رد: زوجي طردني من البيت واهلي خاصموني مستجدرد
 

ان شا الله باذن الله جزاكم الله خير
لاتنسوني من دعائكم

رد: زوجي طردني من البيت واهلي خاصموني مستجدرد
 

مع الأخوات
لاعاد تفتحي الموضوع معاه
وأجعلي له من البيت والحياة معك جنه

أسأل الله ان يصلح لك شأنك كله

رد: زوجي طردني من البيت واهلي خاصموني مستجدرد
 

رد: زوجي طردني من البيت واهلي خاصموني مستجدرد
 

رد: زوجي طردني من البيت واهلي خاصموني مستجدرد
 

حبيبتي خلاص وصلت الفكرة..
كل اللي سواه اعتذار
معروووووف الرجل مايعتذر بشكل صريح...
كل هالتقدم والحركات معناها انا نادم..
لاتكرهينه بخطوط العودة وانبسطي وغيري مودك..
بالتوفيق عزيزتي

رد: زوجي طردني من البيت واهلي خاصموني مستجدرد
 

فرحت لعودتكم
بس امك تصرفت تصرف غلط غلط غلط
واللي يسلمك اقطعيها زيارة اهلك الفترة
هذه..
قوي شخصيتك بالعبادات ما استطعتي
زوجك لو نرفز لا تعتذري و لا تنرفزي و لو بتمتمة الشيطان حاضر في كل مشكلة
اول ماتحسينه بيبدا انت ابدي اقري اية الكرسي و المعوذتين
اقري عليك و عليه و علي ابناءك
حاولي تكسبين نفسك بنشاط خارج المنزل ليخفف ضغظ المنزل و تلقي فسحة من هموم المنزل ...
ربي يسخرلك زوجك

رد: زوجي طردني من البيت واهلي خاصموني مستجدرد
 

سبحان الله ممكن هالتصرف صار خيره لها و لعيالها

رد: زوجي طردني من البيت واهلي خاصموني مستجدرد
 

حتى لوكان مقتنع بينه وبين نفسة ان غلطان ماراح يعترف ! لذالك لاتناقشينه ..

وصدقيني إن نصف أحزانا بالحياة ومشاكلنا من تدقيقنا العميق وكثرت جدالنا بأمور كان المفروض نتجاوزها بهدوء ونكمل .،

فرحت للتطور الي صار الله يتمم عليكم وكثري بالدعاء إن ربي يسخرلك زوجك ويسخرك له

رد: زوجي طردني من البيت واهلي خاصموني مستجدرد
 

بالضببببببط ... فعلا كلامج صح

رد: زوجي طردني من البيت واهلي خاصموني مستجدرد
 

ايوة صحيح

طريقتك و أسلوبك كان غلط .. لما تبكي و تقولي اهلي ما يبغوني و ماعرف ايش !؟
لا تحسبي بالطريقة هذه .. انه راح يزيد حنان و حب و رحمة
بالعكس .. الرجل ما يحب المراة اللي ( مالها قيمة و مقدار ) ..
و كذا انت توصلي له رسالة انه انت بدون اي قيمة او مقدار ..

حاولي تقراي كثير و تبني ثقتك بنفسك اكثر صباح العود
يكفي انك تعرفي مقدارك و مو ضروري الي حواليك

و ابدا لا تفكري تروحي بيت اهلك عند اي موضوع بينك و بين زوجك
حلي مواضيعك مع نفسك و في بيتك

عرفتي طبع اهلك و عرفتي طبع زوجك
خلاص انت تغيري و تجنبي الامور الي تجيب لك مشاكل لا سمح الله .. لا تقولي هو يتغير ..
هو راح يتغير باْذن الله بتغيرك انت للافضل

رد: زوجي طردني من البيت واهلي خاصموني مستجدرد
 

جزاكم الله خير
بقلكم على شي ذي المره الثانيه اللي تركني فيها زوجي عند اهلي واخذ العيال ونفس الطريقه عشان ارسلت له رساله يتكلم مع ابويه عشان نحل مشاكلنا قلت له وش رايك قام قال ماتبغيني خليك عندهم وجا اخذ عياله وراح ادق عليه قافل جواله وابويه قابله عند باب الشارع وجلسوا يتكلمون وطلعلي وفهم مني وقلي ابويه تبغين تروحين مع زوجك قلت ايوه بس كنت ابغاه يتفاهم معه على المشاكل قلي لو اعرف انك ماتبكين لو جلستك عندي كان خليتك تجلسين بس اسبوع الا وانتي تبكين تبغين عيالك المشكله الاخيره ابويه مادرى عنها
مدري بس احس اني ماني مطوله شخصيته مررره صعبه

رد: زوجي طردني من البيت واهلي خاصموني مستجدرد
 

السلام عليكم ورحمة الله وبركاته..

مرحبا عزيزتي صباح..

الواضح بأن زوجك لديه تراكمات ولا أظن مافعله بسبب الحدث الأخير بل تراكمات من المشاكل التي تحدث بينكما، عالجي مشاكلكما أولا بأول الصراحة

والحديث الدافىء وفي الوقت والمكان المناسب سيكون الأمر جيدا فيما بعد..

لا تدخلي أهلك ولا أهله بتاتا إلا في الشديد، اصلحي عيوبك التي تزعجه وتوتر العلاقة بينكما ركزي على ذلك صباح..

الأستاذ أبا حكيم في موضوع خاص لك في قسم ساعدني ذكرها لك تساعدك للوصول لحياة أجمل معه..

وفقك الله.

رد: زوجي طردني من البيت واهلي خاصموني مستجدرد
 

الحمدلله بدايات موفقة
واغلب الرجال مايعتذرون لذالك اصبري واحتسبي من اجل بيتك واولادك واسرتك
وعليك بالدعاء والصلاة
اسعدك الله ويسر امرك وحنن قلب زوجك عليك

رد: زوجي طردني من البيت واهلي خاصموني مستجدرد
 

يبغانا نسافر لمنطقه اهلنا ولا كأن صار شي
كيف ادخل بيت اهلي بعد ماطردتني امي منه
كيف اقابلهم بعد ماشرشحني زوجي قدامهم
بعد مارماني عندهم وطردني من بيته لما ودوني له
انا كيف اقدر اتحمل كل هذا
لااله الا انت سبحانك اني كنت من الظالمين
اخاف اقله ماابغى يقول نكديه
توكلت على الله وقلت طيب نروح
حاولت اتقبل الموضوع وامشي مرره مو قادره قلت له انا مقدر اروح معاك لاني محرجه من اهلي بعد المشكله هو ماقال شي قال لا ماابغى اتركك لازم تروحون معايه قلت لاعادي روح سولف مع اهلك وتونس واحنا مره عادي لازم يمر بعض الوقت عشان تمشي الامور قلي اللي تشوفينه
مره فرحت انه ماجبرني
جا طاري اخويه الكبير جالس يمدحه استغربت
وهو يتكلم قلي كيف الغاليه ان شا الله بخير قلت الحمد لله بخير استغربت كلمته لان في داخلي اودعه خلاص
برضو جالس يخرجني للسوق ويمشينا ويلعب العيال تصرفات غريبه
يقلي ان شا الله اذا تحسن راتبك ندخل انا وانتي في مشروع نطور وضعنا انا سكت قلي ليش ساكته خلاص بلاش منه طيب كلامه غريب انا خلاص تبرمجت اني جالسه عشان اولادي وبس وهو فهمني كذا كيف دحين يقول كذا

فيني خوف مو طبيعي مره سحبت كل ثقتي فيه ماعاد فيه ذرة امان من ناحيته ومستحيل ترجع الثقه بيننا اصحى وانا اتخيل ان هذا اليوم بيكون الاخير بيننا واتخيله يطردني
واتذكر امي كيف طردتني وكلامها خااايفه منهم اسمع قران والحمد لله يهديني حتى نوم بالقوه انام كيف يجيني نوم بعد اللي شفته من اقرب الناس واغلى الناس
الحمد لله على كل حال
حسبي الله لاااله الا هو عليه توكلت وهو رب العرش العظيم

رد: زوجي طردني من البيت واهلي خاصموني مستجدرد
 

عليكم بالدعاء والاستغفار والصلاة على الرسوول دااائما

الله يسخره لك

رد: زوجي طردني من البيت واهلي خاصموني مستجدرد
 

السلام عليكم ورحمة الله وبركاته. .

صباح عزيزتي زوجك ماشاء الله معاملة زوجك صارت أفضل فلا تقتلي اللحظات الجميلة بمخاوفك ولاحظي بدأ يتكلم بصيغة الإثنين أنت وهو :)

استمتعي.

وفقك الله .

رد: زوجي طردني من البيت واهلي خاصموني مستجد ر
 

ماشاء الله تبارك الله تطورات جميلة أختي صباح العود ..
الله يوفقكم يارب

رد: زوجي طردني من البيت واهلي خاصموني مستجدرد
 

رد: زوجي طردني من البيت واهلي خاصموني مستجد ر
 

معظم بل اغلب مخاوف الانسان من صنع خياله و لا وجود لها


ما شاء الله ع زوجك جدا اعجبني في تغيير وضعه
ذي البداية و ان شاء الله القادم اجمل

اهلك انا معاك لا تزوريهم الا بعد ما تندثر السالفة و ينسونها
و خصوصاً اخوانك

و ما تحتاجي نوصيك بكثرة الدعاء

رد: زوجي طردني من البيت واهلي خاصموني مستجد ر
 

اذا هبت رياحك فاغتنمنها فلكل خفاقة سكون

اغتنمي تحسن زوجك معك ، وقدمي له المثل

الله يساعدكم ويؤلف بين قلوبكم

رد: زوجي طردني من البيت واهلي خاصموني مستجد ر
 

زوجك من تصرفاته يبين انه نادم على فعله ويبي يرجع حياتك معه ويبيك زوجه له مو بس ام لاولاده ومعك حق تخافي لكن انصحك تصرفي خوفك ورجاءك لله ادعيه بكل صلاة ان يرد لك زوجك ويسخره لك ويحنن قلبه عليكم وامك الله يهديها احتسبي الاجر بوصلها

رد: زوجي طردني من البيت واهلي خاصموني مستجد ر
 

كل المتزوجين يمرون بأيام حلوة وايام سوداء
هي الحياة كذا حلو ومر
فلا تتركين اللحظات السعيدة تخنقها وتقتلها اللحظات التعيسة
كل لحظة عيشيها لحالها..
الناس اللي عايشة حياتها اذا ادبرت عاشوا على ذكرى اقبالها وقضوا وقتها عبادة وتطوير
واذا اقبلت عاشوا اللحظة بكل تفاصيلها..

رد: زوجي طردني من البيت واهلي خاصموني مستجد ر
 

انت موظفة اذا كان صح اشتري بيت لك يكون حصن وامان متى ما تعبتي شيلي عيالك وريحي فيه وحتى لو حصل لك شئ في المستقبل تكوني فيه انتى وعيالك
الزوج اذا شاف الزوجه معتمدة عليه ومافي احد يدور لها يقل مقدارها لانه يحب القويه اللي يحبها الجميع وكلن فاتح لها بيته وبابه ودائما يداريها

الله يسهل لك ويصلح حالك انت وزوجك

رد: زوجي طردني من البيت واهلي خاصموني مستجد ر
 

راتبي قليل مقدر اشتري بيت
انا ماانام الا بالقران اللي سواه صدددددمه لي يبغالي سنه الين استوعب اللي سواه فيني
كلم اخوه لما راح لاهله قاله اخوه ان فيه شي وانه موطبيعي ولازم يرقي نفسه يقول اذا ابتعدت عنك اشتاق لك واذا قربت منك وسكت يقول اخوه قرا عليه ويده نملت وتضايق وشكل فيه اشياء ثانيه مايبي يقولها يسالني عن نفسه وتصرفاته معنا انها طبيعيه او لا قلت له انت فيك شي اللي متاكده منه انك منت طبيعي وبس انتبه لنفسك وقفلت الموضوع

جالسه اقرا عليه واحصنه واقرا على نفسي

صرت اشك انه اصلا يكرهني لانه يدور الزله عشان يحطني عند اهلي وهذا الشي قلته لاني بدات اراجع تصرفاته معي مو بس من الموقف الاخير لا من قبل طبعا كلامه مختلف حب و...الخ صرت اقول يسلكلي ويجاملني
لان افعاله افعال واحد بااااايع ولاهمه والمشكله انه مايحوج ذا كله
ولاحول ولاقوه الا بالله واللي يزيد حيرتي ان حتى عياله ماعليه منهم ماكأنهم عياله لاياخذهم معاه ولايلعبهم وبس يخاصم ويتريق عليهم

اللهم اني وكلتك امري فكن لي خير وكيل ودبر لي امري فاني لااحسن التدبير

رد: زوجي طردني من البيت واهلي خاصموني مستجد ر
 

قلت له بنستاجر شقه صغيره في منطقه اهالينا يصير ناخذ راحتنا يكون اجارها قليل بحيث ندفع اجارها انا وهو من زمان وانا اقله كذا يرفض يقول احنا جينا نزور اهلنا ماجينا نجلس في بيت ثاني اللي استغربته على طول وافق قال طيب
صعب تعيش مع احد ماتثق فيه
الان جالسه اقول لايكون وافق عشان يحطني فيه انا وعيالي ويتركنا 😢
قلتله للطواري البيت ذا (العقل الباطن عندي يتكلم) قال ليش للطواري قال لانروح فيه عادي قلت ايوه نروح في الاجازات احنا دايم نسافر لهم

وش رايكم هل انا من خوفي منه اقول كذا ولا عادي عجبته الفكره بعد المشكله مع اخواني ؟
قلت له يكون جنب بيت اهلي عشان يزوروني واذا بيتمشون ياخذوني قال مو لازم جنبهم

الوضع الحمد لله تحسن بيني وبينه صرنا نرسل لبعض واتس نكت وسوالف واشياء كذا يعني الحمد لله فيه تحسن

بس ملاحظته متضايق مررره يقول كاره دوامه مدري وش اسوي ؟؟

رد: زوجي طردني من البيت واهلي خاصموني مستجد ر
 

يا اختي استودعي الله نفسك و اولادك و زوجك و ريحي بالك، عيشي يومك و ان شاء الله ما يجيك الا كل خير

رد: زوجي طردني من البيت واهلي خاصموني مستجد ر
 

ان شا الله بأعيش يومي وانبسط لابفكر لا بالماضي ولا بالمستقبل ولو صار وش ماصار ربك معي ولاوقفت الدنيا عليه