رد: فقدنا الخصوصية في حياتنا بسبب زوجة أخي
 

يوم الاربعا اخوي عنده اجازه لمدة اسبوع و نص ،
تقاجأنا انهم جو عندنا يباتون في الملحق اللي ابوي بناه لهم برا ،
طبعا ابوي بنى الملحق بسببها لانها قامت تاخذ غرفة اختي و اختي كأنها لاجئه ، و مسكينه اغراضها في شنطة سفر و تبات في الصاله او عند امي او عند اخواني الصغار ،
فابوي اضطر عشان يبعدها يبنيلهم ملحق ع قدهم ..

المهم انهم يوم الاربعا جو يباتون في الملحق و تركت ولدها للساعه 3 الفجر عند امي و امي مسكينه ميته نوم لانها تصحى من الصبح من وقت عشان شغل البيت ، و يوم قامت اختي تتسحر و سألت امي وين زوجة اخوي ؟ قالت امي ان زوجة اخوي رايحه السوبرماركت تشتري اغراض للملحق لانها بتطول عندنا (=

المهم انهم الخميس راحو العمره و اليوم راجعين ، بس المشكله ان ام زوجة اخوي بتكون في العمره مع ولدها الصغير ، و الاب و الاخوان الكبار و اختها موجودين في بيتهم و اخوي بيرجع دوامه ، و الغريييييييب انها بتسكن عندنا !!! حتى ترجع امها من العمره و امها تطوّل اصلا في العمره !

و اكتشفنا ان السبب الي يخليها تبات عندنا انها بتخلي ولدها عند امي الصبح الساعه 7 يوم هي بتروح الدوام - الدوام اللي في المدينة الثانيه ، اللي اصلا قريب من بيتها و بيت اهلها (= -

ارجوكم نبغي حل لها ما ينفع نعيش و تتمحور حياتنا كلها حول زوجة اخوي !
يعني ما يُعقل ، وانا و اختي لليوم نقول ان البنت طيبه و خلوقه و كل شي ، لكن هاللي تسويه غلللللططططط ،

يعني مافي خصوصية لدرجة انا و اختي رجعنا البيت مره الساعه 10 بالليل ، و نسمع صوت فوق ، يوم ركبنا الدرج شفنا واحد من اخواني الشباب جالس بملابس البيت - عندنا يلبسون وزار و فانيله - و هي جالسه معاه و اختها !!!

اول ما وصلنا انا واختي فوق و شفنا المنظر ، اخوي قام من مكانه و راح غرفته و لحقته ، قلتله كيف تجلس بهالملابس قدامهم و انته اصلا حتى قدام الشغالات ما تطلع بملابسك الداخليه !!
قال لاني رحت الصاله استخدم الطابعه و برجع غرفتي ، و سمعت صوت بنتين ع بالي انتي و اختي و لكن يوم وصلو فوق عرفت انها زوجة اخوي و تفاجأت و ما عرفت شسوي من الحيا و قعدت و ما تحركت !!

يعني تخيلو لهالدرجة ، و ليش تجيب اختها ، و كيف تجرأت تخليها تجي فوق في الصاله عند غرفنا و الساعه 10 و بدون لا احم ولا دستور .. عيب عيب ، طيب مو موضوع خصوصيه لكن في شي اسمه ادب في شي اسمه ذوق في شي اسمه احترام في شي اسمه تربية في شي اسمه " حياء "

ننتظر ردكم ، هي بتسكن عندنا في رمضان شنسوي

رد: فقدنا الخصوصية في حياتنا بسبب زوجة أخي
 

حركه اختها عيب فعلا

رد: فقدنا الخصوصية في حياتنا بسبب زوجة أخي
 

يختي كلموها واعطوها الي في قلوبكم يمكن شافتكم ساكتين تفكر راضين 😩

مالكم إلا المصارحة الله يعينكم

رد: فقدنا الخصوصية في حياتنا بسبب زوجة أخي
 

الحل والربط عند امك

رد: فقدنا الخصوصية في حياتنا بسبب زوجة أخي
 

في فرق بين الطيبه وقلة الذوق 😡

ماتقدروا تزعلوها لان امكم معاها ورح تزعل لزعلها
زوجة اخوي طيبه ومحترمه جدا بس مع ذلك مانقدر نزعلها بحرف لان امي بتزعل

تكلموا مع امكم بالبداية علشان لاتقلبها عليكم
وحاولوا تكلموها بكل وضوح انه تصرفاتها وطريقتها بالتعامل تنفر الواحد وانكم مش حابين تخسروها لانه هذا الي بيصير لو ماانتبهت على تصرفاتها

عاد اذا طنشت ماتنلاموا ابد بكل تصرف بعدها

تصرفها الاخير امك المفروض ماتسكت عليه ابدا تجاوزت الحدود بقوة

رد: فقدنا الخصوصية في حياتنا بسبب زوجة أخي
 

أمي اول فترة يوم كنا نشتكي كانت فعلاً تزعل و احياناً ما تكلمني انا و اختي ،
بس لاحظنا يوم زوّدتها زوجة اخوي اخر سنه ، امي قامت تتضايق منها و من ولدها لكن ما تقول او تتكلم ، عشانها تعرف انها اذا تكلمت راح تعطينا ضوء اخضر لي و لاختي عشان نتصرف على كيفنا بعدين مع البنت ..

و المشكله الموضوع كبر ،
خالتي متضايقه منها ، صايره اذا تلاقو نففففس الشي تسوي فيها ،
صاحباتي متضايقين منها ، اذا طلعت معهم تقط نفسها و مره طلعت معهم و دقت علي تقول ارجعي البيت بخلي ولدي عندك و بروح النادي !!
و اذا عزمتهم بيتنا ، ما تخلينا في حالنا ،
عندي صاحباتي ف مدينه بعيده كثير ، هي صارت صديقتهم و تكلمهم و تزعجهم ،
يعني حياه مقلوبه فوق تحت ، اول مره ادري ان في حد بهالجرأه و اللامبالاه و يمكن السخافه بعد !

البارحه رجعو من العمره ،
و نمنا و كل شي ، و هم طبعا في الملحق ،
شوي ولا نسمع صريخ في الصاله فوق ، شصاير شصاير ؟ طلع ولدها يبي يشوف امي و امي كانت نايمه صحوها عشان يشوفها و اضطرت امي تقعد معاه و تجامل !!

يعني اقل من اقل من اقل من هالذوق مافي ، ابد ما تستحي و نحن نايمين و اخواني الشباب ف البيت و جايه متعنيه صحتنا من النوم بصوتها العالي الساعه 3 الفجر !!

.
.

حالياً انا و اختي نتجنبها ، اذا دخلت البيت نقعد فوق ، و اذا جت فوق نقعد في الغرف و اذا دخلت غرفنا اعزكم الله نقعد في الحمام و اذا صار انها زودتها ، نلبس عبينا و نطلع من البيت !!!

بس لمتى ؟
ما نقدر نصارحها بتصير مشكله وايد كبيره بينها و بين اخوي و بين اخوي و بينا و بين امي ،

فكرت بطريقه غير مباشره اخليها تستوعب اللي تسويه غلط ،
نطلع انا و اختي مع 2 من صاحباتي وحده منهم عندها بنت عمرها سنه ،
و مع زوجة اخوي ، بخليها تشوف كيف صاحباتي يتصرفون ،
ما يرمون بنتهم علي ، و ما ييتطفلون و يمسكون جوالاتنا ،
ما يزعجون اهل زوجهم ،
و ما يسوون اللي هي تسويه ، و ابدا انا و اختي نشكر فيهم و في اسلوبهم و خصوصيتهم مع اهل زوجهم و كيف انهم حاطين حدود ..


رايكم هالشي بيخليها تستوعب ؟ لو 10٪ ع الاقل ؟

رد: فقدنا الخصوصية في حياتنا بسبب زوجة أخي
 

والله وقفوها عند حدها و أعطوها في وجهها

أمكم راح تزعل هي و اخوك يومين
ثلاثة
أسبوع
شهر

بس بالاخير ترتاحوا و مصيرها أمكم ترضى و اخوك كمان يرضى مصيره
و هي تعرف حدودها

بجد قهرتني و صايرة قليلة أدب

سكتنا له ..
دخل بحماره .. ينطبق عليها المثل هذا بجد

رد: فقدنا الخصوصية في حياتنا بسبب زوجة أخي
 

رد: فقدنا الخصوصية في حياتنا بسبب زوجة أخي
 

معقول انها تسوي كل هذا ومو حاسة بنفسها؟ 😶

رد: فقدنا الخصوصية في حياتنا بسبب زوجة أخي
 

فعلا الله يعينكم، هذي غثيثة

و انا باقرا مشاركاتك اتخنقت ما ضحكت الا لماقلتي انها اذا جات تطلعوا فوق و اطا طلعت دخلتوا الغرف ,,,,,

المهم في شئ لسه ما سويتوه

روحة لعندها و ما تخلوا شئ بمحله حتى غرفة نومها افتحوا اصعر دولاب و عيدةا ترتيبه

اذا جاءت و جابت ولدها و الا بلاش حرام في هطا الشهر الفضيل

المهم اخترقوا خصوصياتها، حتى صورها في الجوال طرشيها لبعضكم خليها تعني منكم شوي

رد: فقدنا الخصوصية في حياتنا بسبب زوجة أخي
 

انا بصراحه مستغربه من خوفكم من زعلها اكثر من استغرابي من حركاتها الغريبه
عموما هي باين ماعندها اي مبادىء للذوق والادب فما بينفع معها التصريح
الحل انكم تواجهونها او تواجهون اخوكم او قولو لابوك يكلم اخوك او على الاقل اكتبو لاخوك رساله اذا مرا ماتقدرون على المواجهه واذا ماقدرتو على اي شي من ذولي خلاص تحملو نتيجة سكوتكم
الله يعينكم

رد: فقدنا الخصوصية في حياتنا بسبب زوجة أخي
 

عفوا اقصد ماينفع معها التلميح لازم تصريح

رد: فقدنا الخصوصية في حياتنا بسبب زوجة أخي
 

صح كلامك والله ، و بدينا انا و اختي نطبق هالشي ،
و لاحظت ان زوجة اخوي ما تكلمني مثل قبل ،
لكن لازالت تتدخل و تغير و تقرر و تخررررب و تعذب امي مع ولدها ترميه و تروح ،
واحيانا ترميه و هي اصلا موجوده ف بيتنا بس جالسه ف غرفتها ف الملحق !

و خلاص اللي يزعل يزعل لان بجد وصلنا لمرحله ما كنا متوقعين ف يوم نوصلها

رد: فقدنا الخصوصية في حياتنا بسبب زوجة أخي
 

صح ، لكن حالياً ظروف اخوي للشغل طول الاسبوع برا و ما يرجع الا ويك اند يومين ،
و على هالحال لمدة 9 شهور ، فيوم يرجع ما يشوف كل اللي يصير ،
و يكون ولهان على ولده فما نحب نخرب عليه هاليومين اللي يقضيهم ف البيت او مع اصحابه و عشان اذا رجع شغله ما يتم باله مشغول ، فقررنا نحن نتصرف ..


للأسف انها اخرجت اسوأ شي فينا ، ما توقعنا ف يوم اننا بنعامل حد بهالاسلوب او نشل ف قلبنا عى حد ، الله يسامحها جد يعني كرهتني حتى ف نفسي

رد: فقدنا الخصوصية في حياتنا بسبب زوجة أخي
 

ما ادري والله ،
نحن حتى مستغربين (=
يارب القى جواب يارب

رد: فقدنا الخصوصية في حياتنا بسبب زوجة أخي
 

جربنا ، و استاااانست و فرحت و عجبها الوضع ،
و وصلت لمرحله انها تورينا صورها بملابسها الداخليه يوم زواجهم (=
و اخوي لو درى بينهار و بيثوّر فيها ،
اخوي مؤدب و ماقد تكلم عن خصوصياته ،
فلو عرف او شم ريحة انها ورتنا صورها بهاللبس ، بيتضااااايق ما راح يورينا وجهه بعد ،
و بتصير مشكله كبيره بينهم

رد: فقدنا الخصوصية في حياتنا بسبب زوجة أخي
 

نحن ساكتين لأنا ماقد مر علينا ف حياتنا حد بهالشكل !
ماقد تعاملنا مع شخص بطريقه مب حلوه ،
صعبه صعبه ،
لكن حالياً بدينا نكون رسميين معاها ،
ما نسولف ابددددداً معها ، و اذا ولدها موجود ما نمسكه ولا نسوي شي الا اذا تدلع زياده عن اللزوم لازم يتأدب ،
و اذا جات تدخل غرفنا لأي سبب سواء تبي شي من غرفتي او غرفة امي او اذا امي أمرت علي و هي نقزت تسويه ، انقز قدامها اقولها لا انا بروح انتي قعدي لان ما يصير تدورين بين اغراض امي او ما ينفع ما راح تلاقين الشي بين اغراضي انا لازم اروح ،
يعني احاول امنعها و صرت حيل رسميه !
تنتفخ مرات و ما يعجبها ، بس انا و اختي اكثر من 3 سنوات متحملين و ما يبان علينا ، اتوقع كفايه و اللي يزعل يزعل ماعاد يهمنا

رد: فقدنا الخصوصية في حياتنا بسبب زوجة أخي
 

اي استمروا على ما انتو عليه خلوها تحس على دمها شوي ..
غرفكم ليش ماتقفلونها عنها ؟؟

رد: فقدنا الخصوصية في حياتنا بسبب زوجة أخي
 

اقفلوا غرفكم ..واذا جت تريكم اشياء ما تحبون تشوفنها ..قولي لها عيب ..ما ااريد اشوف واستحي
فهميها ان هذا الشي غلط ..
اعتقد انها من البنات اللي يحب الشلل وتخبر كل شي عن حياتها الخاصه ..وتحسب ان يجيكم فضول .

رد: فقدنا الخصوصية في حياتنا بسبب زوجة أخي
 

بعدين معقوله تصور نفسها بالملابس الداخليه ؟!!
اخبريها اذا اضاع الهاتف راح تروحين فيها ..

عندها نسبه من الغباء ...لا تخبري اخاك عنها ...الا اذا نكرت شي خطير

رد: فقدنا الخصوصية في حياتنا بسبب زوجة أخي
 

عسل و الله زوجة أخوك
أحسها على طبيعتها غير متكلفة وتعاملكم كما انكم انتم أهلها و أخواتها
أنت بس مكبرة الموضوع حبتين و ممكن تكونى غيرانة من شخصيتها لا تزعلين منى
الله يصلح ما بينكم و يقدر لكم الخير
وحاولى حبيبتى فى الله تفكرى فى الأمور بإيجابية
وفقك الله إلى كل ما يحبه و يرضاه.

رد: فقدنا الخصوصية في حياتنا بسبب زوجة أخي
 

هو اكبر خطأ الي تجيك تعامل اهل زوجها مثل اهلها
لان الاهل مافي مثلهم
بدليل انهم مايتضايقون من كثرة زيارة ابنائهم
لانهم حب اصيل يمشي بدم الانسان
لكن زوجة الاخ تبقى بنت ناس ووجودها باستمرار تطفل ومتعب نفسيا
هذي الحقيقه شئنا ام ابينا لازم نستوعبها

رد: فقدنا الخصوصية في حياتنا بسبب زوجة أخي
 

هي فعلا واضح من تصرفاتها انها معتبرتنكم اهلها وماخذه راحتها .
وانتوا العكس تريدوا رسمية بالتعامل و مب متقبلينها

وعلى فكرة أمك ممكن تكون متقبلةةتصرفاتها لكن مع كلامكن و الضيق اللي تحسين فيه انتي واختج .. هالشي بيياثر على امج و تصير حتى هي ما تتقبلشي منها

اشوف افضل شي امج تكلمها بهدوء انه لاتدخل غرفكن . وانه تخبركم مثلا بوقت زيارتها ..الخ

ترى انتوا شالين بخاطركم لكن هي مب مستوعبة الوضع .. فالمصارحة بهدوء افضل