|
رد: محتارة .. هل اكمل تعبئة تقسيط سيارة لزوج
احبه
في اغلب ردودج تكررين اللي سواه لج زوجج ، احنا مقتنعين ، بس من خلال التكرار واضح ان تبين الاعضاء يدعمونج بقرار انج تساعدينه.. لان اساسا انتي بداخلج تشعرين بتردد وخوف واحنا فعلا ندعمج ، ومحد لامج ، و زوجج والنعم فيه ويستاهل ، وانه لو كنت مكانج بساعد زوجي اذا احتاج ، بل ان ما باخليه يكتب السيارة بإسمي الا بعطيها اياه فدوة لعيونه... لكن يا احبه كل ما مر موقف تغنين له موال انه ساعدتك وضحيت وعطيت احبه.. انتي لو منتي مترددة جان ما نزلتي هالموضوع... جان حسمتي امرج وقلتي بساعده.. والموضوع ما يحتاج استشارة .. بس ترددج واضح جدا احبه .. اذا تحسين نفسج مو كل شوي بتغنين له : انه عطيت وضحيت ووو ساعديه.. اما كل ما ضاق صدره وعاملج بجفا ، مثل اي زوج و زوجة تمر عليهم ايام ما لهم خلق بعض .. ولا لهم بارض مزح وابتسامة و ريج حلو... بتجين تقولين له ما بينت بعينك تضحياتي! ترى صدقيني صدقيني صدقيني .. اذا ساعدتيه ومن اول موقف ذكرتيه بمساعداتج بتخلقين بينج وبينه فجوة كبييييييرة ما بتقدرين تردمينها ولا تصلحينها... |
رد: محتارة .. هل اكمل تعبئة تقسيط سيارة لزوج
اقتباس:
|
رد: محتارة .. هل اكمل تعبئة تقسيط سيارة لزوج
اقتباس:
|
رد: محتارة .. هل اكمل تعبئة تقسيط سيارة لزوج
احنا ماقلنا لاتساعديه هو يستاهل ونعم الزوج ولكن المشكلة فيك انتي ..انتي حساسه كثير واي كلمه تضايقك
اتذكر موضوعك قبل فتره بس قالك ياليتك ماجيتي معي او شي مثل كذا وجيتي كتبتي موضوع كامل عشان هالشي اجل لو اتأخر بدفع الأقساط فتره او صارت مشكله كبيره بينكم وش راح اتسوي الله يوفقكم ويسهل اموركم مع ان رأيي المفروض التركيز يكون على موضوع الأطفال والفلوس تكون لحل هالمشكلة لأن الأطفال راح يملوا حياتك ويخليك تخفي عن زوجك شوي .. |
رد: محتارة .. هل اكمل تعبئة تقسيط سيارة لزوج
سوينا اكثر من زوجك يا اختي الكريمة
مو سواق ب 500 سواق دائم استقدام وخدامه وسيارة ومصروف فوق راتبها وماكنا نبي الا حياة هادئه وراتبها ماندري وين يروح واخرتها قبل الطلاق قمنا نتحاسب وتمن علي انها شرت تلفزيون 55 بوصة وغسالة مواعين ومايكروويف وطقم صواني وكل هاللي منت فيه لحقها لبيت اهلها تحاسبنا وقت المشاكل على تلفزيون وغسالة و 2000 ريال دفعتها واحنا مسافرين سياحة المقصد لاتتوقعين انكم مع الايام ماتزيد مصاريفكم ماتمر عليكم زنقه زنقه بتتهاوشون على مصاريف مستقبلية لسى ماظهرت وبيبدأ كل طرف يبين انه راتبه مستهلك ومايقدر على اكثر من كذا فنصيحة 5 سنوات كثيرة و 160 الف مبلغ كبير 70 الف زيدوها 30 الف تلقون سيارة شبه جديده استخدام محترم وودينها سنة سنتين تتسدد |
رد: محتارة .. هل اكمل تعبئة تقسيط سيارة لزوج
بإختصار
إذا مقتنعة تماماً بردك رقم 39 وبتثبتين عليه توكلي على الله ونفذي فكرتك وساعدي زوجك بالتوفيق |
رد: محتارة .. هل اكمل تعبئة تقسيط سيارة لزوج
المشكلة انت تبغيه في كل لحظة يجاملك عشان ساعدتيه
و يراضيك عشان مساعدتك له |
رد: محتارة .. هل اكمل تعبئة تقسيط سيارة لزوج
بعد الاستخارة والاستشارة والاستئناس بآراءكم حبيبت اخبركم انه خلاص تم دفع مقدم السيارة وانتهت اوراقها والاسبوع القادم سيتم استلامها ..
جزاكم الله خير .. استفدت من كلامكم ونصائحكم وآراءكم .. دمتم بألف خير لاتنسو دعواتكم لنا أنا وزوجي .. اتمنى اغلاق الموضوع.. |
رد: محتارة .. هل اكمل تعبئة تقسيط سيارة لزوج
يسر الله امرك
يغلق |
| الساعة الآن 07:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©