههههه إنقهر ومسك يديني الثنتين ويهز فيني : وش اللي يضحك بكلامي حاولت ومازلت أضحك : ههههههههه كلمة زوجك عقد حواجبه وانا سحبت نفسي من يدينه وأضبط نفسي : الحق هذا نسيته من بعد كلامك اللي قبل كم اسبوع وبعدين هذا مو كلامك اللي تردده لي بالطالعه والنازله مو انت خذتني عشان جدي وبتتزوج وتتركني هنا لهم ولخدمتهم إذاً مالك حق عندي لا تامر عليّ ولا تطلب ولا حتى لك الحق إنك ترفض ولا توافق أنا هنا لجدي وهو اللي له الحق بكل هذا << رسمت ع وجهي أجمل إبتسامه أخفي فيها اللي داخلي >> إنبسط وأخيراً فهمت دروسك ونفذته بحذافيره ،، تركته ودخلت غرفتي ثواني وطلعت بعد ماغيرت ملابسي ومازال ع وضعه واقف بمكانه ويناظر قدامه إبتسمت إستهزاء ومشيت لكن وقفتني ايده ويناظر بعيوني وتبادلنا النظرات وندري كم خذنا من الوقت ع الحال هذا لكن بعد ماانتبهت سحبت يدي من أيده : لو سمحت ماعندي وقت للكلام أجله للوقت ثاني. طلعت من الجناح ونزلت تحت أجهز للضيافه والعشا عقلي كان فوق معه لكن ضغطت على نفسي أتناسى فيه وضعي بالشغل اللي بيدي ، وبعد ماخلصت ناظرت الساعه تأخرت وصيت الشغالة تنتبه ع اللي في الفرن وتجهز للقهوه وطلعت أخذ شور قبل يوصلون طلعت اركض واصعد الدرج اربع اربع من غير ماأنتبه وإصطمدت بجثه وقبل لا أطيح تدارك الوضع فيصل ومسك خصري وضمني << أول مره من بداية زواجنا أكون بالقرب هذا شعور غريب خالج شعوري فسرته خجل من قربي لرجل ناظرته وكان متوتر حاولت أبعد عنه وعصب : وش عليه مستعجلة كنت بتطيحين ع شي مايسوى اخفي إرتباكي من قربه : كنت ابي ألحق أخذ شور واجهز قبل يجون وهو مازال ماسكني : ولو مايستاهل كل هذا دفيته بقوه عني : أوك .. لكن ماإنتبهت وجئت بطيح مره ثانيه لكن أنقذني مره الثانيه ومسكني تقربني أكثر وضغط ع خصري بقوه وابتسم بخبث: شكله راق لك قربي ودختي !! فتحت عيوني ع وسعهاوامثل العصبيه اخفي فيها إرتباكي وخجلي : تخسي إبعد << وماكملت كلامي الا أشرفنا فوق وماأحس بالأرض بحركه سريعة حملني بين كتوفه وإبتسم لي : ماأظمن أخاف تدوخين ثانيه وتطيحين المره الثالثه ثابته وقتهاجدّاني بيعاقبوني بيفكرون إني تعمدت طيحتك .. أوصلك بنفسي أظمن وأقل عواقب ههههههه تحركت وحاولت انزل وهو شد أكثر يروضني ويتضحك ع لأنه وضح أرتباكي وخجلي من قربه مني كذا بعد مانزلني مسك صدره اللي اهلكته ضرب هههههه : حشى وش ذَا اليد اللي عليك .. مديت له لساني : تستاهل ضحك : الحمدلله والشكر هههههههههههههه بالله اللي يشوفك بتصرفاتك ذي يقول عمرها 25 الله يخلف بس انا : مو عاجبك طلق عقد حواجبه متنرفز : وش سالفة الطلاق ع لسانك كل شوي ترددينه ببغاء أنتي أنا : وش فيك إنزعجت هذا وانت اللي محفظني بعد ضغط ع أيده يمنع غيضه وطلع وصفع الباب وراه أنتفضت من قوته ،، لكن مااهتميت دخلت غرفتي خذت شور وتجهزت وحاولت أبهر ذاتي وأرفع معنوياتها ثم أبهر الكل فيني خلصت تجهيز ونزلت تحت قبل يجون مو حلوه بوجهي يجون وانا فوق تفقدت كل شي والحمدلله كل شي يبيض الوجه مرتب بدقه واناقه وكامل وأجتمعت العايله وإلتمينا كالعاده بحب وشوق اسبوعي وسوالف وضحك مع الجدان ثم أستأذنت أتفقد العشا ودخلت عليّ منى : هدوله ابري يقول وين علاج جدي انا : دقيقه أجيبه من غرفته منى : لا قولي وين بالضبط وانا اخذه لهم انا : لا ماراح تحصلينه بسرعه روحي انتي وانا بجيبه معي دخلت غرفة جدي وجلست أدور فيهم وحصلتهم إلتفت الا أحصل فيصل واقف ومكتف ويناظرني من فوق لتحت إرتبكت من نظراته وشكيت انه فيني شي غلط ناظرت المرايا والتفت له : فيني شي غلط تعتع : لا بب..س طالعه صاروخ أنصدمت ارتبكت فهييت انتبه لي وتدارك : أقصد وش ذَا اللبس كيف جالسه مع أهلي كذا خفت وتوترت : ليش مو عدل << رجعت للمرايا>> فاضح مره يعني ، كنت شاكه فيه سألت البنات قبل ماأشتربه اليوم لكن شجعوني عليه ومنى شافته وقالت عدل بس ابالغ أورف << مديت له علاج جدي >> خذه لجدي وانا بصعد أبدل << فكره عن الفستان: كان سترتعش قطني مدري كيف أُوصِّف نوع القماش ههههه المهم هو قطن يتمدد تايقر وكسره طويله لنص الساق ماسك ع الجسم وفتحة الصدر وسيعه دائريه والأكمام طويله >> جيت بطلع ومسك يدي وأبتسم رفع يده وأبعد خصلات شعري ورا أذني : وين رايحه مرتبكه وخايفه : أغير الفستان ماكنت ادري انه فاضح كذا والله سألت لكن << حط إيديه ع شفايفي اوووش << حاوط خصري وقربني أكثر : من قال لك اللحين انه فاضح مرتبكه: إنت قلت كيف جالسه مع أهلي كذا قرص خدي بنعومة : بس ماقلت فاضح قلت صاروخ << غمز >> إرتعشت وانا مازلت بحضنه حس فيني وحمرت خدودي حاولت أبعد لكن شد بمسكته: أخاف عليك من العين لايحسدونك تصنمت مكاني واناظر فيه من ذه ماأعرفه تصرفه غريب وكلامه أغرب هذا مو فيصل اللي اعرفه ذاك كان ينفر من قربي لو بالغلط كان كل ماتزينت ثار وعصب وفسر زينتي لأمور خايسه ومقاصده الوصخه هذا مو ذاك اللي مايطيق وجودي بالمكان ويبعد عن جلسته معي وشوفة وجهي اللي يسبب له المراره ، ذاك اللي كل كلامه معي من طرف خشمه وأوامر ،، من إنت ماأعرفك وين فيصل اللي غصبوه عليّ وش بدله اللحين بعد ماعزمت ألملم نفسي من الضياع وأسترجع قوتي ، صحيت من سباتي بهمس : وش فيك أخفي تعابيري وارتباكي ورجعت لفيسي : الدواء !! عقد حواجبه : إيش؟ بعدت عنه : جدي طلب الدواء وإنت أخرتني عليه ضرب جبينه : يووه والله نسيت وأنا جاي اخذه كان يبي ياكله قبل العشا << وإبتسم >> كيف يكون فيني عقل بعد << صفر >> وضحك لما فضحتني خدودي وطلع تركني مكاني أناظر في زوله يختفي مصدوووومه منه !!!!!!! بعد العشا أجتمعنا ع القهوه والحلى وكالعادة مثل كل زياره حماتي العزيزه ترمي علي سهامها : ي قلبي عليك ي مرت اخوي تتزينين في شكلك وأكلك ومسويه فيها راعيه واجب واخوي مش معبرك عندي إحساس كم يوم ويطلب يتزوج عليك أنصدمت وش عرفها أكيد خبرها وأكيد منى بعد تدري لانه بيومها كانوا مع بعض ،، جاها رد قبلي : والله يا أم سلطان هديل مافيه منها إثنين زين وعقل وجمال وأصل يشرف كل رجال ويازين بخت من كانت نصيبه .. انا ومنى فاتحين عيونا من الصدمة !!!! لطيفه تضحك : ههههههههه ماأشوف من اللي عديتهم نفع معك بشموخ وهيبه وكلمه هزت كل من كان في المجلس : بنت الفهد ماجابت راس الفيصل بنت الفهد هزت كيان الفيصل منى نست عمرها وقامت تناقز وتصفررر وانا لا حد يسأل عن وضعي مارديت من صدمتي الأولى حتى أطيح ببصدمه ثانيه غير نظراتهم اللي أحرجتني وتبادل الإبتسمات فيما بينهم والجد اللي استبشر فرح ومسح دمعته بطرف شماغه، وجع قلبي جعلني فدا دموعه اللي أغلى من روحي كنت أناظر في جدي وماأنتبهت باللي راكع ع رجوله عند رجولي وماسك أيدي تلفت يمين وشمال مصدومه واسحب يدي وهو شد عليها أكثر : لو بيد الفيصل ماأبتعد عن هالعيون لحظه وحده لكن العذر والسموحه منك ي بنت الفهد وأبشري باللي يعوضك ويرفع مقامك أبلغ بريقي بصعوبه حسيت وقتها بيغمى عليّ لا هذا كثثثثير حسيت وقتها نايمه وأحلم مش مصدقه المسلسل هذا كلللللش ، صحيت لما شد ع يري وهمس بصوت واطي : ردي وضعي كذا مو حلو إرتبكت وش أرد عليه أصلاً انا مو مستوعبه اللي يصير نزلت راسي خجل وتناثر شعري وغطى وجهي وبصوت خجول : مامنك قصور ي الغالي << إبتسم ووقف ورفع وجهي بشموخ وباس جبيني ثم إلتفت لأخته وبحزم : أسمعوني كلكم واعوو اللي بقوله زين اللي يتكلم ع أهل الفيصل او يتعدى حدوده بكلمه او فعل كأنه متعدي ع الفيصل نفسه يعتبر نفسه منتهي والكلام هذا لكبيركم قبل صغيركم << وبنبره خوفت الكل وانا من ضمنهم هههه>> مفهوووم .. الجد من الفرحه : مفهومم مفهووم .. الله يسعدكم ويهنيكم ولا يفرقكم ويفرح عيوني بشوفة ورعانكم. أنا ماتحملت طلعت المطبخ بعيد ع الأجواء المشحونه والفصول المبهمة صبيت لي كاس مويه وشربته وضميت كفوفي لقلبي غمضت عيوني أسترجع الفصل الأخير وإنتفضت من يد اللي ع متوني: منى منى مبتسمه: عيونها .. وش فيك ابتسمت لها : تسلم لي عيونك .. أبد جيت اشرب ماي تضحك : هههههه موجود المويه هناك اعترفي إنك إستحيتي من كلام عمي وتصرفاته إختفت إبتسامتي: أستحي من أيش ي الخبله إنت عارفه وانا عارفه من يكون فيصل ووش علاقتنا ببعض ليش نكذب ع بعض. منى: مو كذبه نقول بدايه فرصة جديده للحقيقة صديت عنه وقابلت المرايا الصغيره ارتب نفسي : لا الحقيقة هو انه انا ماأبيه ولا هو يبيني وانه حنا الأثنين إنغصبنا ع بعض وتحت ضغوط غيرنا هو ضحى عشان رغبة جدي وانا مثله بالضبط إلى هنا وبس جا الوقت اللي كل واحد منا يعيش لنفسه وكيف مايبا حياته يبنيها مع الشخص اللي يتمناه قلبه .. طلعت وتركت منى مصدومه وأتفاجأ بفيصل واقف مصدوم وطلعت منى وراي مصدوم : مغصووبه عليّ ؟!! إبتسمت وأكتفيت بهز راسي ايه وقلت : كنت معتقد انه بس انت اللي إنغصبت كلانا في الهوا سوا ي حبيبي << مشيت وتركته >> للحديث بقيه كونوا بالقرب لننسج خيوط الأمل معاً .. fffsg الحمدلله ع كل حال .. ومضه : لا عليك ستضحك لك الأيام وتنسيك حزن الأمس ..! |
رد: خيوط الألم تنبعث منها أمل ( مساحتي الخاصة
كان الله في عونك يا هديل ....
و سخر لك زوجك و أسعد قلبك.... تشويق مضاعف !! |
رد: خيوط الألم تنبعث منها أمل ( مساحتي الخاصة
الامل بالله ياهديل.الله يسعد هالوجه ودرس اخر اتعلمه منك. بس لاتطولين ياختي خلك قريبه عندنا فرج الله همومنا وكل مسلم.
ستضحك لك الايام وتنسيك حزن الامس)👍🏼💔يااااارب. |
رد: خيوط الألم تنبعث منها أمل ( مساحتي الخاصة
عادة أكتب في الساعات الأخيرة أجد فيها السكون لكن لم أستطيع الإنتظار لم يهون عليّ شوقكم وصبركم 🙃
بِسْم الله نبدأ.. 🌹 |
رد: خيوط الألم تنبعث منها أمل ( مساحتي الخاصة
في الانتظار.....
|
رد: خيوط الألم تنبعث منها أمل ( مساحتي الخاصة
😉تسجيل حضور.
|
رد: خيوط الألم تنبعث منها أمل ( مساحتي الخاصة
بعد ماراح الكل بيته وتطمنت ع جدّاني اخذوا العلاج وناموا صعدت أبدل ملابسي ولبست بيجاما ورفعت شعري بشكل عشوائي ومسحت وجهي ورطبته وبعده نزلت تحت أرتب المكان بعد الزواره شفت الشغالة هلكانه تعب المسكينه رحمتها وقلت لها تروح تنام بما انه باقي بس المطبخ<< أرحموا من في الأرض يرحمكم من في السماء>>
فيني طبع اذا بديت بالشغل أندمج فيه لدرجة أنسى العالم 😁 .....:وش عندك للحين سهرانه نقزت من صوته وطاح الكوب وتلاحق فيصل ومسكه قبل ينكسر: وش فيك ؟ مسكت قلبي : روعتني الناس تدخل تعطي إذن بالدخول مو كذا حط الكأس ع الطاوله : ماجاوبتيني خذت الكأس ودخلته الدولاب: أبد شوفة عيونك أرتب بعد الزواره ماأحس انام واترك كل شي ع حاله فيصل: وين الخدامه ؟ حرام تعبت طول اليوم بس تشتغل وبعدين مافيه شغل كثير قلت لها تروح تنام وبكره جمعه لازم تصحى بدري ضغط ع جبينه: طيب يلا انت بعد قدامي للنوم .. ناظرت فيه شكله مبهذل الشماغ ع متونه والعقال ماسكه بإيده وعرق يَصْب من جبينه وزرائه ثوبه مفتوحه: وش فيك ؟ فتح الثلاجة وأخذ منها مويه مع مسكّن: مصددع انا : اهاا ماتشوفين شر << جيت بطلع لكن مسكني ناظرني مستغرب: بس كيذا!! بالعاده اذا جاني يشكي من راْسه أسوي له مساج : كيف يعني ؟ ترك يدي : لا ولا شيء كملت طريقي وطلع وراي وأول مادخلنا قال : اللي سمعته اليوم في المطبخ حقيقة إلتفت له : وش سمعت يضغط ع العقال : الكلام اللي قلتيه لمنى انك مغصووبه انا : أهاا.. اييه عقد حواجبه : كيف ماقد مره قلتِ لي دائماً أنا اللي أقول ليش ماتكلمتي كاان.. قاطعته: كان إيش .. كان تبدل حالنا ولا أيش .. إيه انا كنت رافضتك أو بالأصح رافضه الزواج كلّه لأنه كنت بحاله الله يعلم بها ماكنت بوضع يفكر بالزواج أو غيره كنت بعالم لاحياة فيها ، جدي هو طلبك او غصبك عليّ نفس الشي جاني وضغط عليّ بطريقه غير مباشره مسكني من اليد اللي توجعني بس عشان أوافق عليك .. مصدوم : يعني ببرود قاطعته : أيوه يعني حتى انا ماكنت أفكر فيك ولا ميته عليك ولا أبيك ولا أبي هالزواج من أساسه . مازال مصدوم: بس لما خبرتك بالحقيقه يومها وخيرتك بين حريتك وسجنك معي ليش ماأخترتي حريتك فرصتك وجاتك بنفس البرود: لأسباب كثيره لكن أهمها انه مهما بين لي حب المل وأهتمامهم فيني وأنهم يحاولون يعوضوني عن اللي فقدته لكن بالحقيقه انه ماعاد لي ظهر أستند عليه أنا حمل ثقيل مهما تداعيت العكس كيف تييني أتطلق بعد كم شهر زواج وأبلش عمي فيني وبكلام الناس في النهايه انا بنت أخوه !! وفكرت بردة فعل جدي بعد ماحصل العوض فيني كيف بكل أنانية أحرمه من هالعوض وأختار راحتي ع تعاسته أخترت أعيش معك مهما كان الوجع اللي منك أهون بكثييييييير من أنه أكون وجع لغيري ،، أنا وإنت نشبه بعض بالظروف لكن تدري وش الفرق ؟!! بإهتمام : وشو ؟ إبتسمت له : بإختصار أنا أخترت سعادتهم وانت إختارت سعادتك !! مدري من فينا الصح بخياره انا اللي اخترت راحة غيري ع راحتي ولا إنت اللي اخترت راحتك ع راحة غيرك !! >< خنقتني العبره تصبح ع خير ،، دخلت غرفتي وتركته واقف في مكانه ، طردت مشاعري برا الغرفه ومسكت نفسي لا أبكي وجلست أحاكي نفسي بالمرايا وأشجعني واذكرني بالقوه والتماسك خلاص ماعادت دموعي تفيدني بشي غير تزيدني قهرر خلاص من اليوم لا للدموووع لازم أكون قويه وأقوى بكثيييير بعد ،، دخلت فراشي ونمت .. ومضت الليله ع ماتركناها ودخلت علينا الشمس بيوم جديد ،، خذت لي شور وجهزت نفسي وأخذت أغراضي طلعت من غرفتي وأتفاجأ بفيصل نايم ع القنفه ناظرت الساعه كانت الساعه تسع صباحاً قربت منه وكان ع الطاوله فناجين قهوه قهوه كثير الأخ مقضيا سهر وش يجلسه للصلاه خذت الفناجين للمطبخ ونظفت مكانه وقربت منه أصحيه: فيصل.. فيصل << مارد ، علّيت صوتي >> فيصل .. فيييصل << مارد ، قربت أكثر وحركت متونه خفيف >> فيييصل قم تجهز للصلاه ماباقي شي تحرك لكن مارد .. اووووف فيييييييييصل فتح عيونه شوي شوي : وش فيه قم الساعه تسع تجهز لصلاة الجمعه قام وجلس بتعب بسبب نوشته: آآآآه ي ظهري ليش نايم هنا أكييد بتتعب ظهرك ع النومه >> نازله بعدت وخذت أغراضي : إيه تأخرت عليهم أكييد ينتظرون الفطور خذ شور سريع وإلحقني تدري ماراح يفطرون الا بك لا يتأخرون ع العلاج بعد فيصل : طيب نزلت وحصلتهم مثل كل مره رتبت الأكل ع الطاوله وناديتهم وأعطيتهم الأدوية .. الجد : سلمني ي بنتي تعبناك معنا شيبان ومرضى اللي بعمرك يعيش حياته ولا يهتم .. زعلت منه : افاا جد بزعل ماتمنيت أسمع منك هالكلام << ضميته من ع جنب >> وأنا في ذلك الساعه اللي أخدمكم بعيوني يشهد عليً الله إني بقمة سعادتي وانا أهتم بروحي الا والله أغلى من روحي ربي يطول بأعماركم ع الطاعه إنتوا اهم شخصين في حياتي .. فيصل : الله يطول بأعماركم ع الطاعه وهديل أصيله الله يجداها خير الجده : وش فيك ي أمي شكلك مو على بعضه بتعب : سلامتك بس مانموت إلا متأخر الجد : أكيد نسيت نفسك بين أوراقك يغير السالفة : يعين الله .. هديل خبز وصبي لي قهوه مديت له ، وفطرنا مع سوالف أحباب قلبي .. وبعد الفطور ناديت ع الخدامه تشيله ورتبت الطاوله وجبت القهوه والشاي وكلنا جلستنا لقبل الآذان بشري ثم طلعنا مع بعض وصلهم ثم وصلني وقبل انزل قلت : بنام هنا الليله فيصل : اوك ومر الوقت وماحسيت فيه من الراحه النفسيه ،، كنت جالسه في الحوش اتمرجح وانتظر البنات يجون بعد ماينومون ورعانهم وقتها رِن جوالي ست الحبايب رديت بسرعه خفت : هلا ي جده الجده بخوف: هلا أمي عسى ماصحيتك انا : لا ي حبيبتي آمريني .. فيكم شي الجده : لا يايمه بس فيصل بخوف : وش فيه الجده : تعبان ي أمك وطلبنا له الدكتور انا : وش فيه تعبان؟ الجده : ظنتي ماخذ برد ادري ي بنتي بتنامين الليله عند عمك بس قلت أخبرك عشان ماتزعلين وتقولين ماخبرتوني دخلت داخل : اوك ي قلبي شوي وانا عندكم وقلت لبنات عمي وناديت اخوي بالرضاعه ووصلني لبيت جدي وع طلعة الدكتور انا دخلت : السلام عليكم الجميع : وعليكم السلام زيد << تكلمت عنه قبل وأخطأت بالأسم يكون ولد عمة فيصل وأقرب شخص لقلبه>> أستأذن منهم يوصل الدكتور ويجيب الأدويه ، بعد ماطلع رفعت غطاي : كيفه؟ الجد : الحمدلله نزلة برد عطائه أبره وتركناه يرتاح إنتي روحي له وتطمني عليه .. خذت أغراضي وصعدت له فصخت العبايه ودخلت غرفته امشي بخطوات خفيفه ناظرت فيه وهو نايم وعاقد حواجبه مديت يدي ألمس جبينه وكان محمي طلعت لغرفتي بدلت ملابسي ورفعت شعري عشوائي وطلعت المطبخ خذت زبديه مويه وثلج وكماده رجعت له وتحسست جبينه ومازال سويت الكمادات وحطيته ع جبينه وسمعت باب الجناح قمت عنه وطلعت اشوف من ، الخدامه : هذا دوا بابا فيصل اوك .. ماما عود بابا عود وين ؟ الخدامه : انا يجي هنا هو يدخل غرفه مال هو انا : اوك شكراً خلاص روحي انتي نامي دخلت الغرفه وحصلت الكمادات مرميّه خذوها وعدلتها ع جبينها وكل شوي اغيرها وقضيت الليل وانا اسويهإلين نزلت الحراره الحمدلله وارتخى حواجبه ونام بهدوء ناظرت الساعه قمت اصلي الوتر قبل يدخل علينا الفجر وصليتهم ورجعت غرفته لقيته يون ويقول كلام مش مفهوم ركضت وجلست قريب منه : وش فيك ؟ يشد بغمضة عينه ويتكلم بطلاسم حطيت أيدي ع جبينه لقيته مولع نار .. خذت الأدويه وخذت كوب ماي : فيصل خذ علاجك افتح فمك مو قادر ولا هو حولي أصلاً فكرت كيف أعطيه الأدويه ذَا اللحين وخطرت في بالي فكره ذوبت العلاج وسفيته اياه بالملعقه مثل الشوربه مسحت فمه وخذت الكمادات وحطيتها ع جبينه الين نزلت وجلست تراقبه الين غفت عيني من دون ماأحس ... طبعاً مانموت الا بعد الظهر رفعت راسي وتلاقت عيونا << كنت نايمه وماسكه أيده عساس اذا تحرك احس فيه وأصحى بس من التعب انها حيلي إستوعبت وضعنا ونقزت من مكاني وعدلت نفسي وبكلام متقطع : كي. ـفك اللحيـ..ـين مو أحسن مني حتى هو مرتبك خخ: أحسن الحمدلله كم الساعه ناظرت الساعه : يووه داخلين ع العشا اشوف فاتتنا صلوات جا بيوقف لكن داخ وطاح ع السرير بخوف : لساتك تعبان نديت له يدي وساعدته ع الوقوف ومشيت معه للحمام << عز الله القارئ>> خذ لك شور بارد وانا بروح اصلي وارجع لك اوك فيصل : اوك بعد ماسليت الفروض اللي فاتتني بدلت ملابسي طلعت للمطبخ التحظيري سويت له شوربه وخبز إيطالي وعصير برتقال طازج ، خذته لغرفته وكان مريح ع السرير ومغمض عيونه وتارك تيشيرته مفتوح فتح عيونه بعد ماأحس فيني وابتسم لي ، عصبت ليه : إنت تبني تموت ولا كيف ؟ حطيت الأكل ع السرير وخذت المنشفه جففت شعره : شعرك مدلول وصدرت مكشوف الحمدلله والشكر شال نزلت أيدي اسكره له مد أيده وابعدني وسكرهم هو : وش هذا ؟ انا : شوربه وخبز إيطالي وعصير برتقال خلصه كله عشان تأخذ علاجك مد ايده يأكل : وانت وين زبديتك وعصيرك انا : لا أنا بنزل عند جداني تلاقيهم يحاتون باكل معهم انت خلص أكلك و خذ الأدويه جلست اشرح له وش يأخذ وهو يراقبني: طيب وانا عساني بجلس هنا اتمسخر: لا وش رأيك نروح البحر فيصل : لا ماحزرتي أنا مااحب انحبس بين اربع جدران ولحالي بعد انا : والحل يعني اللي يشوفك يقول طفل ماكنت مرضان أمس اجلس وارتاح بعدها حرارتك ترتفع وتنزل ومافيني اجلس معك واترك جداني لحالهم وهو يأكل : ع طاريهم جعلني فداهم تخيلي صعدوا الدرج عشاني للحين أفكر كيف قدروا جعلني ماأنام منهم ويكون في علمك شوي وتشوفينهم عندنا هههه انا : عشان كذا انا أقول لك بنزل قبل يجون يكفي أمس تعبوا وصعدوا الدرج يأكل علاجه: لا بنزل معك واجلس معهم كذا بيطمنون اكثر بتردد: بس انت مازلت تعبان وقف ومشى قبلي : مافيني شي يلا قومي ننزل هذين الصينية وحطيتها في المطبخ ونزلنا مع بعض. ادري الختمه مو زينه لكن تعبت 😁 لنا لقاء قريباً كونوا سعداء.. gryr الحمدلله ع كل حال .. ومضه : بكلمه نهدم حُلماً.. وبكلمه نخلق أملاً.. ! hhn |
رد: خيوط الألم تنبعث منها أمل ( مساحتي الخاصة
الله يسعدك يا هديل و يجزيك خير ....
|
رد: خيوط الألم تنبعث منها أمل ( مساحتي الخاصة
الله يسعدك ياهديل ويسخر لك خلقه
|
رد: خيوط الألم تنبعث منها أمل ( مساحتي الخاصة
كونوا بالقرب سويعات قليله وسآتييكم بجديدي 💝
|
رد: خيوط الألم تنبعث منها أمل ( مساحتي الخاصة
قهههههههر 😭 تعبت وانا اكتب وآخر شي طار كل شي مدري وش السبب 😤
|
رد: خيوط الألم تنبعث منها أمل ( مساحتي الخاصة
اقتباس:
يمكن استغرقت وقت طويل حتى تضغطي اعتمد المشاركة |
رد: خيوط الألم تنبعث منها أمل ( مساحتي الخاصة
لا عليكِ أختي .... ننتظر الجديد القادم!
|
رد: خيوط الألم تنبعث منها أمل ( مساحتي الخاصة
اقتباس:
|
رد: خيوط الألم تنبعث منها أمل ( مساحتي الخاصة
اقتباس:
|
رد: خيوط الألم تنبعث منها أمل ( مساحتي الخاصة
قبل الارسال انسخي الرد حتى ماتتعبي ويروح عليك
|
رد: خيوط الألم تنبعث منها أمل ( مساحتي الخاصة
نزلنا وكان مثل ماتوقع فيصل جداني ع اول درجه صاعدين لنا ولما أنتبهوا علينا ابتسموا: الحمد الله ع السلامه ي الغالي
فيصل نزل بسرعه وباس رأسهم وايدهم وسندهم عليه ومشى فيهم للصاله : الله يسلمكم ي أغلى إثنين أعذروني خوفتكم عليّ . إبتسمت بحب ورحت للمطبخ اجيب الشاي والقهوه والضيافه ودخلت عليهم وهم يتضحكون الجد : حي زين الشوف ي عساني ماعدمها بخجل : الله يحيك ي قلب هديل الجده : ماشاءالله تبارك الرحمن ربي يحميك وش هالحلى والزين بخجل : عيونك الحلوه تشوف كل شي حلو وزين الجد : لا والله صدق ام فهييد عيونها عيون المها لكن الصدق انك مزيونه ربي يحميك فيصل يصفر : سمعتي هديل غزل المبطن لأم فهيد ضحكت ع خجل الجده :هههههه الجده ضربته ع خفيف : هذا وانت مسخن ماتعقل فيصل يضحك: هههههه أنا اللي المفروض يعقل ولا هالشيبه اللي يبي يرد شبابه الليله حمرت خدودي من حرأته والشايب عجبه الكلام يضحك ع جدتي وجدتي صارت تضرب فيصل بعصاها وهو وقف واحتمى بظهري وجدتي تحاول تصيده ياخذني مره يمين ومره شمال الين تعبت وأنهد حيلها جلست وهو يضحك عليها وجلس بعيد عنهم : آآه ي قلبي ماشاءالله عليك العمر يمضي وإنت مازال فيك قوّه ماأقول غير الله يعين الشايب بينهد حيله الليله طاح الفنجان من يدي من قو كلامه الجريء ، كلهم : بِسْم الله عليك ، فدا جيت بجمع اللي تكسر لكن فيصل مسك يدي وقف ونادى ع الخدامه تجي تجمعه، حاولت ابعد توتري اللي وضح ع فيصل وابتسم ع جنب : تغديتوا؟ الجده : ايه يايمه تبون إنتوا غدا انا : لا ياقلبي بصبرني بهذا لوقت العشا << إلتفت له >> تبي أحط لك فيصل : لا شبعت من الشوربه الجده : فيه العافيه ياأمك ، ي نظر عيني هذا لَبْس انت وإياها في عز الشتا ابتسمت: ماأحب البس ثقيل الجد : لاتلبسين ثقيل لكن لبسي شال ولا اي حاجه تدفيك ياأبوك لاتتعبين مثل فيصل انا : إن شاءالله الجده : وانت ياللي ماتستحي فيصل : مقبوله منك ياعيون المها ، انا مع الحراره ماااحد البس ثقيل احس بكتمه لكن اذا خفت ابشري انا : ماعليكم منّا اهم شي إنتوا تدفوا زين الجد : كيف ماعلينا منكم وأنتم راس المال بست ايده: الله لايحرمني منكم<< وحطيت راسي ع صدره>> وش هي دنيتي بدونك باس راسي ومسح ع ظهري بحنان وفيصل كان يناظر فينا وبعد لحظات قال : ماتبي نروح المسجد للصلاه ابتعدت عنه وقال : ايه يلا بس انت فيك حيل تروح فيصل : اذا مافيني حيل للصلاه وش حيلي فيه أجل الجده : الله يحفظكم ويتقبل منكم .. فيصل إستأذن يبدل ملابسه وينزل وانا شوي ولحقته وكان تو طالع من غرفته قلت : إلبس جاكيت عساس ماترجع حرارتك فيصل : خايفه عليّ انا : تذكير لاأكثر وعشان مايزعلون جدي وجدتي انقهر من ردي دخل أخذ الجاكيت وطلع وانا دخلت اتوضأ واصلي وبعده نزلت عند جدتي شوي وداخل علينا جدي : السلام عليكم وعليكم السلام لجده : وين فيصل مارجع معك الحد : نزلني ومشى قال بيروح عند زيد انا : بس هو مازال تعبان كان جا زيد عنده هنا الجد : قلت له لكن تعرفين فيصل عنييد الله يهديه آميين جلست عند رجوله وأهمزهم وهو يسولف لجدتي عن الحاره واللي صاير فيها وبعده خذت أقهويهم ووصلتني رساله واتس فتحتها ( لاتسوين عشا بجيب معي تبين شي معين ) رديت عليه ( لا ) هو ( اوك ) الجده : كلمتي فيصل ي أمي انا : هذا هو معي تبين شي منه الجده : لا بس تطمنتي عليه انا : لاتحاتين هو طيب إن شاءالله وقال لاتطبخون بجيب عشا معي الجده : ايه زين << رِن الجرس >> شوفي من اللي جا انا : هاذي أكيد منى مكلمتني ع انه بتجي << وفتحت الباب وصدق ظني سلمت ع الكل وجلست أناظر بالأكياس : ليش مكلفه ع نفسك منى : شبب اي كلافه ذي كلها تسالي وفطاير وحلى قلنا نعطيك إجازه واعتبريه سلامة الغالي الا هو وينه ماجا انا : لا مابعد فسخت عباتها: من زمان عنك وعن سوالفك انا : ي كذبك تونا اول أمس مع بعض وقبل تجين كنّا نسولف ع الواتس ضحكت : ههههههه ماتدرين بالعلم يتغير من ثانيه لثانية انا : هذا معك اما انا مثل ماأنا مايتغير شي نحمده ونشكره منى: والله نوير ووسن لو يعرفون بجمعتنا بيزعلون ويحطون بخاطرهم انا : كلميهم يجون وعمك يجيبهم بطريقه كلمتهم وبعد ماسكرت منهم ، نوير ماتقدر تترك حبيب القلب وتجي ووسن بتشوف أمها انا : الله يخليهم لبعض ويهنيهم منى: آميين ، بس زوجها كريهه وش عليك منهم ع الأقل يحبها ويحترمها مو مثل بعض الأزواج مهملينهم ومطلعين عيونهم ونوره اذا ع الطلعات تهوون منى : قصدك عمي انا : عمك ولا غيره عاصم ولا شي قدامهم الله يهني نوره ويسعدها وقفت ، منى : ع ويين ؟! بقوم أزين القهوه والشاي واللي جبتيه رحت المطبخ ورتبت كل شي واطلع حصلت فيصل واقف ومن وراه سمعت منى تقول : عندك القزمه زوجتك تساعدك انا : القزمه في عينك إلتفت لي وابتسم ومنى تضحك : هههههههه صدتيني قلت فرصه تغلط عليك في غيابك الحد :هي تغيب وانا حاظر لو ماتكلمت ان عصاتي هاذي تهبد في ظهرك وترد عليك رد يسنعك فيصل يضحك : هههههههه خذيها مني هديل وفيصل خط أحمر عند جدي وجدتي منى زعلت : ترا انا بنتكم يقولون ماأغلى من الولد الا ولد الولد وانا بنت حفيدكم يعني المفروض أغلى منهم كلهم الجده : بنت ولدي ماأختلفنا بس القلب وماأختار منى شهقت ، وانا وفيصل فطسنا من الضحك ههههههههههههههههه منى بقهر : عاد اثنينكم تحبون نفس الأشخاص غيروا واحد منكم يختار غير مثلاً انا فيصل سحبها لحضنه: لاتحاولين وبعدين يكفيك حب الفيصل أكرمتك بقلبي منى ضمته وباسته ع خده بقوه : فديت الفيلات ، أبيع الكل وأشريك << خلهم يغارون بعض الناس >> ابتسم لها فهم مقصدها وناظرني : عليك بالعافيه فيصلك أنا بحب أغلى الناس أغتنيت مانيب بحاجه فضلة باقي الناس الله يخليهم لي منى وفيصل : آميين انا : ماعلينا وش كنت تبي أساعدك فيه فيصل : لا انتي ارتاحي بطلع مع منى نجهز جلسه برا ونشب النار اوك خلاص وانا بشوف جهزت كل شي الخدامه وبجيب معي حاجه تدفئ جداني ، طلعوا وبعد لحظات لحقتهم عطيتهم الفرو جده وجدي ومنى فيصل : دفيتي الكل باقي انتي انا : مااحب البس وشبة النار تكفي فيصل بحزم : ولو حطي شي ع متونك ع الأقل انا : إن شاءالله اذا بردت حطيت << إلتفت لجداني >> تبون اجيب لكم حاجه وانا داخله الجده : سلامتك يايمه بس وين رايحه هديل : باقي صحن الفطائر والتسالي بجيبهم واجي الجده : استريحي انت ومنى تجيبهم منى وقفت : ايه جلسي وانا بجيبهم انا : لا انا عندي شغله يعني كذا ولا كذا داخله استريحي دخلت المطبخ واسمع صوت بكا برا المطبخ في الحوش الخلفي طلعت وحصلت الخدامه تبكي : حميده شنو فيه ليه تبكين ماردت حاولت أهديها لكن تتكلم ماأفهمها وش تقول مع بكاها رجعت المطبخ خذت مويه ورجعت لها شربي هذا وبعد ماشربت مويه : وش فيك ليش تبكين حميده : ماما انا يبي يسافر مايبي يجلس هنا ليش وش فيك ماما انا بيبي يسوي حادث انا في خوف موووت وانا مافي شوف عورت قلبي : بِسْم الله عليه الله يحفظه ، ورجعت تبكي وتترجاني أسفرها مسحت ع ظهرها وأهديها الين سكتت ومازحتها : تسافرين وتتركيني لوحدي انت ماتحبيني بكت انا والله يحبك ويحب ماما وبابا عود ويحب بابا فيصل بس هذا << بكت بحرقه>> هذا بيبي مايقدر ، وجعت قلبي وضميتها ومسحت دموعها : اوك خلاص انت اول تروحين غرفتك ترتاحين وتصلين وتدّعين لبيبي اوك وإذا يجي بكره سو كلام بلد انتي تطمني ع بيبي اذا هو مازال تعبان حيل انا يكلم بابا فيصل يسوي أوراقك اوك هزت رأسها موافقه وطلعت لغرفتها وانا قمت من بعدها وانصدم بفيصل : بِسْم الله . وش فيك تبي شي كان يناظرني ومبتسم هزيته: تبي شي تدراك نفسه : لا بس تأخرتي وجدي طلب مني أجي اشوفك حدي طلب منك رفع حاجبه : ليش اكذب يعني لا مو قصدي لكن ليش ماأرجع منى ها اييه لأنه مشغوله تقهويهم وتضيف أختي لطيفه وانا امشي وراه : ليش لطيفه هنا وهو يلاعب هجير الصغيره : ايه ماتشوفين بنتها معي الا بس توقعتها جايه مع وسن وصلنا للجلسه حطيت الأغراض وسلمت عليهم وبعد السلام والحكي لطيفه : أمي تدري فيصل : تدري عن إِيش لطيفه : انك تعبان فيصل : ماله داعي يعرفون ويخافون .. انا بكره وانا طالع من الدوام بروح اتقهوى عندهم الحد : ليش بتداوم بكره فيصل : ايه خلاص انتهت إجازة الراحه لطيفه : حبيبي انت كيف جاتك النزله فيصل يتطنز : شفتها ع الطريق وعزمتها ع التوصيله كان تعشقني وتسكن بخفوقي ضحكنا عليه : ههههههههههه لطيفه : لا أحلف ي شيخ بس ماتجي كذا الا من إهمال الجده : ايه قولي له تعبت وانا أقول مير عمك أصمخ لطيفه : ليش وين زوجته عنه تهتم فيه وبلبسه أكيد كالعاده كانت سهرانه عند عمها ونايمه عندهم ولا تدري عن أهل بيتهاوفديتكم إنتوا أكيد تعبتوا لما تعب عليكم كيف راعيتوه وأنتو لحالكم يبي لكم مراعاة الحد بحزم : أقصري الهرج ي بنت دقايق وأكمل ماتبقى من الحكايه .. إستراحه قصيره :d |
رد: خيوط الألم تنبعث منها أمل ( مساحتي الخاصة
اقتباس:
|
رد: خيوط الألم تنبعث منها أمل ( مساحتي الخاصة
الله يقويك ....
ننتظر البقية |
رد: خيوط الألم تنبعث منها أمل ( مساحتي الخاصة
لطيفه مصدومه : الله يسامحك قدني ام عيال تقول لي ي بنت
الجد بنفس النظره والنبره : يوم هذا كلامك مو بس بنت الا ناقصة عقل بنتك أكمل منك عقل لطيفه بزعل وغيض:ليش وانا وش قلت غير الحقيقه البنت سهرانه عند عمها وناسيه انه عندها زوج وله حق وواجبات عليها وتاركته لكم إنتوا اللي يالله تشيلون أعماركم وهي مقضيتها ونس ولهو. فيصل بغضب : كلن يرا الناس بعين طبعه ويكون في علمك هديل اول ماعرفت بتعبي تركت كل شي وجاتني وطول الليل سهرانه ع راسي وتراعيني وماقصرت ربي لايحرمني منها جعلني فداها وان كان هناك سبب لتعبي فهو أكيد << باس إيدي >> هو بعدها عني اللي ماتحمله ثانيه وحده .. توترت من حركته وانزعجت من الوضع قمت عنهم وتعذرت بتجهيز العشا .. دخلت المطبخ وكل حصوني طاحت أخذت الصحون والعشا ارتب فيهم وكل شوي تطيح مني دمعه وابتسم اقهرها لكن هي هزمتني وقهرتني ودمعه ورا دمعه وكل مازلت مسحتها بقفا ايدي بقوه بألم وإنكسار ،، ماحسيت الا بيد تلفني وبهمس: آآسف ابتسمت له بوجود الدموع : ع إِيش فيصل : ع كلام أختي ضحكت عليه : هههههههههه ماأذنبت أختك في حقي يناظرني مستغرب مسحت دموعي وحطيته ظهري اكمل شغلي : اللي تقوله أختك بسببك إنت وهي حاسه وشكلها تعرف بكل شي عارفه برفضك لي وبحياتنا اللي ع ورق وأكيد الأخت بتفزع لأخوها . فيصل رد ولفني عليه : والله العظيم مااحد يعرف باللي بينا غير شخصين إبتسمت بألم : شخصين ي فيصل شخصييين؟! فيصل : إيه زيد يعرف بكل شي من قبل زواجنا عارف برفضي من قبل واقترح ع جدي انه هو اللي ياخذك بما انه يتيم وانتي وحيده يتفهمون لبعض وتعوضون بعض لكن للأسف جدي رفض وعند الا انا آخذك وقتها حلفت وعاهدت نفسي باللي يصير بينا وكان شاهد ع كلامي زيد ، ومنى أظن انتي اللي قلتي لها مو انا بعدت عنه وكملت شغلي وانا ساكته مكسوره متحطمه يتكلم ولا يدري وش كثر طعني بالصميم قتلني حرام عليك ي فيصل لو إني حيوانه رحمتها فيصل : طيب وش اللي يرضيك وانا منشغلة : وش اللي يهمك رضيت ولا عساني مارضيت فيصل : يهمني ، وش اللي يرضيك قولي إلتفت له ويبدي سكينه موجهه عليه خاف وابتعد، وبعصبيه: تبطل حركاتك إنك الزوج المحب العاشق وانت عكس ذالك إختنقت منها أكره ماعليّ الشخص اللي له عدة أوجه فيصل يضحك: ههههههههههههه ماعرفت لك والله مره تقولين لاتهملني عشان ماننفضح وتكونين بلسانهم والحين تقولين بطل حركاتك واهتمامك خنقتني وش تبين بالضبط بسخرية: هو حنا باقي مانفضحنا وبعدين أنا ماابي معامله من ورا خاطرك عاملني بإحترام وتقدير وهذا يكفي أشر ع خشمه : أبشري .. غيره ؟ مايحتاج تتزاعل مع أختك بسببي عندي لسان واعرف أرد عليها لا في هاذي آسف أختي تطاولت عليك وانا موتي اللي يتطاول ع أملاك الفيصل انا : هوب هوب.. انا مش ملكك ولا ملك حد انا ملك نفسي إنتبه ع كلامك لو سمحت فيصل : أقصد اللي يقرب لي انا : طيب بس لاتسوي مشكله بينكم انا سببها انا اعرف أرد عليها لكن محترمه وجود جدي وجدتي ولأني ماأحب المشاكل فيصل : إن شاءالله .. بعد غيره فيه شي ايه فيصل رفع حاجبه : كأنك ماتنعطين وجه مديت له الصحون: خذ هذا لهم مع السفره تأخرنا عليهم مبتسم : إن شاءالله بس لي طلب ممكن؟ وش؟! إبتسمي عساس أتأكد إنك رضيتي مارديته خايب وإبتسمت ايه كذا نروح طياره ههههههه وبعد العشا تجمعنا حول النار وسواليف وضحك ولاحظ فيصل رجفتي وكذالك جدي اللي عَصّب : يابنتي قومي إلبسي لك حاجه تدفيك ولا دخلنا ابتسمت : والله ماأحب البس ثقيل والنار تكفيني مش بردانه الجد فتح إيديه : طيب تعالي هنا معي تدفين وسن : الناس حظوظ وحنا نص حظ مو لاقيين كنت بقوم لجدي مأكسر بخاطره لكن فيصل سحبني بسرعه ودخلني تحت فروته ومسكني من خصري لا أعند ويده الثانيه غطاني بالفروه من الجهه الثانيه صرت قريبه منه مرررره : هاا غارو عدل اللحين وسن : جدي أجيك مو هديل إختارت حبيب القلب الجد مبتسم : لا برد كل واحد عنده فروته يدفي نفسه منى وفيصل : ههههههههه قصف جبهه قرصت فيصل ع خصره وتأووه: آآه الجد والجده : وش فيك بِسْم الله عليك فيصل حط ايده ع خصره وانتبه ع رجفتي من سؤالهم واعرف فيصل وش بيرد ابتسم علي: ها ولا شي بس فيه قروصه داخل قرصتني وسن تضحك : هههههههوكيف قرصتها فيصل يغمز : مثل النحل تدرين ماتجي الا للعسل منى: مااالت جد مغتر بنفسك فيصل : سأليها بعد الجده : ليش النحل بيجاوبها الكل ضحك وانا ذبت بملابسي من الخجل وهمس في أذني : إنتبهي ع حركاتك لايفهمونك غلط يعني يفكرون نسوي شي تحت هالفروه شهقت بصوت عالي : هااااااا كتم ضحكته والجده مرتاعه :وش فيكم إنتوا كل شوي مروعينا فيصل مبتسم يخفي ضحكته: لا بس قلت لها عن واحد صديقي قرصته نحله ومات بسببها وسن : وصديقك هذا عسل بعد أمها عصبت : إنتبهي ع كلامك ي قليله الأدب وسن تبرر : وي اقصد يعني مثل ماقال عن نفسه عسل والنحل يجيه وش فيكم تفهمون غلط ضحك : ههههههههه لا بس النحله هاذي حوله شافتني فيه منى تضحك : هههههه يمه منك بسرعه تحصل رد بغرور : ليش تعتقدين الفيصل هين بحب : اروح فدا للفيصل أنا فيصل يضحك : هههههه اي طلعي منها ماأنت بقدي لاحظت سكون لطيفه وتعكر مزاجها وهمست لفيصل مع انشغال الكل بالسوالف: فيصل لبيه لطيفه زعلانه وإذا لا حرام خذ بخاطرها جاتك عيب تطلع من عندنا زعلانه غلطانه ونراضيها بعدت عنه وبحزم: فيصل ارضيها سحبني لداخل وغطاني: طيب ي ام طارق رفعت رأسها : لبيه لبيتي حاجه ي قلبي .. تبين كرك لا تسلم انا بكلم طارق يجيني فيصل : افا تو الناس سهاري بزعل : لا ماأبي أضيق عليكم انا : افا عليك ي ام طارق راعية مكان مايجي منك ضيق فيصل : مافيه روحه إلين يطيب خاطري من هاللمه الحلوه << قام وقف وباس رأسها >> ورأسك بسناه رضاك ي الغاليه وانا تحت امرك وبخدمتك أوصلك لبيتك بنفسي ابتسمت له بحب : جعلك سالم ي الغالي أخذ منها بنتها الصغير ورجع مكانه وخذوها منه وجلسنا نلعبها مع بعض وهمس لي وهو مبتسم : راضيه ابتسمت له وهزيت برأسي ايه ورقصت خدودها بخفه : فديت العثل انا ي ناثو آكلك والله ودي آكلش كلش تمد بيدينها الصغار لفمي تناغي وتضحك ههههه شوي الا بكت : ي الخبل ليش عضيتها عورتها يضحك : هههههههههكنت بشوف تنوكل مثل ماتقولين لا ي شييييخ قطعت حديثنا لطيفه : فيصل التفت لها مبتسم : لبيه لبيت حاج ي الغالي .. تسلم عليك حماتي وتخطيك الشر فيصل : الله يسلمك ويسلمها الجده : اي حماة ذي ؟ حماتي اسماء اصغر خواته الجده : اللي مابعد تزوجت صح ناظرت بفيصل وابتسمت : اييه .. الله يرزقها بإبن الحلال اللي يسعدهاوالله انه مافيه منهاإثنين جمال وأخلاق ورزه وفوق هذا كله غنيه مافاتتني نظرات لطيفه لفيصل ومقصدها وصل وحنا في بالي يوم خبرني بزواجه يعني هاذي هي العروس تعكر مزاجي تركت الصغيره له وكتفت ايدي وجلست بصمت .. الجده : ليش هو بيتزوجها ولا بيتزوج فلوسها لطيفهتضحك : ههههههه لا أكيد يتزوجها بس أقول وين بيحصل مع الجمال مال الجد : الله يستر عليها ويرزقها الكل : آميين منى: الحلو وش وده يشرب انا : لا حبيبتي تسلمين ماودي أكثر عشان أنام تناظر الساعه : يووه أخرناكم فيصل : شدعوه قلنا سهاري لطيفه : لا سهاري ولا غيره وراي بيت وزوج وعشان بعد جدي وجدتي يرتاحون وسن : وانا عندي جامعهبكزه فيصل : ع راحتكم يلا جهزوا وطلعوا لي وانا بسخن السياره الجد : الله يحفظكم مد ايده لجدتي وطلعوا لغرفتهم التفت لي : لاتشيلين الأغراض بوصلهم وارجع اشيلهم طبعاً سمعته يكلمني بس عقلي ماترجم الكلام .. طلعوا وانا رتبت الحوش وبعده دخلت المطبخ ارتب فيه ، مديت يدي ابي ارفع الصحن لكن الطول ماساعدني وأتفاجأ بيد ساعدتني ودخله ظهره كان ملاصق بظهري إنتفضت والتفت له وتلاقت عيونا وكل منا يقول حكي للثاني لكن ماحد فينا فهم الثاني وش حكى ،، ابتعدت عنه ، فيصل : ماقلت لك لاتشيلين شي انا : ماسمعتك فيصل : ماسمعتيولا تعاندين : لا ماسمعت وبعدين ماصار شي طفئت انوار المطبخ والصاله وصعدت وهو وراي ولما دخلنا قال : بتنامين ايه .. تبي شي فيصل : يعني قلنا نجلس مع بعض بسخرية : من متى ؟ من اليوم وش فيه هههههههههه لا فيه وفيه ، قلت لك عاملني بصدق مو تمثيل ، أساساً جلوسك في اليومين اللي مضو موترتني ماتعودت عليك كذا صرت أنتظر اللي بعده ليش وش اللي بعده ؟ إنت أعلم بطبعك هذا كله هدوء ماقبل العاصفة ، أنتظر عصبيتك وصراخك ومسخرتك وتهزيئك وتهميشك كل هذا راح يطّلع قريب فقط هدنه يومين ، إنت كنت ماتطيق وجودي اللي سبب لك المراره وجاي اليوم تقول نجلس مع بعض ههههههه لا جد الحراره مأثره عليك نصيحتي خ علاجك ونام .. دخلت غرفتي غيرت ملابسي توضيت وصليت ونمت .. وقبل الفجر بنص ساعه شفت كابوس فضيع ابكي في منامي صحيت الا وفيصل مشبث ايدي ورجولي وحاضني استوعبت ونقزت بسرعه وكان راح يطيح لو ستر الله عصبت عليه وصارخت بوجهه: وش تسوي انت هنا بهدوء عكسي : كنت تحلمين وتصارخين سمعتك وجيتك صحيتك لكن كنت تبكين وتصارخين خفت تأذين نفسك ماحصلتني الا إني ماسكك واضمك وفجأة سكنتي وهديتي تذكرت المنام وعقدت حواجبي وبكيت ، احتار فيصل يقرب لمي ولا يظل مكانه خاف من ردة فعلي وظل مكانه لكن ماطول قرب مني وجلس ع ركبته ورفع راسي ومسح دموعي : الله يرحمهم ويغفر لهم ادعي لهم وش عرفك إني أبكيهم لأنك تنادينهم بمنامك بألم أشرت ع قلبي : تعبت من هذا إشتقت لهم فيصل : طبيعي تشتاق لهم هن أهلنا وأحبابنا لكن هم أكثر شي محتاجينه منا هو الدعاء بضيقه : تعبانه حيل ضيقة بصدري خانقتني اذكري ربك هذا كله من الكابوس ايدي ترجف : كابوس فضيع لا لا هذا مو كابوس هذا واقع هذا الحدث شفته بعيوني حقيقه ماتوا قدامي قدام عيني حادث مروع مخيف تقلبت السياره فينا كلنا وكل منا طار بمكان ، اول مافتحت عيوني كنت أحس بثقل في عيوني وصداع قوووي فضيع حطيت يدي ع راسي أخفف الألم غرقت ايدي بالدم خفت انفجعت من منظر الدم ناديت ع أمي وأبوي وجدي مااحد رد فيهم خفت أكثر ناديت ع اخوي وخواتي ماردوو<< بكيت >> قمت ع حيلي ادورهم حصلت أعضاء متناثره بكل مكان وريحة الدم والنار << أشرت ع خشمي >> الريحه للحين هنا ريحة ددددم ونار كلهم حولي متقطعين ماعدا جدي ركضت له وحطيت راْسه ع فخذي كان ينزف من كل مكان مدري من وين بالضبط حاولت أوقف النزف لكن كل مكان يزف ومعتدي الا يدين << بكييييت >> صرخت عليه وترجيته لايتركني لوحدي وإني ماأقدر أعيش من دونهم قلت له إني خايفه حيييل حييييل ضغط ع ايدي وابتسم وهو يغرغر دم بعدها سكن وماتحرك فيصل جدي ماتحرك وظل ساكن بحظني حركته بخفيف جدي قم جدي لاتتركني جدي انا هنا لوحدي انا خايفه جددددددددددددي قم الله يخليك قم لكن مارد عليّ صرخت بكل حرقه وفجأة ماأشوف الا ظلام هالك ومخيف ووعيت منه وانا بالمستشفى وعمي جنبي سألت عنهم وانا عارفه بالرد لكن قلت يمكن منام وصحيت بس طلع حقيقه وواقع << بكيت بحرقه وألم وضعف وانكسار >> ماتردد فيصل دقيقه وحضني وبكى بصمت ع حالي مسح ع ظهري ويذكرني بالصبر وبالله الين فجأة نقزت عنه وابتعدت وصرت أتكلم مثل المهابيل وخاف : الكابوس هذا من زمان ماشفته ليش اللحين رجع لي خايف علي : وش تقصدين انا كنت اشوف الكابوس هذا يوميا بس بعد الزواج ماعاد يجيني ليش رجع ؟؟ مسك كفوفي وضمهم بكفوفه : لأنك تكيد اشتقتي لهم سحبت أيدي وابتعدت ع السرير وطلعت من الغرفه وكنت بطلع من الجناح لكن مسكني ومنعني : وين رايحه عيوني تدمع : فيصل صدقني إحساس فضيع << أشرت ع قلبي >> ضيقه قاتله والكابوس هذا غريب فيه شي بيصير صدقني تعود من ابليس : اعوذ بالله من ابليس اذكري الله هذا كلّه تأثير كابوس تعالي << جلسني وجاب لي مويه وشربني >> اهدي ولا أقول توضي وصلي أحسن بعدت الكأس عني وعيوني تدمع : ليش ماتحس فيني ليش قاسي معي كذا استغرب مني : قاسي بالعكس والله حماس فيك وفاهم شعورك الله يمسح ع قلبك ويصبرك ضميت وجهي بين كفوفي وبكيت بُرحقه : لا أنا حاسه فيه شي راح يصير والله قلبي يقول فيه شي مسح ع ظهري : لا إه الا الله .. مثل إِيش طيب وين تبين نروح مسك ايده أترجاه : ننزل وتطمنت ع جدي وجدتي خايفه انه فيهم شي فيصل : تعوذي من ابليس بِسْم الله عليهم وش ذَا الفأل بألم : هذا يقول انه فيهم شي والله صدقني فيصل بخوف :وين نبينا ننزل ونخوفهم وهم نايمين بسبب كابوس وإحساس ناظرت الساعه : لا أكيد قاموا للصلاه أنـ...... قطع علينا طق الباب بشكل مخيف نقزنا من الخوف مسكت قميصه بقوه وضميته وهو لفني عليه وحضني يطمني : ميين ؟! الشغالة :بابا فيصل بابا كبير مافي يقوم ماما كبير يقول نادي بابا فيصل بسررررعه نقزت من حضنه وبكيت : قلت لك انا حاسه والله حاسه سحبني ونزل ركض لجدي وانا وراه اول مادخلنا مسكت قميصه بقوم وخوف : فيــ.. ـصل.. جدي ماا... (( حط ايده ع فمي >> اوووووش قرب من جدي وحط ايده ع النبض شوي الا رفع راْسه ونظراته ماتسر فجأة رجولي خانتني وماحملتني طحت ع الأرض مو مستوعبه جدي مااااات فقدت جدي مره ثانيه ضاقت الدنيا علي وبكيييييييييييييييييييييييييييييييييييييت ... لم تنتهي الحكايه هنا مازلت أنتظر خيوط الأمل منبعثه من الألم .. الحمدلله ع كل حال .. ومضه : ليت ربي ماكتب في حياتي فراق .. كل ماقلت ي قلب تصبر إلين مل الصبر مني وخان 💔 |
رد: خيوط الألم تنبعث منها أمل ( مساحتي الخاصة
الحمدلله تمت الكتابه اليوم بنجاح وماطار تعبي مثل أمس 😔
|
رد: خيوط الألم تنبعث منها أمل ( مساحتي الخاصة
اسعدك الله يا هديل. ...
بس لي رجاء .... هل القصة مقتطفٌ من واقع أم لا ؟ |
رد: خيوط الألم تنبعث منها أمل ( مساحتي الخاصة
ننتظر الجديد يا هديل
|
رد: خيوط الألم تنبعث منها أمل ( مساحتي الخاصة
وينك هديل عسى المانع خيرا ان شاء الله
|
رد: خيوط الألم تنبعث منها أمل ( مساحتي الخاصة
افتقدناكِ !!
|
رد: خيوط الألم تنبعث منها أمل ( مساحتي الخاصة
اسال الله ان تكوني بخير ياهديل.
|
رد: خيوط الألم تنبعث منها أمل ( مساحتي الخاصة
أطلت الغياب وعد أرجو أن تكوني بخير
|
رد: خيوط الألم تنبعث منها أمل ( مساحتي الخاصة
لاحرمني الله منكم 🌷
أنا بخير ولله الحمد .. فقط كنت أبحث عن الهدوء لذاتي فنحن بحاجه لها بين فتره وفتره 😌 عدت إليكم بجديدي عسى أن ينال ع أعجابكم وينقش أثره في قلوبكم 💙 ومرحباً بالأعضاء الجدد في صفحتي 😍 سأترككم الآن كونوا بخير 💞 |
رد: خيوط الألم تنبعث منها أمل ( مساحتي الخاصة
الجده بصوت موجوع: وش فيه جدك ي فيصل مايرد عليّ ، أجلسه للصلاه ومايجلس عمره مافاتته صلاه !! قل له يقوم قامت الصلاه
انا تحت رجولها أبكي موجوعه عقلي وقف من التفكير عقلي كان هناك مكان الحادث ومنظر أهلي المتقطعين بكل صوب رافضه فكرة انه جدي سالم بعد مااات صميت ع آذاني ماابي اسمع بكاها ولا صوت فيصل .. ماحسيت الا بيد صفعتني كف : هديييييل ايدي ع خدي وعيوني غرقانه دموووع ضمني لصدره وضميته بكل ماعطاني ربي من قوه << هاذي اول مره تصير بيني وبينه >> هديل قلبي جدي مازال فيه نبض اهدي وساعديني ع جدتي بعدت عنه مش مصدقه : كذااااب أحلف مسح دموعي : والله مازال فيه نبض ساعديني ألحق عليه جدتي مو راضيه تتركه وتبعده عن حظنها التأخير مو في صالحنا أبد مسحت دموعي مثل الأطفال: يعني ماتركني مثلهم لسى عايش صح ماتركني باسني من عيوني : والله عايش الله يحفظه لنا مالي غيرك ي قلبي ساعديني حاولت أهدأ وأساعده ع جدتي وقفت بصعوبه :إن شاءالله قربت من جدتي وضميتها من ورا وبست رأسها : حبيبتي أمي جعلني ماأبكيك جدي مازال فيه نبض اتركيه لفيصل ياخذه المستشفى يلحق عليه اتركيه جعلني فداك الجده تبكي وضامه جدي لصدرها: لا ي يمه اخاف ياخذونه ومايردونه لي ، قولي لهم يتركونه يتركون غاليك اللي يحبك أكثر من روحه لاتتركينهم يأخذونه منّا كنت بنهار من كلامها لكن فيصل كان وراي وضغط ع كتفي: لا بيرجع لنا إن شاءالله بس انتي اتركيه يأخذونه قبل يفوت الوقت الجده ارتخت من مسكتها له وبسرعه فيصل حمله ع كتوفه وطلع وانا حضنت جدتي لصدري وانهرنا خوف انه يروح ومايرجع ولسان حالنا يقول يرحمه برحمته ويجبر كسر قلوبنا.. تذكرنا الصلاه وقمنا نصلي ونطلبه .. وبعد ماطلع الشروق العايله كلها اجتمعت عندنا وكل واحد منا دمعته ع خده منتظر الخبر << أصعععععععععب لحظه 💔 انا كنت عند جدتي ضامتني لصدرها ورافضه ابتعد عنها كل ماتحركت من مكاني ردت تبكي وتطلبني ماأبتعد عنها وكل شوي تضمني وتشم فيني وتبوسني آآآه ي ريحة الغالي غاليك بيروح منا ي هديل ادعي له ي يمه ادعي له مو محتاج منا أكثر من الدعاء كل شوي ضغطها يرتفع تعبنا انا والبنات وأم فيصل نحاول معها بس مافيه ، ماتسكت الا اذا كنت في حضنها عساس كذا ماتحركت من مكاني رغم محاولاتهم معها تتركني لانه شكلي منهد حيلي من التعب وبكاها يتعبني أكثر وغير كذا كنت مستحيه من جلستي بالبيجاما وهم موجودين .. وبعد ثلاث ساعات كأنها عمر بحاله ""::: دخل علينا فيصل وطلب منا: تغطوا عمامي وزيد معي مدت لي منى جلال الصلاه ، فيصل : حياك يبه ، حياكم عمامي بو فيصل : السلام عليكم ورحمة الله وبركاته الجميع : وعليكم السلام ورحمة الله وبركاته جدتي كانت ماسكه ايدي وترجف وتدور بعيونهم خبر : وين أبوكم ي عيال سالم ، ليش مارجع معكم ، حلفت عليكم ماتقولونها<< وجلست تنوح>> فيصل مبهدل << طلع بالبيجاما ماكان فيه وقت للتغير >> قرب ونزل عند رجولها وباسهم ثم ضمها حيل وانا انتفضت << مدري ليش حسيت بدايه خبر شين >> بكيت وناظرني وابتسم لي بتعب وقال لنا : تطمنوا غاليكم بخير ويسلم عليكم أمني أمانه وقال سلم لي ع الحبيبه وقل لها تنتبه ع نفسها جدتي تكذب خبره : كذاب ماتقوله حقيقه بمزح : افاا رجال طول بعرض هيبه ومكانه ووسامه تكذبيني ! ع الأقل اتركي لي هيبه عند زوجتي تحترمني فيها الرجال كلهم ضحكوا ، جدتي بعد ماشافت سنونهم تضحك تأكدت من كلام فيصل خذته وضمته لصدرها وجلست تبوس فيه بكل مكان تطيح عليه << تأثرنا حتى الرجال دمعت عيونهم 😢 وقالت : وراه مارجع معكم ؟ بو فيصل : لازم يكون تحت المراقبه بكره إن شاءالله يطّلع الجده : وش فيه ابوك ي فهيد << جدي وجدتي دائماً يصغرون أسم أبوي وهو مايحب يسمع منهم اسمه الا كذا بو فيصل : الضغط عنده مرتفع وضروري ينام عندهم عشان مايرتفع مره ثانيه ولا هو طيب حتى طلب فيصل وتكلم معه إسأليه بعد . الجده إلتفت لفيصل اللي ضام يديها وجالس عند رجولها : وش يبي منك يلطف الجو : أبد قال لي إنتبه لعيون المها وقل لها راجع بنشاط أكبر التفكر تبدلني بواحد أربعيني تجهز لي ليله رومانسيه الجده إستحت وضربته: إستح ي قليل الخاتمة الكل ضحك ع حياها وجرأة فيصل ، زيد قرب وباس راسها: الحمدلله ع سلامة غاليك ي الغاليه الجده : الله يسلمك ي نظر عيني زيد : ها عاد ي الغاليه طالبك تنتبهين ع نفسك ضربتين ف الرأس توجع مانبي الشايب يوم يرجع بنشاط أكبر يحصل عجوزته ضعفانه مافيها حيل الجده احذفتهم بعصاها : وجع باإبليس هما انتوا مافيكم حيا أبد الكل ضحك ، الجده : يمه هديل نحنحت صوتي مبحوح من البكا: لبييه الجده : يمه دواي راسي يوجعني انا : إن شاءالله .. << قمت أمشي بهدوء مستحيه من البيجاما لاتبين من تحت الجلال والرجال مجتمعه.. دخلت الغرفه وفتحت الثلاجه الصغيره أدور ع الدوا وحصلته ومن وراي عند الباب : كيفك؟ إلتفت له كان متسند ع الباب وواضح عليه التعب وانا ماأقل عنه تعب وعيوني مجمره : كيف تبي يكون حالي قرب ومسح دمعه خانتني: بس جدي بخير ووصاني عليك جلس يكرر أسمك كثيير إلين غفت عينه ونام ارتجفت وماقدرت أمنع نفسي من انه تضمه وصرت ابكي وهو يمسح ع ظهري الين سكت من نفسي وقلت له : هو طيب ماعليه شر ؟ فيصل : هو تعبان بصراحة تعرفين الجلطه مو سهله أبد شهقت : هااااا جلطه فيصل حط ايده ع فمي : قصري حسك لاتسمعك جدتي ، الدكتور طمّنا عليه هي بداية الجلطهماعليه خوف لكن ضروري نهتم بالضغط وربك يحفظه انا : طيب سبب الجلطه هاذي وش هي ؟ فيصل : والله مدري الدكتور يقول الضغط مرتفع حيل زين ماأنفجر عنده عرق دمعت عيوني : ي قلبي عليه حريصه ع اخذه علاجه وأكله سبحان الله كيف ارتفع كذا فجأة فيصل : قدر الله وماشاء فعل الحمدلله ع كل حال بإهتمام : شكلك تعبان فيصل بتعب : ايييه قولي مهدود حيلي ضغط نفسي وجسدي ابي الفراش بس انا : طيب خلاص إنت راح نام وانا بتعذر لك منهم فيصل : لا اذا بنام انت معي بعد تنامين ماأنت أحسن مني أنا : كيف أنام نتركهم لمين وجدتي بعد أتركها لمين هي أساساً ماترضى أبعد عنها دقيقه فيصل : أولاً هذا بيت العايله كلهم عيال هالعايله مااحد فيهم ضيف وجدتي الكل حولها وأكيد بتعذرك حنّا كذا ماراح نفيدها إنت من أمس مانمتِ ولا أنا نمت لازم نكون في قوتنا عشان نقدر عليها أنا : بس انا ماأعرف انام أصلاً فكري كله راح يكون معها خلني ع راحتي لاتضغط عليّ.. << طلعت وتركته وراي وسمعته يتحلطم ع عناااادي > عطيت جدتي علاجها وإرتحت لما شفتها تضحك مع عيالها وعيال عيالها وخصوصاً زيد اللي فيه من أسلوب فيصل ، رفعت عيني بالصدفة ع فيصل وكان واضح عليه التعب بس يقاوم ضاق صدري (( اووف ليش يعاند مايروح يرتاح واضح حيله مهدود من التعب )) ناظرني وأبعدت عيني عنه ، ومنى كانت تسولف معه وانا جلست مكاني بس اسمع لجدتي ولعيالها حاولت اجتهد ماأفكر بأهلي ولا بجدي سالم وأتعبني .. شوي الا اشوف منى تهمس في أذن جدتي وإلتفت علي جدتي : يمه هديل انا : ي عيونها تسلم عيونك يمه .. خذي رجلك وصعدي جناحكم ارتاحوا لكم كم ساعه التعب هد حيلكم يمه شوفي زوجك يتخبط وهو واقف فيصل يسوي نفسه مصدوم : أنا أتخبط هييين اللي يوصل سلامك لحبيبك الجده : مانيب بحاجه لك .. قومي يمه إرتاحوا ولاتحاتيني عيالي حولي ومنى ماراح تتركني منى: ايه جدتي بعيوني إلين ترجعين مستحيه منهم اتركهم واترك جدتي : بس أنا ... قاطعتني جدتي : لا بس ولا شي اذا تبين راحتي قومي ريحي وأنا بعد بنام لي ساعه أريح راسي فيها وبناتي عندي اذا احتجت لشيء أم فيصل : خلاص حبيبتي قومي ارتاحي وانا فيه بجلس هنا ماراح ارجع بيتي الليله والبيت بيتنا ي عمري إنحرجت منهم : إن شاءالله فيصل سحبني من عندهم ومن جنب منى غمز لها وقال : انتي قدها والله رفعت متونها بغرور .. ولما وصلنا عند الدرج : وش سالفتك مع منى ضحك هههههه حست عليّ هلكان من التعب وقالت لي اصعد اريح وانا قلت من غيرك مافيه وقلت لها ع عنادك وتحدت انه هي اللي بترسلك معي فوق نرتاح وبس زممت بشفايفي: سخيفييين اتفقتوا عليّ يضحك : هههههه لمصلحتك دخلنا جناحنا وترددت لاحظ عليّ : وش فيك بخوف : ماابي انام ليش؟! نزلت راسي .. وخمن هو : بسبب الكوابيس ولا جدي وخوفك عليه نزلت راسي مابيه يشوف بعيوني ضعفي ولا يستهتر فيني ويقول عني بزر أكتفيت بهز راسي ع انه ايه .. فيصل : طيب تعالي نامي عندي رفعت له راسي وفاتحه عيوني مصدومه : نعععم تروع ورقعها: ههههه يعني مانمزح قهرني: والله انك فاضي بجديه منه : طيب والحل في نظرك ، شغلي قران ونامي عليه جلست ع القنفه: لا خلاص ماراح انام أساساً مافيني النوم بجلس الين يأذن الظهر وانزل لهم جلس جنبي : شوفي ي بنت الناس انت بتجنين عليّ ي ننام مع بعض ي نجلس مع بعض أختاري؟ بطفش: إنت وش سالفتك ماعرفتك والله من ... حط إصبعه ع شفاتي وتوترت : لاتسألين من متى وليش وكل ذه أنسيه سؤالي هو ننام ولا ؟! إلتفت عنه : لا فيصل : طيب .. << قام ودخل غرفته >> إبتسمت سخريه : هههه.. ايه ذه فيصل اللي اعرفه ولا بسرعه إستسلم ورجع لي فيصل القديم.. << دقيقه الا هو طالع ومعه اغطيه ووسايد>> : وش ذَا فيصل : ماتبين تنامين عندي ولا تبين تنامين لوحدك مابقى حل عندي غير انه ننام هنا وقبل لاتحتجين بنام كل واحد منا بطرفه مابي اي اعتراض منك لأنه وربي بيغمى عليّ حسي فيني وبطلي عناد كسر خاطري ورضخت ولأنه الصدق حتى انا بيغمى عليّ من التعب خذت وسادتي وغطاي واخترت لي مكان مريح وبعيد وهو شغل ع القران وطفا الأنوار ورجع مكانه وبلحظه صمت قلت له : من انت ؟ إلتفت لي بعد ماكان معطيني ظهره : نعم ؟! قلت له بنبرة حزن : انت مو فيصل اللي اعرفه ومتعوده عليه ليش تغيرت بإهتمام : أزعجك تغيري : ايه مصدوم : عندك قبل أفضل من الآن غريبة كنت أظن انك كرهانه فيصل القديم انا : ومازلت لكن فراق فيصل القديم اهون من الجديد وانا ماابي أتعود ع حاجه مو ثابته : ليش مو ثابته انا ناوي اتغير وأنسيك فيصل القديم : والسبب ؟ سكت فتره وقال : مدري او يمكن جدي وخوفه عليه وتردد اسمك ع لسانه طول الوقت ووصيته عليك حز بخاطري لكن ماتركته يأثر فيني ، اذا التغير بسبب طلب من شخص مو ذاتي معناته ماراح يدوم التغير !! تمسي ع خير ، فيصل : وانت من أهله وغطينا في نوم عمييق بعد يوم مرهق وحزين .. الحمدلله ع كل حال .. ومضه : قلب لاتستطيع ان تمده بالفرح ، لاتخدشه بالوجع !! |
رد: خيوط الألم تنبعث منها أمل ( مساحتي الخاصة
متااابعة ...
عودا حميدا هديل ... |
رد: خيوط الألم تنبعث منها أمل ( مساحتي الخاصة
ddgانورتي واسفرتي
الحمدلله على السلامةةfffsg |
رد: خيوط الألم تنبعث منها أمل ( مساحتي الخاصة
الحمد الله على السلامه
نورتي |
رد: خيوط الألم تنبعث منها أمل ( مساحتي الخاصة
مرحبا وعد عدتي والعود احمد..بانتظار جديدك الجميل
|
| الساعة الآن 03:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©