|
رد: مشكلتي مع زوجي لم تنتهي!! رائيكم يهمني
اقتباس:
وبلعكس لا تطفل ولا فضول ردودك تفرحني كثير. والشرط الي اقترحته علي هذا شي اكييد اني بطلبة يحترمني .. اما ضمانات زي ماقلت فصعب مين من اقاربة اذا أمه فرحانه وتقول بنتكم تستاهل من بيوقف من اقاربه غير انهم ناس منطوين على نفسهم لا يعرفون خوال ولا عمام غير المناسبات وأحياناً حتى المناسبات مايزوروهم.. ... المشكلة ايضا اهلي يقولون لي انتي تفاهمي معاه حنا مالنا شغل بمشاكلكم !!!!.. |
رد: مشكلتي مع زوجي لم تنتهي!! رائيكم يهمني
اقتباس:
لاكن لجل بناتي بتحمل واعطي فرصه اخيره.. و لان الاغلب هنا قالو ارجعي بفكر بالرجعه الاخيره .. واشكرك على ردك .. |
رد: مشكلتي مع زوجي لم تنتهي!! رائيكم يهمني
ظل الياسمين .. تسلم يمناك والله
احفظوا هالجمله عدل اهلي وان ضنوا عليَّ كِرامُ اهلي وان ضنّوا عليَّ كرام اهلي وان ضنّوا علي كرام اللي تعارض الطلاق لمجرد ان الاهل (( يضايقون )) تردد هالكلام قبل النوم وتعالج نفسها تدرون ليش؟؟ لانكم ماتعطون حلول جاده لوضعها مع زوجها تقولكم الرجال يمد ايده يبصق بوجهها اليس هذا تحقير ؟؟ مسح بالبلاط بالتعبير المحلي ؟؟ طيب انمسح بالبلاط ولا اصير مطلقه اكرم لي ؟! اذا قصدكم بناتها !! اي شخصيات بيطلعون فيها اذا الام تنهان قدامهم ؟؟! بيطلعون احدى شخصيتين إما شخصيه متسلطه علشان لا تعيد حياة امها او مهانه ترتبط بزوج يهينهاوتظن هكذا الحياه الزوجيه |
رد: مشكلتي مع زوجي لم تنتهي!! رائيكم يهمني
🌹اختي المجروحه
عزيزتي انتي مو محتاجه طلاق حالياً محتاجه فقط تعززين ثقتك بنفسك لاحظي موضوعك السابق تحاولين ترضين اهله تحاولين تكسبينهم ومع هذا ولا همهم كنت صريحه وقلتي يهمك كلام الناس ( الصراحه هنا جزء من العلاج على فكره ) واذا اهل زوجك مارضوا ؟؟ واذا الناس قالو تطلقت ؟؟؟ واذا اهلك يقطون كلام ولا يضايقونك ؟؟ خير ياطيييير !!؟ المفروض كل اللي فوق ماتفكرين فيه فكري بنفسك انتي وبس فكري بمنظرك وانتي تنهانين فكري بنفسك اذا جلستي لحالك في بيتك تبكين وينهم هالناس مايجون يطبطبون عليك عالاقل فكري بمنظرك قدام بناتك وقت هواشك مع ابوهم بالله اي نفسيات بيحملونها الا بيشيلون عقد او خوف انتي محتاجه تبنين ذاتك من جديد فكري بمستقبل حياتك مع زوجك لو رجعتي لو رجعتي الحين مثل ماانتي عليه نفسياً بترجع نففففس المشاكل ( التافهه) لا وتأكدي الحين زوجك يسوي خدامات ويتلزق باهلك لانك اول مره تجلسين عندهم كل هالمده بكره بيسحب عليك وبيتعود على زعلاك هذا اذا ماتزوج وعاش حياته ويمكن مايطلق عناد ويمكن يطلق وتكونين باضعف حالاتك لانك ساعتها بتصورين ان الطلاق نهاية العالم لان هذي الفكره براسك حالياً واللي يزرعها مجتمعك من حولك فييك احمدي وبك ان ابوك جبر بخاطرك بردهم عن ان احد يضايقك وبالنسبه لامك موجديده هذي طريقة الامهات بالاقناع تضغط تضغط تظن انها تلزمك بالصح هذا تفكيرها طيب مالك الا انك تسمعين باذن وتطلعين من اذن بس اهم شي اخدميها لله مااشجعك على الطلاق ولا اعارضك عليه فقط استرخي وحددي بورقه شروطك وحددي الاهم فالمهم بالنسبه لاهل زوجك رضاهم مش هدف صيري رسمي معهم زوجك اذا رجعتيله لاتشدين معه علشان لايمد يده لان يبدو متعود على هالشي ومحتاج يبطل هالعاده اما المشاوير اهم شي الطبيب والدراسه ولا مشاوير الاهل ملحوق عليها اهم شي تعامله هو معك وتعاملك معاك اذا عندك رغبه بالطلاق استخيري ولو بترجعين لازم شروط وايضاً استخيري ولاتنسين اهم شي استعيني بالله واستعيدي ذاتك سلااام |
رد: مشكلتي مع زوجي لم تنتهي!! رائيكم يهمني
اخت مجروحه كيفك ان شاء الله طيبه ونفسيتك هديت اتمنى انك تفكري بعمق بناتك يسوو الدنيا ومافيها والتضحيه عشانهم تستاهل اتغافلي عشانهم والله يااختي ان لابد يجي يوم لزوجك ويهديه الله ويسعدكم ربي وتتعوضين
|
رد: مشكلتي مع زوجي لم تنتهي!! رائيكم يهمني
اقتباس:
وانا قرأت ردك مره ومرتين وثلاث ...وعشر انا بحيره.. ولا انتظر من زوجي احسان لاكن ان رغبت بالرجوع له فهو عشان بناتي .. انا تعبت تفكير مو قادره اقرر ولا اظن ان زوجي بيرجع يطلب الصلح انا اعرفه زين واهلي شالو يدهم من الموضوع ومو عارفه ايش اسوي .. لاكن وكلت امري لله ... انا كتبت في الردود الشروط الي ممكن اطلبها .. مع اني عندي احساس انه مابيوافق .. والزواج كل يوم يجيب سيرته ويحسسني انه راح يتزوج علي طال الزمن او قصر.. وانه الزواج موجريمه و و و و يحب هالموال كثير .. فعلى المدى البعيد احسة متزوج متزوج.. هذا غير انه يطبق علي تعليمات امة .. تحرضة علي تتكلم علي مااقول هالكلام من فراغ.. وانما من ورا الجوال اسمعها .. وسمعتها كذا مره لما كنت عندهم بالبيت .. وتقوله الدلع الزايد ليش لاني طلبت كرسي للمطبخ وانا حامل وتقوله هذا وهي شباب الله يخلف عليك ياوليدي اجل عقب عشر سنين وش تصير هالي عندك.. وتحاول تشوه صورتي امامه ... ومره كانت تقوله ياعمري ياولدي وش هالحض لك الي زوجتك ماصارت مثل بنات هالوقت الي الوحده تدلع زوجها وتهلي فيه وتقوله تعال اجلس جنبي.. وصارت مشكلة بيني وبينه والسبب كلام امه ويقول ليش ماتقولين تعال اجلس جنبي !!! وانا كنت نفاس وكنت على السرير وقلت له كيف اقولك تعال وانا تعبانه على السرير !!!!؟ وكيف اقولك تعال والكل موجوود امك وامي وجدتي و و .. ................ واي شي يصير بيني وبينه الخبر على طوول عند امه... وامه تتدخل لدرجه ماتتصورونها .. وامور خصوصيه وتفهم ولدها اني خربانه من تحت وما اعرف اهتم بنفسي ووو ( اسفه جدا على هالكلام لاكن لجل اوضح الصوره الى اي مدى ) وهو يجي لمي وتحصل مشكله ويقولي روحي لم امي خليها تعلمك !!!؟ ..... المهم من الصعب اني اتعايش مع ناس مثلهم خصوصا انه يجبرني بزياتهم ويجبرني اروح لهم كل يومين و اروح ولا ينفع فيه ماغير ارجع متضايقه .. وتصير مشكله عشاني متضايقه ولما اصارحه يقول عادي كل البيوت كذا...!!! لاكن انتي لازم تحدثين مشاكل..! .... احس حتى لو رجعت راح ارجع له شخص ثاني ارجع له مجرد اب لبناتي .. ارجع ماراح يلاقي مني ابتسامه ضحكة استقبال اهتمام ... ولا شي وثم تبدأ المشاكل مره ثانيه ويبدأ يلومني ...! هو يلومني وانا ماقصرت ..كيف وانا مقصره !! والا امثل علية في كل شي وامشي حياتي بالتمثيل طول عمري؟؟ |
رد: مشكلتي مع زوجي لم تنتهي!! رائيكم يهمني
اقتباس:
الحمدلله بخير ونفسيتي أن شأالله تمام .. اما التفكير فمتعبني كثيير.. بناتي هم الشي الي يربطوني في الرجوع له .. كلامك يدفعني للأمل والتفاؤل .. اشكرك على الدعوه و جزاك الله خير. . انا كتبت في الردود الشروط الي ممكن اطلبها .. لاكن ان رفض .. وان و رجعت ورجعنا لنفس الموال.. لانه يعتقد اني اهنته و كان يتوعدني وكذب علي وحلف بالله وعلى المصحف لأخي انا انصدمت اكثر فيه لهذه الدرجه .. افكر حالياً ان طلب التفاهم او رجوعي .. اوافق بالشروط الي ذكرتها.. و اعيش حياتي مثل ماقالو اذن طين واذن عجين .. والله الهادي .. شورك اخي علي يهمني.. اشكرك جزيل الشكر. .ddg |
رد: مشكلتي مع زوجي لم تنتهي!! رائيكم يهمني
انصحك بالرجوع الى ان تلقين وظيفه ويكبرون البنات
الرجوع خليه بشروط لازم الشروط مكتوبه واذا رجعتي له عيشي معه عادي لاكن لا يستفزك بشر خلك دايم ابرد من الثلج واللي تشوفيه صح سويه والسكوت من ذهب |
رد: مشكلتي مع زوجي لم تنتهي!! رائيكم يهمني
اقتباس:
وبالنسبة لكلامك انه ممكن يرجع نفس الموال مااعتقد لان الحياة دروس وزوجك اتمرمط في غيابك وبعدين الغرض من عودتك هذه المره عشان بناتك اولا وعشان اهلك لانهم ماهم مقتنعين وبعدين لكل حادثه حديث انا عارف انك مصابه حاليا باحباط وتخبط ولاكن بمجرد عودتك منزلك راح يختلف الوضع يكفي انك تعودي منزلك معى بناتك وفي من يصرف عليكم ويجيب احتياجاتكم وحاولي قدر الامكان الابتعاد عن والدة زوجك ولاكن بأسلوب طيب وحاولي الابتعاد عن الاشياء الي كانت تثير المشاكل بينكم مثل العصبيه وعدم التغافل حاولي ايضا تهدئة زوجك باسلوب هادئ وقت زعله لانه يااختي زوجك مهما كان المهم انك تكوني صاحبة القلب الكبير والوسيع والايام كفيله بتغيير زوجك لوصبرتي عليه ايضا نصيحه حاولي الالتزام بالعبادات لانها تصلح الحال وتزيل الاحقاد وتريح النفس حتى الزوج عندما يشوف زوجته ملتزمة بالصلاه ينبسط ويتنازل ويتغافل عن عيوبها ان وجدت انا عارف ان ردي هنا اختلف عن بقية ردودي وفيه هجوم وقسوة عليك بعض الشي ولاكنه للتذكير والحرص عيشي حياتك فكري في الجانب المشرق دائما المستقبل امامك لديك بنات الله يخليهم ويجعلهم قرة عينك ولديك وضيفة منتضرة منك مجهود بسيط للوصول اليها ايضا لديك زوج ومهما كان حالك افضل من غيرك مطلقات وارامل وعانسات بالتوفيق |
رد: مشكلتي مع زوجي لم تنتهي!! رائيكم يهمني
.................................... لو قال لك شيء عن أمه ابتسمي أو قولي حسبي الله ونعم الوكيل . وخليه يخاف
هو مو غبي بيعرف وبيخاف ع أمه . حاليا اللي عليك ادعي ربي بالوظيفة والحياة السعيدة والله ينتقم لك لمن كان السبب . وصدقيني حتى لو توظفتِ وطلبتِ الطلاق بياخذ بناتك منك هذا الواقع . فمن رأيي ، حاولي محاولة أخيرة ارجعي له وغيري طريقك معاملتك معاه . وأهله لو قالت أمه قدامك أي شيء ابتسمي ولا تبينين ردة فعل أبدًا .. وارجعي لبيتك وافرشي سجادتك وهالله الله بالدعوات ghjj وواضح زوجك ماعنده ذاك الشخصية فخذيه ع قد عقلك قالك ليه ماتسوين كذا قولي سم وأبشر الحين اسويها لك . لا تقولين وشلون والا كيف لا خليك هادية مرة . عيشي لنفسك باختصار خليه اذا جاء يحس انه ملك .............. hhر حطي ببالك فترة مؤقتة حتى يكبرون بناتك شوي ،، وربي يرزقك بالوظيفة والدخل الثابت . أما علاقتك مع أهلك لا تعلمينهم مستجداتك .. ولو قالت أمك شيء عنه وانه أنت العوبا قوليلها يمه بنجتمع عند ربي وإن كانكم ظلمتوني وجلستوني عند هالظالم فالله بياخذ حقي منكم . ولا تكثرين شكاوي ولاشيء خلي قلبك حجر .. فقط قوي علاقتك مع ربي وبينصرك ربي . الله يفرج همك . |
رد: مشكلتي مع زوجي لم تنتهي!! رائيكم يهمني
اقتباس:
وكلامك يعطيني حافز وامل كبير .. اشكرك.ddg |
رد: مشكلتي مع زوجي لم تنتهي!! رائيكم يهمني
اقتباس:
وبالنسبه لأهله .. فأنا فكرت انهي العلاقه مع اهلة نهائي.. وبالنسبه لتحسب على امه مره قلت حسبي الله عليها لانها كذبت علي فجن جنونه و مسك يدي بقوه ويقول لاتدعين على امي .. قلت انا ما دعيت انا اتحسب عليها ان كنت ظالمتها ربي بيجازيني وان كانت ظلمتي الله ياخذ حقي منها .. جن جنونه ويبصق بوجهي ويدعي علي!!! رضاه بالسابق كان غايه لي ... اما الحين ف ما افكر برضاه ابدا.. وانا الحمدللة علاقتي بربي كويسة والحمدلله. . فرجائي بربي فقط لا ارتجي من احد شي.. واهلي ماني عارفه لهم انا اساسا ما كنت اقولهم كل شي فقط المشكلة بالاساس .. وبعد ما قلت لهم كل شي من صغيره وكبيره .. يلومني اني ماقلت لهم من البدايه واول بأول و هالحين بعد ماصرت اقولهم كل شي بعد صار الوم علي واني الغلط.. الله يصلح حالي وحال جميع المسلمين. . اشكرك لردكddg |
رد: مشكلتي مع زوجي لم تنتهي!! رائيكم يهمني
حابة استشيركم ..؟
انا ابوي طلب مني ارجع البيتي ولاكن ما اعطاني فرصة اتكلم واقول الشروط.. يادوب قلت له ابغاه يغير الشقه وقال انا ما اقدر الزمه بشي هو موقادر عليه .. قلت يقدر لاتخاف قال.. لا انا اطلب هذا الطلب منه واقوله .. قلت ولا ابغاه يلزمني بأهله قال هاذا من حقك وانا اقوله .. وحنا عطينا زوجك درس بأنه يحترمك ولا يهينك ولا يمد يده عليك وهو قايل لأخوك انا الي براسي طاح وانا اتصل عليها ماترد.. وهو ولامره اتصل علي جيت بتكلم وسكتني ابوي وقال قومي ظبطي نفسك وخلي اخوك يوصلك بيتك ...!!! ...................... ابوي طلع للبر مع اصحابه وجاء زوجي وطق الباب وخذا البنات ومشى !!? مو شي يقهر !! طيب كيف ارجع له وهو ياخذ بناته ولا يسأل طيب لي ماقال انا انتظر فلانه خلوها تجي ..!! انا مو ميته عليه...!! لاكن اسلوبه وكذبه لازال .. ليش يقول اتصل فيها ماترد وهو يكذب مارفع التليفون علي..! ......... امي وخواتي طلعو زياره لخالتي .. وجلست بالبيت وفيه جدتي.. وجلست تتكلم معي بخصوص زوجي وتقولي انها تعبانه تفكر فيني وتدعي لي وبدت تعطيني مواقف عن صبرها ايام زمان ولازم تصبرين .. طبعاً انا مثل الجدار ماتكلمت لان الدمعه بطرف عيني والعبره بحلقي .. ماني قادره اقول شي .. المهم طلعت جدتي زياره لعمتي .. وجالسن بالبيت لحالي .. انا ماني حابه ارجع لزوجي بهالطريقة. . واذا جاء ابوي وشافني مارحت وزعل علي !!! |
رد: مشكلتي مع زوجي لم تنتهي!! رائيكم يهمني
قولولي كيف اتصرف ..؟
ايش اقول لأبوي .. ردو علي الله يجزلكن الجنه |
رد: مشكلتي مع زوجي لم تنتهي!! رائيكم يهمني
اقتباس:
ولاكن لوجى والدك وانتي قاعده بأمكانك تخبريه ان زوجك وصل واخذ بناته ولاعبرك او بأمكانك تدقي على والدك وتراجعيه وتقليله ممكن نأجل موضوع العوده شوي لاني بصراحه اتبهذلت من زوجي وابغى اضمن نفسي هذي المره ان مايمد يده فيني وماابغى ارجع له الى لاسوى ورقه اوتعهد على نفسه انه مايسويها مره اخرى هذا الي انا شايفها اعذار مقنعه حاليا ويقتنع بها والدك ان شاء الله |
رد: مشكلتي مع زوجي لم تنتهي!! رائيكم يهمني
وبعدين ذكرتي ان والدك قال انه اعطى زوجك درس وماراح يمد يده عليك ممكن نعرف كيف اعطى زوجك درس وكيف اتصرف معاه لوسمحتي يأختي ابغى استفيد من خبرة والدك الله يطول بعمره
|
رد: مشكلتي مع زوجي لم تنتهي!! رائيكم يهمني
اقتباس:
كنت منتظره ردك بالأخص. . انا جاء ابوي وجايب معه امي وخواتي وبناتي.. استغربت ان بناتي معاهم .. سألت خواتي قالو ابوهم جابهن لنا عند خالتي.. استغربت ايش عرفه طيب قلت يمكن بنتي الكبيره قالت له.. المهم دخل علي ابوي وانا خايفه.. قالي شوفي بنتك الصغيره فيها نوم ويلاعبها ويضحك وطلع من الغرفة ..!! وماسألني ولا قال شي الحمدلله كنت شايله هم انه يزعل علي بعد وانا مو ناقصة الصراحة ... ......... ماني عارفه اقرر اي قرار .. خصوصاً اهلي الي هم عمامي كل واحد يلمح لي يشي ويسألوني عن زوجي وكيف حياتي معاه ... وانا خلاص اني بنفجر تعبت والله دموعي تنزل غصب .. وغصه فيني موقادره ابلعها.. |
رد: مشكلتي مع زوجي لم تنتهي!! رائيكم يهمني
اقتباس:
يادوب قالي هو يقول انه الي براسه طاح .. والله ما اعرف.. يمكن ابوي يقصد جلوسي عندهم بالبيت .. او كلامه لزوجي .. والله ما ادري .. طيب دام الي براسه طاح يتصل يرسل رساله ويقول بجيكم اليوم او اي شي ..! ... اشكرك اخي bulldozerddg |
رد: مشكلتي مع زوجي لم تنتهي!! رائيكم يهمني
والله كارهته كل ماتذكرت اني برجع له انقهر واحس مو قادره اتحمل له ..
مو قادره اتقبله.. احس بنار داخلي جحيم.. احس انة مايستاهلني ابد ابد .. مو غرور لا والله لاكن من كل النواحي ( واذا اكرمت الئيم تمردا).. هذا هو .. فوق هذا يكابر ويبغى انا الي اعتذر والي اكون غلطانه .. ماشبع هو ..!! مايستحي مايكفي انه ايام مررت واهلي يضعون اللوم علي ويرجعون بالغصب له .. وهو يتطنز ويقول ( رجعوك اهلك بالغصب تستاهلين)..!!!!!! آه مقهوووره منه مقهوره. . حسبي الله ونعم الوكيل فيه.. |
رد: مشكلتي مع زوجي لم تنتهي!! رائيكم يهمني
اقتباس:
|
رد: مشكلتي مع زوجي لم تنتهي!! رائيكم يهمني
اقتباس:
وحاولي تبحثي بعد كلام والدك يوم قال ان الي في راس زوجك طاح اعتقد ان في اتفاق حصل كلمي والدك او كلمي اخوك لازم تعرفي بأي طريقه هذا شي يخصك لازم تعرفي عنه كل التفاصيل على الاقل تكوني على بينه عند عودتك |
رد: مشكلتي مع زوجي لم تنتهي!! رائيكم يهمني
ربي يفرج همك ويصلح زوجك
|
رد: مشكلتي مع زوجي لم تنتهي!! رائيكم يهمني
اذا ماتبينه استخيري الله حبيبتي افضل
الطلاق مو عيب لايهمك كلام الناس .. الناس ماتدري انه يتفل وغيره من الحين لو فكرتي جديا بالطلاق خلي كلام الناس اخر همك لا تستنقصين نفسك وتعيشين نفسك بضيم الله يكون بعونك |
رد: مشكلتي مع زوجي لم تنتهي!! رائيكم يهمني
اقتباس:
لم اسأل خوفآ من رجوعي بهذه الطريقه.. انا اريد يقبل شروطي .. وحاولت اسأل خواتي وقالو ماندري لاكن سمعنا الوالد قال لزوجي ورفض الخروج من الشقه الى شقه اخرى .. رغم انه يدفع الايجار بالشهر ولا فيه عقد.. انا هنا يأست منه صراحة ... وما كلمت اهلي بشي.. وافكر عدم الرجوع لين يغير الشقة .. اريد الخصوصية اهم شي مو كل شوي اجي الاقي اغراضي مرميه ومنبشه.. |
رد: مشكلتي مع زوجي لم تنتهي!! رائيكم يهمني
اقتباس:
وافكر به بالمستقبل اذا ما هداه الله ولم ينصلح حالي .. مع اني لا اتقبله وما احبه .. ولاكن لجل بناتي بصبر .. |
رد: مشكلتي مع زوجي لم تنتهي!! رائيكم يهمني
اشكر كل من دعاء لي جزيل الشكر ..
الله يجزاك خير جميعاً. . |
رد: مشكلتي مع زوجي لم تنتهي!! رائيكم يهمني
الله يفرج همك يا حبيبتي
تأثرت بمشكلتك ... نصيحتي لكبعد الدعاء و الاستخارة انك تكوني شجاعة الله يفرج همك الله يفرج همك الله يفرج همك |
رد: مشكلتي مع زوجي لم تنتهي!! رائيكم يهمني
نفسيتي تعبانه ..
والتفكير اتعبني ورفضه لتغيير الشقه قاهرني .. فكرت ارسل رسالة واتس اب للوالد اقوله الي بخاطري واني تعبت من هالحال يعني انا مالازم اقرر اي قرار بحياتي. . لازم اهلي هم لهم القرار او زوجي ... حياة تجيب الهم الحمدلله على كل حال. . المشكلة لازم اللوم علي لازم.. بس عشان يرجعوني له .. انا قلت لهم برجع لاكن بشروطي ويقولون مايقدر !!!!؟ يقول ضروفي صعبه ومامعي فلوس وانا مضغووط هالفتره...!!!! طيب انا ماقلت اعمر لي فله انا قلت يغير الشقه كذا والا كذا دافع ايجار .. وين الي مايقدر.. طلبت شقه قبل زواجي ورفض وغصبتوني عشت مع اهله ومشاكل وغصبتوني اتحمل طلبت يطلع بي بشقه عن بيت امه ورفض وغصبتوني ارجع له.. وبعد ما طلع بشقه و لرغبة خواته..ومشاكل منهن وهم يلومني ويغصبوني ويقولون شقه وطلعتي وش تبين بعد...!!! بالله عليكم انا موقعي من الاعراب ايش!! ......... وازيدكم من الشعر بيت .. ذاك اليوم الي قالي ابوي روحي لزوجك زوجي عنده خبر .. وجاء وخذا بناته ولا عبرني .. وماخذ امه وخواته كلهن وعيالهن رايحيين المطعم والسوق والحديقه ويتمشون .. ويوصون بنتي الكبيره يقولون لاتعلمين امك.. على باله يبي يجي للشقه يلاقيني قدامه وبزعمه بيقهرني .. لاكن الحمدلله اني جلست ومارحت ذاك اليوم.. هذا الي براسة طاح..!! |
رد: مشكلتي مع زوجي لم تنتهي!! رائيكم يهمني
اسأل الله ان يعينك اختي و يصبرك و اعلمي ان الدنيا دار نكد و كد اذا كان عمر زوجك صغير صدقيني سياتي يوم و يعقل
و حاولي بموضوع الشقة ان يغيرها بعيدا عن اهله و اجعلي زيارتك لهم متقطعة متباعدة |
رد: مشكلتي مع زوجي لم تنتهي!! رائيكم يهمني
اقتباس:
في اشياء مهمه يااخت مجروحه المفروض انك تحسي بتغيرها في زوجك بعد عودتك وفي حال عدم تغيرها بأستطاعتك اتخاذ اي قرار بعدها. وماحد راح يلومك خصوصا اهلك حاليا يااختي ماعليك سوى تجهيز حالك نفسيا للعوده وترجعي بنية انسان بيعمل بالاسباب وخايف على تشتت ابنائه والعمل بمايرضي الله وبعدين يااخت مجروحه وش المهم عندك وش الي تيبيه يتغير في زوجك الشقه ام طولة اللسان ومد اليد انا لومكانك يااخت مجروحه كان موضوع الشقه اخر هموموي ابغى الاشياء الكبيره التي كانت تسيء الى كرامتي تتغير الاشياء الي كانت( تكرهني بزوجي وحياتي) وتعكر صفوها مثل الضرب البصق والشتم لان اذا ماتغير شي من ماذكرت فصدقيني ماستفدتي شي وحتى الشقه الجديده ماراح تفرق معك ولاراح تفيدك الله المستعان ولاحول ولاقوة الى بالله اسئل الله ان يسخر لك زوجك ويكتب لكي الاجر ويلهمك الصواب |
رد: مشكلتي مع زوجي لم تنتهي!! رائيكم يهمني
اقتباس:
واشكرك على تفاعلك.. انا رجعترجعت لزوجي لجل رغبة الوالد فقط.. ولجل بناتي.. |
رد: مشكلتي مع زوجي لم تنتهي!! رائيكم يهمني
اقتباس:
انا رجعت لزوجي لرغبة الوالد لانه زعل اني مارحت لبيتي .. انا رجعت وجابني الوالد للشقه .. دخلت انا وبناتي مالقيته موجود بعدها بساعتين جاء .. وبدأ يحضن بناته ويدخل الغرفه ويلاعبهن بدون مايسلم علي .. ماهتميت ابدا رحت غرفة بناتي ارتبها .. وبعد ربع ساعة كذا جاء عندي وسلم رديت السلام .. قال قومي سلمي زي الناس قمت وسلمت .. قال البيت بدونكم مايسوى شي ومنورين قلت منور بوجودك.. المهم ..قال تولمو بنطلع مشوار ... طبعاً ما انكر اني كنت على الصامت و اسوي الشي بدون كلام واذا سأل ارد اجابه مختصره.. لاكن مع هذا لازال نفس الطبع واحسة يدور الزله طلعنا المطعم وحنا بالمطعم طلب مني منديل معطر عطيته وينظر لي نظرة سخيفه ويقول ماتعرفين تفتحينه وتعطيني .. سكت ولا ردت .. وبعد مارجعنا سألني اصلي والا لا قلت ايه ورحت لبست قميص بيت عادي ونمت وجاء معصب ويقول ماتدرين اني كنت انتظرك ... قلت لا ما ادري .. وبعدها حصل جماع اعترف اني كنت سلبيه لاكن مو بيدي ماني طايقة ودي اذبحه والله بالمطعم عجزت اتحمله واقول بداخلي ياكرهك سبحان الله طبعاً. . حصل نقاش طويل اثناء الجماع لاكن ماحبيت اجادله ابدأ. . واليوم الصبح قمت وصلحت الفطور وجلست افطر انا وبناتي .. وجاء وكاأنه يدور زله مني.. ويطقق بالجوال ويقول سددت جوالك .. قلت انا بغير الرقم جوالي هذا مابيه .. سالني ليش قلت بس مابيه . رجع يسألني قلت بس كذا .. وقال جوالك يبقى معك وبلا كلام زايد.. وبعدين بدأ يتشرهه ويقول ليش ماقلتي كثر خير .. قلت نسيت وبدأ يعيد ويقول لا مانسيتي بس تعاندييين قلت والله ماطرئ على بالي وشبك ويبدأ نقاش .. ولما اسكت يبدأ يعصب ويقول اذا كلمتك ردي علي.. واطلع من الغرفه واروح للغرفه الثانيه و ابدأ اشغل نفسي عنه ويلحقني وانا ماني طايقته خلاااااص بموووت .. ويقول انا رغباتي تسوينه قلت ورغباتي طيب.. ليه ماتسويه .. قال الشقه لو تموتين ماطلعت منه.. واذا سويت شي تشكرينن قلت وانا سويت الفطور وانظف واكرف ماشكرتن ولا طليت منك ولا قلت لك.. والله يرجع نقاش وانتي قلتي وانا قلت لين يقهرني واقوله ابروح اشوف الغداء ورافض لين احترق..ويقول عادي مابي غداء ويرجع يمسك يديني ويحاول يحضني وانا موطايقته نهائي ويرجع يقولي ..شوفي عملك ليش توخرين... والحين رجع وقال قومي صلح غداء..!! بالله هذا فيه امل يتعدل حسبي الله ونعم الوكيل. . |
رد: مشكلتي مع زوجي لم تنتهي!! رائيكم يهمني
اقتباس:
وأذكرك بأنك مأجوره بإذن الله لسعيك في الصلح أختي في الله المجروحة أسمحيلي بهذه الكلمات وأسأل الله أن ينفعني وينفعك بها إن كنت مصيب فمن الله و إن أخطأت فمن نفسي والشيطان ولا حول ولا قوة إلا بالله أنا سأتحدث عما حصل بينكم في أول ليله بعد جوعك لبيتك أولاً زوجك : زوجك رجل بسيط جداً وعلى نياته ويحاول أن يظهر بشكل الرجل الحازم و المسيطر على الأمور ولا يعرف أن يكبح جماح حبه لكِ ولا يعرف كيف يعبر عنه وعنده فكره خطأ وهي أن النساء بهذا الأسلوب تحب الرجال وهو يستغرب من عدم أستجابتك له رغم أنه على يقين بأنه يستعمل الأسلوب الصحيح في التعامل مع الزوجه و أظن هذه الأفكار ليست قناعات من عنده بل هي من من حوله من من يؤثرون فيه وحل هذه الشخصين بسيط جداً بعد التوكل على الله و من ثم الأخذ بالأسباب و الصبر فَلَو أستطعتي التعامل معه ستجدينه زوج مثاااالي ولن تحتاج لأحد بعد الله سواه هو الأن يريد أن يرى أنه على صواب و أن أسلوبه هو الصح ليجد الحب الحب والتعامل الذي يرجوه من هذا الأسلوب. حبيت أذكرك أنت الآن للإصلاح لإصلاح حياتك مع زوج لتعشي حياة مستقره ولتعيش بناتك حياة حلوه وجميلة في جو أسري فعليكِ بالإستعانة بالله ثم الأخذ بالأسباب ثم الصبر لنيل النتائج واعلمي أنه لا توجد كرامه بين الزوج وزوجته لو غرستي هذا المفهوم في قلبك ستستسهلين أمر الأصلاح و إذا أستصعبتيه ستزداد المشاكل بينكم الأستعانه بالله بالمحافظه على الطاعات من فرائض وسنن و صدقات ودعاء و إحتساب الأجر عند الله الأسباب : زوجك يريد أن يرى الحب الذي يريده و يظهر لي أنتِ لا تعلمين ماهي وجهة نظره عن الحب فعليكِ أولاً فعل ما يريد و الصبر عليه واحتساب الأجر وبادري أنت لما يريد هو خاصة في الكلمات التي يريد سماعه : شكرا يغالي ، يا بو عيالي ، طال عمرك يا مستتني ، يا زينة الرجاجيل والمرجله ، بادري لها لأي شيء يعمله و بادري بها عندما تقدمين له أي شيء ولو طلب منك شيء لا تردينه بالعكس وزيدي ولا تقصرين في شيء و فكري في القادم الذي سيكون أفضل بإذن الله واصبري واصبري واصبري وتواصي بالصبر ولا تلتفتين لأي شيء آخر وتأكدي بأنك مأجوره بإذن الله وزوجك رجل بسيط لو عرفتي التعامل معه ستجدينه لا يرد لك طلب وسيكون بين يديكِ ولد مدلل أكثر من بناتك و ستستمتعين معه بالحياه وهذا لن يأتي الا بالصبر و إذا وجدتي إقبال منه غيريه بأسلوبك وليس بالتوجيه المباشر حتى لا يظن أنك تتحكمين فيه هذا والله أعلم وأسأل الله لك التوفيق وضعي في بالك رضى الله أولاً ثم أنك هنا الآن عند زوجك للإصلاح لا للمكابره والمشاكل و الإنتقام |
رد: مشكلتي مع زوجي لم تنتهي!! رائيكم يهمني
اقتباس:
مبروك حبيبتي الرجعة وعسى أن تصلح أمورك مع زوجك ،، واسمحي لي ببعض الوقفات تعليقا على اللي صار بينك وبين زوجك أمس،، أولا - لازم تعرفي حبيبتي أن الدنيا ابتلاء وإنك مأجورة بأذن الله على صبرك وتعاملك بطيب مع زوجك.. ثانيا - صدقيني بالمعاملة الحسنة وبحبك وتدليلك لزوجك راح تاخذين اللي تبينه ،، حاولي تمسحي صفحة اللي راح وابدأي مع زوجك من جديد كوني معه أنثى تحبه وتدلعه والله أضمن لك يغير لك الشقة ويسوي لك كل اللي يرضيك ،، استخدمي كيدك في التأثير عليه ،، ثالثا - لاتظني إن العناد والقسوة والتجاهل في معاملتك لزوجك إنها بتأثر فيه وبيحس بتأنيب الضمير ويرجع يلبي لك طلبك ويغير الشقة، لا عزيزتي تأثيرك عليه مايكون كذا أبد وإنما باستغلال أنوثتك ،، رابعا - عليك بالدعاء وبكثرة الاستغفار فإن مفعولها عجيب،، أصلح الله شأنك،، |
رد: مشكلتي مع زوجي لم تنتهي!! رائيكم يهمني
اقتباس:
اختي الفاضله ربي يسعدك ويهنيك انتي الان قطعتي شوط كبير واتعديتي الاصعب ومابقى امامك الى اليسير الهين وهو التأقلم والعوده الى ايام الحب والرغبه والسعاده وراح ترجعي لها ان شاء الله بالتدريج واذا ودك تختصري الشغله ماعليك الى الفضفضه لزوجك ولاكن بأسلوب رقيق ولين عشان تنثري كبت نفسك وماتبقى فيها من احتقانات بسبب مامريتي فيه سابقا اتزيني واستقبلي زوجك وامسكيه وافتحي معه باب حوار هادىء واتكلمي معه بكل مايجول بخاطرك وكل الاشياء الي زعلتك منه وكيف انك كنتي تتأثري بها وصبرتي عليها واطلقي لنفسك العنان بالبوح وفي الاخير اذكري له ان سبب عودتك هي عزمك على فتح صفحه جديده واعطاء نفسك وزوجك فرصه اخيره واخبريه انك ترغبي في ان يفكر في كلامك وان يتم العزم بينكم جميعا على البدء من جديد والضاهر لي ان زوجك يريد منك المبادره واعلم تماما انها صعبه عليك حاليا ولاكن ربما تكون المبادره منك هي الحل وفتح باب الود المغلق عندكي انتي هذا مااراه مناسبا لكي حاليا الفضفضه +المبادرة وان شاء الله راح تلاحضي تحسن كبير وايضا اخواني سبقوني بردود جميله ويوجد فيها مجهود عظيم اسئل الله ان يكتب لهم الاجر واتمنى انك تستفيدي منها ولاتنسي ذكر المستجدات اود ان اضيف شي وهو انك كنتي المبادره وستضلين ان شاء الله المبادره ولاتنسي قول الله تعالى (ومن عفى واصلح فأجرة على الله ) اسئل الله ان يجعلها اخر احزانك وان يكتب لك الاجر |
رد: مشكلتي مع زوجي لم تنتهي!! رائيكم يهمني
اقتباس:
انا سابقاً عملت لما يريد من كل شي وبلعكس ماشفت منه ماشفت غير الاهانه.. يمكن كلامك صحيح فيه شي يريده ما اعرفه انا .. لاكن والله ماقصرت معه سابقاً .. حتى رجوله احبهن .. انا الحين مشكلتي... مو قادره اتقبله حاولت مو قادره .. اذا شفت وجهه يتشنج قولوني غصب .. والله صرت ما اناظر له .. كل مايقرب اتنرفز غصب عني امسك نفسي بالغصب.. طيب ايش الاسلوب الي ممكن ينفع .. المشكلة اول ما اتكلم يصارخ لا ترفعين صوتك اسكت يقول ليش ساكته..!....... فيه نقطة انت ذكرتها صحيحه زوجي يطبق علي رغبات خواته.. يعني خواته يحبن السفر .. وسافر بي مع اني ماكنت راغبه بالسفر بسبب المشاكل. . الا انه اصر إصرار ورحت .. ويقول لأهلي انا مسافر به و ما قصرت واي كلمه يقول انا مسافر به.. طيب السفر مو رغبه لي .. حاولت افهمه اني انا مو مثل خواته انا لي رغباتي لي شخصيتي قلت له الي يعجبهن مو شرط يعجبن.. اشكرك مره اخرى وانشالله بحاول اعمل على الي قلته.. ddg |
رد: مشكلتي مع زوجي لم تنتهي!! رائيكم يهمني
اقتباس:
صراحة .. وجهي صار كذا بعد ردكfdh اعترف فيني قسوة شوي بعد رجوعي لاكن مو بكيفي غصب عني والله.. احس بشعور الكراهية ناحيته.. واعترف يمكن هو انصدم لانه متعود علي البس واكشخ دايم ومو بس له اكشخ دايم وين مااروح ورجعت بكشتي ومتعمده... فيني قهر .. طيب شعور الكره هذا وين اوديه..! ..... اشكركddg |
رد: مشكلتي مع زوجي لم تنتهي!! رائيكم يهمني
اقتباس:
انت دائما تبث بداخلي روح الأمل.. انا احاول اتجنب اي حديث لأتجنب المشاكل معه.. فهو بطبعه مكابر واي نقاش يحاول يطلعني غلطانه.. انا مو قادره افضفض غير هنا .. مع اني اليوم ارسلت رساله للوالد عن الي حصل ماقدرت اتسحمل .. واتصل علي وزوجي جنبي سألني زوجي ايش يبغا فقلت له انا قلت لابوي كل شي.. وكلمني وحاول يسألني ويقول مته تعقلون انت وياهو.. فقلت مشغولة قال بعدين اكلمك.. زوجي قال خلاص قولي له مافيه شي امورنا زينه ..مارديت وطلعت وجاء وراي قال تعالي ابي اكلمك.. قال انا اوعدك كل شي يتحسن انشاالله. . قلت له .. تر انا امس جايه وعلى طول بديت مشاكل ونقاش .. وين التحسن ..! قال برودك ينرفز .. قلت هاذي انا عجبتك والا بيت اهلي. ...... انا نفسيتي الى الان تعبانه .. وانشالله أحاول المبادرة .. ويعجز لساني عن شكرك ..ddg |
رد: مشكلتي مع زوجي لم تنتهي!! رائيكم يهمني
اقتباس:
نصيحة حبيبتي حاولي تتقربي من زوجك واجعلي ذلك لوجه الله لان في النهاية الواحدة مالها الا بيتها وزوجها واولادها مهما عزوها أهلها ،، استخدمي كيد الحريم + أنوثتك + حسسي زوجك بأهميته ومكانته في حياتك = حب زوجك وتدلليله لك وتلبية رغباتك بعدين حبيبتي اللي فات مات أنسي عشان ترتاحي وأبدأي صفحة جديدة وتعاملي مع الله،، الله يهدي لك زوجك ويريحك ويسخركم لبعض يارب،، |
رد: مشكلتي مع زوجي لم تنتهي!! رائيكم يهمني
اقتباس:
مع هذا الرد 👍 |
| الساعة الآن 01:02 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©