|
رد: زوجي والجوال السري ؟
تحملتك كفايه ...ممكن الاحتمال الي كتبته يكون صحيح ... ان ابوه يجيبه ويعتذر وبيزعل ووووالخ .. بس بيقعد يقط كلام علي ...
وممكن يكون احتمال يتسرع للمحكمه هذا توقعي الاخير ان بيطلق والله اعلم ...والله يهدي النفوس .. بس مافكرت ان اذا رجع للخيانه وش يصير |
رد: زوجي والجوال السري ؟
مافي صلة قرابه ..
|
رد: زوجي والجوال السري ؟
اقتباس:
مااعتقد يااختي الكريمة يطلق اولا لانه هو الغلطان والغلط فظيع ولا يوصف وشي طبيعي بعد الطلاق الناس بتعرف وش المشكلة فهذي فضيحه له ولو قرر يتزوج اهله ماحد بيوقف معاه بعدين ولا راح يفزع له لانه فشلهم اول واكيد بيفشلهم ثانية والدتي تدور لي عروسه بالفم المليان قالوا لي لو انت غلطان والله ماندور لك ولا نخطب لك المحكمة ماعاد تروح وتطلق الطلاق زادت نسبته انا لما جيت اطلق تمرمطت اسبوعين على ماطلقت فيه زوجات ضعيفات حتى الزوج يحسبها معدومة الشخصية يحركها مثل مايبغى بس لاوصل الموضوع للخطوط الحمراء يتحولن لبركان ثاير وتطلع فيهن قوة وعزيمة خليك قوية اللي كاتبه ربك بيصير اهم شي مهما حاول قلب الطاولة عليك لاتضعفين لا بنظراتك ولا ببكاء ولا باعتذار اذا ردك راح يستفزه التزمي الصمت وخليه يحتار ويشوف انسانه مختلفة قوية في هالامور |
رد: زوجي والجوال السري ؟
يااخت سهرانه الضاهر لي انها اول مشكلة تواجهك بحياتك لذالك واضح من ردودك خوفك وترددك وشكوكك وخصوصا في موضوع الطلاق وانك راح تطلقي وهذا مستبعد بل غير وارد ومن سابع المستحيلات مهما كانت عصبية وتسرع زوجك ولاحضي رد اخونا تحملتك كفاية جزاه الله خير
ومااود قولة لكي ان هذه التجربة راح تفيدك وتقويك وتزيد من خبرتك وتفتح عيونك على اشياء جديدة خصوصا اذا استمريتي في كفاحها الى النهاية وماراح تندمي على العموم بأمكانك تنسحبي اذا مانتي قد المشكله روحي ييت زوجك ودزي رساله لزوجك مفادها انا عدت ولاكني لم اعد كما كنت خياناتك جرحتني والمتني وغيرتني وراح اعيش لنفسي وولدي وانت عيش حياتك بالشكل الي يعجبك الحلال بين والحرام بين والايام دوارة وكما تدين تدان (وللصبر حدود ) وزيدي كلام من عندك بطريقتك فماهو قرارك يااختي الاستمرار في صد خياناته وخصوصا انك تملكين حاليا ورقة رابحة وهي ان لديك حجة مقنعه على زوجك ووقوف والدة الى جوارك او الاستسلام وتركة للايام وانتي وحظك واتمنى من الاخوات التفاعل في موضوعك وخصوصا من لهن تجربة سابقة لمساعدتك على اتخاذ قرارت سليمة |
رد: زوجي والجوال السري ؟
تحملتك كفايه...عجبني ردك هذا ..
ماريد قوله ان هذي يعتبر سمعته من سمعة ابني وماريد اي احد كان يتكلم فيها بتكون تلاحقه ومن جهة الطلاق ريحتي فيي هذي النقطه .. ان مو بالسهوله يطلق ... -------------------------------------- اخي بولد نعم هي اول مشكله تواجههني بس نفس المشكله من بدايه زواج ودي انسحب وودي لا ولكن اخاف انتتغير حياتي جذريا تكون لجحيم ..وانا قد قلت من قبل طلاق ماريد .. هو وده على قولته ماطيق اشوفك ماعاد ابيك .. يعطيكم العافيه ماقصرتو |
رد: زوجي والجوال السري ؟
اتصال امه له الان س 5 والنصف و لها يومين ماشافته تساله وينك قال بشقه قالت متى بتجي قال بضل .. امه حاليا يعتبر انها عرفت في مشكله .. سويت نفسي طبيعيه قلت لها مافي شي ىمشاكل عاديه
بتاخذني على جنب قلت لها مو متكلمه قالت لي ابوه يددري قلت مدري وسكتت .. لو قلت ان يدري بتقول ليش ماتعلميني وبسسس .... |
رد: زوجي والجوال السري ؟
بس الحين شلون بكره اداوم اطلع من غير مايدري للجامعه ولالا ؟؟او ارسل له رساله ؟؟؟؟
|
رد: زوجي والجوال السري ؟
اقتباس:
|
رد: زوجي والجوال السري ؟
فعلا بما انه الموضوع بيد عمك خذي رايه بالموضوع
ووضحي لزوجك أنك استعنتي بابوه مش باحد غريب وانه تصرفك مش نشر اسرار وانما طلب للعون وانه هو الي حدك لذلك وانه اكثر الحريم تروح تستعين باهلها فهذه حسنه تكتب لك زوجك غلط وغلطه مش صغير والمفروض يحس بهالشي |
رد: زوجي والجوال السري ؟
اه بس ياليته يحس بغلطته ابد موحاسس كلش ...
هذا له 3 ايام مارسلت له ولا رسل لي تتوقعون طاب خاطره ..؟ سالت ابوه وش رايك ارسل له قال رسلي وحاولي مره ثانيه |
رد: زوجي والجوال السري ؟
ابي شنو اكتب له برساله احترت اخاف اكتب شي ويعصب نوروني ياتخواني واخواتي
|
رد: زوجي والجوال السري ؟
[QUOTE=سهرانه ومانام;3298734]ابي شنو اكتب له برساله احترت اخاف اكتب شي ويعصب نوروني ياتخواني واخواتي[/QUOTE
ايش القصد من الرساله يأاخت سهرانه وضحي شوي |
رد: زوجي والجوال السري ؟
انا كلمت ابوه وقال لي كلميه ورسلت رساله وياليت مارسلت زاد الجرح جرحين وثلاث وعشر صرت مجروووحه حيييل ياعرب يامسلمين وين اودي وجهي من اهلي 😢 وش اقول لهم .... كلمته بالرسائل النصيه ان يرجع لولده ويترك خ ابيطه ونفتح صفحه جديده وووالخ وانتو عارفين الكلام ... توقعون وش قال لي انتي السبب ليش قلتي لابوي ؟؟ ليش تقولين عايلتها له ليش تفضحينها ان صار شي للبنت والله ومايردني الا اقط الورقه بوجهك خليني بحالي .. تخيلتو يابشر يبيعني عشان وحده تخيلتو كيف ؟؟ يبيع ولده وزوجته عشان بنت ماندري عنها ؟؟؟ يقول من تزوجتك وانا مومرتاح طبيعي مومرتاح لان خرابيطه انفضحت اول ماتزوج قال بدور لي وضيفه برا المدينه الي نحنا فيها وافتك .... بس المشكله هنا كل الابواب مقفله بوجهي اهلي مارحت زياره ذاك الاسبوع ويسالون عني وولدي عندهم بحكم ام زوجي تعبانه وماتقدر تمسكه لاني ادرس بس المشكله هالسبوع شلون اروح وخايفه ومتشتته ويدي على قلبي وصايره هزيله وضعيييفه حيل 😢لو اعطي اخوي رقمها والله لايطلع ابو ابوها ويروح لهم للبيت بعد بس مابي فضايح ولاابي اعلمهم عن شي سمعة ولدي من سمعة ابوه ....
ياعالم نوروني دلوني الله يوفقكم عطوني حل والله ضايقه فيني الوسيعه |
رد: زوجي والجوال السري ؟
اقتباس:
|
رد: زوجي والجوال السري ؟
غريبة ؟؟
بدال ما يقطع علاقته بالبنت اللي يكلمها ويوعدك انه يترك هالطريق ويفتح صفحة جديدة يهددك لو حصل للبنت شي ؟ بيطلقك ؟ واضح ان زوجك عارف انك ضعيفة وخايفه عموماً هو ماراح يحس بمقدار خسارته الى ان تختفي هالبنت وتغير رقمها وترميه وراء ظهرها اذا هذا تفكيره فأتوقع انه من قائمة زوجوه يعقل فالله يعينك واسأل الله انه يهديه ويصحى من الغفلة اللي هو فيها مالك الا الصبر وعليك بسهام الليل والدعاء |
رد: زوجي والجوال السري ؟
قلت لك
راح يخونك في بيتك و قدام عيونك بسبب ردة فعلك ( السلبية ) |
رد: زوجي والجوال السري ؟
اخي روح الطير الله يهديك قل كلمه تنفعني بها .....
اخبدي بوولد ماقلت لاخووووي .. ابد بس اقولكم لو لو اعطي اخوي بيصير مشكله بس مابي اقول له .. تحملتك كفايه صعبه واروح بيتنا الحين الاسلوع الجاي بروح يمكن بعد لان مانعني ابوه من الروحه ابدا وثانيا لو بروح اقول لاهلي شنووو لحالهندم والديني صحتهم على قدهم امي عندها ضغط ودائم مرتفع ودقات القلب سريعه والمستشفى يحاولون يوازنون دقات قلبها وابوي برضو سكر فيه وفيه عله بالقلب شرايين متسكره ودايم يتعلدب منهم لو بروح اخواني مب راحمينه شقول لهم خاين ولا راعي بنات ؟؟؟ كيف اقولها لهم ؟ هو جدا يدافع عن البنت جدا مصدومه منه حيل حيل حيل ... امس امه شافتني انهرت دموووع واشهق الم تقول ماعليك تعوذي من ابليس ولدنا مافيه العيب بيرجع لك امه ماتدري عن اي شي قالت لي امه بروح له الشقه اليوم ... بس انا نهائيا اقول لاهلي شي بكون ساكته اعطيه فرصه مده اكثر للعيد والله العالم ... |
رد: زوجي والجوال السري ؟
مرحباً أختي
سأقول لكِ رأيي والله أعلم طريقتك أنت ووالده في حل المشكلة لم تكن بطريقة صحيحة وفيها حكمة فوالده ربما زعق عليه زعقتين مع شوية تأنيب أو تهديد إضافة إلى فضحك أمامه وأنك أشتكيتي له مما جعل زوجك ينقم عليك... وأنك زوجة لاتستري على زوجك وقللتي حجمه أمام والده والصحيح... أنه كان يتم تخطيط بينك ووالده عن طريقة معينة مثل : أن يختلي الوالد بولده ويقول والده رأيت فلانة تبكي ومتضايقة فسألتها ماذا بك ... فقالت لا شئ... فأصررت عليها وأني بمقام والدها حتى أخبرتني عن أخطائك وحلفتني إني ما أقولك عشان تبغى تحافظ على أسرار بيتها وكذلك إنك طيب معها لولا هذه الأخطاء ... وأنا يا إبني طمنتها وقلت لها إن شاء الله خير وما حأقول لأحد... بس يا إبني أنا ما أرضى الظلم على أحد وعلى بنت الناس فهي أمانة عندنا... ويبدء والده بنصحه بهدوء وتوعيته أن طريقه غلط وسيُرد عليه إن لم يتب... إلخ من الكلام ... ويقول لولده في النهاية... وهذا الكلام ياولدي بيني وبينك من رجل لرجل وأنا أبغى لك الخير في حياتك... وما حأقول لزوجتك أو لأحد الكلام إللي صار بيننا... بس أبغاك توعدني أنك تبطل وتنتبه لبيتك وزوجتك وولدك وبذلك... ستظهري بمظر طيب عند زوجك بأنك محافظة على الأسرار ومحافظة على حياتك معه... وإن شاء الله سيكون هناك تغير ولو بنسبة كبيرة... أو إيجاد حل آخر بد ذلك أما الآن فزوجك شايل عليك... ودفاعه عن البنت... أعتقد من باب التحدي لك وإغاضتك وكسرك... وليس لرغبته في البنت ذاتها إلا أن يكون هناك شئ آخر الحل يبدو لي أنك لاترغبي بالإنفصال فليس لكِ إلا الصبر والله يعينك مع عدم التجادل معه أو مناقشته في الموضوع حالياً فقط عليك الإهتمام بنفسك وطفلك والقيام بالواجبات اليومية وفي حال فتح معك موضوع لماذا أخبرتي والده فقولي له... من حبي لك ومن النار التي بداخلي عندما أرى أنك تكلم النساء وكأني لست زوجتك حلالك... ولاتحس بما أشعر به من غيره عليك... إضافة إلى أن ماتفعله لايجوز وكما تدين تدان... ويمكنك إضافة كلام مناسب من عندك والله أعلم |
رد: زوجي والجوال السري ؟
الرسمي
كلامك قد يكون صحيح على مافعلته فيه وقولي لوالده قد يكون ممكن ان فضخته ولكن ابوه يكون ستره حتى الممات لو يموت مايقول كان اول هو كذا وكذا بس من ضغط وكبت كبت كبت يولد انفجار والحمدالله انفجرت بوالده مو في احد غريب |
رد: زوجي والجوال السري ؟
السلام عليكم ورحمة الله وبركاته ...
اخباركم ي بشر.... رجعنا للمشكله .... لي ثلاث ايام من كلمته وزعلان وهذا المكتوب فوق في رد 57 الحين ابغى اكلمه لاني في شتات عظييييم ابغى اكلمه وش اقول له محتاره اخاف اقول كلام يزيد الطين بله ؟؟ شنو اقول له ؟؟؟ ---------------------------- |
رد: زوجي والجوال السري ؟
سهرانه ومانام
لتعلمي ان مواجهتك له اكبر غلط عملتيه بحياتك الان الرجال بلاويهم بجوالاتهم تقدرين تقولين الصندوق الاسود حطي براسك انتي الاساس وماراح تسمحين لوحده اجنبيه عنه تاخذه منك ما استبعد انه حبها وتحصل او يعشق شيء معين فيها وكمان تحصل ،،،، لما خبا الجوال عنك معناته مايبغاك تعرفين معناته مايبغى يهدم بيته فضحك له عند والده امر غير مقبول تخيلي انتى اخطيتى وفضحك عند اهلك عرفتي شعوره الان مفترض تعرفين انه انسان بشر يخطي ويصيب والستر واداره بيتك من تحت لتحت وجذب زوجك لك افضل من ان المشكله تخرج برا البيت ،،،، الان حددي هدفك معاه وقبل ماتقومين باي امر شوفي اش تكسبين واش تخسرين وعلى اساسها امشي والاهم والاهم خلك قويه داخليا واصبري وصابري الحبيبه يلقى وقت يكلمها ظنك بايش تدور محادثاتهم واش الى يخليه متعلق بها كذا ويدافع عنها اشتغلى بنفسك الرجال من يوم يشوفك تخلينه شغلك الشاغل فانتى تسلمين مفاتيحك كلها له محتاجه منك التركيز وتعرفين هدفك معاه عشان تتحركين وتتصرفين صح ولو طال الامر |
رد: زوجي والجوال السري ؟
اقتباس:
في شو تكلمينه .. خليه يرضى بنفسه .. شين وقواة عين hgh من بعد هالموقف محد بيقدر عليه وبيكلم وبعلمش بعد |
رد: زوجي والجوال السري ؟
خروجك من بيتك مو حل ومكانك بيتك شقتك مو بيت عمك
انتي الان تركتي له البيت ومجااااال كبير يسرح ويمرح مكالمات الخ مع بنات الحرام بعد ماكان يسويها بالدس وعلى خوف ينفضح كلامه لك انتى فضحتيني انتى عدو انتى كذابه طبيعي ولا تزعلين هوااا اخطأ خطا شنيع صراحه الخيانه مره بس بنظره انتى كسرتيه وكسرتي صورته امام والده ولكن دامك ماتبين الطلاق ولا انو ابنك يبتعد ويعيش بعيد عن ابوه الدأي حلول عمليه بينك وبينه ارجعي بيتك اتوقع زوجك صغير تفكيره محدود الايام كفيله تخليه يعرف قدرك تكلمي معاه بصراحه وود قولي له يابو فلان انت صدمتنى وانا اشوفك احسن الرجال بعيني مابي شيء ولكن ضع نفسك مكاني مارد فعلك ؟ تكلمي بعقل بدون صدام وبنقاط المختصر المفيد ولا تخرجين من بيتك حترجعوا لبعض باذن الله ان كان الوحده اذا طلقها زوجها مفروض ماتخرج من بيتها ظنك وش الحكمه الالهيه مو مشكله ،،،،، وبعدين لاتجيبين طاري الطلاق ابدا اشتغلي على نفسك خليه يعشقك كرجل فهمتيني ثقفي نفسك اقرأي حتى تعاملك مع ولدك امامه كلك انوثه افتحي مواقع التواصل واليوتيوب تعلمي اش يحب الرجل اشغليييييييه فيك لا تخلين فيه طاقه لغيرك ابدآ الشبعان ان شاءالله تحطينه بوسط افخر المطاعم ماحياكل ولايطالع بالاكل لانه شبعان اما الجيعان لو حطيتي قدامه سندوتيش هجم عليه لذلك ارجعي بيتك وتفاهمي معاه بالعقل وبالحب وبعدين اشتغلي على نفسك واشغليه ولاتنسين شغلتين الصبر وكونى قويه من جوا والدعااااااء بصلاح الحال والله قلب زوجك بين يدين الله دمتى بود |
رد: زوجي والجوال السري ؟
السلام عليكم وحمة الله وبركاته
الى منتداي الغالي ابلغكم بان زوجي اتى الى البيت وطلب مني بان اسامحه على مافعله من قول وفعل .. وايضا طلب بان نفتح معه صفحه جديده طبعا هذا بعد جدال وحوار وشدبالكلام رجع البي عقله وفكر ولكم لااعلم هل ترك هذه البنت المتعلق فيها ولالا ؟؟ سؤال يدور في راسي ويريد بان لا اذكره بالماضي ابد وااحمدالله مافيني هذا الشي ابدا باستهزاء باحد ولكن هل اساله عنها ام ماذا ؟؟؟ |
رد: زوجي والجوال السري ؟
اقتباس:
ماشاء الله مستجدات طيبة وربي استجاب دعوتك وهدى زوجك وبماانه رجع بنفسة وطلب السماح وفتح صفحة جديدة فمعناته انه رجع لعقلة والهمة الله الصواب وسامحية وانسي الي فات ومافي داعي تسألية عن البنت اوتجيبي طاريها ابد اسئل الله لكم السعادة |
رد: زوجي والجوال السري ؟
مبروك أختي الله يصلح حالكم ،
نصيييحه إنسي الماضي وحسسيه بالثقه ولااااااتفتشين وراه وكلي الله عليه وربي رقيب على أعماله ، حطي في بالك إن الصلاح من ربي مو أنتي الي تصلحينه إدعي الله دائما يعفه من الحرام ربي مايخيب من دعاه . وحاولي تجذبينه لك ، وصدقيني مايجذبه كثر الثقه بالنفس حسسيه إنك الأنثى الوحيده في العالم وإنه ماراح يحصل مثلك لاتحطينه أكبر همومك إنشغلي عنه بأي شي في الحياه . |
رد: زوجي والجوال السري ؟
الله يبارك فيكم ياعرب هذا احاول ارجع الثقه والحمدالله علاقته مع ابوه رجعت زي اول 😊هذا الي اريده والحين خليته مثل مايبغى ...
نفس ماقلتو ربي حسيبه ورقيبه ... |
رد: زوجي والجوال السري ؟(مستجدات الرد 64)
والله موقفك غريب جدا من البدايه.
والسلبية اللي انتي فيها مخليه زوجك يسوي الغلط بدون حتى تأنيب للضمير. المفروض هو اللي يخاف ويتوتر وماينام الليل من التفكير فيك وفي الولد وكيف يرضيك ويسعدك ويترك هالمعصية اللي هو فيها . اذا بتحاسبينه على علاقاته يا تكونين حازمه جدا جدا وقويه وتكلمينه وانتي عينك بعينه وواثقة من نفسك. او خلاص خليه لأنك كذا تخلينه يتنازل جدا بالغلط. هو عرف كيف يخوفك ويتسلط عليك ويهاجمك قبل تهاجمينه ويقنعك دايم انك انتي الغلطانه يعني مافيه اوقح من كذا عزيزتي اللي استشفيته من كلامك. واضح جدا انك تُحبين زوجك وتعشقينه عشان كذا لما تواجهينه بالغلط من اول رده فعل له تتراجعي على طول عن موقفك عشان تكسبين وده من اول وجديد. طريقتك لحل المسأله ليست طريقه صحيحه أتمنى ماتزعلي من كلامي وأتمنى لك السعاده الأبدية. |
| الساعة الآن 07:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©