|
رد: ماصارلي اسبوع من تزوجت وافكر اطلقها ولكن
ترا التضييق والرفض لمجرد الرفض يحسب ضدك مو لك..
ايوا عروس من اول اسبوع.. وايوا التجهيز يحتاج شهور.. ولا زالت تحت تصرف اهلها.. وليست تحت تصرفك.. الازواج يحطون "حد معين" وليس منع تام للطلعات وترك الحرية لها مو من باب الصكصكة والحبس لانك فقط "تستطيع" لانك زوجها من باب عدم التقصير وعدم الاضرار بالواجبات المتعلقة بالبيت والبعض اذا هي اسعدته وقايمة فيه لو تبي تبات برا البيت مايمانع! خذها قاعدة.. طول ما انت مريح زوجتك اذا كانت عاقلة بتريحك مع اني مو راعية طلعات بس اختنقت وانا اقرا اسلوبك بالكلام! رايي من راي اللي قبلي تثقف واقرا |
رد: ماصارلي اسبوع من تزوجت وافكر اطلقها ولكن
اخي الكريم :
اولاً لفت نظري ردة فعل أمها كانت جداً شديدة - لا اظن ان ردة فعل امها ردة فعل عادية على الاقل لما ترجع للبيت تتكلم معاها وتقولها هذا غلط . ثانياً نعم التجهيز للزواج يحتاج الى التسوق كثييييييييييييييييييييييييير وكل الحريم يروحون للسوق يتقضون ملابس وملابس خاصة الخ الخ الخ فأنا اشوف مافيه مشكله بروحاتها للسوق هالوقت لانه كل النساء حتى اللي تكره الاسواق مجبرة ومضطرة انها تتسوق ومو غلط صديقاتها يشاركونها هاللحظات بس ماحد يروح معاها امها اختها ؟؟ ثالثاً مثل ماذكروا الاعضاء ماراح اسبوع حكمت على بنت الناس اصبر يمكن فعلا ماتحب الاسواق لكن تجهيزات للزواج وانت ذكرت انهم من قرايبكم معناها انت عارفهم وعارف نظامهم وطريقة حياتهم معقوله مالاحظت ان هالعائلة تكثر من الذهاب للأسواق او البنات يروحون للأسواق كثير بسبب ودون سبب؟؟ تجهيز الزواج يا اخي الكريم مو بس تطلع معاك تختار اثاث الشقة واغراض البيت فيه تجهيزات خاصة ماتقدر تسويها معاك لازم مع اهلها تروح للسوق او صديقة مقربة او اخت لها بالنهاية توك جديد مملك ولسى بدري على المشاكل انا ما اشوف المشكلة بطلعتها للسوق المشكلة اشوفها بعنادها والله يعينك على المرأه العنيدة لن تتحملها بشخصيتك هذي وبيحصل تصادمات شديدة وبتنتهي بالطلاق لاسمح الله ارفق شوي توك بداية حياتك لاتحطم آمالك وآمالها |
رد: ماصارلي اسبوع من تزوجت وافكر اطلقها ولكن
اقتباس:
انا مارفضت وبس انا بالبدايه خليتها عادي حساس ما اضيق عليها لهالدرجه وقلتلها ماراح امنعك أبدا ولكن موكل مره بروح عند صديقتي شنو ماتبيني ليش تزوجتيني ؟ وانا مثقف نفسي ألف مره قبل ما أتزوج وموانا اللي مااعرف حياة الزوجية بس هل معناتها خل زوجتك تطلع وتخرج على كيفها لا ومن أول اسبوع ؟ يليت تقولولي بعد كم شهر ولا كم سنه اهني نقول عادي ياجماعه اقولكم من أول اسبوع مايصير كل شوي بروح عند صديقتي ولله مع الوقت بتتعود وهذا الشي ما أرضاه باجر شوي شوي بتهمل بيتها و24 ساعه مولات |
رد: ماصارلي اسبوع من تزوجت وافكر اطلقها ولكن
اقتباس:
وليش منو قالك اني مومتقف الحمدلله انا مثقف نفسي قبل كل شي زواجي الأولي ماله شغل لان زواجي الأولي كان مشكله غير عن هذي المشكلة بتاتا يعني ذاك موضوع وهذا موضوع الواحد يخلي زوجته تطلع من وقت لي وقت لقضاء حاجياته او مثلا تخرج لتغيير جو احنا ماقلنا شي لكن كل مره ؟ ماعندها شغل ؟ ماوراها زواج ؟ ماوراها بيت ؟ البنت لازم تهيئ نفسها للزواج مومن أول زواجها صارت كل مره ابي اخرج وأبي اخرج !! يعني انا ليش مأجر الشقه ومخليها فاضيه ماتبغانا نأثث ونخلصها عشان الفرح ؟ شنو ياجماعه انتوا لاتحكمون عالواحد اذا تزوج أكثر من مره يعني فاشل ياما أزواج 24 ساعه يشرب ويخرج ويخلي زوجته وأطفاله ومايدري عنهم ومع هذا زوجته مستحملته عشان أطفاله وخايفه من كلام الناس انها طلقت فهل معناتها هذا الزواج ناجح ؟ وهل معناتها هذا الزوج مثقف بس عشان كمل حياته الزوجية وهو هذي صفاته ؟ طبعا لا وياما رجال راعي صلاة ودين ومثقف واخرشي تزوج بنت طلعت بنت غير مطيعة أو ماتناسبه وحصل الأنفصال ف كل زواج يختلف يعني انت لو تخلي زوجتك 24 ساعه مولات مولات مولات شنو ماعندك شغل ماعندك هدف بالحياة ؟ قلنا اخرجي مره خلاص خليها بعدين وجابلي زوجك الحين بعدين روحي مره ثانيه مولات بيوم ثاني مايصير مول مول مول مول خلاص موحياة هذي ؟ والرجال اللي متزوجته سايق ؟ ماعنده أحساس ؟ ماعنده زوجة تحس فيه ؟ بالله ليش تزوجك عيل عشان كل شوي ودني المول وودني عند اصحابي ؟ انزين وزوجك متى بتجابلينه وتكلمينه ؟ طالما انتي اعترفني انك تحبينه ومومقصر معاك أبدا أبدا أبدا ليش تعامله جذيه !! |
رد: ماصارلي اسبوع من تزوجت وافكر اطلقها ولكن
اقتباس:
انت قلت مرتين.. مو كل شوي! الحين هي توها ماقصرت ببيتك.. بتعاقبها قبل ماتقصر؟ هي توها حتى ماصارت ببيتك عشان تقصر! الدوا قبل الفلعة يعني؟ ترا الحياة تمشي طبيعية كان اول اسبوع او عاشر اسبوع :/ البنت ماتتبرا من حياتها وصديقاتها واهلها بمجرد ماتتزوج الوحدة اذا طلعت مع صديقاتها يعني ماتبي زوجها ولا تبي الزواج؟ القاعدة الاولى انك مانت محور الكون اللي تدور هي حوله لما تعقد عليها وشي ثاني تراها مو قاعدة تعيد حياة جديدة.. اذا هي متعودة تطلع ماراح يردها عن عاداتها الزواج ليش ماوضحت هالامور والشروط قبل العقد؟؟؟ انا اسفة على كلمتي لا تتحسس منها.. لكن اللي بيدور طلاق كاول حل وبحكم سريع عالامور من اسبوع واحد على مشكلة مثل هذي يعتبر غير مثقف :) سؤال واحد بدون تهرب وعلى بلاطة ومن الااااااخر كذا عشان نحل الموضوع صح.. جاوبني عليه.. انت تغار من صديقاتها؟ |
رد: ماصارلي اسبوع من تزوجت وافكر اطلقها ولكن
الموضوع أبسط من إنك تفكر بالطلاق في هالفترة القصيرة ..
شكل الطلاق عندك سهل .. |
رد: ماصارلي اسبوع من تزوجت وافكر اطلقها ولكن
كيف وحدة تروح السوق مع صحباتها و بدون ما تستأذن من أمها !؟
يعني توها عقد قرانها ما صار له غير اسبوع !؟ و على طول رايحة و مع صحباتها !؟ الموضوع مو عادي و يستهان به و لا ايضا يوصل للطلاق |
رد: ماصارلي اسبوع من تزوجت وافكر اطلقها ولكن
اقتباس:
ولكن كل مره عاد ؟ انا وضحت لها بالبدايه تبين تخرجين ؟ بس بحدوووووووووود الساعه الفلانيه انتي بالبيت مو أقولها روحي وطلعي على كيفج الظاهر انتوا موفاهمين الموضوع عدل يعني اكو رجال يتزوج بنت ويخليها على كيفها تطلع وتروح وتجي شنو ماتبغين زوجج انتي ؟ لو نفترض العكس والرجال كل شوي في الديوان ومخلي زوجته بالبيت جان قلتوا هذا مخلي البيت كأنه فندق بس ينام وكل يوم يطلع ويخرج مع اصحابه |
رد: ماصارلي اسبوع من تزوجت وافكر اطلقها ولكن
اقتباس:
اذا كان من ورا امها وهذا شي مو متفق عليه هذا موضوع ثاني.. بس الاخ مو مشكلته بعلم اهلها او بدون علمهم.. |
رد: ماصارلي اسبوع من تزوجت وافكر اطلقها ولكن
اقتباس:
ولكن بنات هالوقت على أي مشكله على طول تبي تنفصل البنات عندهم الأنفصال سهل جدا اما الرجال صعب جدا لان الطلاق بيد الرجل ومتى مابغى يطلق يطلق اما البنت لازم خلع وقضيه ومشكله وتلح على الرجال تبغى الطلاق يعني لو مافكرت اطلقها راح تطلب الطلاق وانا عندي كرامه مااسمح وحده بتطلق منك عشان مشكله تافهه جدا جدا جدا بنت الناس لي بغت تتزوج الرجال لازم لازم تكون مقتعنه فيه ولو كان موراضي خلاص لاتعمل مشاكل معاه لو خلاج مره او مرتين لاتتعودين كل مره وبتقولين بخرج مع صديقاتي وكل مره خلاص خصصي يوم معين خصصي وقت محددد طالما الرجال قالك مومشكله من الأول بس بحدود معينه عشان ما أضايقها نهائيا ولا أبغى امنعها من احد لكن كل شوي وكل وقت عاد ؟ اتمنى اي واحد يرد علي يقرا الموضوع بتمعن وبعدين يجي يجاوب وشكرا |
رد: ماصارلي اسبوع من تزوجت وافكر اطلقها ولكن
أسفه اخوي اعتذر منك
لكن أتمنى تكتب مشكلتك مره ثانيه بشكل واضح وهادئ وتحدد بنقاط مالذي تريده من خطيبتك وعلى ماذا اتفقت أنت وهي وكيف اخترتها وتشرح الأشياء المهمه الي توصلك لنتيجة اعتذر مره اخرى |
رد: ماصارلي اسبوع من تزوجت وافكر اطلقها ولكن
اقتباس:
تدرين كانت المشكله توها طازجه فكتبتها بشوي إنفعاليه انا أخترتها على أساس إنسانه طيبه ونفس طبعي هادئه ولكن بالخطبه قالت انها ماتحب روحه المولات الا عند قضاء حاجاتها قلتلها مومشكله لو كان عندج حاجه مافيها مشكله عادي طالما المولات يكون فيها محلات للبنات والمكياج وزي كذا ولكن انا بالنسبه لي أريدها زوجة صالحه تحافظ على بيتها وزوجها وتطيعه ولو حبيتي تخرجين بس بحدود موكل شوي وموكل يومين تروحين السوق بدون هدف او بدون حاجه يعني تكسح بالمولات بدون هدف او قضاء حاجه مالها داعي أبدا وعديمة الفائدة لوتتكرر هالطلعات كل يومين يعني ماني عارف هالمولات شنو فيها حاجه تخلي البنت غير التسوق ؟ اللي نعرفه المولات يوم افتحوها خلوها للمشتريات أو لأكل المطاعم زي كذا موفقط للتكسح والتمشي بدون هدف يعني ماهو مكان شرح عالطبيعه ولا هو مكان خاص هو مكان عام اللي ابغاه ياطويلة العمر لو تبغى تطلع تطلع بس يكون برضاي ومو كل يومين ماعندك شغل غير المول ؟ يعني لازم في حدود بخصوص الخروج والطلعات للمولات مايصير اثنين مملكين وكل يومين قالت بروح السوق مع صديقتي على الأقل أول اسبوع أو شهر يتفقوا ويتفاهمونا ويخططوا لحياتهم ويأثثوا الشقه ويجهزوا للزواج حتى لو حبت تطلع تطلع يوم معين يعني خلاص حاليا مو وقت مول وطلعات 24 ساعه خلاص أجلي هذي الطلعات بعد الزواج بفترة أو حتى بعد شهر العسل عشان الزوج ينسبط معاج وتكونوا متفاهمين ذيك الساعه راح يخليك تخرجين مع صاحباتك زي ماتبغين عشان كل واحد على الأقل يقضي أوقات معينه مع أهله وأصدقاءه ويرجعون بوقت معين البيت ويكملوا حياتهم الزوجية شي موطبيعي اذا كان رجال مملك ومخلي زوجته في بيت أهلها ومايطلعها مطاعم او يكلمها او يتفقوا ويخرج مع اصحابه ونفس الشي بالنسبه للمرأة مملكة وكل شوي بروح المول وبروح المول يعني هذي الأيام أحلى ايام حياتكم كلها لازم نبتعد عن أي حد ونكون مبسوطين ونخرج سوا ونستانس الرجال يحتاجج يابنت الحلال يبغى يشوفك يتغزل فيك يحاكيك كلام حلو وغزل تكونين جدام عينه يبيك محتاجك يعني أول ايام وكل واحد يروح عند اصحابه ؟ يعني بعد الزواج وش راح يصير ؟ حتى لو كنا مملكين هذي أحلى ايام ياجماعه حرام تترك زوجها وكل شوي بروح المول ؟ انتي بكذا يابنت الحلال تعودينه على غيابج وانشغالج مع صديقاتك مع الوقت يمل منك الرجال ويتعود على هذا الشي وبعدين العلاقه تصير فيها فتور وبعدين قولوا الرجال اهو الغلطان ليش مل منها ليش ماصبر عليها ؟ ولله لو كانت زوجة ثانيه كان تفرغت حياتها معاه في أول ايام زواجهم وبعدييييييييييييييين تتفرغ حق صديقاتها ومولات القصه موقصه كل شوي بروح المول القصه ان الرجال محتاجج في هذا الوقت عشان تخططون لحياتكم لأن الزواج مسؤولية ومستقبل ومو برستيج اجتماعي فقط انا لو ماأعرف شنو معنى الزواج كان ماتزوجت أبدا ولا فكرت أقدم على هذه الخطوه اتمنى ان وصلت لك الفكره |
رد: ماصارلي اسبوع من تزوجت وافكر اطلقها ولكن
متى عرسكم أخوي؟
|
رد: ماصارلي اسبوع من تزوجت وافكر اطلقها ولكن
مكانه الانسب
|
رد: ماصارلي اسبوع من تزوجت وافكر اطلقها ولكن
اقتباس:
يعني عدينا مرحلة المقبلين على الزواج |
رد: ماصارلي اسبوع من تزوجت وافكر اطلقها ولكن
اقتباس:
بالنسبة لموضوعك ، حاول تقعد معاها قعدة هادئة وتفهمها بهدوء بملاحظاتك وان شاء الله تستجيب لك ، ولو كنت بمكانك بصراحة بتضايق . |
رد: ماصارلي اسبوع من ملكت وافكر اطلقها ولكن
عفوا انا من الجزائر و ما عندنا مصطلح المول
ايه يعني المول ؟؟؟ |
رد: ماصارلي اسبوع من تزوجت وافكر اطلقها ولكن
اقتباس:
ولو فعلا كان لتجهيزات الزواج جان مارفضت وخليتها على راحتها اما خروجها للمولات بدون معنى ماله داعي |
رد: ماصارلي اسبوع من ملكت وافكر اطلقها ولكن
اقتباس:
|
رد: ماصارلي اسبوع من تزوجت وافكر اطلقها ولكن
اقتباس:
انا ماغلطت بالعكس بالبدايه فهمتها ولكن اذا تعودت بكره راح تروح غصبن عني كل مره انتوا ماني عارف ليش تبغون رجال ملاك نازل من السما عارف كل شي بمعنى كل شي ولاشي يطوفه مايصير كل بنت بالدنيا تبي رجال على مزاجها ويكون ملاك ملاك بدون اخطاء الرجل لازم يمارس قوامته مايصير اي شي تبغاه البنت اقولها ماعندي مانع لازم في حدود خلاك مره بس مو كل مره مول مول مول انتي ماخذه رجال موبطاقه مرور الطلعات مايصير كل مابنت زعلت يعني هيا على حق معقوله كل الرجال يخطأون والبنات ملائكة؟ شي عجيب بهذا الزمن يا تخلي البنت على كيفها تطلع وتروح وتجي جتى لو الفجر او انك تتركهاا شنو هالحياه هذي يعني مافي حدود مافي احترام واضح انك طيب جدا |
رد: ماصارلي اسبوع من ملكت وافكر اطلقها ولكن
الاخ الكريم اولا مبارك عليك الزواج بارك الله لكما وبارك عليكما وجمع بينكم فى خير بارك الله لكما وبارك عليكما وجمع بينكم فى خير بارك الله لكما وبارك عليكما وجمع بينكم فى خير يا آخى فى زوج يفكر فى الانفصال بعد اسبوع من التملك هل اتبعت الهدى القرآنى فى تآديب الزوجة من النصح ثم الهجر ثم .... وهكذا لا ان تآتى مباشرة وتقول اطلق واذا وجدت منها اعَراض ونشوز لا مانع من ان تشكى الى امها وابوها لانها تربيتهم وهم مسئولين عن حسن تربيتها وتعليمها واجبات الزوجة الصالحة يا آخى العزيز هى فتاه وعروسة وصغيرة وتتدلع على زوجها فأنت خليك وسط لا افراط ولا تفريط وبالكلمة الطيبة والهدية والرومانسية ستآثر قلبها بإذن الله واذا دخل حبك قلبها ستستغنى عن كل الدنيا من آجلك بإذن الله لا عن صديقتها والمولات فقط اقرآ عن كيفية كسب قلب الزوجة وما هى الوسائل الرومانسية التى التى تقربك من قلب عروسك |
رد: ماصارلي اسبوع من ملكت وافكر اطلقها ولكن
اقتباس:
وكلمتها وهي مازالت زعلانه وانا من اول كم يوم ورد وكم هديه والحمدالله انا كريم معها ولكن المفروض ماتعاملني كأني سائق او خادم عندها اهيا تبغى تخرج على كيفا وتزعل ومع هذا انا اقولها اسف ؟ مع اني موانا الغلطان وجيب هديه ؟ انا لمن كتبت بطلقها بالموضوع موقصد بطلق بطلق هالوقت يعني شلون تستمر الحياة كذا من البدايه ؟ انا حاليا نصحتها مانفع بهجرها يعني انتوا لو تقولوا البنت تتفل في وجهك هم تقولولي حبها وتمسك فيها لاتخليها لانها تتدلع عليك مايجوز يا اخوان كل شي له حدود |
رد: ماصارلي اسبوع من تزوجت وافكر اطلقها ولكن
اقتباس:
صاحب الموضوع بيشتكي من خروج زوجته المتكرر للمول ومن دون سبب يعني ماعندها شي تروح تاخذه صاحب الموضوع شايف ان زوجته ببتمادى ويبغى حل مش ردود عتاب الي يقله اتثقف والي يقله يمكن انت تغار من صديقاتها والي يقله اصبر الزواج محتاج تجهيزات ........ برغم انه قال غرض الخروج اكتساح وتمشيه ومافي اي تجهيز للزواج ياااخي ياصاحب الموضوع انت مقبل على زواج والمفروض زوجتك تعي ذالك انت رجل عاقل وعمرك 31 مثل ماذكرت يعني ماشاء الله في السن هذي العقل يوزن جبال شد زوجتك والزم اهلها ولوتقدر تخليها تمتنع عن صديقاتها كان افضل الله الغني من صديق من هذا النوع احنا نسمع ان المرأه صديقتها تجي تزورها بالبيت او العكس لاكن صديقات يسحبوها للمولات بالشكل هذا ماسمعت تروح حفل زواج من حق زوجتك اذا انت راضي عنها تروح بيت اهلها مافي مشكل تروح بيت صديقتها مافي مانع بحدود بس مولات وبهذه الطريقه مشكله كبيره الله يعينك الغيره في هذه الايام اصبحت قليله بسبب الانفتاح والتشبه بالدول الاوربييه ولاكن لكم دينكم ولي دين |
رد: ماصارلي اسبوع من تزوجت وافكر اطلقها ولكن
اقتباس:
تبي نقوله اي والله انت صادق وطلقها بس! في ردي وضحت بعض نقاط مضايقة منه ووضحت ايضا بعض نقاط التجاوز من زوجته وذكرت انه يفترض ان الرجل لايضيق على زوجته وفي المقابل على الزوجة ان لا تتمادى في ترك بيتها واما العيش على نمط القدماء ، فالقدماء كانو يدخلون لبيوتهم الساعة 9 هل انت ايها الزوج تعود لبيتك بهذا الوقت ايضا هل انت لاتذهب للمطاعم مع اصدقائك واصحابك لماذا تدخل الاسواق وهذه الاماكن لغير ضرورة اما خروج المرأة بدون محرم ، فهذا جائز ، المحرم لم يكن الا للسفر اما قولهم الخوف من الفتنة او أن تؤذى الخ ، لا اعتقد اننا في بلاد فسق وفجور او ان المكان الذي ترتادة زوجتك فيه بلاء وجلاء معليش يعني الامور مستتبه ولله الحمد وبصراحة انتم يالرجال مالكم الا اللي في راسكم لو جبت الشيخ يقول حلال ما اقتنعتو |
رد: ماصارلي اسبوع من تزوجت وافكر اطلقها ولكن
اقتباس:
انا ماقلت يطلقها والعياذ بالله هذا عمل ابليس والحمد لله على نعمة الاسلام لولاحضتي اول رد لي لعرفتي ذالك وبصراحة الي خلاني متابع الموضوع بعض الردود وطريقتها الغريبه لمعالجة المشكلة ويمكن انك لاحضتي هالشي ماعندي مانع ان كلا يدلي بدلوة بس بطريقة تعود بالفائدة للشاكي والهامة الحلول |
رد: ماصارلي اسبوع من ملكت وافكر اطلقها ولكن
طيب ..الحين اللي تعمله انك ما تكلمها كم يوم ...
عشان تفهم انك انت اللي يحق لك تتضايق وليس هي ... بعدها بفترررررره شوف المناسب كم يوم عشان تفهم هذا الشي ...تواصل معها عادي ... حتى ان كانت زعلانه ...وافهما مره اخرى القواعد ...وغير الموضوع ...واذا رجعت مره ثانيه تبي نخرج ...ارفض اخبرها ان اذا اطلعك معي ممكن لكن مع صديقاتك لا ...او اسمح لها مره في الشهر فقط ..او مرتيين ....والمره اللي بعدها اخبرها عن لبسها ..يعني رويدا رويدا .. عشان تستوعب القواعد الجديده ..يعني لا تعطيها القواعد كلها ..كل شوي شوي افرض قواعدك ...عشان ما ترفض ...وتتعود على الوضع الجديد. |
رد: ماصارلي اسبوع من ملكت وافكر اطلقها ولكن
اخوي لكل شيء وقت
لاتوجد عصا سحرية تحل المشاكل بلحظة |
رد: ماصارلي اسبوع من ملكت وافكر اطلقها ولكن
بغض النظر عن انتو مملكين او متزوجين واضح انك رافض فكرة المرأه تذهب المول دون محرم ..
كلمها بأنك رافض هذا الشيء واذا انت حابه تستمري على روحاتك وجياتك الانفصال الان أفضل وحط الكرة بملعبها ،اذا فعلا الصديقات والطلعات مهمه لها فبتطلب الانفصال .. وكذا ترتاح وهي بعد.. الله يستر عليك على الإقل انت واضح من البدايه ماشاءالله مو مثل البعض ،يخليها بكيفها عشان ماتزعل وترفضه في الملكه ولا تزوجو وطاح الفاس بالراس قام يحرمها ويسيطر عليها ..غير المشاكل المستمرة .. |
رد: ماصارلي اسبوع من ملكت وافكر اطلقها ولكن
الحمدلله
حليت المشكله بنفسي وفي الأمس خرجنا سوا والحمدلله |
رد: ماصارلي اسبوع من ملكت وافكر اطلقها ولكن
اقتباس:
|
رد: ماصارلي اسبوع من ملكت وافكر اطلقها ولكن
كيف حليتها
فقط ليستفيد باقي الاعضاء وفقك الله الحمدلله |
| الساعة الآن 10:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©